2003 年 9 月 10 日 星期三 【酷熱】

中秋節快樂~~~~~~呀~~~~~

好耐都冇寫diary啦.....因為我都唔係好得閒呢~~

都返左bu十幾日啦...個feel...都幾好啦...
幾近銀禧呀...得閒又可以返下去見下我的MISS呀SIR啦...hoho....yeah~~

都識左幾多新同學架啦
以我呢我咁驚生保人既人...我都覺得我好犀利架啦~~

>>September 11, 2003 at 1:47:09 PM GMT+8

2003 年 8 月 27 日 星期三 【乍暖還寒】

妖呀....
聽日去o camp啦~~
不過我係勁唔想去架~~
我最怕就係生保人....
去到同人地玩得癲又唔知點咁
玩唔得癲又會俾人話唔埋堆...好寸.....
唉...做人兩頭難...
個心"lor lor攣"~~

>>August 28, 2003 at 10:24:13 AM GMT+8

2003 年 8 月 4 日 星期一 【雨】

返左黎啦
唔經唔覺咁好快就過左十幾日啦
大陸好玩就係好玩既
不過太熱啦
成40度既大熱天
我呢d咁既孱仔就梗係病左啦
睇左2次醫生..打左2次針
都係冇用
1號仲要開始發燒感冒
我死都唔理佢呀
吽到琴日返黎先睇
嘩...3日渣...可以燒到102度
打左支針食左d藥
又想嘔又咳到我死咁滯
今晚仲要去睇多次呀陰公~

原來大陸我有好多地方我都冇去過架
有d地方想去而家都已經冇左啦
張家界, 青島, 南京, 三峽, 九寨溝, 德天大瀑布....全部都好想去架~

原來我又差唔多一個月冇寫日記啦
冇計喎..唔係香港嘛~
唯有以後勤d啦~

聽日就放jupas啦
好驚呢
成日慰自己話有書讀就好好架啦
但硬係就淨係想入個一兩間U
鬼咩...要怪就怪自己唔俾心機啦
搞到而家兩頭唔到岸咁
我而家仲驚浸會GEOG唔要我tim呀~
係大陸個陣夜晚發夢放jupas
我個offer竟然係d咩"男女關係學"呀咁(poly u架), miss ting好似仲係個dept既head prof.
嚇死我~~
仲要話呢個dept學既係唱卡拉ok~~
日日都係唱歌咁..
嘩..好彩係夢渣..
如果唔係我都唔知可以點呀~

究竟聽日用咩心情開電腦呢?
不如陣間叫醫生打支迷藥
等我早d訓唔好再去諗好過~




>>August 5, 2003 at 4:10:16 AM GMT+8

2003 年 7 月 12 日 星期六 【晴】

睇下個diary??
我已經近一個月沒有寫日記了
是不想把生活的點滴記下了嗎?
我肯定不是
因為我有夢想,有信念, 有憧憬
因此, 我想為自己留下回憶~
寫出自己的生活~

近一個月做左d咩呢?
只可以話係返工返工又返工
漸漸, 我開始發現這份工好既一面
原來, 有好多人同我想法一樣...
好慶幸, 因為至少, 我不是孤身一個人~
當我同公司的同事慢慢熟絡的時候
亦是我開始感到不捨得的時候..
這種感覺不能言傳但卻又似曾相識..
因為同上次係台灣返完工的感覺一樣...
上次我係last day喊左出黎
今次呢?
我唔知...
有人話我太投入一段關係
搞到自己不能抽身
可能真係啦
如果可以既話
我反而想有多d勇氣
可以控制到自己唔駛喊...
講到我自己好冇用tim>.<

4號放左榜啦
個result對我黎講唔係好好囉
或者好似好多先生同我講咁:"你應該可以再好d, 你既成績唔只咁~"
係唔係安慰我? 定抑或係事實?
我相信2種都有
我對"古語有云"的經驗之談是深信不疑的
我只可以講:"我鄙視有博彩性質來判斷學生成績的一次性考試模式"
我而家好驚呢
如果俾我入到HKU都開心死啦~

