2003 年 3 月 2 日 星期日 【雨】

唔開心....勁慘!
琴晚溫得好辛苦呀...重溫個宋詞真係好side時間...用左我4個鐘~~
溫到2點先訓呀.....
今朝7點起身...之後都好努力咁翻溫之前個d啦...
side左好耐溫先秦同漢賦...都好熟啦...
諗住詩經+樂府....先秦...漢賦...唐詩...宋詞....溫左咁多一定有4條啦...
不過收到份卷個陣我眼都突埋...咩黎架..點解會咁出??
我都唔知...我街係知我死既機會好大....得個2條半sure識答..
之後又作下作下下低個d...都唔知可以點~~
好唔公平呀...溫左咁耐...但係有d人(唔知係唔係你~)貼左黎溫就中哂識答....咁我點解要咁辛苦?
希望miss mak唔好以為我懶唔溫書~!!

之後同joanne去左lunch...
好耐都冇見啦...好彩大家都冇生保啦...
點解d人可以係我面前講咁多靚野啦..??
條友話佢又買左個LV啦...我身邊既friend個個都去買LV~~
整到我..........
唔諗啦...考埋個A-Level做野先買~~

上到去re-exam個英文..
好眼訓.....個sectionE做得好慢...人地個個都做哂啦...我就好慢好慢~~
佢地做完之後都唔知做咩好嘈啦..我都唔知...因為我仲埋首緊我個practical skills....
總之好嘈...我都做唔到啦...
不過唔知做咩校長又入左黎...鬼咩...章魚拖馬囉...
校長仲用一大埋英文講野...
都唔知佢想點..以後乜都用英文丫....我地個英文阿sir教到我唔明佢講乜...死啦去~!
個sectionE係唔係想我死?? 快到咁點做呀...出面d format都唔係咁既~~
我都唔理啦...做哂就算...

今日收到我既admission form...好驚呀~~
好快就考...不過好似乜都未溫過~~要努力d啦~~
好好彩呀...同阿嘉&tiff都好多日一齊考...有個伴都好好啦..
不過睇睇下俾人發現左一樣好慘既野呀------我個A-Level 英文oral係我生日個日考呀!!
唉....一定係好難忘啦...希望有個好回憶啦可以~~

之後去左同組員買野...其實諗住去tea先架~~
不過...買野都搞到6點先走得...咁我都冇去啦....
返到去過一陣又要食飯..都係唔去lu..又可以慳返少少~

好累...想早d抖~!!

>>March 4, 2003 at 4:24:38 PM GMT+8

2003 年 2 月 28 日 星期五 【晴】

好眼訓呀....好懶呀個人~~

本來今日朝早飲左茶之後係去左自修室...
不過去到都唔知做咩...渾渾噩噩咁....
仲要溫溫下詩經訓著左...起身仲要係俾個阿伯清場~~~
唉...真係...懶到呢~~

下晝返到屋企都冇溫到書...
食左飯之後又走左去訓...
2個鐘之後起身諗住溫下書...不過太好太陽啦~~
忍唔住要出去行下街~~
行行下俾個friend叫左出去尖咀...
佢又咁多錢...我又一個仙都冇.....都唔知可以點啦..
佢仲要去LV買野...
咁我就第一次入左LV啦...
嘩...d野真係靚到呢.....
不過我都冇錢...
唉...等下啦....考完A-Level就可以搵錢買架啦...要忍下~!!

冇呀...今日一日都冇溫過書...
都唔知可以點啦~
vvvvvvvvvvvvvvvvvvvvvv
Dancing Queen------by ABBA

You can dance, you can jive, having the time of your life
See that girl, watch that scene, dig in the Dancing Queen

Friday night and the lights are low
Looking out for the place to go
Where they play the right music, getting in the swing
You come in to look for a King
Anybody could be that guy
Night is young and the music's high
With a bit of rock music, everything is fine
You're in the mood for a dance
And when you get the chance...

