2003 年 10 月 12 日 星期日 【酷熱】

風雨前夕...好stuffy~
好唔鍾意呀...個counter radiation好勁~~
好似有個cold front黎緊...
之後就一個NE Monsoon follow...好快...秋冬就會黎到....
我既天使呀...你地記得著多件衫..唔好病呀...~~
不過應該remind自己先岩..哈哈~~

今日上中哲我又late啦..
我好唔好意思咁係9點抽住一大袋零食入去個rm度...
因為人地個堂係830-920囉~
我驚快樂人博士就認得我啦~
好似好賤...late又去簽attendence~

上左中哲之後去comp rm拎返上個friday print既notes...
出得慢整到我上個friday冇得用不突止...
今日拎到既仲要係亂碼一堆~~
真係不禁講句"xx"...
諗住再print啦...個d咁既死人機仲要係成日down..
好心就咪鬼擺出黎托啦~

1030去左上owen...d weathering可以係咁難囉~
要digest下~~

返左屋企諗住食lunch..
點知屋企冇野食..
出去食..
今日打錯算盤....用突左...
順便拎埋房部電視去整...
我睇唔到電視呀!!!!

430返左去上QM
十九幾萬個大問號係個頭上面狂轉....

要買野..
諗下剪咩髮...

要睇下d readings...

＊＊＊DEAR MY FRIENDS, I TRESURE YOU ALL, AS WELL AS THE DAYS WE SHARE＊＊＊

>>October 13, 2003 at 11:08:39 AM GMT+8

2003 年 10 月 10 日 星期五 【乍寒還暖】

訓到11點先起身
搞呢樣個樣...時間都走哂啦~~

要去幫人補習..
不過遲大到~~
佢好似仲有d生保...
講野仲係有d唔好意思咁~
拎左佢geog既test paper出黎...嘩..得53分既時候我都嚇親...
睇真d既時候....原來佢係答少左一題...因為佢既題目少左一頁~~好無奈~~

補完我就去左尖咀啦~
今日終於約到人去街啦...呢個約會係約左十九幾萬次架啦..成日中途出狀況去唔成~~
5點2去到....以為遲到...不過原來大家都係d咁既人---個個都遲....可能呢d先叫U6A!
我去行住等.....
去左silversord行...一陣羽姐就黎左啦...好快喎...不過都係遲到囉~~
唔明點解英文A既人可以聽左silvercord做foodcourt囉~~
之後我地就去左oc搵埋rachel...咁就齊人啦~

因為羽姐要買一對"斯文鞋"去"打debate"
咁我地就開始搜獵行動啦
去左it...因為有janet係個度做....睇岩左都可以有平丫嘛~
不過都唔係睇得岩..
咁我地就行左好多不知名而又幾high class既名店啦~
最後去到hoso place....有1對鞋好vivid架..幾靚架~
為左唔好side個discount...
咁羽姐就買左千幾蚊既野再半價...
其實講真..佢個度d野根本唔值咁既價...
好搞笑既就係見到個個成日上電視既婦科醫生
嘩..佢個look唔係好得...好wild囉
成身都係名牌..不過個感覺好"類聚"~

去左cafe21 dinner...d野都幾好
不過最好就係可以大家一齊坐低食飯傾偈
個d笑聲充斥哂成間野...不過d野又係激好笑架~

之後去左食雪糕同埋去海傍..
見到linlin個target...
記得我地坐低個陣係10點..不過走個陣係12點3...
講左好多野...不過又笑左好多野..
可能真係大家一齊得耐..諗既野都差唔多
要搵一個自己可以真正信賴, 有feel又岩自己真係好難..
所以都係本著自己個一套"寧缺勿濫"..
我相信呢樣野要黎係擋唔到...而未黎又唔可以強行搵一個sip時間~
我係feel>need既人~! 羽姐同rae都係~!
不過有時見到我己識既人都有既時候真係幾唔gur架
esp係章魚同震震都有既時候~

只有同最close既frds..我地先會講呢d野
到而家為止..我既圈子..都係closed within U6A~
好鍾意同你地傾偈~!
我地要再約出黎呀~!
羽姐~點解我地個DEPT都係要用10隻手指...有時再加埋腳指既人?? 我唔會係呢個圈子搵target~!
睇黎cross u又或者cross dept都係useles~
rae~~你自己呀唔得就要出聲...再firm d...唔好俾人誤會~我支持你!

