2003 年 1 月 27 日 星期一 【晴】

今日又要晨咁早起身啦...
一方面因為要返學..另一方面係要打俾美國vans問下買鞋的細則...
好正啦...之前仲擔心唔係美國address出唔到貨..但個assistant話冇問題喎..
咁我都係諗住下晝返到屋企上網買啦~

返到去學校..又見到d唔想見到既人...
第一堂就俾個章魚催我交錢...我而家係唔俾呀!
佢咪又係奈我唔何~~

recess既2堂好正啦...我地係咁上網搵鞋啦..
好靚呀d Vans真係....不過真係想買既只得一對..
之後睇完鞋之後就勁上個d名牌網啦...
d名牌賣得貴又真係有原因...鬼叫人地d design同quality都咁好咩~~
咁就去左2堂free堂啦...乜都冇做過...

lunch之後唔駛上PE呀...
有得唔上我就梗係唔上啦....於是我就上左library訓覺啦....
不過今日乾到死..訓得一d都唔舒服~~
之後上miss mak堂呀...我真係唔敢再遲上去啦..
今日我係第一個入到班房架...都唔好講笑~
不過佢教書又真係......唔出都唔駛咁樣爛尾法架嘛~
佢今日走個陣仲講左"Goodbye Miss Mak" tim呀~笑到我死~不過日日文學堂都係咁好笑~

放左學呀..又要補"Kill"sir啦..
今日俾佢呃左呀...佢話一個鐘架...點知個半鐘先放人...好慘!
之後我就同羽姐出左旺角啦..我又出去呢個鬼地方啦...唔想再去呀!!
去換碟...要聽日先拎得...唯有睇下邊個聽日順路幫我去拎埋啦..我唔想再去啦!

夜晚返到屋企睇報紙...見到聽日有一個開倉啦..
嘩...好抵呀...我聽日一定去呀...
有對鞋又好靚啦...$980減到$280渣..我聽日一定去買呀!!
咁我對Vans呢?? 雖然係咁...不過我都會買左對Vans佢..
不過係叫青蛙下次返黎拎俾我o者...可能係耐d..不過可以慳到好多運費架..
而且對gravis襯冬天衫又好似靚d喎.....
之後我就online buy左我既第一對係咁遠地方買既鞋啦..呵呵~

>>January 28, 2003 at 4:08:35 PM GMT+8

2003 年 1 月 26 日 星期日 【晴】

今日好正呀...
之前勁想同屋企人一齊飲茶...今日就得啦...
今朝俾阿爸拉左起身去拎位..之後好快阿媽同個妹就黎左啦...
我地都飲到11:30先返屋企...

之後返到去就打左個電話俾羽姐啦...之前因為約左佢地返去sports day
不過呢個時候返去都未免太遲啦...所以都係決定唔返...

不過唔知呢排係唔係諗住對Vans諗到傻左..
返到屋企就立即上網去個web度睇對鞋啦...
我好驚佢會賣哂呀...於是我又出左街去walker shop度試碼啦~~

去到新世紀間walker shop...個個sales都唔知係態度唔好定係廢..
都唔知講咩..問佢8號同8號半既size差幾大..
佢答我"爭少少"...
死啦去...鬼唔知你阿媽是女人麼??
我都廢事同佢再糾纏..於是再去波鞋街的walker shop諗住再問過..
不過中途去左一間鋪頭睇衫呀...睇中左一件褸...
嘩..勁靚呀...不過又勁貴..折左都成六百幾..
不過我而家又要買對vans....如果唔係我就實買左佢架!!!
之後去左波茬街試岩左size...就諗住返屋企上網搵啦..

返到去上網...發現我又未必會買到呀..
因為我唔知個billing address 係打d乜...
唉...都係等vans reply左我先啦...
可能呢排行得太多街啦..搞到個人超累..
所以我下晝就訓左個晏覺呀.好正!

夜晚原來阿媽又返黎食..
咁我就又整左好多野食啦..
食完之後仲同左佢去街tim...
不過好累呀我...聽日仲要補"kill"sir呀..
仲要去旺角...我而家真係明白咩叫行街行到厭!

今日老婆仔問我 一首歌...
我開頭都唔知佢講乜..完全改哂個名..
隻歌之前聽過...不過唔係老婆仔想要既version...
不過我而家都download左啦...
呢首歌好勁架原來...係日本2002年既國歌黎架...
講多無謂..正野梗係要自己聽架啦...
黎我share file啦...又或者請大家自己去WINMX搵啦..
歌詞as follow...

