2004 年 7 月 28 日 星期三 【晴】

今日係出camp o既日子~!!
4日3夜o既 福音營咁就完左啦....
我今年都係做營務, 今年o既營務長係st steven o既郭行俊
佢同小魚o既style 一o的都唔同, 佢好多野都前一日先執
所以我地日日都係做, 好少有得傾下計 or 玩下......

最尾一日我難得唔洗做咁多野, 可以去玩下
點知入左間黑房, o的人v. 唔active.....玩得一陣仲要比阿juan趕走.....
TSK o個幾個又無打比我.....唉.....結果我比左錢都無咩點玩過
咁就一個camp 啦, 好唔開心下.....

希望個個都有所得著, 返church 學更多o既野啦 ^^

>>August 2, 2004 at 7:42:02 AM GMT+8

2004 年 7 月 23 日 星期五 【晴】

今日團契慧美做主持, 講錢~
其中有個作為基督徒理財的原則:

1. 不可投機 (箴言二十八章22節)
2. 保持資產借貸平衡 (路加福音十四章28-30節)
3. 注意對主的見證 (哥林多前書十章31節)
4. 照顧他人的需要 (哥林多後書九章13節)
5. 決不連署擔保 (箴言六章1-3節)
6. 不可用錢無度 (提摩太前書六章8節)
7. 為逆境作準備 (腓立比前書四章12-13節)
8. 尋求內心平安 (箴言十章22節)


之後去左阿ling度同佢爸爸一齊睇「世界龍門陣」
黃毓民話: 我唔再玩股票就即係唔再賭!!

咁....投資, 投機, 玩波......係咪都係唔o岩尼?!

>>August 2, 2004 at 7:31:51 AM GMT+8

2004 年 7 月 18 日 星期日 【微雨】

唉, 好耐無打日記啦, 真係要打返先得!!
而家都叫幾忙下, o的野好多好煩好亂~~
summer term o既general japanese 1 就上完啦~
下星期就係福音營, 我要溫多o的書先得, 唔係就又o徒時間
GPA又拉唔返高咖啦......>.<

仲有choir o day o既野....
CHOIR就仲煩, 連camp site都未book到, 而家都唔知搞唔搞得成
o day + 唱歌都未有野搞到.....
聽日要同kinson 同佢個friend去睇下惠郷個場可唔可以做到musical
我都幾期待尼個musical ^^

另外就有路加堂籃球邀請賽...
今年我係OC, 有份搞好多好多野, 而o個o的野都幾煩下
不過我都做得幾開心, 因為我知道做完之後大家又可以打波
仲係一個屬於我地o既聯賽, 幾煩都係值o既
而且今年waiho, ricky, gary 都話打, 我地好有機會出到線
要比心機操fit 返自己先得!!

真係感恩, 今年青年日無咩野要幫手住, 而家only scan 相中.....

本身上星期五返浸中教summer course, 點知打風
要prepare多幾課先得, 一來可以教得好o的, 又可以去快o的
之後福音營都唔洗煩咁多野~

加油, 我要努力!!

>>July 19, 2004 at 4:16:01 AM GMT+8

2004 年 6 月 18 日 星期五 【晴】

一出camp, 應該係pre-camp先o岩, 就同老姚返左屋企換衫換袋
返左團契, 打完波........先發覺隻鞋仔唔見左........
之後我係咁諗, 真係完全諗唔到邊度幾時唔見, 真係無印象.....

心情好複雜... 真係好唔開心, 又唔想阿ling擔心
但又真係無心機咁.......都怪我成日都懶懶閒咁.....
上次son哥唔見佢地o個隻o既時候我已經想除左佢, 驚唔見.....
就得個諗未無行動, 而家真係報應....

豬頭都講得o岩, 我安慰得佢地, 應該安慰到自己
今年o既情人節禮物雖然唔見左, 不過我有信心下一年可以有一份更好o既禮物!!
一份我會更加更加珍惜o既禮物!!

>>June 21, 2004 at 7:20:57 AM GMT+8

2004 年 6 月 2 日 星期三 【酷熱】

um......係我唔o岩~!!
我以為都會睇住你
最多都只會係撞到我, 我話o既!!

>>June 5, 2004 at 5:56:12 AM GMT+8

2004 年 5 月 29 日 星期六 【酷熱】

尼幾日我同老姚借左edwin部好靚o既白色PS2返屋企玩
所以日日一起身就係咁打winning, 真係好唔健康下 ^^
今日我地3個(我, 老姚, homan) 一早就返去打winning~!!
約左11點, 遲到請食lunch, 點知塞車, 搞到我遲左少少
雖然佢地都錫住我食明珠唔食它翠, 不過都好唔抵....>.<

完左團契, 我地去左灣仔行街, 之後去新記食扒
原來新記搬左去灣仔, o的野差左好多, o的人又唔同哂
我諗以後都未必再會去新記食lu~~

之後上左lingling屋企, 今晚dicky 無上黎, 成屋都好靜下, 哈哈
咁平時應該係佢太嘈啦!!

走o個陣竟然響香港仔撞到嘉欣
一見到佢, 都諗左一陣係唔係佢, 佢都做左負離子
而且個人都似瘦左唔少, 一下子都唔sure 一定係佢~!!
我地見到面, 兩個都傻下傻下咁, 響度笑....
好耐無見佢lu....講o既野都唔太多, 佢好快就有車走左
um.....希望佢keep 住 同小鳴 都係咁開心啦 ^^

>>June 5, 2004 at 5:52:14 AM GMT+8

2004 年 5 月 13 日 星期四 【晴】

今日都幾無聊下...
好在夜晚有波打, 打indoor~~
諗住早o的去香港入錢啦, 點知部部"存錢妥" 都壞左
都唔知係咪o既.....

