2002 年 12 月 28 日 星期六 【陰】

今晚同大姑媽食飯......好辛苦......見到o的人好黑人憎
尼o的飯真係好惡食...講句野我都覺得好鬼假


今晚睇"一夜夫婦要結婚"睇到我都有o的feel
我覺得做人父母真係好難, 好矛盾~
見到千葉真一個樣, 我突然覺得我要努力o的讀書~~
再唔努力就後悔都無用, 我要入大學, 入科大...
我唔知電腦enginee第時有無野做, 不過尼o的係我o既興趣, 你地理得我啊!!
要有多o的智慧, 能力, 學力.......先可以做一個好o既老公
做到人老公, 就要做個好老豆, 如果唔係我o的仔女會好唔開心....
我要努力!!

>>December 31, 2002 at 5:26:58 AM GMT+8

2002 年 12 月 24 日 星期二 【陰】

我自己真係幾麻煩下, 係男仔都應該會鐘意"溫暖牌"
我唔係唔鐘意, 不過我又怕熱, 又唔鐘意"吉"肉o既感覺~
不過竟然都比阿ling織到條好好o既頸巾比我, 真係多謝哂!!

今晚上左阿ling度開party, 真係好多野食, 仲好多人tim~
玩下玩下成四點幾先走, 又創新高~~哈哈~

大家: 聖誕快樂啊~~

>>December 31, 2002 at 5:19:51 AM GMT+8

2002 年 12 月 23 日 星期一 【晴】

今日係平安夜.....
我返左church做祟拜, 今年唔知點解好似好唔同咁
我又講唔峴有o的咩唔同, 好似....都係無咩氣氛咁...
眾餐o既時侯就更加係添, 好似同大會格格不入咁~~
我晚祟拜, 雖然好累, 成日企住唱詩, 不過個感覺好好, 好正
特別係首christmas lullaby, 真係好好聽, 好正, 好靜!!
祟拜之後, 佢地今年竟然無咩地方去.....就好無聊咁響條街度唔知做咩
結果....我就悄悄咁走左
我響碼頭企左一陣, 一方面等車, 我都唔知有無車, 不過想一個人靜下
好耐都無一個人企響碼頭睇風景啦, 個feel好鬼正, 好舒服
一個人睇燈飾, 我只想苦笑, 今年o的燈飾一o的特別都無
好似比我睇咁, 哈哈......
突然.......一艘天星小輪經過, 船上面o既人不斷大叫, 向碼頭o既每一個人講"Merry Christmax"
當時我覺得佢地好開心, 好有氣氛, 同時我身邊亦有人向佢地回應
響咁開心o既情景之下, 我突然轉身背對佢地.......
當時, 我有一種講唔出o既苦澀......我發覺.......
我有好多重擔.......

>>December 24, 2002 at 6:35:55 PM GMT+8

2002 年 12 月 21 日 星期六 【陰】

慈悲仁愛o既上帝:


尋日係黎siro既結婚大日子, 今日佢同太太就會出門去馬爾代夫honey moon~
願主祝福佢地o既腳步, 保守佢地o既行程同佢地以後o既道路~~

為阿ling祈禱, 都知道佢而家成日都好唔開心, 為左朋友一事而感覺好辛苦
唔知點做好, 亦唔想傷害一個好朋友, 更加唔想無左個好朋友
願主賜力量同智慧比佢, 等佢可以知道點樣去應付, 點樣去面對...
叫佢可以早日解決尼件事, 不過感到辛苦

亦為到jessica祈禱, 知道佢都係o岩o岩決志相信主你o既大能, 你o既話語
願主你都保守佢日後o既道路, 特別係靈命上o既道路~
叫佢可以不斷確認自己o既信仰, 不易受迷惑!!
亦願主加添佢o既力量, 待佢響學業, 愛情方面都可以順利應付~~
都知道佢揀左一條唔易行o既路, 但只要佢開心就okay, 我知道神您自有安排
願妳o既安排都比將幸福帶到每個人身上

最後將一切要考a-level o既朋友都交上
願父您加添每一個人o既力量, 亦賜健康比佢地
使佢地可以作好準備, 去應該a-level尼個人生o既大挑戰!!