@@@@@@@@@@@@@@
亜麻色の 長い髪を
amairo no nagai kami wo
風がやさしくつつむ
kaze ga yasashiku tsutsumu
乙女は胸に白い 花束を
otome wa mune ni shiroi hanataba wo
羽のように　丘をくだり
hane no yoo ni oka wo kudari
やさしい彼のもとへ
yasashii kare no moto e
明るい歌声は 恋をしてるから
akarui utagoe wa koi wo shiteru kara

亜麻色の 長い髪を
amairo no nagai kami wo
風がやさしくつつむ
kaze ga yasashiku tsutsumu
乙女は胸に白い 花束を
otome wa mune ni shiroi hanataba wo
羽のように　丘をくだり
hane no yoo ni oka wo kudari
やさしい彼のもとへ
yasashii kare no moto e
明るい歌声は 恋をしてるから
akarui utagoe wa koi wo shiteru kara

バラ色のほほえみ　青い空
bara iro no hohoemi aoi sora
幸せな二人は よりそう
shiawasena futari wa yorisoo

亜麻色の 長い髪を
amairo no nagai kami wo
風がやさしくつつむ
kaze ga yasashiku tsutsumu
乙女は羽のように　丘をくだる
otome wa hane no yoo ni oka wo kudaru
彼のもとへ
kare no moto e

バラ色のほほえみ 青い空
bara iro no hohoemi aoi sora
幸せな二人は よりそう
shiawasena futari wa yorisoo

亜麻色の 長い髪を
amairo no nagai kami wo
風がやさしくつつむ
kaze ga yasashiku tsutsumu
乙女は羽のように　丘をくだる
otome wa hane no yoo ni oka wo (kudaru)

亜麻色の 長い髪を
amairo no nagai kami wo
風がやさしくつつむ
kaze ga yasashiku tsutsumu
乙女は羽のように　丘をくだる
otome wa hane no yoo ni oka wo kudaru
彼のもとへ
kare no moto e
彼のもとへ
kare no moto e
@@@@@@@@@@@@@@

譯埋個音俾你地啦...唔話得啦掛..
係唔係正? 自己download黎聽下~

>>January 27, 2003 at 5:10:59 PM GMT+8

2003 年 1 月 25 日 星期六 【陰】

今日日頭有d唔開心啦...
個妹拎左張成績表返黎..
勁唔好囉...
不過最唔掂既佢佢唔檢討下自己...仲要賴係我既錯...
點解?? 勁唔開心囉~~

下晝同satoshi去左銅鑼灣諗住睇鞋呀..
好開心呀...終於都見到佢...
實在太耐都冇一齊行過街啦...之前約話就係咁撞期...而家終於見到啦~~
條友又型左啦...幾正喎又~
佢件冷衫好靚呀...$300幾蚊渣..點解條友可以成日搵到d平靚野??

點知一齊行行下個陣俾個人捉住我同我sell個d儲蓄計劃啦...
佢仲拉左我去問我拎d個人資料呀...
我都係諗住唔俾佢架...不過佢又2條友係度夾攻我喎~
走唔到呀...好驚呀..
個個satoshi話聽唔明佢地講乜..話去買d野飲喎..
點知去左就冇回頭...剩低我一個人係度撐啦..
咁我都好無奈咁俾左我d資料佢地啦...因為佢地話唔會拎去做第二d野喎~
不過我都仲係好擔心呀...
個死人野之後仲要我打俾佢先返...話唔好阻我喎...my god..點解咁蠢架佢!!!

同joanne講左一陣..佢話個度冇野行喎..
咁我就同satoshi去左尖咀啦...
去左muji幫個妹買野...又諗住搵下對鞋啦...
不過都係冇呀......
一路行都好唔開心呀....我又買唔到野..
點解佢可以一個人買咁多野??
入到Polo好似癲左咁係咁買...唔駛錢呀??
自己係咁買..又唔理下人幾咁傷心~~~
之後冇力行啦...去利時雖然好近...但係我都寧願搭車...
去到咪又係陪人...自己都去過啦之前...
不過有間野賣Birkenstock好平呀...千幾蚊既鞋淨係需要$790渣..
個對鞋又係想要左好耐架啦...搞到我而家都唔知想點咁~~
最衰條友唔返去啦..如果唔係就叫佢返去幫我買對Vans丫嘛...

