2002 年 12 月 27 日 星期五 【晴】

好凍好凍好凍呀~~
頂....又話今日會冇咁凍....咁而家又咁凍算點先..???
而家你個天文台係唔係想害我丫...???
可能琴日真係玩得好累呀...今日訓到11點先起身啦...
不過好凍呀....成日都摟住張被係屋企周圍走啦....
之但係俾阿媽見到啦...佢又用對"射哩眼"望住我呀..
之後又話我整到d野污糟哂喎....不過真係好凍丫嘛...我連被竇都唔想出呀!!!
睇到出面咁好太陽..搞到我好想出街呀...
無奈原來好凍呀...加上我又得返$12.4, 八達通仲只得個$1.9~~
都唔知可以去邊啦...最後都係冇出到街~!
咁今日呢就係屋企做左一樣好耐都好想做但係都做唔到既野呀....
就係我搵到個插optic output個個窿呀...咁以後就可以自己錄MD啦....
今日打左俾金金問野...佢地班野走左去睇戲呀~
有得玩我又想去呀...
我今日發現原來屋企訓住邊個人我屋企人都唔知啦...
好恐怖呀金金~!! 做咩你要講呢樣咁驚昸野俾我知呀?
你係咪想嚇我丫? 你講丫~~
今日係屋企online到4點幾就走左去補習呀..
都不知幾咁開心..因為今日係最後一堂啦~~
我再唔駛俾個補習人昆我d錢啦...
補左2年都係佢~~但係好似咩都學唔到..
仲耍俾佢呃左成$6000銀呀..
不過比起我學校個隻章魚...佢都好好多架啦~~
今日好似平日咁搭28號返屋企....
不過我個心就已經左去尖咀啦~~
要快d有返錢呀~
好唔捨得冇得睇皆大歡喜呀....
不過可能遲d會有更好睇既野呢....
日本今日就有得睇"Jam Films"啦
咁我幾時先可以睇"Justice"呀~~??? (今､ 期待してねッ～!）

>>December 28, 2002 at 2:07:54 PM GMT+8

2002 年 12 月 26 日 星期四 【雨】

我今日好累呀,
哈哈~好耐都未有試過一日有咁多人約我架啦~~
丫~我琴晚就真係死左啦~~
我成晚都冇訓去做physical個project~~仲慘過個human!! (human我都有1個鐘訓呀~~!)
因為原來係要睇好多reference架~~鬼咩, 都係自己衰啦...
本來個project就係要9月交架啦, 但係我地就拖到而家....不過都算啦, 可以趕得起~~
不過成日推ivy又好似唔係咁好意思啦, 好對唔住呀, 好在都多得你一再容忍我既懶惰啦~thx呀!
而家對個landscape又好似深左印象喎~真架...可能呢d就係project work既真正意義啦~!
之後呀..約左一大班人呀...仲要2頭騰....
先就係約左志輝去幫佢眼啦...咁衰架, 拉左我去"燉"腳~~
我一放學就仆到黎既時候你咁對我???
整到我本來可以有2個鐘返去訓既時間都冇左啦....
不過都冇緊啦, 鬼叫我又之前拍哂心口咁應承你咩？
下次唔好叫我去個度食個ｄ"章魚小丸子"呀~都未見過人d紫菜可以剪到咁幼啦...
唔睇清楚仲以為係鼻毛呀...粗d唔駛死呀嘛?~~~咁核突...
之後就去左tiffany個度啦....喂,我係第一次去你個度啦..
你一定係好開心架啦..點解? 仲駛講咩, 你咁坦, 我咁蕩蕩, 梗係一拍即合啦..
而家你正室黎睇你呀, 你仲唔開心咩?守得雲開見月明啦你~~
個度仲有winwin, fishfish同linlin呀..
2個啦!!
至驚就係個d見到冇野講個d"鵪鶉人"啦..死"姑姑"咁....喂, 我地今日d相一定要哂返出黎呀, 我好想睇個張"2筒眼"既2%相啦..哈哈~
肥仔同tif個妹都好得意呀~唔怕生保就最好啦...我都好鬼鍾意佢地
哈哈~~睇到你地個d相我都真係打左個"突"啦...
"娘"到嘔啦....個d look都唔可以再出現架啦..唯有睇相笑餐飽啦..
個張"聖誕樹下的少女"好鬼正呀...(不過一d都唔似少女, 似二姑多d呀...呵呵~~)
玩左一大輪之後就走左出去mk食dinner同玩啦..
同我地之前個plan完全唔一樣...遲左成個鐘先出門口~
去到mk就梗係第一時間去影貼紙相啦~~好靚呀....玩到大家影完又影啦
但係我地之後先發現原來第二個地方個部機係靚d同好玩d架啦...
係呢個咁凍既日子, 我地就走左去食呢個車仔麵啦...(其實本來又係plan去食煲仔飯架!)
好貴呀, 埋單貴過觀塘一個double呀...不過都幾好味丫~ (唔好味我就o申啦!!)
今日駛左好多$$呀...我諗都要等個荷包抖一抖先啦...
不過nevermind啦, 一班friend一齊先係main point嘛...
今日好凍呀....下個禮拜先會暖返呀...
好多謝d friend成日提我呢個"孱仔"著多件衫啦...你地都係啦..小心身子呀!!
今日真係好累啦, 不過又係非常之咁開心..好耐都冇試過啦...thx my friends~

