2003 年 8 月 22 日 星期五 【晴】

今日朝早好遲先起身，十一點半先有知覺～醒左之後，就起身梳洗喇～之後就食野喇～唔知點解今朝早細佬對我好好啵～佢主動問我想唔想食ｗａｌｆ～如果要的話就幫我烘埋～之後又問我想食咩野～我話我想食豆腐花，佢就幫我係ｆｒｉｄｇｅ果度拎左一盒豆腐花出黎～仲要幫我拎埋支匙羹添～＊我真係好感動丫！！佢有時真係幾抵錫嫁！！

食完ｌｕｎｃｈ之後，我就沖涼換衫去囉學生相。囉完之後就陪媽咪直接去又一城果間百佳去買野。嘩～今日ｂｕｙ左好多野丫！數都數唔晒丫！就等我ｌｉｓｔ出黎先喇！

１）三支５％的酒
２）兩塊美國西冷牛扒
３）４舊羊架
４）一盒ｃｅｒｅａｌ
５）一盒ｓｔｒａｗｂｅｒｒｙ　ｔａｒｔ
６）一樽ａｐｐｌｅ　ｓａｕｃｅ
７）一樽薄荷啫喱（可與羊肉一同進食）
８）兩包餅餅～（朱古力味嫁！）
９）六罐龜苓膏
１０）兩罐罐頭湯
１１）ｒｏｓｔ　ｂｅｅｆ（用黎夾麵包食果ｄ呢）
１２）強生透明膠布
１３）ｐｈ５．５的沐浴露
１４）蔬菜麵包
１５）免治牛肉
１６）即食牛利

>>August 24, 2003 at 4:46:34 AM GMT+8

2003 年 8 月 21 日 星期四 【晴】

今天我九點幾就俾人打電話黎嘈醒左喇～我諗住聽的時候佢收左線ｌｕ～跟住我就訓唔番喇～不過都係張床果度碌黎碌去～碌到十一點半媽咪同埋細佬就番屋企喇～門鐘的聲加埋我細佬驚天動地的聲，我想唔起身都唔得喇！！

起左身之後又係一如以往．．．．練琴ｌａｗ～

>>August 22, 2003 at 6:08:28 AM GMT+8

2003 年 8 月 20 日 星期三 【晴】

今日跟以往一樣，早上起來練琴，然後就吃午飯。吃過午飯後，就呆坐在電腦前。下午二時半，我去了洗澡，然後就化了個淡妝去影學生相了。我很久也沒有穿上校服了，這種感覺很怪唷！化了妝的我，嘿嘿，我差點也認不出自己。因為皮膚比平時白了很多，平時的我實在太黑了，一點也不美。媽媽帶我到了拍照的地方後，我再一次梳了梳凌亂的頭髮，因為我剛剛在洗澡時把頭髮也弄濕了，所以再梳理一次才能以整整齊齊的樣子拍照。我選了藍色作相片的底色，坐在椅子上，挺直身子，微笑。就這樣完成了！

拍過學生照後，我就與媽媽分道揚鑣。她去買菜而我就去買書和電話卡。我到了旺角漢榮書局的附近去找些尚未買到的書。有些還未出版，有些就一早已被沽清。在人頭湧湧的旺角走來走去，又熱又累，真的很想找個地方歇歇腳。看著街上男男女女，人來人往，自己忽然多了一份失落感。這時我時起了我雖然沒有男朋友，但起碼我有一個要好的朋友嘛！我在不知不覺間走到了旺角中心的門口，我在人潮中擠了進去。我漫無目的地走到一樓，影入眼簾的全是黑壓壓的人頭，有的在買衫，有的在揀頭飾，有的在拖著手閒聊著。我覺得自己在他們當中很異相，因為我竟然在暑假期間穿著校服逛街，而且我是獨個兒走著，身邊沒有人陪伴。別人望著我的眼光給了我一種難以言喻的壓力，我唯有走進一間賣木刻製品的商店裡，避開那種局促的感覺。我隨手看著揀著，給我找到了一隻很可愛的小花貓的電話繩。這時我想起我的好朋友伊琳，她很愛貓，因此我就買了這個電話繩給她了。當我在等待店員為我刻上名字的時候，我又發現了一個很可愛的小雞鎖匙扣。ｍａｇｇｉｅ很愛小雞雞，因此我又買了這個給她了。

