2003 年 12 月 5 日 星期五 【炎熱】

琴晚...
丫...唔係...應該係今朝5點半先訓..
同frd傾電話..
講左都幾多野....
我係失敗定成功..
可能我自己都未清楚...
不過我自己真係幾冇用...

我喜歡關心...
我喜歡哭..
我喜歡好朋友給我感動的感覺
能觸動我心靈深處而流淚的感覺.....

所以我好treasure我既好朋友
你地俾到我既...係唔係我想要既野...??
如果係既...我會同你地一齊攬住喊..
如果唔係...我地又有冇機會攬住一齊喊??
sorry呀rae...我喊個陣....整到你又想喊..
yen..你都係...因為我倆都是感性的人......

訓到11點先起身...
見到好好既太陽...問下細妹..
已經係11點啦...
我地約左miss mak12點請佢飲茶架~~~
咁我就好快搞掂哂d野去啦
不過都係late左一陣
sorry呀大家~

同miss mak一齊幾時都會咁多野講...
嗯..自己可以試下改下人地d paper呀....
開心架...可以睇到人地寫既文...我會好開心~
不過更開心既....梗係有$$收啦~
嘉遲左黎....搵錢嘛....
不過佢好勁呀...今日著左suit...好靚~
今個lunch食左好多野...好飽..
食到....有d暈...
琴晚都食左一包半薯片同飲左一支汽水啦..
暉暉...我亂食野啦~~

返左人地個hall度speech day
個feel好奇怪~~
今日個嘉賓係bu個校長..係我地個校長~
佢好勁...好多posts同achievements~
今日個dance好好睇....茉莉花~~~

之後返左銀禧拎cert同怒影啦又~~
同好耐冇見既同學影...同好耐冇見既老師影...
見到ivy呀...我都話左好掛住你架啦~~
喂呀...我住hall個陣你一定要上黎呀
我一定煮野俾你食~
你是一個很關心我的好老師..

感覺...依然好強烈~
講過...只要回到某一個地方...遇到某一d人....見到某一d事...
舊時的感覺又會回來...不能遏止地回來...
銀禧....就能給我這種感覺~

夜晚冇係學校同班frds食飯..
因為屋企有d事...
呢排煩住我既事....
自己唔開心...無謂留係一個開心既地方...
我會更加覺得自己係一個人..
好怕好怕這感覺~

食左野返home...
一切都好..這樣就好了
如果一直能這樣..會更好~

最近..有一種很強的感覺..
唔知點解...自己好想寫文...
有一個轉系既念頭...我想讀中文...
我發現自己對好多野..
原來會有好多感觸...
好想記低...
睇住朋友既留言..他們的日記..寫的東西..
我的鼻子會酸....眼會紅..淚水會一發不可收拾...
曹老師有說過:"詩人對文字十分敏感...."
的確...我會對文字很有感覺...
雖然如此....但當我一想到現在我身邊的朋友....
我決定還是留下來...因為我不想離開..
我想繼續愛你們...也想你們繼續愛我~

"因為重要...所以在乎...
即使是那一丁點的對話....那一丁點的留言....那一丁點的事..."
yen...這是給我的嗎?
我會跟你說:"正就是這些的一點點...
我更能感覺到...
你們為我做的...是那麼的溫暖...是那麼的感動...讓我流下幸福的眼淚~!"

今天天氣很好...
太陽很猛...
心情...也如天氣一樣..
很好....

>>December 6, 2003 at 5:17:16 PM GMT+8

2003 年 12 月 4 日 星期四 【晴】

今日訓到10點先起身
起左身狂hae....
睇電視...vcd...
下個禮拜final啦..
都唔知自己點解可以咁樣....

下晝去左同人補習
返左銀禧.....
好miss呀...
見到sezto sir同miss fung...
中學既野...一切都好~
不過大學...更加開心~哈哈~~

之後返左bu同raerae去又一城~
我地去左sharing session呀...
講左好多野...
我都唔想我d frds係咁樣...
一個二個.....都係咁~

raerae之後要去返小組..
咁我送左佢去mtr就返home lu....

