2003 年 1 月 17 日 星期五 【晴】

今日又舊病返發啦我...
所以朝早起身去左睇中醫...
其實我都唔知得唔得...因為中醫要等耐d先見效嘛....
不過阿爸又話試下睇中醫好d喎...咁咪試下囉~~
原來睇中醫都好貴架....

今日其實都冇咩做....係屋企好無聊呀~~
所以就上網睇下有咩買啦...
嘩....越睇越多...越睇越靚...好多野都好想買呀...
發現左有3對鞋都好靚呀...所以都會買左佢地~~
不過我諗要遲d啦...因為而家勁冇錢啦...真係窮到趴係度....
所以我一定要慳錢買野呀!!

今日整左好多野食呀...
又有煲湯啦....又有煮餸啦...
仲有一個藍莓芝士忌廉杯呀...
好好味呀....呵呵~~

食左飯之後去左飲中藥...
嘩...好難飲呀...又酸又苦....
如果唔係個間野有俾d應子我...我都唔知點飲啦~~
原本朝早俾個份錢只你一劑既錢...
之後個劑仲要俾呀....好貴呀!!!

同阿媽行左一陣街...
我知阿媽想點...
我都知唔應該叫佢擔心我..
咁大個人..我都知點做~
想佢放心.....

不過返到屋企有樣野勁好笑呀...
笑到我收唔到聲...
就係我阿媽炸豬肉丸俾我地食個陣,
佢撈左自己隻戒指入d豬肉入面呀...
佢粒石都凍過水啦...都唔知搵返出黎個樣會變成點呀.......
但係佢自己竟然仲同阿爸2個人係度笑..
痴線架佢地2個人...而家又好到唔知點...
前2日又唔知係度做咩cold war完一輪渣~~
不過佢地好返我都好開心....
d豬肉丸好好食呀...不過我地要今晚食哂佢呀...
因為要幫媽媽搵返隻戒指出黎呀.....
想飽死人咩??

>>January 18, 2003 at 2:35:39 PM GMT+8

2003 年 1 月 16 日 星期四 【晴】

今日好慘呀我...
今朝阿爸問我返唔返...早知話唔返啦...
琴晚我1:30先訓呀我...溫個drainage溫到我想死呀~~
又唔識喎....又未溫哂喎~~
唉...咁話左返之後我就要好無耐咁起身啦...
不過我今日竟然可以係7:40出門口呀..呵呵...我而家d速度好似越黎越快啦...

今日返到去上既第一堂個physical好慘呀...
o個個map reading做到我想死呀~~ d野又唔係唔識做喎~
但係一幅skectch map就做左我好多時間啦...剩低下面仲有好多呀....
邊有可能做得哂呀~~搞到我好驚啦...出到去會唔會死架??
今日ivy剪左個髮呀...好鬼死得意呀佢~~
之後szeto sir個堂我又冇聽佢講野啦...
因為同金金&tiffanfan玩占卜啦..
我同tiffanfan仲一路占一路唱歌啦...整到好有主題呀~~
不過好準呀...尢其是係講到samsam個度..
好正...不過可惜而家唔係啦~~

free堂個陣諗住quiz個drainage啦...
不過就走左去同ivy傾偈&上網..
都唔知學校個電腦set咁Q多野黎做乜...
搞到我好多野都睇唔到...又聽唔到...總之就係好唔掂啦佢!!!

lunch落左城呀...
好耐都冇去過啦..
不過我係有好多野要落去整啦...好在有金金陪我渣...如果唔係就悶死啦...
搞左好鬼耐....爭d食唔到野啦~~
不過好好彩...食得哂d野之餘都仲唔駛遲到....哈哈~~

返到去上英文堂....我地都好開心啦...
成班都係度玩...
今日章魚黎叫我地收野我地都冇理佢啦....
佢把聲真係爛到冇人有...
我而家明白點解linlin佢地要撩佢講野啦...因為真係好難聽呀~~
最抵死就係佢講野要用好大力先講到...
不過抵佢死啦...講野又冇人理...激到佢四圍騰...
見佢走黎走去我覺我好好笑....
之後我仲學識左幫人占卜呀..好勁呀...呵呵
不過唔知係唔係玩得勁得滯.....
我係至愛既文學堂上聽聽下書訓著左呀....
不過tiffanfan都幫我執左好多野啦...thx你呀!!

放左學之後我地又一班人玩呀~~
個pictionary好好玩呀...一個二個係度畫埋d唔知咩...好搞笑呀...
我地下次再玩過呀...大家知冇???