You are the Dancing Queen, young and sweet, only seventeen
Dancing Queen, feel the beat from the tambourine
You can dance, you can jive, having the time of your life
See that girl, watch that scene, dig in the Dancing Queen

You're a teaser, you turn 'em on
Leave them burning and then you're gone
Looking out for another, anyone will do
You're in the mood for a dance
And when you get the chance...

You are the Dancing Queen, young and sweet, only seventeen
Dancing Queen, feel the beat from the tambourine
You can dance, you can jive, having the time of your life
See that girl, watch that scene, dig in the Dancing Queen
vvvvvvvvvvvvvvvvvvvvvvvvvvvvvvvvvvvvvvvvvvv
好舊~~不過好好聽~~

>>March 1, 2003 at 4:13:46 PM GMT+8

2003 年 2 月 27 日 星期四 【陰】

唉.........it's over~~
今日終於都考得七七八八啦~~

考左hist之後有3日溫geog~~諗住一日溫一個section...
哈哈~~~但無可能...
第一日諗住慢慢睇個farming...之後果然勁慢..
溫左一日都淨係溫左個farming system.....side哂d時間去玩~~
之後第二日又無乜點溫......
由於第一日同組員一齊溫就走左去玩...於是我就一個人去左自修室啦...
上晝都冇乜人..不過下晝就多人到爆~~
嘈到死...d人唔係拉...就係講野~都唔知想點~~
之後我都係溫左hazard同energy啦~~
之後夜晚仲要去補徐迅...
都唔知個條友做咩...講野又快又長氣...一句野講十九幾廿萬次~~
咩呀...講乜呀...我一d都唔知...而家覺得司徒sir好好多呀~~
唉...有個陣又唔識得珍惜..而家先得黎後悔....~

琴日好驚啦.....sectionA又未溫哂...sectionC又未掂過..都唔知點死~~
於是又係咁係度塞D野入腦啦...
最後又係溫得勁少..
死啦死啦....geog都死埋...我個mock都冇得剩啦~~

今日起身之後都唔知做咩...
以為可以睇下d notes...不過冇溫到..
唔知點解....好似識哂...不過你問我human就一d都唔識答你...係唔係有信心?? 我唔知!!
之後仲死....係阿爸既"鼓勵"之下..仲要七點半走左去飲茶...
唉..完全冇mock feel...

返到去個陣好驚啦...好驚連short question都唔識答~~
做第一條個transect個陣好慘呀...睇左好耐..發現出錯卷...
之後就好有信心咁做個transect啦.....以為唔會錯...
但係之後考完先發現睇錯題目啦...第一條transect錯左...之後個d咩gradient, speed同length都錯哂呀~
個d題目都白痴既...唔制呀..冇左第一條就咩都冇哂....7分架...咁淺去邊搵??
之後做左2條physical同2條human啦...
之後又唔夠時間啦....俾miss fung話我time得唔好啦~~
死得~~~!!

lunch之後既essay仲死~~
得一條energy係好識..仲寫左7版..之後個d全部吹啦...
desert個度好彩之前睇過下個irrigation既impact..
不過miss fung個邊...
唉~~唔好講啦..
farming個一part係可以背notes...全部靠食腦....
之後得返3個字去做urban impact...
做鬼做馬咩...答得個半條~~
總之一句...死左啦~~
之後仲俾kill sir話我傻...話我用2個鐘做DBQ離譜~
冇辦法丫嘛~~唔識essay呀...咁點喎~~
佢話出面作故仔都有4-6分...咁我唔通寫哂d錯野咩??
不過我真係要改下我d timing呀~!!

考完之後去左尖咀tea啦~~
不過我覺得only杯野好飲..個碟野就難食到死~~wanna die~~
原來以前好多笑片都好好睇架~~

冇架啦...only one left係文學史...唔死得架~~
好彩都溫得差唔多...不過都要溫多次...要熟d~~
不過今晚要早d抖...好頭痛呀~!!