暉暉, yen, opal, tim.....
我很喜歡你們。
一直這樣下去，可以嗎?

"習慣聽你的聲音
每次都令我感到很安穩"
yen...多謝你咁話我~

＊＊＊＊＊＊＊＊＊＊＊＊＊＊＊＊＊

我無法幫你預言 委曲求全有沒有用
可是我多么不舍 朋友愛的那麼苦痛
愛可以不問對錯 至少有喜悅感動
如果他總為別人撐傘 你何苦非為他等在雨中

泡咖啡讓你暖手 想擋擋你心口里的風
你卻想上街走走 吹吹冷風會清醒的多
你說你不怕分手 只有一點遺憾難過
情人節就要來了 剩自己一個
其實愛對了人 情人節每天都過#

分手快樂 祝你快樂 你可以找到更好的
不想過冬 厭倦沉重 就飛去熱帶的島嶼游泳
分手快樂 請你快樂 揮別錯的才能和對的相逢
離開舊愛 像坐慢車 看透徹了心就會是晴朗的
沒人能把誰的幸福沒收 你發誓你會活的有笑容

＊＊＊＊＊＊＊＊＊＊＊＊＊＊＊＊＊＊＊＊＊

speech day....會見返..諗返好多野!!
i miss ivy!

原來...自己都可以冇感覺

暉...記唔記得...
我地講過既野??
我會同你一直拖住....行以後既路...
一條行唔完..行唔累既路~
你唔感性....但係...你最知道我諗咩~
你唔感性....但係...我最想同你講我既野~
你唔感性....但係...我係你度..得到最真正既感動!

thz everyone!

>>December 5, 2003 at 8:42:12 PM GMT+8

2003 年 12 月 3 日 星期三 【晴】

琴晚3點先訓...
send d相俾暉暉丫嘛~
等你可以有一張恨左好耐既single相啦~

今日以為要上RP呀..
咁就7點半起左身..
返左bu諗住上last一堂啦
不過去到801先發現唔駛上堂..
打俾guy先知原來琴晚係last一堂...
鳴...好慘..好白痴咁返左去...
好眼訓呀..
咁我之後就去左cc hae啦...
越坐越凍...好似有d病咁...
9點hae到11點...打俾yen..
佢岩岩起左身..
yen...thz你返黎陪我呀~
為左食乳豬...
你又著左裙~

我地hae hae下睇到一個post..
個2對情侶好好笑~~笑到我訓低~
等yen打左diary之後..
我地就去左canteen陪opal同自己lunch啦~
落到canteen門口見到rae...
嗯..知啦
不過唔好唔開心呢~
又見到june....佢話我個RP有一題滿分..
呵呵..我都唔想架嘛...不過叻又冇計既~
我呀...有一條做唔哂啦又...實好低分啦...
見到loretta呀...傾左2句啦~
佢話嘉會遲d返喎~

暉暉呀....咁耐架..
掛死人啦...
又話食左野...又跟住我去買野食~
又唔同人一齊出去喎..
要同人前後腳...好映衰你咩而家??
見到tim同佢女友呀...
趕時間就叫埋tim上個departmental meeting啦~

上左去...見到kk wong..
個meeting好悶呀..
好想訓...
講左好多野...不過都好多都係叫我地sponsor個dept.
冇$$$呀...點sponsor呀??
你估我地好似larry咁一個family有fund fundation架咩??
完左個meeting..我都覺得kk wong好尷尬..
因為我諗都冇乜一屆geog好似我地咁...
咁冷~

之後就去左common print out份self evaluation form填..
今日要交呀..
咁我就走左半個鐘既英文去填啦~
填完就去上英文堂交form啦..
佢地入面有人present緊...咁我都好唔好意思入去啦..
係出面等到人地present完先入..
我係唔係好乖同好有禮貌呢??