我約了朋友在先達門口等，他說好了會給我一張電話卡。但是他又忘了帶出來，我唯有跟他到他家裡取，因為我那時的電話儲值卡只剩下三元多，十分急需增值。之後我就獨個兒回家去了。

晚上，我跟一個新相識的朋友聊天。我跟他在十二時至到一時，二時至七時通電話。接近六時的時候，天開始亮了，我很久也沒有跟人通這麼久電話。可能我跟他剛相新，所以有很多很多的話題吧！跟他聊天的感覺真的不錯，他很關心別人，我想這正正是他有這麼多朋友的主要原因吧！有時說到某些話題的時候，我的確有種想哭的衝動。但在不知明的原因下，我的眼淚又流不出來，就像有些什麼阻礙了我的眼淚。也許我習慣了克制自己想哭的感覺，久而久之就不懂哭了。

>>August 22, 2003 at 5:49:47 AM GMT+8

2003 年 8 月 19 日 星期二 【晴】

我今日早上就乖乖地起身練琴～之後就食飯飯ａｎｄ沖涼喇～媽咪ｂｕｙ左薯蓉俾我食～

ａｒｍ　ａｒｍ沖完涼的時候就有電話打黎，咁我就圍住條ｔｏｗｅｌ就出黎聽電話，原來係ａｒ昇打黎問我八級考成點．．．ｈａｈａ～＾＾真係好開心丫～有人咁關心我～傾左１５分鐘到就收左線ｌｕ～今日我著得好ｃａｕｓａｌ～一件灰色好普通的ｔｅｅ加一條好斯文及膝的牛仔裙～再加一個ｂｒｏｗｎ　的斜揹袋～就咁就出左去喇～仲有ａｒ～今日冇戴ｃｏｎ添ａｒ！！

我去左同學屋企果度睇番ｄ舊戲「戀愛行星」丫～ｈａｈａ～又幾好睇啵～林嘉欣係呢套戲裡面真係幾純幾順眼嫁啵～但係佢依家就好似差左ｌａ～

>>August 20, 2003 at 12:23:34 PM GMT+8

2003 年 8 月 17 日 星期日 【晴】

今日我去左買書丫～ｄ人的態度真係差～而且又好迫人啵～又熱又累．．．．ｄ書又重～好彩我媽咪陪我去買姐～咁就可以多個人幫下手拎野～唉～＊好多書都買唔到ａｒ～又要走黎走去咁係度搵啵～依家好多書都改左版～ｄ書商真係過份ａｒ！！

可能前兩日都飲過酒的關係～今日成日都好累．．．

>>August 18, 2003 at 3:52:59 PM GMT+8

2003 年 8 月 16 日 星期六 【晴】

今日一早就有電話打黎俾我。咁當然係我屋企人喇～仲有伊琳都知道我成晚冇番過屋企～所以佢都有打黎俾我～我聽左佢電話～佢問我係邊度又問我發行生咩事～又問我幾時先肯同佢番屋企．．．．．之後我好簡短咁答左佢的問題之後，就收左線喇～我梳洗完之後，就同狗狗講聲就走ｌｕ～我約左伊琳係新世紀的ｍｃｄｏｎａｌ果度等～我同佢坐左係ｆｏｏｄｃｏｕｒｔ果度傾計。佢帶左幾本心理書同我玩啵～又同我傾左陣計～分析左我今次呢件事的問題係邊度．．．．其實我都知我都明．．．．只不過係我理智被感情所藎過～所以我先冇做到我應該做的選擇．．．．．我同佢傾左一陣之後，我媽咪就打黎俾我喇～佢叫我番屋企～佢話佢係女人街果度，又問我係邊～我知道佢想我果陣時即刻同佢一齊番屋企～但係我唔想咁快見到佢住～我想一個人多一陣～所以我就話俾佢聽伊琳會陪我番去～唔使佢咁擔心喇～佢好似驚我又會走左去咁～唔肯番屋企．．．．．其實我唔係討厭屋企～只係太悶想出去闖闖姐～都冇咩野既～