>>February 28, 2003 at 2:08:05 PM GMT+8

2003 年 2 月 23 日 星期日 【陰】

唉...冇啦冇啦~~個mock死梗啦今次~~
今日考hist...係我最唔掂既一科呀...都唔明點解可以咁難既~~
不過我都唔可以唔溫啦...雖然溫左都未必識得答~~
本來諗得好ideal...可以plan得好好咁溫哂我諗住溫個d~~
不過個人實在太懶啦...
星期六就去左聽talk...返到屋企又累得滯訓著左~跟住成晚又同阿媽一齊睇電視睇到3點~
星期都唔好得好多...溫到下晝先溫哂china既reform...少得可憐!!! europe個邊仲要係未掂過~~
咁冇辦法啦...點都要睇d架~~於是就睇左france同諗住睇埋world war~~
不過...2點就訓著左啦又~~
唉..7點就起左身...勁想訓....
不過....都要去死啦..訓黎仲有咩用喎~~

返到去之後原來仲assembly緊..要等喎~~
上到去個陣...d人又話冇溫咩..點知係我既2,3倍咁多~~係唔係想死??
唉...9點一到..就係我既喪鐘啦~
一份europe黎..個人勁吽...根本唔知做咩..
睇到個DBQ都諗好耐..又唔係話好難..都唔知個腦點解可以!咁慢~~
做個DBQ都用左我成個半鐘......唉...d essay..都唔好講啦~~
哈~~d essay貼中哂~~阿嘉個一條又會準到咁~~
不過...又係個句...做唔哂呀...有一條做左2個paragraphy渣...incomplete...得2分!!
睇到一個二個係度加紙...我都加啦...起碼話哂都有2本丫嘛~~雖則第二本做得一版~~
唉......又做唔哂.....做左個d又係作作下~~
死梗啦~~不過我都好盡力架啦~~
但係我最驚個份paper就係下晝...仲有好多冇溫...都唔知點好~~

今日得我同tiff2個lunch渣~~
我地一路食又去講下個Tokugawa啦~~
不過就算點樣講...我一時間都係入唔到腦架啦~~
1:30..又去考過~~
今次我都知道實唔識架啦~~
所以用左好耐做DBQ....
真係好耐咩???
liliy話佢自己睇住幫我time...話我用左成2個鐘~~ 有冇咁多呀~~??
之後仲有個幾鐘剩...咁我又冇可能話唔做essay咁架嘛~~
於是我就作啦~~
japan個條真係淺到想打佢...寫哂d facts都得啦~~
不過因為我冇溫...所以冇facts...and the又冇得答~!!
之後又冇得答meiji同foreign encorachment...
於是我就憑我補Burma個陣仲有個少少既記憶去答個條Burma啦~~
答左2版...我都知唔係好夠...不過我又再冇野寫...
於是就去左做china個條intellectual development啦~
作左2版半就停筆啦...不過都好...因為我做哂之後都係唔會再有野可以答得第三條架啦~~
唉....總之今日就係我咁耐以黎作得最犀利既一份paper~~ 都唔知可以有幾分??

唔得....衰左hist...我唔可以再衰geog同文學架啦~
要俾心機...同埋唔可以留係屋企溫書..
太多誘惑啦...又有床...電視...野食...電腦......
唔得啦..聽日要去study room溫...要遠離呢d野~~
唔可以"reared my own executioner, dug my own grave and signed my own death warrent"!!!

>>February 24, 2003 at 2:06:20 PM GMT+8

2003 年 2 月 20 日 星期四 【陰】

天陰陰...凍冰冰~~
今日考文學卷一&二....唉..琴晚溫到2點先訓呀...
本來校左6點起身架...不過起身個陣已經係7點啦....
我都唔知點算呀...我溫左9課渣~~
唉..仲要係溫左都唔係好記得tim呀~ 死得啦!!