入到去..拎返份mid term..
哈哈...tim同我講話我係最高分耶...
唉..我都係撞下手神者~
今日英文last一堂...mr chan之後講左d野
過左去我都唔會再諗架啦..
又點會話仲有咩唔開心呢??
可能係個mid term分高..都開始有d唔care個oral分lu~

之後去左commmon rm搵暉暉, yen同寶寶
我地去左旺角玩呀...
買左protect個 DC screen既膠片
又食左雪糕同行街..開心~
途中見到may..同佢bf..
好耐冇見啦...我地要出黎呀~

行完街7點返bu..
今日真係食乳豬啦..
嗯..好好味呀...
除左我地四人組之外..
仲有岩岩一個月零一日既劍青同dorophy~

6個人食豬豬


食完野..我地去左cc print notes
QM呀...我地要努力~~

上左暉暉個hall..
等佢拎埋野一齊去又一城搭車..
我地去到影左好多相啦又~~
好好玩..好開心..
仲有阿標既沖涼聲相伴呀~~

june: 我都好開心可以同你地一齊捱過呀...不過我有d野想問你
快樂人呢排講左d咩?? exam會點出?? 我走左呢個禮拜堂呀~~
thz你幫我讀出我既"傑作"...不過..你好似最高分喎..係唔係黎踩我場呀??

暉暉 yen opal....冇得見啦真係
我會好掛住你地...
我地要有力量...GPA勁過3!

暫時放在一邊..
不要去想
不想去想

今日は突然に感じを寂しい。
長い時間か見えないねえ～
彼女じゃない，お前は！
最近は、気持が悪い！
元気も！
お前はどう？

>>December 4, 2003 at 6:04:48 PM GMT+8

2003 年 12 月 2 日 星期二 【晴】

今日去左買送...
去左豬肉嬸嬸個度買瘦肉...
我自細就同媽咪係佢度買野架啦...
今日去左佢度買野...
傾左一陣...問左一d野
一d我最近好唔想提既野...
我認係..但係個感覺係咩?
不過同佢傾偈都好好架..
佢好好人..次次都會俾多d我架~~

返屋企煮晏晝...
食完之後睇下電視..
原來都市閒情時段既亞視有套劇好好睇
今日細妹叫我睇先發現..
睇完去左整salad...
不過只係半完成渣...
咁佢暉暉同yen就叫我拎左返去啦...
我覺得唔係咁好食~

諗住返去抄QM...
不過搞搞下遲左出去
仲要上埋架拉龜車...
搭8先返到去呀陰公~
sorry呀大家...

上左QM大家都黎左食salad..
你地唔好咁講啦...
我覺得唔好食個陣你地個個都話好食..
我會覺得你地tum我開心架渣~~

寶寶要去cut hair
暉暉同yen就陪佢出左旺角....
咁我就去左補習
今日只係補左一個鐘...

去左又一城join佢地
我地係個棵靚靚聖誕樹前面影左好多相呀..
好warm..好開心..因為有你地.....
寶寶...唔好咁sad啦...

返bu諗住食個乳豬..
不過有人落錯單..
聽日先有得食呀...唔制...又俾人呃左~~

咁我地就加埋珊去左九龍城食dinner啦...
去左一間黑店...貴又唔飽
本來諗起想去pizza hut...不過又落左單啦
一路食我地都諸多不滿...
走個陣仲想我地俾tips...死啦去~~
心情唔好...再睥爆粗架~!

之後同我地去左m記
同暉暉食左一個"情侶包"
哈哈...今日有promotion嘛~
食食下...細妹打黎..佢又買左m記等我返去食.....@~@"

豪哥join左我地去食糖水..
我地去左口甜舌滑..
好味呀...
食哂野又覺得個肚幾飽~

食完同大家一齊行返hall..
一齊傾偈..個感覺好好..
我好鍾意...

差唔多12點先返去home..
好累呀....

唔滿意..講囉
駛唔駛咁?

