2003 年 1 月 8 日 星期三 【晴】

做咩要個個都話我係阿旺呀??
呢個只不過係一個意外黎渣嘛...
係短左少少渣嘛~
不過我都覺得好正..因為有老婆仔同我洞房呀..
仲有老師陪我讀書上堂喎~ 呵呵~~

今日好累呀...
頭三堂的miss Fung加"Kill" sir一齊...
直頭係睡魔call台!!
想我死咩?
好在有free堂抖一抖!
不過諗住走英文堂架嘛...不過點知個樣衰人叫人落黎叫我地上去呀...
上到去又唔同我地上堂...玩我嗎??
死開啦你...唔好當我係傻仔呀~~
我有名架!!

lunch之後好似三堂都係free..好開心呀
因為有好多笑料同核突野啦~
先有核突組合...再有用鼻屎黐檯既人啦~ (你地唔好散呀~~)
miss mak的堂真係free...越黎越鍾意佢啦...

今日又冇補"Kill"sir..會唔會又俾佢罵呢?
不過我今日我係扶扮暈的陸揚走架...
呵呵~死未??

今日要執屋..
因為我的Daddy聽日返...
我間房真係亂到我都唔知可以點樣執起啦...
明天仲有test..進度又超慢...
可以點算??

>>January 9, 2003 at 3:06:19 PM GMT+8

2003 年 1 月 7 日 星期二 【晴】

今日好險...我又險些遲左到
呵呵~不過好好彩啦...我用左我既極速行返去啦...
結果就可以係臨關門個一刻鼠左入去啦..
好開心啦咁就...因為我剩番2次機會就會有2個缺點架啦..
真係god bless me啦~~

今日返到去...第一堂就係久違了的miss Fung堂啦~
佢今日病左呀好似...著到好似一個大蕃薯咁...(要小心呀~~)
派左兩份都唔知係幾時做既卷...
都唔係做得好好啦...但能的題目只得15分~
只怪我實在太慢啦..成part冇做啦又~~
之後我就又好冇心機啦...
因為miss Fung一開始講書...睡魔又急call我啦~

到左szeto堂..都唔知佢做咩..
無端端話oral 喎~ ~好無耐地仲要係我俾佢抽中左~(點解會咁準架??)
咁我就好慘啦..勁人如雲, 高手雲集~
我呢d口齒唔伶俐既人就梗係死左啦...
俾人話我離題, 推翻題目, 矛盾喎....
其實我都真係唔知我講左d乜!!
不過我仲要係之後先知原來呢次係考試..
死得啦我~~仲等我以為係practice, 係度玩玩下~~
好慘啦...唔甘心呀我~~

今日有2堂我至愛的miss Mak堂呀~
佢好正啦...上親佢堂都唔會悶...
佢真係好好笑呀..又好好人..同學生又玩得埋
都大唔透既~~不過我鍾意!!

lunch的時間玩左d好核突既野呀...
食完飯d檸茶同咖啡啡溝埋一齊...整到杯野"瓊"到一舊舊~
之後仲要走去過濾杯野
結果個product就係一堆屎..似到嘔~
好核突..不過好好玩.....

我今日好俾心機上lily堂呀...
無論係堂定補課~~我都好留心~
因為我知自己唔可以再咁懶唔留心架啦...
我要俾心機!! 考好A-LEVEL!!

妖~申請唔到sina 50mb個個mail呀~
唔開心呀?? 點解唔俾我先??
係唔係想我爆左個hotmail冇e-mail用呀??
咁黑心架你~!!