返到去之後個個都話未溫哂~~
考左個卷一先...之前仲好ideal話要用2個鐘做文..1個鐘做賞析..
不過完全唔得...
miss mak做咩呀...散曲雜劇都出~!!
做得好辛苦呀...掹掹地tim~!!
d題目又唔係難喎...不過硬要要睇鬼死咁多野...
d問題又鬼咁虛無喎..搞到我做左個半鐘先做完~~
不過我都覺得做得ok啦...因為返到黎對answer都岩左幾多...應該有20分左右~
之後得個半鐘做作文呀.....被迫揀左做個條"論傳播媒介的職責與操守"...
冇得做我既抒情呀...不過又係個d咩除夕所見所感..都悶啦~~
我都係諗呢d文我要做好耐架....所以都係忍痛放棄啦...
不過條議論又唔係好難者~~
我都係做得哂...岩岩好~~呵呵~~

個lunch要係學校食...因為大家都話要留係學校溫書喎~~
但係上到去我又冇溫啦...大家又係度講野...狂笑...
不過朱朱好好笑啦..刮垢磨光聽左"八舊鵝肝"...笑死我!!!
唉~~冇溫既結果就係唔識啦...
一睇到個d題目真係only one啦~~得一條係sure自己可以拎到高分~
其他又唔係話唔識既...因為有d識既又要搭住d唔識又或者唔係咁熟既...
我都好盡力答啦..答左一本半~
不過都係做唔哂呀..仲有20分冇做..白白冇左~!!
做左個d之後係睇返書...d points又岩喎...係少左d引文者~~
唔知miss mak會點俾呢...佢好鐘意引文架喎~~
不過我諗都唔會太低掛...如果作個d岩既話~~

之後放左就同組員去左食野啦~
不過個下午茶好似豐富左d喎...好飽..
不過返到屋企之後又食左一碗粥同湯圓...飽到嘔!!

今日係媽打生日...買左個蛋糕...唉..陣間又有野食啦..
媽咪好辛苦~~i luv u~!!
呵呵~~
vvvvvvvvvvvvvvvvvvv
To satoshi:
今日の難しいよね～
いつも test...quiz...exam...
自由の時は何時か来る？

>>February 21, 2003 at 2:26:46 PM GMT+8

2003 年 2 月 18 日 星期二 【晴】

唉...好耐都冇寫diary啦~~
其實唔係唔想寫...而係唔想日日都係diary度打:"今日又溫書啦...好辛苦呀~!!"
不過事實就真係咁....呢幾日都係溫溫溫...我就黎死啦!!

前2日都係溫文學...都唔知點解自己咁鍾意呢科都溫唔入腦~~
溫個鞍之戰溫到我掟書講粗口....
我都唔想架...不過真係好掹....因為溫得慢唔係咁緊要...而係慢得黎仲係記唔入腦!!
死得啦...咁點呀???

星期一test個UE想死呀~~
個條友都唔知做咩.....上年做過既paper都可以再出過黎俾我地做...係咪癲左呀佢~~
side哂我d時間~~仲要咩re-examination...都唔知搞咩~~原來咁樣係可以搵到6萬一個月!! 真係諷刺!!

今日個文化呀~~~我琴日溫到2點幾架~~
今日返到去第一張listening就死左啦~~ 聽唔切呀我!!
之後仲死..個篇章個度唔溫真係好過溫~~
上次唔溫作得鬼死咁好又高分..今次溫左竟然可以唔係好識答.....
又做唔哂...做得個一條加大半~~死得啦又~~

下晝去左組員話好好食既小店...
其實的確係唔錯...不過今日食咩都冇味...仲要係好想嘔tim呀~~
可能琴晚個宵夜食滯左: 一個牛腩撈麵, 一個紅豆沙, 一碟菜同2粒雲吞呀~~
今日起身個肚都好唔舒服啦~~
囉住囉住咁樣~~
下次都係唔好食咁多啦~~