返到屋企我都係決定把心一橫---上網買!
去到個網搵..呵呵~有貨呀..
不過我唔知我係咩碼呀...所以都寫左封email去問啦..
不過唔知佢會唔會覆呀...又或者幾時先覆~~
所以希望睇我呢篇diary既朋友仔可以話俾我知啦..
(我著40-41號鞋架...咁係美國幾號?)
好想快d訂左佢...希望個心可以定d~~
亦都好多謝美國個邊幫我接收既青蛙...得啦...你個餐我走唔甩架啦!!

我呢2日為左搵鞋都用左$150交通費呀...唉...side哂d錢~~
可能有d人會話我為左買一對鞋又周圍去又上網買會好誇張...
但係我諗呢種欲買而不得買既心情係唔會個個都身同感受!
起碼..我真係深切體會得到~

>>January 26, 2003 at 3:17:18 PM GMT+8

2003 年 1 月 24 日 星期五 【陰】

今日好早就醒左啦...因為好急呀我...
於是就起左身去厠所啦...
之後見咁早...我又再上床訓過....
不過訓訓下又聽到出面有人嗌交啦...
唉..唔駛問阿桂又係佢地啦...
又係為左個少少野啦...鬼殺咁嘈~~

我10點起左身...
阿爸竟然可以當乜都冇發生過咁又同我同個妹去飲茶啦~
又飲啦..哈哈...好舒服呀我覺得...
我諗聽日仲會有得飲~~
呵呵..悶咩?? 我覺得一D都唔悶喎!

飲到下晝就要返去補課啦...
2點幾返到去..都唔知做咩?
上到去得個5個人係度..."Kill"sir個樣好似好唔開心啦..
之後仲有一個返左..咁都淨係得6個人渣..
我都覺得"Kill"sir好慘啦...佢咁辛苦係HKU趕返黎又冇人返~~
不過我地為左令佢唔好咁失望..大家都好俾心機去聽書啦..
佢今日又教左幾多野呀...不過佢都好好人...4點半就俾我地走...

之後我又去左旺角啦...去左換碟同搵鞋...
諗住問下間鋪頭個個人仲會唔會入對鞋啦..
佢話唔會都ok啦..
之後佢仲勁同我hardsell一對我又唔鍾意既鞋喎~
狂叫我試..不過我又唔鍾意...咁同佢講話唔試啦...
佢個樣就即刻變哂...呢d態度點得架?
亦可想而知香港人有幾禮貌啦~
之後又去左另一間...個個女人又唔知對鞋係咩..
又係度唔知up d咩...又話係夏天款又盛...
對鞋根本就係秋冬先有...死啦佢去....個男人又冇鬼用..人云亦云~

返左屋企又試碟...唉...仲係有2隻唔得呀..
大佬...你玩我麼?? 我黎咁多次車錢都蝕哂俾你啦~~

我都話個2條友架啦..
朝早嗌交而家又去左行街啦...
唉...都慣啦...冇咩好擔心~~

聽日約左satoshi.....
條友話冇見好耐喎..又係度扮哂野咁話陪我買鞋..
睇下點....你個死野唔好買哂你自己d野就得啦!!!

>>January 25, 2003 at 3:02:46 PM GMT+8

2003 年 1 月 23 日 星期四 【晴】

今日好充實呀....
朝早雖然好早就起左身....但係就已經有好多野做啦....
先要幫阿爸整屋企d野...整左好耐呀...不過都搞掂哂~
之後就同佢一齊去左飲茶啦...不過冇阿媽同妹...佢地要返工返學嘛~
諗返上次一家人去飲茶既時候好似都係9月既事啦~~
希望快d有機會一家人一齊飲茶啦~~

之後下晝就去左好多地方啦...
約左我地既組員去街呀.....
魚魚好早就到左啦...佢話冇野做就早d到喎...
我同老婆仔原來搭同一班車架...我地真係有緣呀~~
之後紅色同佢個friend都黎左啦...
不過個個linlin又玩遲到...
好丫..我地班人都唔理佢架啦..自己走左去食野..
等佢黎到先打俾我地囉....