近日駛左好多$$呀
因為sale戥關係..買左2個GUCCI
琴日仲要同yuki一次過去行哂tst既名店
LV, GUCCI, PRADA, MUI MUI, AGNES B, TIFFANY, HERMES,.......
不過我地都係運桔唔買野的~
不過見到呢D野我會好開心
好多人會話我成日買呢d野side錢
不過佢地會俾到我一個動力,
令我要為左得到佢地而努力
我想為夢想而努力的大有人在
只不過大家目的不同罷了~

見到好多frd近日都唔係好開心呢
如果係間中都還可以
不過時時刻刻都係咁都唔好啦
其實"苦中作樂"未必唔係一件好事
至少可以換黎一時一刻快樂丫~
或都人地會話我唔會設身處地感受到佢地唔開心既原因
不過如果可以既話..
我會盡量令我身邊既人快樂
因為見到笑容實在太開心啦~~
希望我可以為我愛的, 我不愛的
愛我的, 不愛我的人
重新燃起心中那朵希望的火花~

近日睇韓劇有一首很好聽既歌
令我對生活更熱愛了
大家不如都正面d啦
正如佢話:" You cant say, but you can dream"!





>>July 14, 2003 at 12:28:45 AM GMT+8

2003 年 6 月 16 日 星期一 【晴】

死野
個野又腎左

>>June 17, 2003 at 12:27:58 AM GMT+8

2003 年 6 月 14 日 星期六 【雨】

個天係唔係咁呀?
係唔係日日都要落雨先?
落左個幾禮拜都仲唔停
成日見到既都係雲氣濃重...幽晦多雨...好唔開心架嘛...
個人都dup哂呀!!!

好耐都冇寫diary啦
一來冇野寫...二來又唔係咁開心...
所以搞到冇乜心情記低發生左d咩事..
不過好啦...
自己諗通左...又知道有d人不知其所以然就亂發炮
既然佢未睇清楚件事...我咪當佢無知囉
都係唔好搞到自己咁唔開心好~

呢個禮拜返工好開心呢
因為可以去2次trips.
雖然係返大陸...但係真係輕鬆好多架..
at least唔駛驚係office做錯野丫嘛..
不過星期四就好鬼激氣啦
話就叫人2點去到深圳交收
我都好心早d到唔駛人地等啦
哈...條友唔單只2點未到
仲要我等到4點幾先黎到
佢一頭同office講話佢到左好耐..見唔到我
一頭又打俾我話佢仲係架車度叫我等多陣..
喂...大佬...即係點呀??
陷害我咁話啦??
個件野等寄parcel架....5點幾截件..我4點幾先收到件
咁點返到office寄呀?
於是打返去問啦..於是佢地就叫我搭taxi去機場FedEx啦
嘩...上水上車去airport
個日又大雨...不過又要趕...係咁叫個司機開快d...
不過到佢開快個陣我又好驚
條路又sin...佢開到100km/h..
我上到青馬大橋都不禁揸實安全帶啦
我好驚反車之後...
我是好怕死的~!
好在趕到...不過遲左個半鐘先放工囉...蝕哂俾佢!
第一次搭成330蚊taxi
俾$$個陣好鬼豪~!
第二日返到公司先知原來落黎個條友冇證
落到深圳俾人遣返上東莞
好心就唔好講大話啦~

咁日同今日都幾開心啦
因為可以去街
琴日同puipui行左好耐呀
好耐都冇見佢啦....
有一件好好笑既就係
當我地去到住好d睇香蠟個陣
puipui唔知個隻味就好大力咁索左一啖
結果...原來個隻係樟腦味...笑到我2個牙都甩~!
不過個間野d野真係好死靚~

今日買唔到野呀
因為睇唔岩
不過好thx rae的coupon呢~!

聽日又返工啦
有希望

唔知點解BU GEOG叫我去INTERVIEW
我都唔知點解一向都冇interview既BU geog會咁
不過都係去左先算啦

死野返左黎
玩電話..仲細咩??
遲d搵你啦~!!
我一定要睇下你個樣衰look!

>>June 15, 2003 at 12:04:49 PM GMT+8

2003 年 6 月 5 日 星期四 【雨】

之前想寫diary佢就閂左...
而家全面重開啦...自己又唔知打d咩好..
唉~~

今日朝早返左銀禧搵miss Fung拎marking scheme...
哈哈...好驚囉..
個d係唔係answers呀??
咁點拎到credit呀??
冇架啦...我好驚死!