好掛住U6A呀~~
"開心的事永遠記起"!

ps唔該黎睇過diary既人留個言丫....唔好攸cdr好唔好??

＊＊＊＊＊＊＊＊＊＊
toshi:
お前のプレゼントを受けましたねっ！どうも！
俺がな、俺が諦めじゃダメでしょう？解ってます！
＊＊＊＊＊＊＊＊＊＊






>>October 12, 2003 at 5:37:36 AM GMT+8

2003 年 10 月 9 日 星期四 【乍寒還暖】

930返左去上owen tutor..
今日講左geological map..
嘩...都幾confusing...
不過如果有3D思維就真係幾易明..
加埋個muji筆盒...就更好啦~~

1030就要死去上pe...係jsc上..
今日係跑圈囉
跑個陣唔知點解可以咁大風..有一個"超風阻"呀~~
13mins跑左2200...都ok架啦..
train下可能會再好d~~

等埋jay佢地就去左六合小館食lunch....
真係幾好味~亦都唔係太貴~~

hae完一輪去上暇驚既stat...
明知自己呢個course唔掂...
但係睡魔急call...
整到我勁眼訓..
係第一行都可以"中下中下"

上返中文...覺得今堂學左幾多野
之後仲有一個test...都ok丫

去左打volleyball..
講左我要講既野
no matter佢會點諗..我都同佢講左
咁佢ok時我都ok啦
今日打得好dd(相比平時)..不過都係唔係好...要打返好似以前咁都要一段時間~~

如釋重負...



>>October 12, 2003 at 4:32:14 AM GMT+8

2003 年 10 月 8 日 星期三 【晴】

星期四係一個冇major堂既日子
朝早好施施然咁返學上中哲..
可能慣左d咁頹既生活...
我已經對遲到呢樣野冇哂感覺..
又或者係冇左遲到6次一個demerit既綑綁....
所以...一個禮拜入面日日遲到...
都唔知返咩學~
去到上堂....完全唔知up咩
都係要自己俾下心機先得啦..

上完中哲係10點都未到...
有一個咁大既gap我都係返下屋企先~~
因為下晝請左假去聽talk...所以就可以2點半返去
係屋企食左個lunch...睇埋日劇...1點9先出門口~

去到RRS都係2點半...岩岩好...好彩冇late..
今日既talk係HKU既Prof.Zhang黎講..叫"Ice age man on Tibetan Pletau"
本來以為係一個phy geo既seminar...點知佢講到第2句我就知中左招---係human野~!
嘩..好悶架...
佢係咁講d咩footprints同handprints....我又係咁"中下中下"...
不過後面有YY厲住呀...整到我一"中"就成個身郁哂扮坐得唔舒服~
好唔得囉~~

幾經波折先聽完個talk...
之後去上埋eng就走得啦~~

本來係返緊屋企既..打左個電話俾linlin...
佢係又一城...咁我就去陪佢hae啦...
去左食個tea同埋行爛又一城...佢d frds都仲未出黎
咁我之後就去左city坐啦....陪佢陪到8點..
我就走lu...
今日都8到d野...linlin個target都幾鮮明丫..幾好


>>October 12, 2003 at 4:15:58 AM GMT+8

2003 年 10 月 7 日 星期二 【微冷】

呢2日都覺得幾舒服...秋天來了~~
不過到左晏晝都係幾熱下...我諗好快就會再涼d架啦...
講下呢幾日既野啦...本來之前打左一篇diary架..
不過自己一個唔小心click錯..成篇野就咁冇左...個人好down..冇心機打過..~

星期六本來去同小朋友補習..去到之後佢竟然唔係屋企
佢個細佬同我講又講得唔清唔楚..幾驚係俾人炒左呀
原來只係佢阿哥去左libary者....不過我之前係冇收到電話既~~