今日呀..又俾我見到個d問人拎錢既人呀...
點解呢排咁多呢d咁既人架?? 我已經見過5次架啦..
好心個d差佬就做下野啦...
呢d人好騷擾呀..
佢地又唔係冇手冇腳...有氣有力做咩唔靠勞力去賺生活所需??
根本就係呢d人既價值有問題..只係想不勞而獲~
我係唔會俾錢佢地架..呢樣唔代表我唔可憐佢地生活既困難..
但係我咁做就只係代表我認同佢地呢種處世態度同價值~~
希望大家都唔好再俾錢呢d人...唔好再等呢種風氣泛濫!

之後就同班friends去左食lunch啦...
我其實已經飲左茶...好飽呀...
收到班friends既賀年卡...哈哈...好開心呀
多謝大家既心意呀~~

之前睇到雜誌話美華氏買jeans有買一送一喎....咁我就好心動啦...
但係今日去左之後好失望呀....個d褲同旺角個d有咩分別??
根本就冇野睇岩...咁就side左一程車錢啦....

之後行去搭地鐵個陣俾都市日報既人訪問...
問我覺得香港人有冇禮貌...
我諗唔駛我講大家都心中有數...
不過個女仔好靚呀~~

之後去左旺角行街...諗住可以買到我對vans啦....
不過好傷心呀....行左好耐都搵唔到呀...
d鋪頭個d人同我講話個對係日本版...一間鋪頭淨係得一對渣....
唉..咁點算呀....冇哂啦...買唔到呀...勁唔開心囉...
之前冇錢又見到d靚野..而家有錢又買唔到.....妖...死啦去!!
不過好多謝老婆仔, 魚魚同linlin陪我搵呀..
整到你地要行咁快唔好意思呀~~

咁買唔到就去左信和換碟啦...
佢換左set新既俾我呀...不過..又係一個字啦----"頂!"!!!
返到堅企又係有4隻睇唔到....仲要冇左 一隻tim....
玩我嗎??? 想死呀??

行到5點幾我就返左屋企啦...
諗住返去睇阿旺大結局丫嘛~
不過食完飯之後我又心掛掛啦..
諗起對鞋咁少有...唔早d睇容乜易俾人買哂架??
於是我就又去左尖咀睇啦...
利時都冇呀....冇架啦...我實買唔到啦...
我諗我仲要出銅鑼灣睇一睇呀....唔係我唔會心息架!!!
唔通我要託我d friends係外國幫我買返黎??
所以係呢度好希望大家見到呢對鞋請第一時間通知我呀!!! 無限感激!!

睇到旺旺個結局..勁唔好囉我覺得..
咩叫放開d呀?? 咁樣好愇大咩??
讓黎讓去叫真係鍾意對方個d人點算呀??
咁而家三個人又一齊相遇...又係個d"永遠既好朋友"既結局呀?
娘到死~~唔鍾意...
不過我又唔否認套劇真係幾好睇...有搞笑既..又有感人既幾幕~~

唉...聽日仲要返去補"kill"sir呀...
今晚又要早d抖啦~~

vvvvvvvvvvvvvvvvvvvvvvv
To satoshi:
これslip-onは今回の一番好きな物。
じゃさ，これを捜してねっ！お願いします！
vvvvvvvvvvvvvvvvvvvvvvv

>>January 25, 2003 at 4:18:10 AM GMT+8

2003 年 1 月 22 日 星期三 【晴】

唉..今日差d又遲啦...
呵呵...不過我又係用左3分鐘行左上去...
卒之我就係好幸運咁攝左入學校啦...

今日上geog個陣miss fung嬲啦...
又係既...一個2個傾咩偈呢??
又唔係病又係趴度....問佢係唔係病仲要好無恥咁話係...
都唔知d人點可以咁...俾心機啦...考AL架啦..仲咁樣我地都唔知會點啦~~

上"kill"sir堂個陣我又好慘啦..
佢寫咩"刻薄寡恩"...我就睇到"刻薄寡思"...我都覺得好唔妥架啦...
點知原來又係我講錯啦..於是仲俾"kill"sir話我中文差...
咩呀...我假假地中文水平由小學到而家都有留咁上下架喎...
咁講係咩意思先?? 雖然我唔係拎A..但係唔好以為我咁無sense先得架...
擺明就係佢d字核突啦...
佢放學補課仲話我d英文字核突...
死啦去...我小學個陣寫copy book拎左去全港參賽拎第三架...
都冇佢咁好氣....算...我都忍佢~~

今日free堂個陣收到老婆仔同魚魚既新年卡呀...
哈哈,,,好得意好靘...of coz好多謝佢地既心意啦...