伊琳送到我番屋企之後～媽咪就多謝人喇～之後佢就走左ｌａ～咁媽咪同埋ｄａｄ當然叫我坐定定聽佢地講野喇～我知道佢地好擔心我～我都知道自己今次係唔ａｒｍ嫁喇～無理由咁走左去～仲要唔聽佢地電話令佢地咁擔心～佢地成晚都冇訓～我可以睇得出佢地身心都好累～所以我就叫佢早ｄ去訓番覺喇～而我自己都好累～因為尋晚訓得唔好嘛～＊佢地講完一大輪之後就叫我去沖涼先～佢地真係好關心我～而且無微不致添～＊最令我感動的唔單止係佢地成晚冇訓同埋係條街果度企左成晚，睇住每架飛馳而過的的士～而且我媽咪竟然細心到擔心我戴住ｃｏｎｓ冇得除低會令到隻眼好唔舒服～呢樣野真係令我好感動～我聽完之後我當然冇喊出黎喇～但係內心真係好感動～＊比喊更甚～我都唔知點樣話俾佢聽我真係好好好感動～只有下次唔好再令佢擔心作為補償喇～而我ｄａｄ佢講左幾句說話令我留低好深刻的印象～佢話我只係比人的感覺好成熟～但係其實我唔係真正的成熟～我只係比同年紀的人諗多左野～但係從呢件事可以睇到我並唔懂得去顧及別人的感受～我的處事手法仍然係十分之幼嫩～同埋佢話，我依家都咁大個ｌａｗ～唔通佢話唔俾我做呢樣做果樣我就真係唔會做咩？？要管都管唔黎喇～所以佢依家可以做的就係盡量話俾我聽做ｄ咩事的時候的危機程度去到邊～始終最後要點樣做都係我自己決定～佢地都幫唔到咁多～唉～＊我ｄａｄ真係好了解我，佢知道我唔係唔識諗～我只係任性～佢亦都知道我平時成日都講大話～用藉口令到我媽咪俾我出街街～但係咁樣令佢地更加擔心～

ｌｕｎｃｈ我同ｄａｄ去左趣屋果度食野～我ｄａｄ並冇提到我離家出走呢件事～只係傾下ｄ輕輕鬆鬆的野～真係令我好意外～我仲以為佢會教訓我一大餐．．．．食完野之後就安安份份咁樣返左屋企喇～

ｄａｄ同我一齊訓晏覺～係我仲未訓著的時候，佢講左佢以前細個曳曳的事蹟俾我聽～我諗佢咁講係希望我知道佢都會明白我的感受同埋處境～從而希望我會講多ｄ我的野俾佢聽～我明白知的苦心既～但係真係有太多野我唔可以講喇～同埋平時唔講～真係唔係太慣將自己的野講俾佢地聽～我ｄａｄ話佢寧願知道事實的真相～同埋佢好想我做每件事之後都講聲俾佢知～就算果件事係好嚴重都好喇～起碼佢都可以知道我最壞的後果會係咩．．．．同埋可以用佢地的人生經驗話我知有ｄ咩野危險係有機會發生～就算我最終都決定去做呢件事～起碼我都會多左一層戒心～但係如果我唔講的話，佢地就無法預算我到底會有什麼下場～咁樣會令佢地更加擔心～其實我都明既～我太任性喇～咁多年我都冇改過～反而仲變本加厲添～＊我係時候好好咁反省下喇～唉～＊

五點幾就黎六點的時候我又出左門口喇～頭先都訓得唔係幾好～因為實在太多野諗喇～雖然個人好累～但係都訓唔到～結果出門口的時候～累到我唔願郁．．．．．好彩有私家車坐咋～我地成家人去左ｄａｄ個舊同學的新居參觀～佢屋企真係好大丫！！成１千５百尺～我勁羨慕丫～而且ｄ裝修好令～好有ｃｙｂｅｒ　ｆｅｅｌ！～佢地用木地板～但係係偏深色果種～我好ｌｉｋｅ深色的野嫁～ｇｏｏｄ丫！！我屋企果個偏黃嫁～２ｓｈａｒｐ喇～我唔多ｌｉｋｅｙ～不過都望慣晒ｌｕ～而且佢地屋企ｄ門的門柄好得意嫁～係用ａｌｕｍｉｎｉｕｍ做嫁～勁令令唷～最令就係個ｔｏｉｌｅｔ喇～個地板係用藍色的磁磚砌成嫁～而且仲有ｄ閃令令的物質混在其中～好閃嫁！！個ｔｏｉｌｅｔ真係閃閃生輝嫁！！