無無聊聊咁出左黎
又唔想返屋企住..咁我就去左太子啦...
買左2本日本雜誌...1本係suit呀..
hiroshi著得好靚...原來之前tsumabuki著個套係Paul Smith...我諗佢呢套都唔會小野~
突然心血來潮想買野...首當其衝就梗係我既冬天目標啦..
睇左咁多o架仔點著..都明白今個season會興d乜~
我唔係好接受到佢地好誇個d著法...少少layering我今季都會試下
不過都係想繼續玩下contrast...要諗下點襯我d褸呀~!!
好想買帽衫褲鞋...因為個秋冬我唔會著到涼鞋...所以我4對birkenstock既2對都會摺埋~
想買之前對camper架....不過冇哂啦...唔係斷哂就係send out哂
我仲要俾人昆左我去CWB之後原來佢misunstood左我講既野囉...
整到我白白去左...好唔開心...個陣我仲係一個街坊look呀...去到個度都有d異相~
咁去到個邊又冇理由就咁就返home丫嘛..
於是就去左IT啦...
嘩...好事就發生啦~~~
我見到一條Paul Smith既scarf..
好靚既stripe..佢既stength...
但係個陣我個身係得30幾蚊同2張credit card...
同埋個條野好死貴..於是我就要好好考慮下啦...
不過serve我個個sales呀.....唉...唔好講啦..
佢呀...好靚仔呀....
叫Ivan(係我之後去返個度買返條scarf先知~)
不過大家唔好誤會...我唔係gay同bisex架
但係..佢同木村一樣...好有charm令我好由衷咁讚佢好靚仔囉!
於是...當時我就冇買野就走左lu~

之後去左尖咀行...因為想睇下birkenstock有咩新鞋..
不過都係冇...於是去左it...又有好事啦..
我係個度見到我個frd係個度做呀
打左個突囉...因為覺得佢好pro~
傾左好似都幾耐..佢成日就扮摺衫..我地就係咁傾...有人又話驚個supervisor發現喎~
我問佢拎左個quota買左條褲...原價貴到我唔夠膽買..
折左...唉...都勉強啦~
同埋呀...佢個度有個女仔sale又係好靚架..不過唔係好睇到個名...
又係佢serve我試衫架...又好人喎...
今日好正~~

星期日去補堂..
講左中文....吹左一篇我以前冇學過既漢字的結構(其實係我冇溫過~)
同埋左傳...嘩...唔好講笑啦..先秦既作品..強項啦~~
好似背文學史咁evaluate左成篇野既特色...覺得自己好pro~ 可以去教中文~
返左屋企同媽咪食飯...因為佢要返大陸睇醫生
希望佢冇事啦...亦都唔會有事既
i luv you mum~!!!!
之後沛沛打黎...又係叫我拎"蛋糕"女王俾佢....oh god
但係大家要知道..個套野係叫"午餐"女王囉....
過左冇幾耐我地又傾左好耐電話...
係為左一個design既thinking: 1+1=9....要present
點呀...諗左好多..不過都reject哂...最後都係冇用..死得~~

星期一朝早冇late..好勁..
去左上快樂人博士既課程...次次都有野笑..不過次次都好迷茫~
打落既owen堂都ok..
中間個大gap我就去左CWB同沛沛lunch啦
同埋我要拎個GUCCI去repair嘛
去左一間野都幾好食..之後就陪佢行過去返工
我之後就又去返kingston street個間IT啦..即係Ivan個間呀...買scarf~~
因為橫掂專門店都係同價...咁就費事去lee garden咁死遠啦...
又可以去睇下ivan喎..幾好呀
之後把心一橫...買左...都幾肉痛~
Ivan都係冇off...so大家可以星期一同六去下~
佢係一個短髮人黎架....長過skin head少少個d...
不過佢右耳有一隻ear ring..唔知係唔係gay...如果係咁有人就傷心死啦~~呵呵~~
之後去左abahouse...今次既線衫唔係好得...冇買野
4:30返左去上QM...10幾人上tecture既感覺好好..同埋今日講既野都幾明..有返d信心~

星期二....媽咪走左既第一個朝早就差d late...
好瀕能咁趕左返去...好似一隻死狗咁...不過都有人一樣遲喎
上到11:20就冇野上啦...冇野做就去左睇audio visual既野...
thu要交啦..都唔知點解咁死懶到tue先開始...
睇左之後等上ulife既時間又係一班人去飲茶既時間啦
今日有12人, 1 個姍姍來遲....一人好似飲左2x蚊..唔記得左~~
去ulife...又係後補...貪佢可以上樓座大家一齊坐...
大家入到去又係各自各精彩啦
上完ulife就去左RC做埋少少QM就拎左去交啦...好亂黎囉...好rubbish..好shit..~~
今日冇去volleyball...因為有d原因...有人都知啦...