英文free堂個陣又好好笑啦...隻章魚叫我地交報紙錢我地又唔理佢啦...
佢叫我交個陣我就走黎走去避佢啦.....搞到佢又係咁走....
睇到佢想叫我又叫唔到我個樣真係好鬼好笑...抵佢死啦~!!

下晝真係好累呀..不過仲要補"kill"sir...
羊羊既藉口好別具一格呀....話驚落雨要返屋企收衫喎..
聽到我笑爆呀...
不過我補補下都訓著左啦....

返到屋企又好悶啦...
睇下聽日點.....

>>January 23, 2003 at 3:47:09 PM GMT+8

2003 年 1 月 21 日 星期二 【晴】

今日超級眼訓呀......
早知唔咁懶啦...個星期六日就係咁玩...
搞到我琴晚做essay做到3點先可以訓呀!!
不過又未做完喎...又超眼訓喎...
咁我都係去左訓.....今日6點就起身做埋個conclusion啦..
做完之後就諗住print我同金金d essays出黎啦...
但係唔知做咩部printer係度發瘟...print唔到野呀...
我就係都唔信邪架啦~~~於是就係咁亂噤d制....
呵呵...卒之就搞掂左啦...不過我都知其實係因為冇哂墨啦...
不過窮到日日食飽既時候..一盒二百幾蚊既墨實在係太奢侈~~

返到去上左2堂miss fung...好輕鬆呀...
佢俾左video我地睇...冇乜講書呀...呵呵
resess既時候去左見miss mak啦....
不過真係未見過佢咁認真既樣.....我地都好唔好意思啦...
唯有係度苦笑啦...好無奈呀我....
其實又真係幾唔岩既~~好似佢話齋...要抖都上去先抖嘛~~

今日lily堂既時候..佢一黎就拎左d笑野出黎俾我地睇呀...
呵呵...原來大家以前都係咁薯.....
不過講書個陣我就真係忍唔到啦...不知不覺就訓左4個字...
不過好奇怪...唔知點解醒左個陣佢都淨係教左2個points....
又會慢成咁~~~
之後lily補課個陣又講左好多無聊野啦
搞到大家都係咁傾偈.....
之後lily好語重心長咁同我地講左一大番說話...
我都知迫在眉睫架啦...所以真係要俾心機啦..

返到屋企諗住夜晚睇埋日劇個大結局..
點知隻碟又係腎既...9 隻入面有4隻係load唔到既....
有冇搞錯呀...仲要一舊水一套!!
唉...好冇質素...真係要拎去換啦....

>>January 23, 2003 at 3:19:23 PM GMT+8

2003 年 1 月 20 日 星期一 【晴】

今日的心情好複雜呀...真係唔知點好...
首先係好慶幸自己可以唔駛遲到...今日個班車好快呀...
仲追到前一班tim.....所以我都好快就返到學校啦...

第一堂英文又係free堂啦...所以我地又走哂去聚賭啦....
同朱朱, 金金&羽姐四個人係度鋤大D....
不過有d悶呢....好似都未逢敵手喎~~呵呵...
俾左本雜誌阿夢佢地睇...d o架仔真係好型呀....
咩叫型...睇佢地就直頭係指標呀!!
阿夢而家勁lum個個玉木宏呀....不過佢又真係幾型既~~
不過又唔夠 tsumabuki咁型喎~~呵呵
同埋我地又發現左o架仔既思想真係好污穢...
佢地個d願望真係好淫呀~~~
之後的"kill" sir堂大家都唔知做咩....
我同羽姐都一直等落堂啦.....
不過見Q sir好無耐呀....所以我地雖然真係好悶...
不過都好俾心機上堂啦....

之後我地就上所謂既班主任堂...
車..咁咪又係冇野做...
於是大家好似發左癲咁一大班人走去玩我地既新寵---the pictionary啦~
呵呵....不過唔係咁玩得到呀...因為嘈到死..又唔夠時間喎~~
跟住就係free堂啦..唔知點解覺得今日2堂free係2年以來最悶既free堂.....

為左慳錢...今日要食飽....
原來都好多人慳緊錢啦...
我地入左tuck shop之後仲要係度盤算點樣既配搭係又飽又平...
於是我就買左一個多同一串野啦...不過又真係幾飽喎....
食完之後又玩啦...都唔知做咩..我地呢班真係一有時間就走去玩呀...
羽姐佢地返到黎一見到我地玩又話要加入呀...
唉...唔怪之得szeto sir話我地係咁多年黎最玩得既F7啦...