今日剪左個髮...好似低能個個郭晉安~~
哈哈~好得意...不過唔會俾你見到..
死未?? ..
想睇呀?? 對我好d啦~

>>January 8, 2003 at 3:59:44 PM GMT+8

2003 年 1 月 6 日 星期一 【晴】

乞人憎的天氣與天文台..
點解今日會咁凍架...整到我著左7件衫呀...
搞到連個側揹袋都揹唔到...
搞到我一路行就不斷整啦...好慘呀!
我阿媽仲要我今日著2條褲tim呀....
嘩..駛唔駛呀?? 想我死咩??
容乜易連路都行唔到架...所以我將條褲都收得好埋啦...
諗佢唔會搵到掛~~

走左堂英文...可以唔駛見到樣衰人...
不過上去上hist竟然俾佢撞到我啦...
點會咁架..又要俾佢煩...
不過我都冇理佢啦...
妖..去死啦...我都唔咩架啦..你就咪鬼煩x住哂啦....食屎大架? 咁pk既??

今日好surprise啦...
winwin無端端走黎同我講: "你睇下~"
之後就"樣"下佢隻手啦...
wow~~ 我條鏈竟然失而復得啦..
原來係除低o左係liba啦....好失魂哩!!
thx mable幫我執返啦....梗係仲要唔該阿嗲拎返俾我啦~~

今日係我2個月之後第一次上PE啦...
呵呵~好丫....都幾好玩啦d乒乓波...
我原來係咁勁架~akakka...
今日都唔知係唔係開左支馬爹利...好事真係一齊黎架~~
今日派左文學卷呀~~
3張paper....雖然唔係話好高分...
但係我都好滿足架啦!!!

好多謝你個死野d北海道手信呀~~
個電話繩好正啦..係唔係好似我呢??
不過我唔著T-back架喎~~哈哈
不過真係好靚啦....
d "菇菇" 朱古力都very good呀..
好好味呀....不過我都係好鍾意個形狀多d~~
(おちんちんチョコレト，とてもうまいなあ～！）

>>January 7, 2003 at 3:13:53 PM GMT+8

2003 年 1 月 5 日 星期日 【雨】

死的嗎? 點解要我輪成十分鍾先俾我入黎丫..
好無奈啦我~唉.....

死啦我今日....我的一啖心機付諸東流啦...
琴晚溫個文學溫左好耐啦...
不過因為鍾意文學...所以都唔想呢科死啦...
所以點都要堅持溫得幾多得幾多....
不過有個evil啦....佢就係我媽媽呀~~
佢呀...入左我房用我部電腦睇VCD啦...
點知我都睇埋一份啦...
不過真係好好睇呀...
點解佢要拎d咁好睇既VCD返黎呀??
我又好容易就會分心架啦嘛~
唉...點知就係溫得個三課半就去左考啦...
不過當我見到份卷既時候...我就知死哂架啦...
我溫個三課淨係出左一課渣...仲要係出我冇溫個part~~
想我死嗎??? 真係冇陰公啦...連文學都要老吹....

下晝呀又好唔開心呀...
個條陪左我半年既鏈呀....
今日漏低左係的士度呀....
冇啦...乜都冇啦...
好唔開心...直頭傷心啦我!!!
唔得...我一定會買返架....
真係好鍾意個條鏈~!!

lunch完左之後就test個文化啦...
My God...文化真係唔好講笑...一d都未睇過
見到個test我都麻木啦...唔識驚啦
之後就一味係度吹水唔抹咀~~
very good啦...好流暢呀...
我可以出去講古啦...
tset完之後szeto竟然問我病好返未啦...
好又覺得佢好好人啦...
不過我唔識做個test喎~
咁又點算先??

>>January 6, 2003 at 4:06:13 PM GMT+8

2003 年 1 月 3 日 星期五 【晴】

頂...頂唔泡呀!!! 做咩要咁先??
係唔係嫌我訓得太多呀??
點解我今日唔駛返學都要咁慘呀??
6:30俾阿"女麻"入黎叫我..7:00俾阿媽入黎叫我!!
原來今日要同阿"女麻"去睇醫生..
駛唔駛咁早呀....早成個鐘去到..食風咩??
咪又係走去飲茶.....不過一d都唔好食!!

今日發現左原來d雞唔止夜晚先出黎架...
佢地朝早都係度搵客...可能想來一個"早埸"啦....
都5張野架啦..仲拋個身出黎...
好心d"老雞"就抖下啦..晨早出黎想嚇死人咩??
搞到我幾驚呀....