星期三...即係今日(唉...打到今日啦..隻手而家好累~~)
今朝如果唔係有人拍門我諗都死得....起身都7點9啦...
可能住得近所以都會諗去返學...otherwise遠個d可以選擇繼續訓過~
上左城城之後去左can食個早餐..趕下功課咁..之後去上pe...
做左8個stations...之後同charcoal講講下先知原來我趕起左既功課做錯左...
好唔知點囉~又要做過啦~
去左MLC double check自己既audio visual..都ok~
之後上左eng...今日去lib學點search info...好多search engines...個databases好勁
我諗唔會驚搵唔到野做assignment啦~~
free左個hr..人地個個都tea啦..我要趕個功課囉~
上左QM..今日又試有d野唔明啦~
之後去左comp. rm打埋個assignment俾instructor就去左RM relax下啦
玩到6點幾就返home啦~
今日呀....整損左隻腳..好痛~!
拎左x ray report....都冇問題...好clear喎~


>>October 8, 2003 at 2:04:34 PM GMT+8

2003 年 9 月 25 日 星期四 【晴】

星期五
唔係好似想像咁樣..唔係返9點半就可以訓耐d架
7點半就彈起個d就叫犯賤...點解自己成日係咁?

返左去owen既tutorial.....仲以為係個個Johnny
好彩我搭到車渣..如果唔係返到去先知係owen就o god啦~
嘩...佢講野又試係好快啦....一路講一路jot notes仲要一路pass d rocks黎睇
但係我好似一d都唔知係咩囉...唔得呀!!! 點可以係咁讀書??

之後去左上fitness...哈哈...今日係第一次fitness可以流到汗~~
跑左10mins架...好勁覺得自己...

and then有一個大gap呀
本來就係約左羽姐出去Lunch同買禮物俾佢既..
不過d人丫...要去報scholarship囉...唔要我啦...
好傷心囉...不過都鄧佢開心....5A喎...俾我都去啦...以為咁易有5A呀?? Proud of You!
我地之後就約左下個Tue見啦...因為中大commu人要黎訪問我地個學生事務長喎...

咁冇野做既時候我地又係去左RC啦
去到係咁玩....
不過點解d人去左咁耐都唔知有飛標玩呢??
結果大家都圍住5支飛標啦~
玩到1點我地就去左聯福樓啦...飲左37蚊
不過我2點半就走先
因為今日係last day報AL呀...
貴到喊呀...
不過個過程好快...3:30之前仲可以返到黎上QM...
不過返到黎都冇用..因為聽極都唔係好明囉..
我要點先可以IMPROVE自己呢張PAPER呀? 唔想佢拉低我GPA呀~!!

之後冇野做呀...又去左Sit曹老師堂...
今日又做左個"跳躍式思維"呀..今日個個好似好DD~
放左之後去左VOLLEYBALL啦....我開始對自己唯一既SPORTS 強項都冇左信心..
唔知我應唔應該繼續~?
今日可以早走...因為MAIN HALL俾人BOOK左
可以早D返黎抖一抖~


>>September 27, 2003 at 12:51:41 PM GMT+8

2003 年 9 月 17 日 星期三 【晴】

妖...去死啦..
今日呀...妖...好掹呀~!!!
朝早如常咁出門口....
因為知道有個妹妹會係搭10係我上車個站落車....
一落到去就見到架車啦...咁我就追啦...點知就踩中左一個水tum...
要知道...個陣我係著涼鞋既...於是就濕哂啦...
之後係咁等等等...點解可以等左9個字都冇車架???
咁我又出左門口喎....再等就會10點先返到架啦...(個course係0830開始)
妖..於是我就做左我好唔想做既野啦........就係搭的士.....勁唔想囉...勁貴冇錢呀!!!