唔知點解...呢2日返工開心左...
係啦...點解呢?
可能係因為條八婆冇再串串貢啦~
我唔想side d時間同心機去應付d咁既人...

今日出左糧啦....做左半個月2800蚊....
都算係咁啦~
d人工聽日就會冇哂啦...
還錢俾媽打...交卡數....請食飯..
自己得返2舊水~

好想出街買野呀...
而家最想買Levis 3D Engineered...不過7舊幾八舊水囉...
好彩Rae話我知佢媽打俾coupon我...咁都冇咁傷~


>>June 7, 2003 at 5:07:27 AM GMT+8

2003 年 5 月 30 日 星期五 【晴】

好累好累呀......不過有一日抖下真係幾好
琴晚夜左d訓....同miss傾電話...搞到自己不知幾文雅...
講講下又講到我做野個度..
真係有十萬個唔開心囉..
如果唔係睇錢份上..呢份工真係搵笨!!
講講下我又好鬼激氣啦..
個條8婆真係呢....
以前個d都唔講啦...
就講今個禮拜...條pk真係乞我憎到爆:

星期一in完之後咁下晝去返工啦...
係lift口俾我撞到佢同另一個同事.....
咁諗住行去叫佢啦...
佢條死剷擰歪面喎...咁x串我就索性唔叫...
校大聲部MD..
跟住佢就黎拍我膊頭...話佢叫左我好多次我都唔應佢~
好啦...咁我就應佢啦...
之後佢就話佢見到我見到佢都唔叫...
咁我就話佢又好似唔想見到我咁..
佢又問我話:"咁你就唔叫架啦??嘩...乜你咁冇禮貌架"
我心諗:"乜你咁Q煩架...叫你又唔係..唔叫你又唔係...
更何況把口生係我度...我係唔叫你又吹x脹麼??"
好啦...就當唔叫你係我錯...我要大方d對你d咁既小人..
佢之後把口臭到呢:
"嘩...今日咁"四正"去左邊黎呀?"
咁我話去interview啦
佢:"interview?"
我:"係呀...中大in丫嘛"
佢:"咁點呀?得唔得呀?"
我:"唔知架...睇下佢搵唔搵我啦"
佢:"哦...咁你自己覺得呢?"
我:"成個department唯一一個鬼佬prof. in我...都唔知得唔得~"
佢:"哦..咁你得啦....你d英文咁好!"
我:"係咩...希望啦~"
佢之後竟然話:"後生仔..唔好咁有自信..."
跟住我話啦:"係咩..我唔覺喎..我對住你收歛左架啦~"
咁有lift到...佢就上啦...我就死都唔會同佢同lift架啦...搭之後個架~
咁都俾我快過佢返到office~
你睇d咁既人都有喎...嘩...真係俾我大開眼界呀~

好啦...之後個日返工同佢同lift..<----係佢臨閂門個陣衝入黎...想走都唔得~
我死都唔叫佢...聽MD...吹咩?

好啦..係office個陣一時又扮哂好人咁..
又俾memo紙我...又唔該前唔該後咁
好啦...到左琴日...佢條癲雞又發瘟啦..
琴日一朝早返到去office...
半個鐘之後佢走埋黎同我講:"你琴日好似寄錯野喎:"
原來琴日有個客打黎說parcel送錯左
之後有條友就過黎話我啦
咁條八婆就好開心咁啦..
咁check清楚原來係個d速遞公司撈亂左d野黎寄啦..
呵呵...個d cheap哩仲死都話係我錯..點知check左之後一個二個啞哂咁...
我都不知幾心涼~
個條八婆咪又係返埋位囉~
到左下晝啦..
有個同事搵一個細d既箱啦..
咁我就搵左一個好fit size既俾佢啦..
個八婆又話:"你又唔蠢得哂喎"
又話咩:"我係唔鍾意讚佢呀...我驚佢囂呀~~!"
又問我話:"你咁驕傲...點呀....人地interview要左你未呀?
我:"我唔驕架....係都遲d先啦....未呀...interview仲未搵我喎.."
佢竟然話:"係呀...咁咪好囉...係我就唔搵唔要你啦~!"
同個等緊放榜既學生潑埋d咁既冷水...係唔係人呀??
咁我又話呀:"我d咁high qual既人...你請我都未必入你個department啦~"
死都要頂佢呀!!!
佢6點之後仲叫我留低等埋佢d野pack箱..
同我講話:"係呀...聽日我唔返架...你唔整埋邊個整呀?"
條茂利之前又係度玩又盛...6點之後先開工...
過左office hr叫我留低等佢喎....等你條命....睬佢都癲既..
我同佢講話我約左人唔得閒....咁就走左.....
佢都冇聲出~
真係cheap......
一個對比強烈的人..
一對白鴿眼加一個黑心眼~~
可笑可笑~~