睇左張白卡...都唔知點解考得咁差都有個咁既成績..
令我知道唔可以再做井底之蛙..
要加倍努力....俾心機...戰自己呀~!!!
VVVVVVVVVVVVVVVVVVVVVVV
To satoshi:
うんー
一緒にがんばっりましょう！あなたも！
ほほほー～～
VVVVVVVVVVVVVVVVVVVVVVV
妖...頭先打左一次架啦...
點知又save唔到喎~~
整到我又要打過一次呀..好慘呀~~
好心個sever就咪咁差啦!!!

>>January 17, 2003 at 3:38:40 PM GMT+8

2003 年 1 月 15 日 星期三 【晴】

今日派左文化卷啦...
早知唔做個投訴信啦..拉低哂我d分!!!
下次我一定做其他實用文呀...個個都高分過我既~~

放左學之後又要去補history啦~~
買左一包叫"挑豆"既野食....
初時好好味...不過越食就越不知所謂....而家d野真係好唔噤食~
好在有d裝修工人上黎趕人渣....如果唔係"kill"sir都會唔放人架啦~~
呵呵~~

放學返左屋企之後要去幫人補習...
佢又唔補成個月啦...
我又會冇$$架啦....
不過仲有好多野想買啦我~~
都唔知點樣搞掂d卡數呀我~~

都唔知我爸媽做咩~
無無聊聊又係度嘈....
根本就係為左個少少野.....
我都唔知可以點~!
唉...可能我爸爸返上去做野係好d~
起碼我可以落我耳根清淨....唔駛聽到佢地個d婆媽既對話
2個都係! 唔知佢地做乜....咁執著又有咩好呢?
大家又小氣喎~..又要等第二個先開聲tum返.....無聊都死!
好返個陣又好似糖黐豆咁.....唉~~~
好想可以入到大學住hall.....俾到d空間我~~

>>January 16, 2003 at 2:42:47 PM GMT+8

2003 年 1 月 14 日 星期二 【晴】

嘩嘩嘩...今日想我死嗎???
琴晚已經夜訓架啦...唔知咩仲要係5點個陣我個吊鐘跌左落黎呀!!
整到我個喉嚨好唔舒服..訓唔到呀~~
到5:30個陣諗住訓下到6:30啦...
點知一起身竟然係7:15啦...
死啦..難道我又要遲到??
不過今日破紀錄只係用左15分鐘搞掂哂所有野就出左門口啦~~
呵呵..仲搭早左一班車tim~~

返學個陣我好驚啦..因為我的history係未溫哂架...
仲要係溫左個d都唔記得啦..
死啦...好唔知點囉~!!

今日係過得最開心的miss fung堂..
因為今日係present..佢冇講書呀..
可以唔駛悶...不過今日插唔到mathew...好似好大損失!!
文化堂又派左卷...
呵呵~係我咁多次文化最高架啦~~好多份都幾高分呀..
好開心呀~~

lunch的時候同老婆仔一組一齊鋤大D呀..
好勁呀我地...一鋪炒起哂佢地呀!!
不過玩完之後我又會好慘啦
因為之後有test呀....
咁我就係free堂的時候狂溫啦..
不過都係於事無補.....
條條都好似作作下..仲要有一條做得半版..好慘啦~~~
lily話最多得2分渣....死得!

阿+我呢個情況佢個friend都試過..
佢個friend仲入左醫院tim呀...
會死架...好驚呀!!!
我唔想死呀...我仲有好多心願未了呀!!!

>>January 15, 2003 at 2:44:55 PM GMT+8

2003 年 1 月 13 日 星期一 【晴】

今日係有d唔開心啦.....
收到 history的卷...超低分!!!
如果係咁落去...我唔會出到去fail架??
冇一份係合格既時侯....我都唔知可以點啦~

free堂的時候想溫習..但係又唔知做左d咩
溫得個2頁....好唔掂囉~

今日的PE堂好正啦
我諗係我呢2年玩得最投入既一日啦
玩左好多野呀
原來我都係有呢方面既talent架...
走到我索哂氣....累到碌地~~

文學堂的時候派左卷...
咁既分數我覺得好唔光彩~
因為唔係我既付出換黎既成果..
唔開心...沒有成功既喜悅
下次一定唔再咁做
一定要努力呀!!!