上左philo之後就冇堂啦.....於是就同guy, june同如花去左hall can同買pe衫啦...
hei左一陣我就去左KLN CITYlunch啦...
諗左好耐食咩...結果去左金樂...一路食..好有feel~~ 好miss U6A呀!!!

本來約左人1230返去啦...點知D人哩...甩底囉
係中心online左好耐...等上language

2hrs中文+1hr英文=成個人散哂...
不過唔走得...因為今日有個mentor-mentee meeting
去到見哂我地d professor....
各有得點: kk有好多"now", owen激nice, 城城好cute好搞鬼..正到嘔
仲有Dr Yan呀....climatology....好期待...不過佢都話人地成日comment佢好tough...
唔知我由ivy一個咁cute既miss轉做一個咁tough既Dr教我最like既topic會點呢?
之後個個prof搞埋d lucky draw.....我就去左鍾謙度啦...
佢都話佢認得我.....唉..我都俾佢起左底啦...又點會唔認得呀??
and then我地就去左social啦...一輪之後就走lu...

聽日就好啦...返0930...我諗會好d...
唔駛起咁早...我最like~!

>>September 18, 2003 at 3:29:47 PM GMT+8

2003 年 9 月 16 日 星期二 【微雨】

都唔知點既....朝早塊地又濕濕地...個天又陰陰地....整到我拎左把遮....
不過最後...都係冇開過...

今日返左0830既城城...開始對human(cultural) Geo有d好感
不過唔會超越physical...
上堂既時候亦發現...買左個d野唔係自己想像咁好食~~

落左去can hei左一陣...之後拉大隊去打ping pong呀...
最後去左WHSC...不過得返3個字..
點知班人都係打呀....不過我都唔care丫..
因為我都要上fitness...
玩左一陣....上堂..
今日教左一d器材點用..又試玩左d..
都ok丫...不過唔知係唔係琴日打volleyball既關係...舊腹肌好痛..做唔到重..
不過都唔緊要..都係試玩者~~
同時俾我發現左呢個course既exam好恐怖....要做一d我目前為止冇可能做到既野...
不過我都希望好似大家咁話:"train 到既~~~"

之後去join返阿輝佢地....
嘩..個個康樂室好似個d防空洞咁...又難搵又收唔到電話...
去到玩左一陣層層dip....就要去上呢個英文啦...
唔知點解...覺得自己d英文愈講愈核突!!! 好難頂!!!

之後去左can食左一個tea(其實係一個常餐, 只不過係唔同時候換一個名而已~)
見到Johnny...佢而家先同我講話:"你原來係geog架??"
come on....o day佢yap我...o camp佢同我同group....打volleyball佢又同我一齊?? 點解會咁?
又hei左一陣就去上呢個令我極度恐慌既QM啦~~
嘩嘩嘩......有激多問題...不過佢好似好想走咁..又問唔哂...
仲有..佢叫我用英文問...
my god..個過程又一次proof左我既ever-lowering standard of eng啦~!!!

放左又去個防空洞同d frd玩到6點幾先走..
唔...原來佢地都好玩得~

唔得啦...明天又係0830呀...唔打住&基本上都打哂啦~~~

今日train左"火腿"...隻腳個舊muscle好痛...不過真係train到野喎..呵呵~~




>>September 17, 2003 at 3:54:39 PM GMT+8

2003 年 9 月 12 日 星期五 【酷熱】

我而家開始build up返我自己日日寫diary既習慣啦..
希望自己唔好懶啦~~

今日好似係一個brand new start..
因為我開始有野做啦...hoho...有錢執..唔心up....~~
今日係屋企磨到2點幾先出去...
估唔到一去到個站就有車啦...實在太好啦..
我諗係個天唔想我第一日就遲到...可以留個好印象俾人家丫嘛~~
一去到就搭錯lift啦...好彩冇人見到都冇咁樣衰...
不過去岩個層又差d入錯門口喎.....點解我會咁架???
好似一個老人家咁....
講返個補習丫....個個男仔都ok喎.....比我想像中好~
去到佢個度...佢一句"阿sir"真係嚇死我~~~
係唔係咁老呀...個feel好似孌童個d變態阿sir...
我即刻同佢講話唔好咁叫我...叫我哥哥就得啦~~
不過佢屋企真係好好人呀..
esp係佢daddy...又拎維他奶又拎月餅俾我地食...
雖然佢俾我d野我一d都冇郁過...不過真係好好人呀!
之後同佢傾左一陣...原來佢都唔係好多野唔識者~~
個中英文&geog都唔係好多問題
不過d maths, 中西史&econ我就真係唔得架.....
不過佢問到我都會盡量答佢既~~
今日好快就過左個半鐘...好過對住之前個個...佢訓既時候整到我都想訓~!!
我問返佢覺得我講野有冇問題..
佢話我講得好明同淺過佢d先生喎...不過就話我有少少痴脷根喎...
哈哈...冇所謂..只要佢學到野就得啦....
加上如果佢同佢媽打反映下....呢個就係我既長期米飯班主啦~!!