下晝返去個份實用文好好啦..作左唔駛格式既演講詞~~
太好啦...又唔係好難..所以我都盡用d時間去慢慢寫啦~~
因為太家內容差唔多既時候...我都只可以用多d修辭同斟酌下d用字啦~~
好多人都一早做哂係度訓..但係我就一於少理慢慢黎~~
不過唔知做咩啦...勁瘀呀!~~
做做下個實用文個陣我上面部冷氣突然好大聲...之後仲好似落雹咁噴d冰粒出黎呀~~
搞到我成個人彈起......好心d超齡野就換左佢啦~~ 搞到我份卷濕哂呀!!!
之後做個個速讀...好煩呀...駛唔駛出2篇都有個d剔剔野呀?? 錯左又要倒扣喎~
整到見到第二篇個陣自己突然彈左句:"又剔呀?" 出黎~~
唔知個d人仲以為我傻架~ 好慘~~~

不過考完之後就好好啦~~
落到去仲可以打我久違了既排球呀~~
不過都唔係打左好耐..因為要去tiff個度practice oral啦~~
開頭就係度玩...之後大家都好認真啦...之後仲講到唔想走tim~~

本來7:00既補習遲左3個字呀~~
個徐迅駛唔駛咁快呀~~唔怪之得嘉話冇得俾佢訓啦~~

補完之後立即搵一間有電視既茶記食野..
因為我要睇天子尋龍呀~~~
今日駛哂d錢...冇錢食飯..
不過有mathew做櫃員機~~thx~~

>>February 19, 2003 at 2:59:37 PM GMT+8

2003 年 2 月 13 日 星期四 【陰】

今日又要做oral啦~~
仲要係上晝..所以話要早返喎~~仲要係8:10返到!!!
勁唔想起身呀~
返到去個陣又無乜人喎...之後d人仲同我講話唔駛點名...遲d返都冇人知~~
早知我都遲返啦...仲要係到8:30先開始呀~

本來都諗住溫書架~不過d人返黎之後我又去左傾偈啦~~
Maggie好勁呀...連都市日報都剪到~~ 不過覺得自己好白痴啦~~
之後又周圍玩...同mathew玩飛行棋真係想死!!
之後上去考個陣都係有d擔心啦...因為我中化oral真係唔係咁好架渣~~
條題目係"沒有野心就沒有成就"...我都諗到好多point架..仲有好多examples tim呀!!
入到去考個陣雖然前面窒左少少..但係越講就越順口啦...我都覺得自己進步左呀...
不過陳寶瑩俾comment個陣話我處理錯左條題目呀.....咁即係前功盡廢??
我唔知...淨係知道又唔方好得去邊啦~~
之後個discussion好好啦...大家都好有野講...
威馬好勁呀...好有point!!
其實陳寶瑩之後講返個d point我地大家都有諗到..不過唔知點解大家又冇講到架喎~
不過都好好架啦...起碼冇dead air丫~~

之後諗住同人落城食lunch...不過俾人飛起...
得返我同夢夢2個人唔知點呀...
不過之後都係自己落啦~~~

今日係情人節...上年好開心..
不過今年佢都唔係度lu~~
希望佢今年同佢既bf都有一個happy既valentine's day啦...sorry呀~!!
不過今年好唔開心呀....好大壓力tim呀...
但係而家係我眼前既...
就係一疊又一疊厚厚的notes....HKU BA...CUHK GRM...JP STUDIES...
唔諗咁多住啦.....
好多情侶係街呀....見到佢地都好開心~~
突然彈出six pence none the richer既一首歌:

Kiss me out of the bearded barley.
Nightly, beside the green, green grass.
Swing, swing, swing the spinning step.
You wear those shoes and I will wear that dress.
Oh, kiss me beneath the milky twilight.
Lead me out on the moonlit floor.
Lift your open hand.
Strike up the band and make the fireflies dance,
Silver moon's sparkling.
So kiss me.
Kiss me down by the broken tree house.
Swing me upon its hanging tire.
Bring, bring, bring your flowered hat.
We'll take the trail marked on your father's map.
Oh, kiss me beneath the milky twilight.
Lead me out on the moonlit floor.
Lift your open hand.
Strike up the band and make the fireflies dance,
Silver moon's sparkling.
So kiss me.