>>December 27, 2002 at 4:49:05 PM GMT+8

2002 年 12 月 25 日 星期三 【雨】

唉~~都唔知做咩啦...
今日唔知做咩咁好訓, 竟然熟睡到12點先起身~~
鬼咩, 琴晚同winnie傾到近4點先訓..
好啦...以後整野食就預埋你一齊整啦..我實傍實你架,包你唔會整到出黎d野食"長眠"係雪櫃架啦, 又或者等十幾世先俾人搵出黎頂肚, 其實都好難頂架啦..哈哈...>~<
起左身之後就梗係立刻"拍"著個腦啦, 睇下有冇mail或者留言嘛...
不過好可惜..係冇架!!!
得百福豆腐花send黎既一張e-card~~叫我食佢地個紫米露喎~
話時話, 而家咁凍, 食佢都好好, 等我都買黎試下先...
喂, 你地呀..我d friend呀...我個dairy新起架~請大家多多支持, 多多留言啦...我會好多謝你地架啦....真架!
今日本來想落街買底衫來襯衫啦...不過唔係睇唔岩色就係太貴啦..你話丫..一件底要成百五蚊係唔係過份丫....??
最後都係冇買啦, 我去左supermarket買野..今日咁凍最好都係飲湯啦, 買左好多野, 不過全部都係減價既~好抵呀...2筒品客都係18蚊渣...話係唔知咩新年版喎~~好呀..新年丫嘛, 益下d消費者都好啦...呵呵~~不過凡食左之後粒滋好似大粒左呀..好痛呀!!
今日都係冇街出, 出面風大雨大呀, 我咁乖都係留係屋企啦...我好辛苦咁上網搵patrick cox logo做DIY啦~~不過我搵唔到呀...好心人搵到唔該話俾我知丫~我會好多謝你架!!
聽日都仲係好凍呀..不過仲要返學補課呀~~(寒いねっ!!) 不過睇在係ivy我就一於要返架啦!!
my friends, 你地都要小心身體呀!!
唔知聽日個約會會係點既呢? 好期待呀...希望都會係好開心架啦~~
好開心satoshi都會黎leave message, 我冇怪你唔得閒搵我架...我都知你忙架啦..好多謝你既present呀.....!! (どうも､ お前のPRESENTはすっごいい｡ 好きぞ!!)