補完之後唔想返屋企住...我就出左旺角!~
去到新世紀打俾linlin...佢話佢地一行十幾人係mk諗住去唱k喎
叫我去...係咪叫我dum d錢落海先...
雖然佢同阿ren姐都叫我去...不過我都係冇去到啦~~
之後去左indu homme同edwin睇衫褲...
嘩...又俾我見到靚野啦..
不過件褸成500幾600呀...條jeans成900....
我而家窮到燶啦...點賣呀~??
不過只要等一等...件褸就會有discount架啦..等等先~~
不過條褲.......冇架...好似冇得減架...不過我係IT睇過好似都係890..
如果俾我搵到一個人有manhattan id就好啦...又可以有dis......
邊個有呀...搵我呀!~~

之後去左買個d日本雜誌....3本$150~~
清空左個荷包囉...冇哂lu...
真係"風吹雞蛋殼, 財散人安樂"...
睇黎我而家都要修心養性..多d留係屋企...痴下屋企d野黎用同食啦~~


>>September 13, 2003 at 1:50:49 PM GMT+8

2003 年 9 月 11 日 星期四 【晴】

今日係追月...我地屋企本來今日同大伯佢地一齊做節架~~
不過...唔知點解....等到8點先話唔黎??
咁我同媽打就好唔知點啦~~
因為做到成隻咩咁去prepare d野...竟然.........
唉...d野食唔哂啦....
又放左入去雪櫃....亦代表左佢"壽終正寢"架啦~
因為只要d野入左去..都冇乜人會去食架啦 (除左我daddy....)~~

今個中秋好似係咁多年以黎最唔開心既..
唔知點講好...
可能係細個個陣咩都唔駛煩...可以成日玩..
不過而家大個左..好多野都要幫屋企諗啦~
esp.係屋企近掛發生左好多唔係咁開心既事..
anyway...好多都settle down左啦
不過自己就好似仲係放唔低咁~~
我而家可以做既就係做好我自己..!
但係有時我真係會覺得:"做人有點(支力)"呀~~

聽日開始有job啦..
同個F4男仔補習...
我都唔知點架..希望佢唔會好似我之前個個咁啦~
唔好side左我同佢d時間(esp係我個d..人工又唔係多...又補得少..我仲要搭車去~!!)

岩岩個frd問我點解又disclosed個diary...
點講好呢...
之前我好驚..
因為有好多"人"......我唔知佢會唔會係我個種人..
so我唔想"俾佢知道我既野"
但係我個frd又同我講:"開返係唔係就等於接受左佢?"
諗諗下...我只可以講既係...呢個diary係我既喎...我係唔係唔需要為邊個開or唔開呢?~
而且..我唔想isolate我自己..令自己既野好似冇人知咁~~
呢個亦都遺背左我之前為好遠既frd開呢個diary既原因....
我要多謝好多人幫我打開左呢個心結~~thz u all~!!

嘩...之前(Tue)去左bu volleyball度打波呀..
嘩..d人勁到死....我去到就好似一個陪跑...唔通真係"Liza"講既"隨隊"~~??
我太耐冇打啦...之前打個陣又係女仔個A-grade網喎..
我去到見到個網都打左個突呀~~咁死高既??
不過好彩有阿Bell...我先冇咁悶渣~!!
呵呵...我都係抱住玩下同見識下既心態架渣~~
不過為左可以唔駛咁樣衰...自己都要去做下Plyrometric training啦~~



>>September 12, 2003 at 3:30:19 PM GMT+8