好鍾意....希望大家都有一個happy valentine's day啦~
而朋友仔們...努力A-Level呀!!

>>February 16, 2003 at 4:22:21 AM GMT+8

2003 年 2 月 12 日 星期三 【陰】

唔知係唔係琴晚玩得勁得滯..今日朝早起身好似有d頭赤~
又痛喎~~今日下晝仲要考oral呀...死啦今暈!!

哂左琴日d相~~好開心又好唔捨得...原來自己都識得好多人~
不過我發現自己原來係冇同好多人影架~~
本來諗住交左d卡數....但係去到銀行先知自己冇拎到張單...好白痴..
咁又諗住返屋企拎返黎交過..不過又覺得好煩..都係放學先交lu~~

下晝考..所以12點幾先返去~
第一group...我又好驚遲到呀..
返到去人地個個都好驚..但係我都仲係度話冇野既~~
不過到我考個陣就真係死哂啦!!
我都未試過一個presentation同group discussion係做得咁差既~~
presentation都已經窒哂...discussion仲唔知做咩~~
死啦...我都覺得好悶啦!!! 實會好低分~
考完個mock之後一定要約埋出黎做oral!~

>>February 16, 2003 at 3:53:56 AM GMT+8

2003 年 2 月 11 日 星期二 【陰】

天陰陰個陣先黎last day....整到人有d感觸啦...
今日係最後一日返學..但係依然係起唔到身...
今日仲玩大遲到...唉...我已經連續三日都遲架啦~~

返到去個陣岩岩完左班主任課..oh...very nice..可以唔駛見到章魚~~
不過咁就玩唔到佢呀~~
今日注定都係俾我地玩架啦...
一開始就搵人簽名同影相......

miss fung個2堂突然間感到好快過...
miss fung真係好好人.....雖然上堂真係悶左d..但係佢好俾心機教我地~~
今日last day佢都仲教我地答題目個d skills....要brainstorm得好就最好畫mind map!!
聽落又真係好似幾有用喎~~
落堂之後同miss fung拎簽名&影相...唔捨得!!

之後szeto sir堂更加離譜..大家好似當szeto sir冇到咁玩..
金金佢到szeto sir堂個陣先返呀.....都唔珍惜d時間既~~
都唔知點解...一到llast day個陣就硬係覺得d先生特別好人~~

recess個陣float入1A班房..諗返係7年前...我都係係呢一個班房開始中學生涯...好有感呀!!
之後搵左好cute既志勇同余文樂人影相...佢地都好得意呀...希望佢地以後都記得我啦~~
影完之後落左去tuck shop買野食...不過都係朱朱佢地幫我買左..唔駛迫!!
買左d薯餅上去食...因為promise左miss mak今日要準時到~~
食食下個陣miss mak就黎左啦...大家都係度死避難避~
miss mak好搞笑呀..佢個把尖到死既聲真係越聽越好聽...
佢呀...一見到鏡頭就乜都唔理咁望實架啦....
之後見到d數碼相機仲係咁問我地買邊隻好....話一定要買一隻最岩佢架喎~
因為個原因係佢自己好鍾意影相...仲要係影得佢靚個d~~
不過都係啦...miss mak真係好靚~~
之後仲係咁同我地影相呀...又扮皇后喎~
真係鬼死咁多posts....不過佢真係好正呀!!!
之前應承miss mak做賞析...不過大家最後都係冇做啦~~
連我地陸揚都走去鋤啤啦...咁我地梗係大玩啦~~
金金同嘉又扮男仔~~朱朱換左女仔個套又後好似馬來亞個d女人呀~miss mak都忍唆不禁啦!!
之後我個紅色返左黎...佢仲帶左我地組員既禮物俾我呀!!
對"nans"好好手工啦~~有好多花...又有好多簽名....仲好似話整到組員損左tim~~冇事丫嘛你地??
不過好多謝佢地...對鞋雖然係核突左d...我都唔會著出街...但係我一定會好好keep住架~~
之後好多人都話我對鞋好靚啦~又爭住同我影啦~~miss mak都覺得好正呀~
落堂鐘響左之後..我地2年文學堂就完啦~勁唔捨得~係最唔捨得既一科呀!!
之後好正經咁講左一句"goodbye miss mak"...個陣真係想喊!!
而家明白到點解以前個d人係咁話學校唔好..但係到左last day又個個都唔捨得....
我而家真係體驗到!!

