2003 年 3 月 27 日 星期四 【晴】

《《《尋晚整 cookie 整到好夜。。。今朝唔想起身丫～好唔開心～唔知點解，唔想返學。好想係屋企靜下．．．不過，我知道呢個想法係沒有可能實現的。
《《《番到去，叫Ｃｋ教我ｐｈｙ～佢唔肯！唉．．．心情已經夠差嫁喇～仲要頭頭碰著黑。唔好既野，唔開心既事一定係要一齊黎「攻擊」我嫁啵＞．＜跟住小息我就趕左份財政報告俾丫ｓｉｒ～之後，就拎ｄ曲奇餅俾佢地試下味。。。其實我心裡面真係好唔開心．．．尋晚我咁用心機去整，點知．．．佢．．．佢連個電話都冇打黎．．．將我之前同佢講既野忘記晒佢。。。我尋晚一路整，一路好想喊．．．我甚至乎想倒晒佢．．．還掂幾有心機都冇人會欣賞嫁喇！！＞．＜

>>March 28, 2003 at 9:14:18 AM GMT+8

2003 年 3 月 26 日 星期三 【晴】

﹜﹜﹜今朝一起身隻手勁痛丫！我諗係尋日做側手翻的時候屈親呱～

﹜﹜﹜今日我地學校派口睪丫！每人一個～「強烈要求」我地戴住．．．嘩！勁焗丫～好辛苦～不過．．．又一定要戴住．．．教育處竟然宣佈停課～我勁唔想佢停囉！不過都已成實事．．．無奈＞．＜

﹜﹜﹜今日真係勁多勁多功課做！ｄ時間好趕～而且又要學琴．．．跟住仲真整ｃｏｏｋｉｅ俾佢食～唔知佢鐘唔鐘意食呢？

>>March 28, 2003 at 1:59:39 PM GMT+8

2003 年 3 月 25 日 星期二 【晴】

』』』今日要中文統測唷～同埋又要做倒立同埋側手翻～好累丫～又好多功課做啵～

>>March 28, 2003 at 9:35:12 AM GMT+8

2003 年 3 月 23 日 星期日 【晴】

＋＋＋嘻嘻！終於知道佢的名喇！好開心好開心～我奸計得逞嘛～我應承左佢整ｃｏｏｋｉｅ俾佢食唷！佢好鐘意食朱古力味嫁︿︿我一定要整得好好食先俾佢食～雖然做唔到完美，不過都要做到九十九分！！希望佢鐘意喇～
＋＋＋星期三就中文統測喇！呢排好多野做丫～我覺得好忙．．．好似冇時間俾自己抖下休息下咁．．．好大壓力唷！點都好，撐埋佢．．．不過我最驚的就係挨到個死樣愈黎愈殘，都時星期五咪嚇死佢？

>>March 24, 2003 at 10:20:30 AM GMT+8

2003 年 3 月 21 日 星期五 【晴】

￡￡￡隻豬豬訓到十二點都仲未起身唷～我諗佢真係好累．．．病病豬唷！好慘～佢又唔錫住自己～病病都出街街～佢冇一日會成日留係屋企既．．．唔係落街食飯就係搵朋友。唉，我冇理由管住佢唔准佢出門口嫁．．．
￡￡￡今日好多功課做丫～ｌｕｎｃｈ　之後又要學琴啵～累死人喇！不過為左爭取好ｄ的成績，冇計喇～挨埋佢！就黎到Ｅａｓｔｅｒ　喇～唉，特別節目就冇喇～一大堆的專題報告和功課就源源不絕。。。
￡￡￡其實，由尋日開始起，我已經覺得我同佢的距離好似遠左唔少咁。我都唔知道點解唷！不過，真係好難受。。。我因為佢而曾經好開心。雖然我未見過佢，不過佢都令我改變左唔少。依家，又係佢令我失望。不過點都好，如果我唔係對佢太過信任，太過投入，又點會咁丫？我諗我真係煩得佢太多喇～我唔應該日日都打去搵佢，亦都唔應該成日話好掛住佢．．．我太癡身喇！我真係唔係太鐘意果種．．．．被人揹我上到去很高很高的地方，然後他無端端掉低我，之後仲一腳咁踢我落山．．．
￡￡￡四點去左學琴，好累｜好大壓力。我的琴老師對我的要求好高，好辛苦～唔知點解，係三點幾，練緊琴的時候，我突然覺得自己好似．．．行屍走肉咁．．．好想喊．．．最終我都真係喊左出黎．．．好多以前的事，無端端自己浮現在我的腦海內。我好想好想放聲哭，不過唔可以。因為我係屋企。好多人都話屋企應該係你最放心，可以露出自己真的一面的地方。不過屋企對於我黎講，唔會係一個咁的地方。因為我係屋企，仍然有好多野，好多壓力。根本就唔可以做番自己。所以我成日都好想有個人，可以接受到真的我。我可以係佢面前笑又得，喊又得．．．唔使再扮野。我打左俾佢，因為佢係令我呢排開心的人。我好希望佢應我一兩句。真係嫁！一兩句就夠嫁喇～不過可惜我搵唔到佢。一如以往，我又係一個人企番起身，抹乾眼淚．．．慣左嫁喇！一個人咪又係咁～