參觀完佢屋企之後就去左太古廣場果度食野～今次去食意大利野～唔少得的當然係ｄ　ｏｌｉｖｅｒ　ｏｉｌ同埋ｃｈｅｅｓｅ喇～仲有ｐｉｚｚａ同埋ｐａｓｔｅｒ～我本人就唔多鐘意食ｐｉｚｚａ既～除非真係整得好好食喇～不過果度的ｓｍｏｋｅ　ｓａｍｏｎ　ｐｉｚｚａ真係唔錯啵～其實呢餐的食物都冇咩特別～我最開心的就係有酒飲～我ｄａｄ買左一支紅酒一支白酒仲有支冰酒添～＊果支紅酒真係靚野黎嫁～好純嫁～唔錯唔錯～支白酒都ｏｋ丫～ｄ酒味好香～而支冰酒飲落去第一啖覺得唔夠以前飲開果ｄ咁好～之後果度的老闆又俾左好多隻唔同味道的生果酒俾我地飲～嘩～果隻ｌｅｍｏｎ味的酒．．．．成４０％嫁～不過又真係ｍａｔｃｈ得幾好～仲有好多味嫁～例如有蜜爪，ｇｒａｐｅ，荔枝，桃．．．．．呢幾隻就全部都係２０％姐～小兒科喇～ｈａｈａ～飲完呢ｄ之後～我再飲番杯冰酒又覺得好飲好多～可能果隻ｌｅｍｏｎ酒太過烈喇～所以襯托出冰酒的清甜的味道～嗯～＊我媽咪佢已經死死地～咁我做女的未幫下佢飲囉～ｈａｈａ～我今日飲得仲多過佢～不過我又冇咩事啵～塊面都唔係好紅～淨係有少少眼訓咁囉～

番到屋企之後～又訓唔著啵～我理應即刻就訓左係度郁都唔郁嫁嘛～＊但係又唔知點解訓唔到～ｄ人話飲左酒會易訓ｄ～但係點解我仲精神ｇｅ？真係奇怪喇～可能我身體構造有點獨特吧！！ｈａｈａ＾＾

>>August 18, 2003 at 3:51:01 PM GMT+8

2003 年 8 月 15 日 星期五 【晴】

今日要考琴喇～心情真係十分之緊張丫！好早就起左身，因為訓唔著嘛～＊之後就專心咁練琴練琴同練琴．．．．．．但係中途發生左小小事喇～就係我練到好辛苦好煩．．．．．．無端端喊左出黎～可能壓力大吧！我自己都唔清楚．．．．．食完野之後媽咪就陪我搭的士去百樂琴行（係土爪環嫁）果度考琴喇～咁我地早左到，咁就坐係度慢慢冷靜下同埋緩和緊張的情緒。果度ｄ冷氣好凍ａｒ～我要著多件外套先得ａｒ～唔知係唔係因為緊張的關係，搞到我ｄ手指頭都凍到結晒冰硬晒咁．．．．．點彈琴啵？最衰仲要係無肯端胃痛．．．都怪我自己太緊張喇～果個考官好好人嫁～個樣好ｎｉｃｅ～而且佢講野一ｄ都唔惡嫁！仲叫我唔好咁緊張～ｋｅｅｐ　ｓｍｉｌｅｉｎｇ～不過我始終都係好緊張．．．．唉～＊ｓｃａｌｅ彈得好差好差．．．．差到．．．．唔想提！！！乜晒音咁．．．．跟住果三首考試歌叫做見得人咁喇～ｏｋ咁喇～我覺得第１首同埋第３首都應該唔錯既～第２首就差ｄ喇～跟住ｏｒａｌ簡直係ｄｉｓａｔｅｒ～ａ　ｐａｒｔ．．．．．４個小節我唱到３個．．．．ｂ　ｐａｒｔ～十幾個音裡面唱唔到兩個音～ｃ　ｐａｒｔ～都唔知ａｒｍ唔ａｒｍ到一半．．．．ｄ　ｐａｒｔ就．．．．ａｍ．．．我諗有７０％到喇～最後就係ｓｉｇｈｔ　ｒｅａｄｉｎｇ～都唔錯既～最令我滿意的我諗都算係呢ｐａｒｔ嫁喇～唉～總之ｏｖｅｒａｌｌ黎講就係．．．．未如理想喇！！！好彩我仲有一次機會，因為我報左兩次八級～仲有一次係下下個星期２～姐係２７號～到時我一定要表現得比呢次好嫁！！！