落堂食lunch個陣我都係著住對"nans"落canteen架!!
一路上都不知要忍受幾多人既"目光"呀~~
今日last day食lunch同好多miss阿sir一齊呀~!!
有2個miss wong, miss fung, miss mak, szeto sir同聲聲老師呀!!
不過唔小心冇叫到kill sir呀..所以佢落左城啦~
雖然我地都唔好意思...不過我地都冇理啦...
用左個"party papper"之後...我地就影相&食lunch啦~~
不過好正啦....大家都講返以前個d好笑野!!
金金同嘉又借我過橋搵偶像影相啦~
之後我仲同好得意既ivy影相tim~~~

lunch之後既lily堂大家都冇哂mood上堂lu...
不過佢話一定要講一d野先俾我地free呀...
大家梗留心聽啦...貼題目喎~點可以唔drop低呀??
之後大家free個陣又係影相啦..仲搵左kill sir入黎tim呀~~
佢勁好笑...部相機影唔到又係度嗌~好有佢作風!!
不過佢份人真係好好~~
最後仲有團體相呀....kill sir仲話我地學唔到佢拍心口拍到出聲喎~~

之後我地就free堂啦~~唔駛上就梗係周圍拉人影啦~~
芳芳老師拎住大疊書都同我地影呀!!
CCC上緊堂都俾我地拉左出黎影呀...佢班學生都不知幾咁開心~~
我地之後仲犀利到去左"洗樓"tim呀...不過之後都淨係得miss Ho available渣~

今日雖然係last day..但係我地都要補課呀,,
不過我地一於少理...落去canteen影相先~~
除左同我地班影之外...又搵到好多lower啦..又同miss lau啦~~
本來仲諗住搓2球架~~不過都係上去補啦~~
上到去聽埋個Burma...又好似唔係好難渣喎~~
kill sir睇我地一個二個又目光呆滯..佢仲拎左個d珍藏俾我地呀~~
個個wasabi tuna又真你幾提神喎~~

補完kill sir之後真係要走啦~~last day真係完啦~~
咁竟prepare去食飯~~
不過大家都見仲有好多時間..咁金金..嘉..rae..石頭同我就去左尖咀買野先啦~~
出到去鬼死咁肚餓...咁就搵野食啦!!
之後大家都買到呀..and then就去左city super啦~~
rae買左佢d野之後我地就返左去食飯啦..遲哂到tim呀~~

不過去到...我都打左個突~~
因為我地要同個d唔係咁熟既一圍呀~~
真係悶到嘔屎!!
不過食食下我地都"跨境"去到隔離啦~~
不過食食下小朋友既媽咪打左個電話黎話呢排唔補住..咁我就會冇哂錢架啦~~
仲有呀~~我呢個月碌左個d卡數同下個月個既徐迅我都唔知邊度搵錢黎俾呀!!
大家之後又玩玩下玩到11點啦~~因為之後實在係太悶啦..所以好想走!!
大家走個陣又影左個d團體相...我仲搵到F4同我影tim呀~~

11點半先返到屋企...本來都諗住溫少少書架~~
不過實在係太累既關係..所以都係訓左啦~

>>February 14, 2003 at 1:58:54 PM GMT+8

2003 年 2 月 9 日 星期日 【晴】

唉...今日正式開學啦~

>>February 11, 2003 at 3:47:52 AM GMT+8