>>March 22, 2003 at 11:06:13 AM GMT+8

2003 年 3 月 20 日 星期四 【晴】

◤◤◤今日去左太古做英語小記者。企左成日，真係好累。果個女作家講野又鬼死咁悶，但係我又唔可以係佢面前露出好累的樣子。唯有一味死撐喇 ! ! ! ! ~ 真係好辛苦唷 ^^番到屋企的時候都已經七點有多了。加上吹左成日風，都開始病病地喇。不過呢排的默書和測驗都很多。根本就沒有一刻的時間容許我休息。
◤◤◤係我搭地鐵的時候，我打左俾佢。佢仲未病好 ~ 但又出左街幫 dad 買 d 野 ~ 好心佢病病就乖乖地留係屋企喇 ! .......講極都唔聽 >.< ! 我九點幾見到佢 on~ 咁就用佢傾左陣。不過佢好累，想訓 ~所以我都無謂阻住佢休息喇！雖然傾左好短時間．．．不過我都已經好心滿意足嫁喇～唉～真係好掛住佢丫！
◤◤◤有個好耐都冇傾的ｉｃｑ　ｆｄ～睇完我ｉｎｆｏ　之後問我係唔係有鐘意的人。我話係，跟住佢就問我點識嫁．．．佢話如果係ｉｃｑ識的話，就唔多信得過。佢呢句說話的話提醒左我。我以前的話係唔信係ｉｃｑ會搵到ｔｕｒｅ　ｌｏｖｅ～不過。。。我又覺得如果唔試下又點知．．．其實我真係驚嫁。我好驚我會認真到．．．過份認真。到時的後果。。。會係點。。。唉！

>>March 22, 2003 at 3:58:56 AM GMT+8

2003 年 3 月 19 日 星期三 【晴】

︹︹︹嘻嘻，尋日隻豬豬訓唔到，五點幾就打黎俾我。。。我又唔知點解竟然會起左身喎 ( 係佢未打黎之前，我已經在半醒狀態 ) 同佢傾左一陣，之後我就迫佢繼續訓番。因為佢病病豬唷 ! 唔訓多 d ，抵抗力就會差嫁喇 ~ 所以我點都要佢快 d 好番。。。如果唔係我地第一次見面既地點就會係診所 >.<
︹︹︹今日無端端俾人屈左solo~好無奈。。。係毫無準備的情況下.......唱得好差好差。我睇得出我先生對我好失望。因為佢覺得我係 musical 果度表現唔錯........
︹︹︹聽日有好多野要做丫~忙死我喇 ! 中文默書喇~ 英文閱讀報告喇~ 又要寫定聽日做interview 的questions 啵~ 就黎死喇 ~

>>March 20, 2003 at 12:59:06 PM GMT+8

2003 年 3 月 17 日 星期一 【晴】

%%%今天上體育要倒立加前滾翻。很多同學也很膽怯，不敢嘗試。他們又知道我小時候曾學過一兩年的體操，因此就要求我示範一次。我真的有點兒怯，怯場的怯。不過我最終都成功地完成了這套動作。最恐怖的是，在上課中，我的肋骨處無端端地疼痛起來。我每吸一口氣，在把肺部擴張的時候，都感到很痛。我也不過道原因，只是默默忍耐。幸好，數分鐘後便回復正常了。
%%%昨夜挑燈夜讀的成績的確不錯。今天的生物測驗，總算是有點把握。

>>March 18, 2003 at 2:51:02 PM GMT+8

2003 年 3 月 10 日 星期一 【晴】

>>>今日做OM 的佈景。。。唔小心又撞到隻豬腳瘀晒。。。好核突丫!

>>>呢排勁多功課囉，遲 D 又有好多的小測同埋統測。真係好驚溫唔切丫～我近日都訓得唔夠，好累丫！！每日番學都好辛苦，不過點都要死撐嫁喇～！

>>March 11, 2003 at 2:51:30 PM GMT+8

2003 年 3 月 9 日 星期日 【晴】

☆☆☆今日有五個由真光女子中學黎既交換生。佢地引黎左唔少慕名而來，想一睹風姿既男仔係我地班房門口徘徊。真光的女子，個個都要把及肩的頭髮編成辮子。。。就黎靚女都變得好柒喇 ! !真係打死我都唔去真光果度讀丫 ~ d 女仔有 d 都幾主動，唔錯 ~ ! ! ~ 不過有 d 就比較妯膽左 d ! ! 不過我都冇咩同佢地講野丫 ~ 佢地身邊都有唔少人圍住，我諗佢地都應該慢慢setel down~
☆☆☆今日要係集會果度做司琴。少少緊張喇，不過我自問都練得幾熟下，所以都冇以前咁驚。點知.......無端端我地既副校長話為左專重真光的學生，真係集會果度加多個節目，就係搵幾個女仔去台歌真光的校歌。本來呢件事就唔多關我事，不過佢地竟然要鋼琴伴奏。我點練得徹丫 ? 嚇到我當堂呆左 ! 好采 Fanny 比我早一點收到歌譜，所以佢熟 d，咁我就俾左佢彈。
☆☆☆收到 HKIS Summer Programme 的入選名單了。我沒有份兒唷 ~ 不過這也是我預料之內的事，因為我連作文的題目也不明白，唯有胡亂作一通。那當然唔入選喇 ! 不過我冇唔開心，因為我覺得自己真係唔夠料囉 ~ 所以都冇唔奮氣。

>>March 10, 2003 at 10:37:46 AM GMT+8