睇完醫生就梗係返屋企啦...
返到黎我就好開心啦~~
因為我做左好想做既野啦...
哎...之前搵人幫又幫唔到喎~
而家唔駛靠人咪一樣掂~
霎時間覺得自己好似好掂呀....
個effect都幾正丫..起碼唔會冇野俾人睇丫嘛!!

之後就訓左個晏覺啦...
起身之後呢我就去左還書啦...
本書我都借左4個月架啦...
續借都唔知續左幾多次..仲要罰左好多錢呀...
不過而家好啦...冇負擔啦...

今日又係到我煮飯....
上海菜飯啦...豬肉丸湯呀咁..好好味啦...
原來雪櫃仲有三個大芒果...呵呵~咁梗係拎瘝整芒果布甸啦...
唔係咩呀...好好食架....
你又想食呀?? 睇下點..呵呵~
唔俾.....你食呀!

死啦...開學個日鬼死咁多test呀..
乜都未溫過呀...我點死俾佢呀???
救下我吧...!!
我聽日仲要10:00"欄"去補習..
今晚又實行冇覺好訓啦!!

>>January 4, 2003 at 3:16:50 PM GMT+8

2003 年 1 月 2 日 星期四 【晴】

妖~做唔到想做既野!
咁點算呀...趕住要架喎~
到時點俾人呀...?
俾你玩死呀!!!!

>>January 3, 2003 at 5:32:22 PM GMT+8

2003 年 1 月 1 日 星期三 【陰】

妖你呀!! 好累呀!
琴晚已經勁夜訓架啦...
又睇叱吒...又要溫europe...
搞到我成4點先訓....好冇精神呀...
今日仲要趕返去補asia...係9:00返到去呀...
頂..難得我今日係唯一一日準時架啦..
成班都冇人返...得個袋袋人係度..
妖...見到佢都想死..
咁咪走左去買早餐食囉...
食完上去真係想死...
又竟然鬼死咁多人返左喎~
等"Kill" sir仲話我遲到...
好慘呀....俾人老冤...想我死嗎??
今日"Kill"sir做咩做左葉局長..成日都話唔會呃我地呀?~~

補完asia就仲要留低啦..
因為要quiz個europe丫嘛~~
呵呵..又俾人昆喎~
出哂我冇溫個d..又死多暈...
想我死真係好易架渣...
但係我唔係貓呀~~我冇九條命架...好心放過我啦!!!
不過點都作作下作左3版半..都好啦..起碼都唔駛俾Lily罵啦~

補完課就立刻返屋企去銀行...
搞左好多唔知咩既野~
我呢d經濟白痴俾人昆左去經濟封鎖呀原來...
咩理財...我一d都唔識架..
我淨係知我d零用錢會少左~~
好慘呀...

夜晚去食飯..都唔知好嬲定好笑...
等人個陣有個師奶無端端走埋黎
同我講話: "可唔可以幫我做個訪問呀~?"
我呢d咁好人既人就梗係一口應承啦~
點知佢問我; "你夠唔夠19歲先??"
我話唔夠喎...
跟住佢竟然同我講話: "係啦...睇你個樣都唔夠架啦...你幾歲呀...睇你都似16、7歲...."
God....咁你知我唔夠秤你又走埋黎同我做問卷??
而家我有邊忽唔似係18歲先?
咁話我好hurt架嘛~我有冇咁細個呀??
妖...頂唔泡呀!

>>January 2, 2003 at 5:08:49 PM GMT+8

2002 年 12 月 31 日 星期二 【陰】

好正...今日真係好正..
雖然唔可以話係我咁多日假期入面最開心個日...
但係真係好開心...做左好多一直以來都好想做既野...

今日起身就睇左Waterboys....(好多謝狗狗同Tiffany!)
雖然係遲左d...但係我睇左呀..真係好好睇..
典型開日本戲...好positive...
Tsumabuki勁正(カッコイイ！)...Hirayama勁靚(カワイイ～！)~~
總之人靚景正內容掂啦...(すっごいいじゃないし？)
好好睇...所以我都買左VCD啦~~呵呵~
但係好多地方都冇哂啦~
俾我搵到間 "up dup"野有...但係都要成$38..好貴呀...