今日好累..返黎訓左一陣就去左補習...
我早走了半個鐘..因為聽日有好多history未溫
聽日又會死架啦我~~~

唔知點解....冇左個種感覺~
不過好似唔係好耐既事...
但係我而家都係一樣...
希望可以好似之前咁~

晚黑收到satoshi既電話...
好耐都冇見個八公啦~~
打黎係度o申....不過知識所限...唔係十分之明講乜..(想我明講咁快做咩??)
不過我都好知道佢同我一樣.....都係煩緊同唔開心緊!!
但係我點都會撐佢架...因為好難得先識到佢!!
(そんな面倒がわっかてます。
でもさ,自分の事は自分で答えでねっ！
いつもよろしいですよねっ，お前を支えるよ！)

>>January 14, 2003 at 3:38:16 PM GMT+8

2003 年 1 月 12 日 星期日 【晴】

好在琴晚係我個妹既床頭拎個鬧鐘黎校..
如果唔係今日就實遲到......
不過就算今日係早左d起身...但都係差一d遲到啦
我諗我都係要改下我個d "咪咪麼麼" 的習慣啦~~

今日收到一份好唔掂既卷...
文學竟然唔合格....死得啦....文學都係咁
我都係讀左4年文學以來第一次文學咁低分...
唔得..我下次一定要俾心機讀返書啦~

recess既時候去買野食又無端端唔知點解冇左十幾蚊呀
是不是在乞兒碗內拿飯吃???
ivy個堂佢又講左一d我唔係好明但佢又解唔到的問題啦~~
好唔知點囉~

下晝的三堂又係free...
szeto的堂又係冇得上...冇左好多時間啦~
上英文就更加無聊啦.....個條咁既核突人好樣衰啦
見到佢就想打佢呀~~
佢今日都唔知做咩...攪埋d唔知乜叉叉就冇左一堂...
搵唔到個收音機就去搵訓導.....死開啦你核突人....
邊有人做得你咁叉廢柴架??? 冇X用~!!
你咁x樣衰又咁Q低能...抵你呢世都俾人玩兼冇發圍啦!!
總之靠你我就死得啦...收皮啦你...
(講起d廢人我就扯火啦!!!)

今日既present"禽禽青"..都唔知講左d乜
淨係知我冇prepare既時侯又係好'乜母'西啦~~

今日everybody都好眼訓啦..
老婆仔佢訓到留哂口水呀....
你今日係唔係好累呀??
咁我地咪唔可以洞房囉??

>>January 13, 2003 at 3:06:40 PM GMT+8

2003 年 1 月 11 日 星期六 【晴】

死啦去~頭先入極都入唔到黎...想死呀??
真係要改善下!!

今日諗住早d起身睇醫生...不過都係冇去到...
事關一係自己起晏左, 同埋今日點都要去探下阿叔....
因為佢原來俾左封大利是我...
同埋佢琴晚請食飯都唔去又好似唔係咁好...
所以9:00就出左門口去探佢啦....
去到酒樓...成檯都係d大人係度講生意..一d都唔明..
咁我就好無聊啦...卒之走左去買左本雜誌睇先冇咁悶渣~~

坐到成12:00就走左去酒店check out....
等去機場個陣又係成班人走去coffee shop度講埋d我唔明既野~
我今次冇野睇啦...咁我就好慘咁被迫聽佢地係度講啦....
好在只係捱一個幾鐘.....不過都勁眼訓 !!!
個間野的coffee實在難飲....starbucks的野令我好嚮往~~
下次老婆仔同魚魚去tea就記得叫我啦~~

3:00先返到屋企...發現自己原來成日都冇食野..
勁肚餓..於是都係落街買左野食~
個蛋糕好好味...搞到我夜晚食唔落飯~!!

唉..我發現原來我下個禮拜又係超多野做啦~
human present, 交physical同hist quiz.....想我死麼??
好殘酷呀~~!!!

唔知食左d咩藥...搞到個人成日"暈暈燉燉"...
四肢無力...好似游魂太虛咁~
再咁'chur'我...我遲早'lum'檔架啦~!!
而家似病又唔係話好病喎~
但係個feel就硬係好奇怪...

今日睇返d舊雜誌....搵到一d超靚既野~
激起了我的購物慾啦又~
所以我要慳多d~~
evils.....stay away!

>>January 12, 2003 at 1:32:55 PM GMT+8

2003 年 1 月 10 日 星期五 【晴】

好慘呀我....今日勁頹..
琴晚 一d都唔夠訓...諗住可以係星期六訓耐d啦..
但係就唔知點解咳得好犀利....仲有d 喘 tim~
咁我就係4:30醒左...一路都訓唔著啦....
咁早起身我都唔知可以做咩...
但係係屋企咪仲無聊...於是就決定左去晨運....