>>December 26, 2002 at 12:07:38 PM GMT+8

2002 年 12 月 25 日 星期三 【晴】

マーリ　クリスマス～！
今日雖然係聖誕, 但係都冇人約我~~
咁唯有係屋企啦...不過係屋企都好好啦~
今日睇返個日個video..好鬼搞笑呀..我睇左咁多次就笑足咁多次啦~真係好鬼頂瘾呀!!
今日諗佳落街買柔順劑, 點知就行行下走左去行街..
下晝返到屋企真係好累呀我~~好耐都未試過訓一個咁好既晏覺啦~~好充實呀!!
今日download左好多歌呀....不過成日都冇人online...冇人同我分享呀~
今日突然有一個idea, 諗到點樣DIY對converse呀~不過好重要個個supplier唔係度, 怏d返啦你!!
誰もいない～寂しいなあ～～！

>>December 25, 2002 at 5:27:00 PM GMT+8

2002 年 12 月 23 日 星期一 【晴】

今年有一個好難忘既x'mas.....

18/12
唔知咩事, 病到我飛起..
死啦, 後日仲有thansgiving, 呢個係我地F7大事黎架嘛~
早個幾2個月之前就開始填詞, 搞左好鬼多野,
諗返好多搞笑蝦碌野, 上堂趣事咁.....又綵排左好多次架啦...
殊不知琴日就走黎喉嚨痛, 仲好似走鬼咁避補課,
諗佳返屋企抖下啦...點知屋企又無啦啦黎左鬼死咁啦多人食飯,
仲諗住溫完europe就去訓啦咁, 點知都係冇溫啦,
我確係頂唔到啦~~

19/12:
今日訓醒都係覺得好唔掂, 卒之走左去睇醫生,
都唔知前面個條友想點,
都咳到嘔血架啦, 仲要5分鐘隊3支煙, 攻到我想死,
醫返都side藥費啦(咁梗係佢啦!)....
下晝返到去睇到d人一個二個走黎走去, 好似唔駛上堂咁,
原來大家都係都忙緊聽日個thansgiving, 以為可以同欣兒傾下點講ivy啦,
點知原來個日係要test文化listening啦...
我真係一d都唔知架, 唉, 我以後都要俾心機上返司徒sir堂啦....
之後放學係最後一次rehersal, 我地大家都好俾心機呀,
雖然係亂左d, 不過個效果好好呀,
d歌好好聽, d台詞又好正,
好期待聽日...希望把聲好得返啦~~(好多謝欣兒同melody陪我傾到2點呀)

20/12:
今日返到學校大家都做好preparation, 準備上台啦,
個出埸就簡直係殺哂啦..哈~全場爆笑,
之後演出都好流暢, 完左我地個part之後, 好有成功感呀~~
點知之後唱合唱..我就連唱邊首都未知啦, 事緣我冇返就冇練啦,
不過都算咪咀成功啦, 我又唔係d大支野, small potato 唔顯眼嘛~~
之後lunch成棚人走左落成慶功, 你知唔知撞到邊個丫~?
係edwin, 冇錯, 係佢啦, 個個新人,
唔係我地學校個個大孖腸.
雖然我都唔係鍾意佢, 但就好好奇想睇下佢真人,
不過我地背對背坐, 到食完走人都見唔到佢個樣..
好失敗呀...
返到上去開party, 都不知所謂, 與其話係party, 不如話係free堂?
條仆街章魚都唔知做乜, 影都唔見, 做乜叉先生呀, 叫死左佢啦, 樣衰精!
不過冇左佢大家都好開心, 一班人完到癲哂, 好開心呀!!
到左放學又玩衰多口, 阿嘉同金金既懲罰都好搞鬼呀,
你地好勇呀, 呢d野都做得出~~
本來夜晚留係學校食盤菜同玩架,
不過我又病左, 都玩唔到啦, 最後就返左屋企啦,
其實我真係好想留低架~~