考完琴之後，媽咪就陪我番屋企喇。沖埋個涼～我就打電話搵人喇～點知佢又唔聽我電話。咁我又出左街去買書喇～好彩有狗狗陪我姐～我到依家仲未去買書ａｒ～我諗住買舊書嫁～不過好多書都改左版～所以我都搵唔到舊書～同埋ｄ人的服務態度真係好差丫～好似我買一兩本好少咁～嫌我阻住佢做生意．．．．．．．．真係過份！！之後我就同狗狗係寶島果度坐低左去飲杯野～我嗌左杯「士多啤利蘆薈」～都幾好飲喇～之後就去左打街機～咁我大個女都好少入機舖嫁～ｈａｈａ～不過之前都入過嫁喇～玩左幾隻唔同的ｇａｍｅ～狗狗打機的反應真快丫～可見他平時訓練有素唷～嘿嘿＾＾打完機之後我就番左屋企食飯ｌｕ～

食完飯之後我又沖左次涼之後又落街。今次我去左何文田廣場果度等狗狗～點知佢．．．．佢竟然遲左成４０分鐘先到．．．．．我黎到之後就打左俾佢，佢話佢依家係ｆｄ屋企，傾緊ｄ無聊野，好快就會到。點知我等左佢成十幾分鐘，都未見人啵，咁我就再打俾佢。佢果時仲係個ｆｄ屋企果度～你話我嬲唔嬲丫！！！佢話有ｄ意外，要我再等多陣添～＊我話俾佢聽如果佢依家唔黎我就走喇～算數喇～佢又話唔好，話「好喇好喇，我依家落黎喇～」點知．．．．．又話多十幾分鐘～佢都係未見人～我果時真係好嬲喇～佢話真係有ｄ野令佢行唔開～唔可以走住．．．．結果我收左線之後忍唔住喊左出黎．．．．係果度行黎行去的人都望住我～我覺得自己好醜怪丫～咁大個女都仲要係ｐｕｂｌｉｃ　ｐｌａｃｅ果度掉眼淚．．．．跟住仲要醜到有個ｓｅｃｕｒｉｔｙ行埋黎問我：「小妹妹，你冇事ａｒ　ｍａｒ？」我真係．．．．唔知笑好都喊好．．．叫我小妹妹～乜依家淨係小妹妹先可以喊嫁咩？？我話俾佢聽我依家等緊人．．．．之後又過左唔知幾耐，我又打俾狗狗。今次佢好似落左街喇～身邊仲有佢個ｆｄ添～＊我忍唔住俾佢知道左我喊緊～佢就話：「好喇好喇，我依家即刻黎～５分鐘後到。」結果佢有黎到～不過用左多過５分鐘～大概７ｍｉｎｓ到喇～之後我同佢就搭的士去佢屋企～我地諗住去睇狗狗ａｎｄ貓貓的～點知係的士上，佢接到個ｔｅｌ要佢即刻去紅碪～咁落左車之後就即刻跑上屋企～佢就沖涼而我就同ｄ貓貓狗狗玩～之後佢一邊梳頭一邊落街～ｈａｈａ～真偽好狼狽丫～我見到都忍唔住笑左出黎＾＾去到之後，係１０點９～佢叫我等佢～１５－２０分鐘就ｏｋ～點知．．．佢一去就去左成４５分鐘～仲要係我不斷咁催促佢佢先肯出黎～搞到我好似好衰咁阻住佢做正經野．．．．我係條街果度等佢的時候．．．真係好驚～因為好多ｃｏｃｋｒｏａｃｈｅｓ～４圍走．．．．嚇到我跳晒舞咁～幾驚佢地爬上黎我隻腳．．．．係我等緊佢的時候，我屋企人打黎．．．唔使問都係想叫我快ｄ番屋企喇～因為平時我好少咁夜番屋企～應該話係我屋企人唔俾我咁夜番屋企嫁！！不過，今日考琴又考得唔好～感情又受到挫折啵～所以我都唔想番屋企住～我想一個人發下顛～咩都唔諗．．．．．結果最後我就同狗狗坐的士番番佢屋企．．．．