去左7-11飲左d熱野就去左公園...
嘩~~5:30就已經好多人啦..播哂音樂係度跳埋d唔知咩舞...好嘈好嘈...
我就一於少理..聽住MD行圈...好勁呀...行左15個~~
6:30返左屋企..好累呀...之後又走去訓....結果12點先起身~~

起左身之後好無聊啦....
on左一陣line之後就去左旺角買日劇...
買左2套新野..好想睇...
不過我知我一睇就會沉迷架啦..所以決定收埋新年先睇~
快d到新年啦.....唔要俾evil引誘呀!!!

本來今晚可以去食飯...見下成年半冇見既台灣阿叔...
不過都係決定唔去啦..俾自己係屋企抖下又好似好d...
所以自己煮野食...蒸左一條桂花...
呵呵~自己食哂~! 好正呀...

今日同老婆仔傾左一陣就訓左~
因為聽日要去睇醫生....得個一個醫生醫得好我架渣~~
佢聽日好似淨係開半日..所以仲要早d出門口~~
我唔想死呀!!

>>January 12, 2003 at 7:35:04 AM GMT+8

2003 年 1 月 9 日 星期四 【晴】

琴晚都唔知做咩啦..
好似好精神..但係見到d筆記好多好多架原來...
咁樣我就又驚又眼訓...
所以最後都係1:30訓左啦...
剩返好多野未溫...連個先秦都未溫哂呀...
我溫左呢個chapter3日架啦..好失敗呀~!

今日竟然好早自動彈起..
唔知係唔係良心責備...訓唔到啦
咁我就係6:50起左身...不過呢段時間都係side左既~
因為搞下呢樣搞下個樣又到左出門口既時間~
冇lu~今日都係死架啦!!

返左學校果然係有時間剩~
原來好多人都未溫哂~
不過我都好努力啦..因為我都盡量唔同人講咁多野啦
因為要睇哂d note呀~
free堂的時候亦都好努力咁睇~~
原來同老婆仔一齊溫書都可以溫到架~~
我地大家其實都係因為冇得上網而好無奈咁走左去溫書~哈哈
不過我都係呢段時間睇左好多呀!!
發現左老婆仔原來講錯好多字啦又~~

卒之到左test啦
呵呵~俾我貼中了~~但係都唔係太熟啦
everybody都去左出貓啦....我?? no exception啦~~
不過linlin老師好瘀啦~抄野都抄錯!!

放學後既活動都好開心啦
有得罵mathew丫嘛~~
佢好白痴呀..我知佢好慘架~
但係唔知點解都係咁鍾意話佢~

去左拎卷..好無聊..
都冇講過野..不過俾我知道原來係有好多勁人啦
令我好驚好驚....

返到屋企睇我套戲..
哈哈~~我而家要做大人啦...
我要整餅..要養家~
唔會餓死老婆仔同"溫"臭屋架~~!!

>>January 10, 2003 at 1:51:02 PM GMT+8

2003 年 1 月 8 日 星期三 【晴】

做咩要個個都話我係阿旺呀??
呢個只不過係一個意外黎渣嘛...
係短左少少渣嘛~
不過我都覺得好正..因為有老婆仔同我洞房呀..
仲有老師陪我讀書上堂喎~ 呵呵~~

今日好累呀...
頭三堂的miss Fung加"Kill" sir一齊...
直頭係睡魔call台!!
想我死咩?
好在有free堂抖一抖!
不過諗住走英文堂架嘛...不過點知個樣衰人叫人落黎叫我地上去呀...
上到去又唔同我地上堂...玩我嗎??
死開啦你...唔好當我係傻仔呀~~
我有名架..我係阿汪呀!!

lunch之後好似三堂都係free..好開心呀
因為有好多笑料同核突野啦~
先有核突組合...再有用鼻屎黐檯既人啦~ (你地唔好散呀~~)
miss mak的堂真係free...越黎越鍾意佢啦...

今日又冇補"Kill"sir..會唔會又俾佢罵呢?
不過我今日我係扶扮暈的陸揚走架...
呵呵~死未??

今日要執屋..
因為我的Daddy聽日返...
我間房真係亂到我都唔知可以點樣執起啦...
明天仲有test..進度又超慢...
可以點算??

>>January 9, 2003 at 3:08:33 PM GMT+8