23/12:
今日真係悲喜交集呀.
今日係x'mas service同一年一度sing con final呀,
佢地唱得好好聽呀, 好鍾意個首一千零一晚, 佢唱得好好啦,
我覺得佢仲唱得好過個第一呀.
我返到屋企就立刻download左首歌啦~~呵呵~~
諗住今日係過左截數既第一日, 又可以碌卡shopping,
我俾左自己一個budget, 買過左我就會收手架啦.
好開心同金金同lin lin一齊去左又一城食野,
又見到mathew, 同羊羊佢地呀,
好多地方都冇哂位啦, 咁我地唯有走左去食M記~
我都仲有兩聲咳架..不過都冇緊啦..
不來而家M記有coo飲喎~
仲有呀, 佢地個餐原來個個都加左6毫至1蚊架~~
加咁多又唔話俾人知..好有被呃既感覺...
之後同lin lin佢地去左開始shopping啦~~好開心呀.
一落去就見到IT同5cm on sale啦, 我都立刻入左去睇啦..
不過都係冇野睇岩~~
之後就走左去新開個間double park個度d野都幾好~不過都係冇買...
同lin lin&金金去左log on買禮物啦, 佢地揀左好耐呀,
金金條繩好靚呀, lin lin絛"黃底粉紅波波點"底都好得抵死啦, 唔知邊個會抽中呢?
而我都買左個散紙包俾細妹,
好抵呀..$10就有一日本唔知咩風水熊仔散紙包..都好靚呀, 我諗佢都會鍾意啦~~
但係呢個時候, lin lin就發玩個電話唔見左啦...一時間我地都唔知點算啦,
一個二個就發哂茅咁"抄"d野, 又周圍打俾人問睇有冇漏低啦,
不過都係冇~~
我地都唯有安慰lin lin啦~~
之後金金走左, 得返我同lin lin2個人, 咁就出左尖咀啦,
行左park lane, 又去左新港double park, carhartt同muji,
之後買左件衫..好開心呀...
我見lin lin買唔到野呀, 自己又覺得唔係咁好意思啦, 咁就陪佢周圍睇啦,
我地又去左oc700間LCX..嘩, 間野好鬼大呀,
不過個入口度就有好臭既香水味~~好難頂呀~~
之後先知原來lin lin睇中左OPA一件衫, 咁又同佢去mirama, 但係又冇狗狗條line,
咁又去左利時睇, 又睇唔岩~~
最後都係陪佢去搭地鐵去tif個度同dayday慶祝生日啦~~
點知我搭車返屋企睇醫生個陣tif又同我講話lin lin俾人界袋偷左個銀包,
我都覺得佢好慘啦~~一日唔見兩樣野我諗我都傷心死呀~~
我只有等lin lin都到tif個度打俾我安慰佢啦...
佢咁黑, 早知唔拉佢出去啦, 搞到好似我累左佢咁~~唔好意思呀~~

今日收到sam sam禮物~~都唔知咩黎既~我幾時先可以用呀?????
不過都好開心, 好surprise呀, 你都仲記得我!! thx anyway~~

24/12:
琴日買唔夠呀, 所以今日又出動啦~~
今日出左mk, 又預左做吸塵機啦...不過都冇緊啦...
一去就去左it同red focus, 買左好多野呀...
之後收到tif電話, 話佢又要出黎喎~
咁佢又有任務在身, 咁我就陪佢一齊行啦,
女人街?花園街?你熟哂啦, 咁既底底都俾你搵到~~
之後走左去食野~$10九件鍋貼, share食都好飽呀, 仲要加埋個大菊, 想我死咩..
之後仲要ur埋d"9菜"胃氣...好難頂呀...我都忍唔住要趙返extra啦~~
之後又去左聯合啦, 跟住時間尚早, 咁就返返mk行red focus, 新天地......
我已經一個地方行左3,4次啦,
會唔會一日行5次有VIP架??
不過應承左陪你我就唔會"o申"架啦!! 最後佢都買哂野啦~
賣盒個人好鬼抵死呀~~而我都買哂lu~~

返到屋企試衫啦...條褲唔岩著呀~~點解條腰岩個hip窄架~
二百幾蚊架~~
不過我都拎黎借花敬佛..俾左細妹~
嘩~good fit呀佢~~好靚!!

今日冇去恩個度, 唔知好唔好玩呢??

>>January 5, 2003 at 6:16:07 AM GMT+8

2002 年 11 月 11 日 星期一 【晴】

丫~我好似又病左啦
咁點算呀.....
訓又唔訓得~聽日仲有europe.....
後日又有asia~~日日都係一個惡夢cycle....

不過唔辛苦d又點得呢?
你又會唔會鼓勵下我?

>>November 12, 2002 at 2:14:57 PM GMT+8