去左佢屋企之後，我就沖左涼涼～之後就著左一件白ｔｅｅ仲有條藍灰色的波褲。嘻嘻．．．跟住就同狗狗傾下計計～佢知道我唔開心～我問佢屋企有冇酒酒飲～（除左啤酒之外）佢之拎左兩支ｖｏｄｋａ的酒版俾我～不過ｖｏｄｋａ成４０％嫁～我真係飲唔落～太烈喇～咁佢就用啤酒去溝ｖｏｄｋａ囉～咁溝淡ｄ之後就飲得落口喇～不過今次都算係我咁大個女飲得最烈的一次喇～飲完之後個身興興地咁喇～幾舒服ａｒ～原本仲諗住上去天臺果度睇星星嫁～點知．．．．．．嘩～隆隆隆～好響的雷聲丫～跟住就係傾盆大雨～仲點去睇星啵＞．＜失望丫～不過我成晚都訓唔著丫～始終都係訓唔慣人地張床嘛～＊咁我就靜雞雞出左房去同廳裡面的狗狗ａｎｄ貓貓玩～ｈａｈａ～隻狗狗就好眼訓ｌａ～唔多ｓｏ我～但係ｄ貓貓就好精神～仲同我玩添～＊佢果隻黑貓好得意丫～我好鬼死鐘意佢丫！！！

>>August 18, 2003 at 3:55:33 PM GMT+8

2003 年 8 月 14 日 星期四 【晴】

聽日就要考琴喇～心情真係十分之緊張～好想好想你會主動講句支持我的說話．．．．．不過我都只係發夢姐．．．．有咁既可能咩？？你都唔會著緊我嫁喇．．．．．．

從我近來看的愛情小說當中，我發現了一樣很奇怪的現象，所有的男女主角都是俊男美女。難道不是美女就不能和俊男有結果？？難道不是俊男就不會得到美女看上？？為什麼無論在現實世界還是在小說中，俊男美女永遠是一對呢？？不能有例外嗎？？愈看愈是動氣！！這個問題不斷在我腦海中徘徊不散．．．．

我尋晚諗清諗楚嫁喇～如果過埋ｈｋｃｅｅ之後，我都仲係冇機會同你係埋一齊，到時我就會迫自己死心．．．．因為考完ｈｋｃｅｅ之後我就會離開香港一段時間嫁喇．．．都唔知幾時先會再返黎～不過，睇怕我都係注定．．．．．遲早都要死心嫁喇．．唉！！我知道我唔係你鐘意果類型的女仔，你鐘意ｄ女仔樂觀開朗，有點孩子氣的～又唔鐘意ｄ女仔太過有女人味．．．．太成熟果種．．．我偏偏就唔係呢種人，我知道就算我地勉強係埋一齊都只會辛苦大家。我亦都無謂去為左你而改變自己，因為性格係改唔到嫁．．．．．．就算我依家可以下苦工去「掩飾」，時間一耐左，我咪又會打回原形？？而且我都唔會開心喇～ｂｕｔ　ｉ　ｒｅａｌｌｙ　ｄｏｎｔ　ｗａｎｎａ　ｇｉｖｅ　ｕｐ！

>>August 15, 2003 at 10:36:55 AM GMT+8

2003 年 8 月 13 日 星期三 【晴】

過去我總是埋怨上天不安排一個值得我去愛的人在我身邊。不過，我現在遇到了，一個真真正正能令我動心的人。雖然他不愛我，也許他心裡仍愛著舊愛人；也許他也像我一樣在尋找摯愛；也許他誰也不想愛．．．．．．我跟他只能成為普通朋友，有時我會奢想用什麼去令他愛上我。不過，這是個很幼稚的想法。愛一個人是一種發自內心的感覺，並不是為了某些事情而產生的。無論我做什麼，付出什麼，換來的只是他對我的感激，不是愛。現在我明白到，為什麼別人待我好，我也會不會愛上他們。這是因為我對他們沒有那種感覺。在愛情的路上，當我扮演著付出者的角色時，另一半總是不愛我的；當我被愛時，我對付出者幾是沒有感覺的，只有一份衷心的感激。就是這樣尋尋覓覓，追追逐逐，不斷反覆地重演。夠了，我累透了。不管他是否愛我，我只想好好地愛他，什麼也不再想。