睇完套戲之後冇野做..
又唔想溫書..咁就諗住搵人去街啦..
但係linlin岩岩起身喎~
佢又話冇錢啦..咁佢就唔同我一齊去啦~~
之後我就好lonely咁一個人去左街啦...
今日出街係想買一個銀包...
Patrick Cox銀包呀...啡色個個暗花呀....冇哂啦!!
有一間有呀.....但係原來發現拎左出黎之後個隻色又唔係咁靚喎...
仲要$498...車~! 咁咪即係冇折??
我梗係唔會買啦~~
咁就去左聯合啦..因為之前見到個度有間都好平...$330渣..
咁去左之後我都好失望啦....
因為個間平野得一個款...我又唔係咁鍾意...因為有個coins位~~
之後我就去左另外一間啦...
個間又淨係得黑色喎~
但係真係好靚丫嘛~
我卒之都係買左...又係四百幾蚊啦..買左之後又要save money啦~~
God...好慘呀...做咩要俾我見到d靚野喎~
我見到個Agnes b 銀包呀又..
好靚...又係佢traditional個d簡約主義~~超正呀..
整到我返左屋企又覺得個Patrick Cox花得滯喎~
我又好想買個個Agnes b啦~~點算呀??
死啦你去....點解d牌子要咁貴呀??
而家對住個Patrick Cox...真係又愛又恨...
不過唔多唔少真係有d後悔啦...

返到屋企又係好累啦..
又知聽日要test喎~~ 我又未溫喎~死啦我今暈!
仲要走左去訓...點解咁多evils架?? 9點幾先起身呀我~死啦死啦!!
聽日仲要補"Kill" Sir呀~~殺左我吧~!!
我諗我唔可以咁懶啦..
而家就去溫~~

>>January 1, 2003 at 3:27:43 PM GMT+8

2002 年 12 月 30 日 星期一 【陰】

頂...個server死架??
琴日唔知做咩黎唔到呢度呀,,,
整到我寫唔到diary啦..
雖然係冇咩好寫啦...
但係你都唔可以唔俾我黎架嘛~
我唔黎係我既事...但係你唔俾我黎就唔岩架嘛~!

好想死呀~~
好慘啦我...琴晚好累...好想早d訓, 諗住可以精神d今日補課啦...
點解媽媽你要拎d咁好睇既碟返黎丫~
你係唔係想我冇心機上堂丫...
整到我陪你睇到2點先捨得訓...
仲有呀~~唔知點解媽媽仲唔識打長途電話...
打去日本同澳洲都唔識....
佢仲叫左我3點起身幫佢打啦...
My God~ 想我死嗎?....好無奈呀~
一對dup哂的眼皮好唔掂呀!
我已經累到死架啦~~
今日仲要返去補課啦..
Q sir..你還要遲到嗎?...是耍我嗎??
唔好整到我仆返去你又唔係度啦...

3個半鐘我地獄式History補課後我已經死左一大截啦..
不過都係約左好耐都冇見的friend出黎食lunch~~
去左銅鑼灣~~
嘩...今日個lunch真係何止食左我隻車??
我支火箭都俾佢食左啦~~
$53蚊呀~~~~~冇哂$$啦我!!
不過好食就唔可以否認既...不過我下次一定唔會再去呢間野..
因為d野我都識整~~自己整都唔駛咁貴啦...