暉暉...希望你可以開心
好似我"特登"換俾你既bg music咁...
仲有我地丫嘛..baby~~

yen...你今日靚"女"左~
聽日食豬呀...你都要著裙架~

寶寶and me


me and 暉暉


yen me 暉暉 寶寶


聖誕樹下..
有我們的見證...
有我們的友情...
有我們不可分割的關係...
不可改變的承諾~

>>December 3, 2003 at 6:20:33 PM GMT+8

2003 年 12 月 1 日 星期一 【晴】

今日返930..
係特登返去上城城既~
暉暉...呃左我返去..
城城話今日係最後一日啦...
所以我都好留心...
其實佢除左長氣左dd..
教得真係幾好~
唔捨得~

之後去左sit elizebath堂..
因為要去捧yen同寶寶場丫嘛..
如果唔係緊張..你地都可以再好d~
yen...after the presentation
i know andy lau, i know daniel wu and i know suharto..
but what impressed me most is you
i will never forget," i'm yen chan"~!
bell個powerpoint真係幾靚..
不過都係最後一張好~akakaka~

同暉暉, bell, yen, 寶寶&keith去左飲茶..
之後就去左考中文啦....
今日考曹老師...
之前真係以為可能會好難..
不過真係易得可憐..
我覺得自己做得好好囉...
一黎...唉...中文底子好...冇計~~
二黎...曹老師真係教得好好..
我又真係好唔捨得?
點解自己鍾意既...永遠唔會一直係身邊??
走個陣見到曹老師..
個陣我好想喊...我亦都好想同佢講:"老師, 你可唔可以唔好走~"
(而家....我喊左出黎......)

去左cc hae....
今日comencement...好多人grad...
好靚..
不過好快...自己都會係咁...
3年...真係會好快...
又會同新識既frd分開..
如果可以...我想做返一個小朋友...
同你地係咁玩...想笑就笑...想喊就喊..
唔駛好似而家咁辛苦..
你地知唔知...我好愛你地呀~

聽日...我地就可以食寶寶win返黎既"乳豬全體"啦~~
又可以一齊食飯..影相..玩啦~~....
咁我就會走左個RP佢..哈哈~

daddy呢排會返...
好驚佢講個d野...
又或者..我係時候做返個乖乖仔......

努力+注意身體

>>December 2, 2003 at 1:25:50 PM GMT+8

2003 年 11 月 30 日 星期日 【晴】

今日本來約左tim早d返去傾report
不過起身個陣都9點半啦
sorry呀..
我遲到~~
之後整返熱個麥皮食...
唉...我又煲燶野啦~~

返到去個陣係10點8..
遲左成個幾鐘...
我好唔好意思呀~~
原來今日owen唔駛上堂喎..
咁就去左common rm出面傾野啦~
咩呀...我買個D野係唔係難食成咁呀??
一個二個又話要飲水呀盛~
yen...都係你識貨~

暉暉呀...你好懶...
打左俾你咁多次先黎~

食左個lunch我地就去左cc做野~
見到tiffany...做咩駁髮呀??
不過又幾好睇~
係貴左d~~
raerae...thz你的coupon呀~
點解你個單野會咁??
都幾複雜...係有d唔知點講好既~
仲有..我冇suit..唔著啦~

開始去做個report..
做下玩下
到人地做左好多個陣我都開始好俾心機啦~
不過做做下..
我覺得原來有好多野~
做唔哂~~
不過係咁衝...走埋QM先做得哂渣~~
仲做到好肚痛~~

走個陣好凍
有scarf係暖d既~~
如果有人一齊..我會再暖d囉~

今日遲左半個鐘去鎵鎵度
佢冇野做我都唔想呃佢錢..
同佢做哂d功課就走lu~

返去個陣搵打左俾puipui傾一陣偈..
我好耐都冇見佢啦~
不過佢個電話收得唔好~
傾左十幾分鐘就收左線啦~
你知唔知?
我好掛住我地一齊返學個d日子??