朝早十點就去左學校還番ｄ書～之後就去中央圖書館度借書～借左幾本ｌｏｖｅ　ｓｔｏｒｙ～原本仲諗住借多幾本古龍的～不過．．．唉～＊又搵唔ａｒｍ啵～十一點就番到屋企，乖乖地咁坐左係度做數．．．不過好難丫～好多我都唔識做．．．又或者要諗好耐先解決到．．．唉～＊我真係差左喇！！做左一會兒數之後，我就睇左陣書．．．．之後媽咪買左ｄ野俾我食～食完野之後又去左做數．．．．．．．

我今日要學琴～係學琴之前練左一陣，練完之後就去左沖涼，沖完涼出黎之後．．．本應諗住抖抖既．．．．點知．．．．忍唔住喊左出黎．．．．不過我都冇放鬆俾自己喊晒出黎．．．．因為夠鐘要學琴喇～唔可以影響到自己的表現嫁嘛～！＊硬生生將ｄ眼淚收番埋之後再洗埋個面就去學琴ｌｕ～

學完琴番黎又睇書書～唔知點解睇起有條癮嘛～＊睇睇下～唔知點解有想喊．．．今次冇野阻到我．．．我真係喊得好犀利．．．．我有試過深呼吸等自己冷靜落黎嫁～不過都冇用．．．每次吸氣個心都好痛．．．．好似有ｄ野ｕｎ住ｕｎ住咁．．．而且係愈用力吸氣就愈喊得犀利．．．．．．我今次真係控制唔到自己喇．．．．一路喊．．．都唔知喊左幾耐．．．．其實我諗係我呢排的壓力太大喇～首要面對的就係我考琴的問題，第二樣就係我嬲我自己點解會咁ｃｈｅａｐ～為左留住一個人，我竟然可以．．．．唉！！愛上一個唔鐘意自己的人係一件好辛苦的事黎嫁！！第三就係因為我怪我自己點解會退步～連ｄ咁簡單的數我都做唔到．．．．唉～＊做到的都要諗咁耐．．．．以前ｄ水準去晒邊？？日日練琴又搞到我脾氣好差～好辛苦唔想練但係又要迫自己練．．．．．除左我屋企人之外．．．．就好似冇人支持我（其實唔係冇既．．可能我未感受到姐．．．）以上幾樣野加加埋埋足以令我喊到唔停．．．收唔到聲果隻．．我好想喊出聲～好想大聲嗌出黎．．．但係我唔可以咁做。因為屋企有人，我唔可以俾佢地知道我好辛苦～就算佢地知道左佢地又可以點呢？？講多一兩句安慰同埋支持的說話？冇用嫁！！我要的唔係佢地的支持．．．．．而且「你」丫！！你究竟知唔知嫁？？你話你自己第六感好叻．．．真係咩？？

同ｓｔｅｖｅｎ傾左一陣電話～我好鬼死八卦咁問左佢的戀愛史。。。佢講得最多的就係佢ａｒｍ　ａｒｍ　對上果個女朋友～佢叫劉雅雯～ｐａｎｃｙ～佢好令女嫁！！又白又開朗啵，同ｓｔｅｖｅｎ襯到絕丫！！唉～＊我真係好羨慕佢．．．．我ｆｅｅｌ到ｓｔｅｖｅｎ仲有ｄ鐘意佢。。。‧‧‧原來ｓｔｅｖｅｎ係一個好眼淺的人黎嫁．．．．嘿嘿～呢個天大的秘密我點會知？？咪係因為我尋日去佢屋企睇左ｐａｎｃｙ寫俾佢的野囉～係佢自己俾我睇嫁～！我有問過佢先拎黎睇嫁！！原來佢同ｐａｎｃｙ係響補習社的門口識的．．．．佢地兩個真係好有緣．．．我一路聽．．．真係好想好想．．．不過算喇！我知道有ｄ野係勉強唔黎既．．．其實我今日都有試佢口風嫁．．．我覺得其實佢已經ｆｅｅｌ到～而且都幾肯定下．．．．不過無論佢知唔知道我鐘意佢都好喇～結果咪又係一樣．．．都係安安份份同佢做下朋友仔算吧喇！鐘意一個人唔係一定要同佢一齊先叫做幸福嫁嘛～＊我依家要努力用第二個ｗａｙ去同佢相處。講真丫～真係有ｄ辛苦嫁～好有難度嫁．．．我好耐都未試過暗戀人喇～通常我知道冇機會我就會放棄，不過對住佢我就唔會～我都唔知點解～可以我對佢比其他人認真喇！～佢話佢有第六感，如果人地鐘意佢佢一定會ｆｅｅｌ到．．．佢話就算佢知道人地鐘意佢佢都會扮唔知．．．因為佢話講出黎都無謂．．．唉～＊佢暗示緊ｄ咩野呢？