今晚同阿希打, 佢真係好勁, 佢唔叫特別高, 好似homan差不多
不過佢勁過homan好多, 有佢響隻, 個底好穩陣下~~
不過我真係唔多識走位, 成日都好似走錯左咁.....
雖然係贏波, 不過我only得2分.....要打多o的, 練返多o的先得!!

>>May 18, 2004 at 5:35:59 AM GMT+8

2004 年 5 月 12 日 星期三 【晴】

尼幾日小肥都唔係好舒服, 但又成日都唔肯去睇醫生
媽媽都開似話我, 叫我睇緊o的佢, 今朝佢又話無事
都唔知係唔係o既.....

下晝去左陪阿ling, 晏o的同佢去考中文oral, 佢考衛理, 又係小西灣o個頭
點鬼知小肥下晝又話去睇醫生, 真係比佢激死.....
不過我都做唔到o的咩啦, 唯有早o的返去睇下佢啦....

返到去, 佢鬼咁精神, 真係比佢激死!!

(無左八達通真係好唔方便)

>>May 18, 2004 at 5:35:00 AM GMT+8

2004 年 5 月 11 日 星期二 【晴】

(好黑人憎, 唔係VIP, 成日都打唔到日記 ＞．＜)
好野, 考完試lu~!!! 估唔到networking出得咁直下
hup 同 switch o既分別, 唉.....尼o的背o既野我反而唔熟.....
好多人早走tim, 就連阿joe 同 kiwi 都早走, 哈哈, 係咪咁勁啊?!

考完networking, 就去左買電話, 今日好有決心一定耍買到
因為上星期日大小肥去沙頭角一事, 我唔可以再拖啦!!
今日開心o的, 有韓佬同阿健陪我去sony ericsson專門店買
有貨啦, 好開心, 雖然諗左一陣, 好似有o的唔抵, 不過.....等左咁耐, 咩都返哂黎啦...
結果我買左T630 黑色啦, 仲買埋個hand free, 個sales比我屈左個八五折同一把傘
哈哈~!! 我真係好變態下~!!

夜晚我地上左山頂打波, 好在無帶新電話上去姐....
成個波dup左落個袋度, 搞到八達通都壞埋....
今日fatdoy一個鐵頭, 搞到韓佬個細細路爆哂鼻血~~
自從上次阿團同阿健炒車之後, 再而家先再搞到咁大獲
o的血多到側唔到, 真係恐怖.....
希望佢快o的無事啦!!

>>May 18, 2004 at 5:11:44 AM GMT+8

2004 年 5 月 8 日 星期六 【晴】

um......入左咁多日, 終於有一日入到啦
唉...我又唔係VIP, 成日都login唔到, 就算想打日記都唔係下下有得打
過左又唔想打返轉頭, hehee, 都係懶o既問題!!

今日返左早堂, 覺得自己好勁, 又係訓得幾個鐘...
尋晚11點幾返到屋企, 搞掂o的野, 又搞下部mp3, 一點左右就開工讀書
不過其實我好勀下, 所以都唔係太溫到, only係咁copy o野, 希望死記到少少野

　　點解有mp3搞o既, 事關尋日考account, 係cost and management account
　　一朝早幾個人打黎都話唔洗考, 咁我梗係放鬆哂唔再溫啦....
　　點鬼知個course examiner11點幾先send e-mail黎話要考, 咁即係我要出門口tim啦
　　溫都無得溫......唉......結果梗係唔多識啦......
　　我叫做溫哂, 不過有好多都唔明, 本來尋日朝諗住死背, 又......
　　所以就好唔開心, 一心諗住是鬼旦, 買o的野tum下自己都好, 去買電話
　　其實想買好耐, 不過平o的o既地方都無貨, 諗住唔等, 貴都要買啦
　　都已經係去SONY ERICSSON專門店, 都無貨, 係咪咁多人睇中左T630啊?!
　　買唔到電話, 好唔開心, 就求其買左個mp3.......

　　其實又唔係真係好求其, 我都想買好耐, 而且連model都睇中埋
　　一心諗佳貴256MB, 只係price o既問題, 點知個sales同我講話SSF-71 無出256
　　256就一定係全鏡面o個部, 咁就好啦, 平左$500, 殺, 諗都唔諗!!
　　128MB真係唔太夠, 唯有將o的歌compress返唔好太大啦, 都store到30幾隻歌o既 ^^

尋日o既事就係咁啦.....

所以今日返到早堂都好勁下, 而且homan 同 edwin 遲到, 有人請食早餐, yeah~!!
今日係母親節, 我特登返去幫手派花~!!
今日請左"小金子" 黎講導, 佢都幾勁下, 70幾歲都仲可以做到咁多野
成日係咁飛來飛去傳福音, 上帝o既力量真係大!!

食完個free breakfast之後仲諗住即刻返屋企溫書啦
點知homan同老姚叫我打波, 我一定有打啦....我咁耐無打, 又想打....
就係咁打左一個鐘左右, 雖然好曬, 好勀, 但係個感覺好正
好耐都無咁積極過啦~!!
打完波, 個人好精神下, 要開工啦, 唔係又溫得唔好咖啦~~~

聽日考business management, 我叫做溫過哂一次, 希望可以考好o的啦
好, 背point!!

>>May 9, 2004 at 11:57:30 AM GMT+8