返到黎..
見到一d野好掹~
點解咁呀??

打左俾暉暉講左都好多野~
係啦
我唔想係咁囉~
我都知其實自己都唔煩呢d野~
不過只係自己冇人呻下覺得幾辛苦者~
你真係...好好...
講真架..係好好~

今日又去左買m記宵夜啦~
呵呵呵...我係唔係唔驚死??
記得去換哂佢呀~~知唔知??

明天考曹老師呀~
要努力...不過點解咁多錯別字??
想死~

>>December 1, 2003 at 2:45:14 PM GMT+8

2003 年 11 月 29 日 星期六 【晴】

今日..
哈哈...好開心呢..
可以訓到11點幾
因為今日唔駛去鎵鎵度..

起左身就去左街市買送...
原來我都好有potential架...
yen....搵日我地一齊煮野食丫~~
較量下~~

下晝睇鎗王..
好好睇...
張國榮唔知點解..
點睇佢都咁型...好入戲~
但係人走左...只可以睇佢留低既野..
感覺好無奈~
今次又係睇唔到個結局...
丫...唔制呀~~

4點要返到bu做report..
咁我就3點落左街剪髮~~
丫...見佢手起刀落..左剪剪...右剪剪...前剪.... .... ....
當我戴返眼鏡睇~~
我d頭髮冇哂啦...好短...
你唔好呃我...留返長係我之前個頭至好~~

一出個salon...
呼~~好凍呀~~
yen原來都係岩岩上車...
哎...咁就唔駛咁趕啦~~

去到又一城...yen又係岩岩落車..
駛唔駛咁岩呀~~
不過下次落車個陣唔好笑呀唔該~

等埋暉暉就返bu lu~
我好掛住你呀...
次次見列你...我都好想攬住你!

去hall個陣見到kerry
咁我地去擺但d野之後就去左library做野lu...
好多人...呀~
不過都做左d既~
我發現...我地d geog人既geog...真係好勁
of coz我唔係啦~

做到7點個library要"閉館"呀~
咁我就返左屋企啦~

食左野之後就做野啦
做左好耐好耐...
最後都係打左俾暉暉同yen傾電話~
我聽出耳油呀~
你地個hall...好淫亂...不過我好鍾意~哈哈
唉..唔知我幾時可以experience下呢??

暉暉..如果係既就努力呀...
有咩事搵我..我會知架~~

覺得自己有被打沉的感覺....
不想沉..自己卻又無力
不知如何是好

>>December 1, 2003 at 12:49:32 PM GMT+8

2003 年 11 月 28 日 星期五 【晴】

朝早起身去左灣仔..
幫媽咪去拎d野....
我真係覺得...我呢個做仔既好冇用...
乜都幫佢唔到...仲成日要佢煩我d野
但係自己仲要唔鍾意佢有時做既野...
究竟點解??
我希望...我可以大個仔d...
識諗d..
亦都希望我能夠做到既野...可以幫到佢呢排煩緊既野啦~

返左屋企..
食下飯...執下屋..
就去左同人地補習啦...
嘩...唔係fa??
除左history之外...全部紅哂??
但係history我係冇幫佢補過既~
咁我就同佢講返哂d卷啦..
唉...有d心淡...
我諗都係quit左佢算啦~

去左睇忘不了......
故人舊事真的可以忘記?
原來新發生的事...
新遇的人...
新的記憶...已經令這界線變得模糊不清了
其實都幾好睇....
有d感動...

之後去左tst先返屋企
我想搭船架~

返左屋企飲湯..
好好味呀d魚湯~

飲完之後....我發覺我冇做一樣野..
丫..係打俾暉暉~
今日佢打左俾我架...
只不過係我個陣補緊習之嘛...
喂死仔....唔好唔開心啦
我又覺得其實呢個結局唔係唔好丫..
起碼..你自己一定會開心返好多...
仲有我地丫嘛~
跟住打埋俾yen...原來佢同豪哥都落左街睇戲~
傾左好耐...不過冇野講...
係呀...唔好意思...我玩得過份左
令到你地可能唔開心
我知架...
sorry呀~

我都覺得
其實自己唔係一個咁好人緣既人
我知有好多人講我是非...
但無論講咩都好...我都唔鍾意...
i dun wanna be labelled!!!