祈禱, 交托, 感謝係奉我主耶穌基督得勝o既名字而求, Amen~~

>>December 24, 2002 at 6:06:29 PM GMT+8

2002 年 12 月 20 日 星期五 【晴】

今日去左黎sir個wedding, 真係好感人, 當佢想多謝佢父母o既時侯更不禁落淚
o個一刻, 我幻想當我自己真係結婚o既時候會點樣......我覺得我都係唔知點多謝我父母
一樣係.....講唔出野.....而我亦都眼濕濕咁......(不過我周圍o的人響度笑)

響開心o的時刻過左之後, 大家都漫無目的...
好似o的咩喜慶日子, 大家都玩完笑完先後o既感覺...好奇怪...

之後行來行去, 同penny去整眼鏡, 順便驗下自己隻眼
哈哈, 仲好過之前, 一隻眼有少少散光, 一隻咩事都無, 勁啊
不過.....我又好想帶眼鏡喎...咁姐好定唔好呢?!

>>December 23, 2002 at 12:04:30 PM GMT+8

2002 年 12 月 19 日 星期四 【雨】

唔知點好......

>>December 23, 2002 at 11:45:47 AM GMT+8

2002 年 12 月 18 日 星期三 【陰】

今日係校監盃最後一場比賽, 就係我地7B對5D, 即陳全志偉阿佘佢地
本來就lead得幾好, 最好係head佢地9分咁多添啊!!
大家今日都打得好好, 雖然我無份打, 亦都唔到我打, 不過我都感受到落場每一個人o既拼博
打左咁多場, 我覺得今場阿明係最認真打啊!! 而其他人都係打得最好....
不過都唔夠一個陳全, 佢真係好鬼勁......
結果我地班輸左一分, 就輸左個盃, 唔係因為輸而唔開心, 不過當大家都覺得贏到o既時候....
真係有點失落......
咁多位隊員, 你地係最強的!!

比賽之後有一種講唔出o既屈住屈住咁.....之後打左一陣波.......
真係好舒服, 雖然隻腳痛到阿媽都唔認得, 不過出左一身汗, 出左o的氣, 心情都好好多
但係...我好似有o的唔妥......個頭好暈........

>>December 19, 2002 at 5:23:45 PM GMT+8

2002 年 12 月 15 日 星期日 【晴】

對阿雞都有得出, 真係開心, 多謝阿明...
如果唔係佢, 我諗無人會叫我換人o既
不過我又令佢失望......諗住好好地射球, 唉.....又比人block.....
好失敗....

今日囉左o的相去晒, 真係激氣啊....
個sales扮哂識咁, 不過連text file都唔知係咩
仲問我晒唔晒.....我真係頂佢唔順...

快o的寫阿女本野先!!

>>December 16, 2002 at 2:36:34 PM GMT+8

2002 年 12 月 14 日 星期六 【晴】

買左幾條褲都同件衫唔o岩色.......好煩啊.......
唉, 太多電視好睇啦, 我又無做到野lu......
聽日先算~~

>>December 16, 2002 at 2:24:53 PM GMT+8

2002 年 12 月 12 日 星期四 【陰】

今日我有得出場啊, 有份打校監盃啊
其實係一件好好開心o既事, 咁好o既機會, 對手又唔係勁
係囉表現o既時侯, 唉......點知自己打到不知所謂....
有得出兩節咁多啊, 下一場都未必有o的咁o既機會
第二節, 大家都仲未熱身, 個個都打得唔好.....
3分.....又大針.......好唔掂.........又無籃板.......好差
第四節, 我打底, 係就係"咩"到位, 有o的籃板, 但係一分都無.....交白卷
有一球囉左個籃板, 又唔知做咩...上又上得不知所謂.....
又一個penny囉到rebound, 我又一心諗住"咩"住個位等penny失左都有rebound
點知又3秒......
唉...應該有表現, 點知唔只無, 仲要係打得好鬼差.....
下場對阿雞都唔知仲有無機會.........
唔開心......

>>December 13, 2002 at 5:51:53 PM GMT+8