>>August 14, 2003 at 3:43:02 PM GMT+8

2003 年 8 月 12 日 星期二 【晴】

今日好早就起左身喇～因為九點鐘約左ｓｔｅｖｅｎ係巴富打波嘛～＊點鬼知今日朝早落過雨啵～個場又濕又多人～點打波呢？？唉～＊被迫冇得打波咁我唯有同佢去囉舊書喇！佢有ｄ舊書可以俾到我嘛～＊咁我就同佢一齊搭８１ｃ去沙田喇～之後就行左好多曲曲折折的路，去到佢屋企．．．．嘩！！ｄ書重到．．．．＞．＜拎到差ｄ拎唔起丫！！之後我就走左ｌｕ～又搭番８１ｃ番屋企．．．．最慘就係落左車拎番屋企果段路～又熱又晒，仲要拎住ｄ咁重的野．．．．真係想死咁濟～唉～＊我比平時用多左十幾分鐘先番到屋企～唉～＊累死我喇！！！

番到屋企即刻去左沖番個涼先～之後就食左呢個墨魚丸麵，加埋「玻璃生菜」～食完野就當然係乖乖地咁練琴喇～唔可以咁懶嫁嘛～＊練左八個字之後就出街去搵狗狗喇。

狗狗約左我五點係九龍城ｐｏｌｉｃｅ　ｓｔａｔｉｏｎ果度等．．．．．點知佢．．．．５點都仲係屋企果度訓緊覺．．．我就５點３去到果度等佢～嘩～好熱丫！乜５點幾個太陽仲咁霸道嫁～我企係度等佢的時候，有幾個係九龍城差館出黎的金毛仔．．．．食住煙咁．．．．之後又無端端圍住我．．．．我真係有ｄ驚嫁．．．咁大班人啵～我諗果度有五六個到喇！之後狗狗就打電話俾我話叫我企出ｄ～而佢就係屋企果度望落黎．．．．．我見到佢之後，佢叫我去佢樓下等佢．．．唉～＊我都未試過俾人點黎點去的．．．真係過份丫！！咁大少爺脾氣都有既．．．．．＞．＜！！

佢帶左隻松鼠狗去後樓梯果度俾我玩～隻狗狗好興奮咁走黎走去～好搞笑嫁！！佢又好鐘意ｌａｍ我啵～搞到我隻手污漕晒添～＊不過唔緊要喇～狗狗係熱情咋嘛！！之後就同佢去左食甜品．．．．ｍａｎｇｏ西米露丫！呵呵～超肥～食完野又去左網吧度打機．．．其實我係一個唔識打機的人．．．不過就下佢囉～我咁大個女淨係玩過兩種ｇａｍｅ～一隻係ｒ６（不過依家舊左ｌｕ～都冇人玩既）一隻係ｃｓ（所以我今日都係玩呢隻）不過其實我打ｃｓ都唔係好掂囉～應該話係．．．．哈哈～同一個唔識打機的人冇咩分別．．．．淨係識企係度被人爆頭同埋亂咁開槍射人．．．．．最叻就係衝出去俾人殺同埋人地係後面勁開槍我都唔識轉身去還拖．．．．．我真係正一白癡黎既！！打完機都好夜ｌｕ～所以我就諗住番屋企喇～點知又落雨啵～咁我就諗住上佢屋企囉把傘～佢屋企除左有養狗狗之外，仲有三隻貓貓～一隻係全黑色的～ｄ毛好令令嫁～仲有兩隻係一模一樣樣的～果兩隻ｄ毛係黑白色的～好似雲石咁令嫁！！仲有好多好多隻龜龜～我都數唔到有幾多隻喇～有大有細．．．．真係好犀利丫～！！（辛苦晒佢工人ｌｕ～要打理咁多小動物～＊）之後係佢屋企坐左陣．．．死喇～屋企的追魂電話又黎喇～所以我就急急腳咁行番屋企喇～

>>August 14, 2003 at 5:55:17 AM GMT+8