又或者..我自己根本就唔係一個圓滑既人..
我唔識點樣去同人地相處...
我想做一個唔係人人愛我..但起碼唔係人人憎我既人..
不過..原來根本就唔得...
我...係呢一方面..原來一早就注定左係失敗者~
有時覺得人地好假...
咁自己係唔係仲假?

好down...

sorry...我知道我做得唔好
我會..努力做好d~
我知你想我知你諗緊乜~
我都估到係我既問題架~

今日冇好多野講...
因為自己有好多野都仲煩緊...諗緊....放唔低~
俾左個唔知點既感覺你...sorry~

我真係好憎自己!

>>November 30, 2003 at 4:19:42 AM GMT+8

2003 年 11 月 27 日 星期四 【晴】

朝早起身作曹老師既文
因為琴晚作個篇真係好垃圾...

作作下...決定走pe
不過今日好似係lecture...講nutrition
冇得聽呀!~~

12點幾返左銀禧
又幫手吹波...
都係唔多好玩....
個網好矮呀....2.35...真係好矮~
其實今日有一球
可以吹和波....不過冇咁做~

返左bu搵暉暉, yen同寶寶做功課...
寶寶個hall好搞鬼...個個in and out既牌好好玩~~

去左19樓做作文...
我都話左我作文會喊架啦~
作作下....聽聽下歌...自己真係喊左出黎...
諗返好多野...
好樣衰...
隱隱約約聽到暉暉講電話...
好激動...
走個陣一句野都冇講..
一黎我未平伏...二黎我都好驚~

去左上qm..
派左mid term...76..都ok啦
不過冇聽佢講野~

上左geog dept搵鍾謙簽名
不過佢走左...
都要下個禮拜先可以搵佢啦~

補埋習就走lu~

今日打左俾你..
諗住買野入黎俾你食..
不過..搵唔到你~

去左tst搵野..
搭左架運桔車..
搭左好耐....好凍...
訓左好耐....
去到又話賣哂啦...
我都係冇希望啦~

媽咪...你又做咩呀
我講左好唔鍾意你咁呀!!

好凍...又開始凍啦~

>>November 28, 2003 at 2:56:31 PM GMT+8

2003 年 11 月 26 日 星期三 【晴】

快樂人今日唔駛上堂
咁我就可以1點半先上堂啦...

朝早唔知做咩笑醒左
而家諗返..
唔知發左個咩夢啦~~

起左身唔知做左d咩
一直都冇心機去prepare個present

12點3返到銀禧
幫人吹波
不過....一d都唔好玩
悶到嘔電~~

1點半返去上中文
本來唔想上....又諗住去上都係做present算
不過見到曹老師..
我又乖乖咁聽書啦
曹老師下個sem可能唔教啦
要去中大做research
好想佢教我呀
我唔捨得一個咁好既老師~

寶寶..唔好誤會
其實個排我屋企會有d事
我會唔係香港~
你咁講..我會好唔知點囉~

3點幾去做present
我想爆粗
點解咁呀??
take into account可以補返一切?
我係reading呀
不過你要求咁高我可以點呀??
大佬...我咁大個仔第一次用英文present架渣~~!!

去左又一城見到暉暉
佢同carmen一齊..
喂...你2個做咩~~
暉暉你有我仲要去搞搞陣??
不過個christmas tree真係好靚呀~
我覺得靚過中環個個~

補習...好累
聽日可以唔駛再去
太好了~

媽咪唔好咁樣
我完全冇怪過你~

我只是不知道好何反應
可能真的太累
我好想去睡一睡呀~

>>November 27, 2003 at 3:41:08 PM GMT+8