大家話啦...有冇d人咁衰先...
我而不得搵人唱衰佢呀.....
喂...大家醒d警句黎啦..
我而家都睇緊一d心理書...星期一試下玩下佢!!

好悶呀...下晝先可以出一陣街....
好想出黎玩呀!!!!!!!!!!!!!!!!!!!!

>>May 31, 2003 at 4:48:09 AM GMT+8

2003 年 5 月 29 日 星期四 【晴】

呢個禮拜發生左好多野...

星期一去左interview...
好好彩咁俾左個department唯一一個鬼佬in...
唔係好好囉..
即日返去公司俾條八婆串酊頂住條氣..
成個下晝都唔開心囉~

之後日日都等department call我....
希望俾個offer我
不過今日收到信lu...都知道冇機架啦!!
之後返到去office又俾條八婆串..
佢話係個department就唔要我喎...
乜得d人咁Q黑心架??
正一係個d西到爆既仆街.....
係唔係"留"屌呀??
有冇人兄可以醒d警句俾我串返佢??
好憎佢呀~!!!!

寫唔到啦...就黎7點個diary又close架啦..
遲d再寫detail d.....
今日係想呻下者~~

>>May 30, 2003 at 10:55:59 AM GMT+8

2003 年 5 月 23 日 星期五 【晴】

今日好開心呀..
因為我終於買到衫啦~呵呵

本來諗住早d出門口去行多d地方架嘛~
不過媽打話我唔執好我間房就唔准出街喎
又係既....AL之後...我間房都係維持咁亂..
鬼咩..又要出去玩...又要搵工..又要返工...
你一見到個個好似堆填區既note山不知從何入手架啦~
不過既然佢咁講既時候...我都索性執好佢啦...
2個鐘之後就搞掂左啦...
仲執好哂冬天衫tim呀.....hoho~~
咁佢就冇得唔俾我出去玩啦...
不過到個陣自己又lur係屋企...諗住食埋野先出..又可以慳返一筆......
一路食野一路睇日劇...整到點幾先出門口.....

咁出到去就去尖咀啦..
因為之前都冇乜點行過...
我又覺得今日好好彩啦
皆因去到OC之後...俾我見到satoshi同佢d frd.....
不過我都冇同佢傾咁耐啦...我要趕時間丫嘛...
仲有呀...今日原來係POLO第一日sale呀.....
咁我就梗係買啦.....
買左一件裇衫同埋一件褸......
不過駛唔駛咁多人?? 好似星期日既GIODANO咁..好多好多人~
個條隊又係好長好長.....買左成$900蚊野~
好開心...不過要煩找數~

之後約左個frd出旺角...
行到我腳都痛埋...
又買左條鏈~
and then就去左食糖水...之後就一齊去左打波啦..
去到就遲左半個幾鐘啦~
雖然成年幾都冇好認真咁打過..
不過都唔係話好差既~ok啦..

打到成8點幾...大家隻手都好痛啦...又出哂個d紅粒粒..
於是大伙兒都走lu....
去左新世紀飲野...傾左個幾鐘..
笑死我...
其實咁樣傾下偈我都會好開心架....
因為幸福快樂唔係只有靠金錢來攫取...
好想大家一班frd可以多d咁樣傾偈......大家一齊笑得咁開心其實真係好好架~~
傾到成10點呀...我諗如果唔係個度熄燈我地都唔會走...
個度個冷氣好凍呀...吹到我震哂咁~~

返到home10點幾...沖完涼成個人散哂咁...
好累好累~~

>>May 25, 2003 at 3:03:03 AM GMT+8