今日上左PE堂啦...好好玩...
玩左"何濟公"同"糖黐豆"..
哈哈~好勁啦..好大班人玩....好開心~~
不過玩到好累呀...個心又仲想玩喎~
之後仲冇上MISS MAK堂TIM呀...
以為冇野啦...但係聽日要我地冇上4個人去見佢呀...
都唔知點啦...諗下又真係唔岩..聽日都係要同MISS MAK道歉啦...

唉..玩左咁耐..我都好累呀...
聽日仲要交essay呀...唔駛訓啦又~~

>>January 21, 2003 at 2:46:05 PM GMT+8

2003 年 1 月 19 日 星期日 【晴】

今朝又差d遲到啦我...
7點9先出門口...落車已經係8點2啦....
但係我點會蝕個遲到俾佢呀??
咁我就用左3分鐘由車站行上去啦...嘩...仲快過競步個d呀...
返到去又岩岩好喎...呵呵...又唔駛遲啦我~~

今日文學堂金金冇返呀..咁我就同紅色坐啦...
哈哈~~我都話同佢坐親就上唔到堂架啦...
今日又係啦..係咁講野...雖然課書係好淺...但係都唔明呀~

lunch我好慘呀..今個禮拜都淨係可以食飽渣...
因為我要買百幾蚊雜誌...好貴啦~~
不過咁都好...可以有多d時間溫下書啦....
不過我今日又係冇溫啦...
先就係同朱朱玩...之後又同班野係度八~~
side哂d時間啦...不過我都時日無多架啦....

文化堂好搞笑呀...
我地班野係度玩測字....
佢地話我好有potential去擺檔喎..
不過我又唔係好覺喎..可能吹水呢d係我強項啦~哈哈
不過到左英文堂我就去左溫書啦...因為真係好似咩都未溫過呀....

測驗個陣我都死啦...1個鐘做2條...
個條short Q仲要睇錯野...冇哂分呀...
等我仲去做個條錯哂既short Q...long Q 又唔夠時間做啦!!!
死啦..實勁低分呀~~

放左就去mk陪l:inlin換野&自己買野啦...
我買左個本雜誌啦...呵呵
不過個間vcd鋪冇開呀..點可以咁架...幾時先可以換呀???

今日又要飲個d中藥啦...
好難飲呀~~~

>>January 20, 2003 at 1:13:46 PM GMT+8

2003 年 1 月 18 日 星期六 【晴】

今日搞咩呀? 玩我呀而家?
晨早就要起身去補習....
好耐都冇同過阿妹去食早餐啦...
今日就一齊去食"茶記"呀....不過又去錯左間貴野食啦...
不過都冇緊啦...真係冇乜機會...
之前為左補習...仲特登走去出左張紙..
但係係我就黎去到個陣...我就發現我係冇拎到個張野出門口啦...
好無奈咁同個度d人講話唔記得拎張上堂紙啦...
好在佢地話登記返就ok喎~
上到去做個個listening啦...以為可以practise下啦..
點知就不知所謂...
個exercise既part one我form 6就做過啦...
咁我去黎做咩呀?? 一路聽就一路做d做過既paper..好無聊..
佢話俾時間我去check個陣我都拎本雜誌出黎睇啦....真係好悶呀...
不過個part 2都唔係做得好啦...跟唔到我都冇辦法啦....
補到12點幾就走...之後去左mk行啦...

我係為左買野先去架渣...但係點解我要買個d野乜都冇呀??
之前想買個3對鞋..一對斷左貨...一對搵唔到..一 對唔係我想要既pattern呀...
咁點呀...買唔到呀..唔得架..死我都要搵到架....
咁買唔到鞋..我就去左買日劇啦又.....
去買左一套我諗會好好睇既野.....個條友又話等4個字...
我4個字之後去又話等一陣..都唔知佢想點..
結果我足足等左9個字先有~~好痛呀隻腳....

返到屋企就諗住試碟啦...試試下點知就一路睇啦...
真係好正呀...好睇!!
睇左4個鐘呀.....不過有d load唔到呀..好慘~
所以要拎去換呀我...佢會唔會又叫我等架??

我而家好驚呀...聽日個test仲未溫....
又未做essay喎.....
我都唔知可以點啦~

>>January 20, 2003 at 12:43:33 PM GMT+8