之後去左行街...
見到好多野都好想買呀~
啡色Patrick Cox暗花銀包....
同埋Agnes b錶...我而家個隻花左啦...
不過個銀包好靚好靚呀~劇烈喜歡中...
我要plan下買左佢啦...要慳d啦..
不過winwin個friend都有一個同款既黑色啦,,
會唔會唔係咁好呢? o個個人我都識架嘛....
容乜易話我打佢架?...但係我真係好想要呀~~
睇下點先啦...我諗都會買既~~(因為我好需要一個銀包呀~)
不過Agnes b個d"林嬸"野....我真係要諗清楚d...
因為要慳d為個"姑西"呀~~

行到7點幾就返家....食左飯就諗住睇個waterboys啦
點知係DVD啦..睇唔到呀~~點算呀??
打左去同TIF度o申啦...好無聊咁傾左一陣啦...
又玩埋d咩Titanic啦...好正啦..
下次大家要睇清楚就配合呀!

今日除夕...好多人係街..好多人呀...好迫,,迫死人啦!!
雖則係好累...但係又好想出去熱鬧下喎~
但又唔想同人迫...
丫~~好矛盾呀...不如倒數啦....10, 9 , 8 , 7 , ..........~~

>>December 31, 2002 at 3:29:56 PM GMT+8

2002 年 12 月 28 日 星期六 【晴】

今日好懶...不過非常之咁精神...
皆因今日d人出哂街...冇人係屋企吱喳咁嘈~~
一訓就到12點幾先起身....正爆呀...好耐都未試過!

我而家真係知道咩叫做"山窮水盡疑無路, 柳暗花明又一村"....
今日起身之後諗住可以整d野食啦...
點知屋企咩都冇.....雪櫃得返一磚牛油同d見到都想死既大蕃茄....
諗住可以"陸"個麵啦....但係個櫃又係咩都冇呀~
奶, 啡, 好立克...原來咩都冇哂...huh~~好慘呀!!
唔通個天想餓死我呀?
不過好彩啦!!!!
原來我個天使救星一直都係屋企啦....
我個妹原來一直都係度訓...不過佢2點醒左啦...
哈哈~佢個死野原來鬼死咁有米呀~
慳埋慳埋咁鬼多$$$, 我呢個窮人梗係向佢埋手啦~!
問妹妹拎左$100落街入貨啦...
去supermarket買左野~~好想食個個日式餃子呀...
點解減價咁平個陣要買哂呀????....想我死嗎??
你唔好俾我搵到其他地方有~!!

之後晏d又去左街市買野煮飯啦....
冇人係屋企又到我一顯身手啦..可以食到我整個d野你有食神啦...
去買野返黎個陣見到好"lum"既場面~
行經一個公園仔....見到一對公公婆婆佢地好恩愛呀~
雖然個婆婆行唔到, 要坐輪椅..
但係個公公仲會推住佢去散步呀~
又買左一個馬孻糕餵俾婆婆食呀~
真係令人真切體會到咩叫"相夫到老"呀~!! "lum"爆呀...勁warm~!

返到屋企食完野又有正野啦~~~
online download左筍野~~今暈又可以慳返一大筆買碟$$$~
嘩~d歌好鬼驚喜....又有進步呀佢...勁正!!
食左好正既士多啤梨....咁岩又睇緊joey唱歌...
咁就係度扮佢隻碟個封面啦~不過俾人見到..好樣衰呀...
唱我? 想死呀你???

點解會咁架...我都唔知聽日有test...點解要我到今日9點半先知呀???
周圍打去叫人陪我唔好test~~
之後又同++傾左好耐啦...你個死野成日訓...真係懶精+豬精呀你~!
不過都好...聽日都唔駛test啦..呵呵~~(仲等人plan好哂點走架嘛~~)
正..又可以鬆一口氣啦~

係唔係呢~我都話我冇介紹錯架啦~
佢係唔係正到死先??
你都話佢冇得頂哩~~（すっごいい~！）
梗係啦...我都話佢好, 佢又點會唔好呢?? 係咪??
個度係唔係真係可以剪到一樣架??
唔好昆我呀~~

聽日又要補課啦~~
q sir唔好嬲我啦...雖則我係走左2次堂..不過我都係迫不得已架~~

好累呀~好想死...聽日起唔起到身呢??
唔好遲到啦...ivy個日我都遲左個半鐘架啦~~
不過咁凍又係好難講架喎....係咪??

>>December 29, 2002 at 4:08:53 PM GMT+8