2003 年 9 月 28 日 星期日 【晴】

~~今日我地ISS選拔籃球員打商院杯~~


我都無心打, 一來自己本身唔勁, 二來人地好勁
我都休諗住大家同學仔一齊打下波咁 ^^
比阿聰撞到o個野仲好鬼痛, 撞到牙「交」啊

以我o既水平, 我覺得自己算打得唔錯~~
有得分, 有幾個助攻, 有唔少rebound, 仲有兩個steal

我同自己講, 升得返degree, 我一定要突破, 打得勁唔勁都唔重要
但一定要有突破, 唔可以就咁停左響度!!

>>September 30, 2003 at 5:00:15 AM GMT+8

2003 年 9 月 27 日 星期六 【晴】

今日返完祟拜之後, 突然隻眼勁痛.....
返到屋企就見到隻眼好似有個pok咁......
好得驚, 訓左一陣, 好似好左少少咁
不過阿媽都係叫我入急証睇下
我都預左好多人, 要等好耐咖啦.....

等左一陣, 比我見到肥楊, 佢好似好擔心咁
哎呀, 搞到我唔係好敢叫佢......
之後就有救護車到, 原來係佢屋企人有事.......

急証室進入緊急狀態....

點知.....再之後有個人撞車, 變得更加緊急......
我呆等3個鐘都聽唔到自己個名, 決定走.....

但而家隻眼仲好似有o的野....
睇黎又要睇city 醫生~~

>>September 30, 2003 at 4:43:25 AM GMT+8

2003 年 9 月 25 日 星期四 【晴】

今日去左陪阿ling食tea, 見下佢嘛, 好耐無見佢lu~~~
諗住東村搭171過海再搭火車返city好快啦......點鬼知........
塞左成粒鐘車先過到海, 結果七點o既chior rehersal我分點幾先到
咁都唔緊要.......再點知.......九點就練完歌, 之後開party.......
哎呀.....我今日day-off咖, 如果唔係想唱下o的歌仔, 我都唔會特登返黎啦!!
唉....咁就o徒左一日, o徒野o的車錢.......

算, 而家真係好勀, 今朝一個人打波, 執波都執到勀
聽日要去city open day, 早o的訓好過!!

>>September 30, 2003 at 4:36:49 AM GMT+8

2003 年 9 月 24 日 星期三 【酷熱】

尋日同波哥, 阿嫻, 肥wing, 阿龜無無聊聊咁無左個夜晚.....
本身只係同佢地一齊搭970返屋企, 點知佢地話好耐無見, 一齊食飯喎
決定好哂就問我啦, 其實我都唔係佢地o個埋o既, 所以我話唔好啦.....
阿嫻又話我唔比面, 咁.....食囉食囉........
又食, 又傾, 搞下搞下, 上埋阿嫻屋企再傾.......咁就搞到11點幾
我個電話又無電, 咩電話都打唔到, 比人話左幾句 >.<

所以今日又遲到啦~~
尋日仲衰, 遲左成粒鐘先返到去, 仲要係programming lecture
我好鬼想聽咖......而家唔知咩係 # include 唔開心.....

今日係account lecture, 遲唔遲都好似無咩關係.....因為我都唔係好明
要溫多o的account先得啦, econ 仲衰, 人地present, 完全聽唔明佢地up咩, 唉.....
跟住好快就返屋企教琴, 今日教到啦, 唔洗改星期六, 咁星期六就可以去city 啦!!

今日真係好勀, 所以好早就訓左lu.....
--------------------------------------------------------------------------------------------------------------------------
靈: 係啊, 簡單係我o既style嘛 ^^
~又唔係咁講喎, 佢up哂o的時間, 我跟本講唔到好多野, 阿sir都係睇唔到o的咩....>.<

winnie: 咁我e-mail 你啦!!

>>September 26, 2003 at 3:58:50 AM GMT+8

2003 年 9 月 21 日 星期日 【微冷】

唉, pepare左都幾耐下o既BIS present......
真係prepare左好鬼耐, 而且做左幾多research下, 有好多daily example
不過就係因為個頭.......真係頂佢..........
陳子謙又唔諗住讀, 佢又re-take a-level, 又再jupas過
佢跟本唔洗讀asso, 而家佢都係返黎玩....
同佢一組真係死得人多, 我地講o既野佢又唔明, 解釋左幾次都係要唔明
講佢又唔聽, 成日以為先生o岩, 又唔係我地講野咩....
自己又唔係真係好明個case 講咩, 又死要solve人地o的problem~~
尼o的都係present之前o既激氣事......
今日present, 明明叫佢用一分鐘講下what is CRM?
佢...........又搵mic, 又做介紹, 又整ppt, 之前都無尼o的野......
又無咩點prepare, 自己都唔知自己講咩, 講講下仲問返我: er.....應該點講啊?!
盲都知你prepare得唔夠啦.... 唉........搞左成5分鐘有多
結果我地因為時間夠, 有好多好重要o既point 同product都無講到......
真係唔多開心......

算, 做個report o個陣爆佢大獲, 橫掂佢都唔諗住讀 (我又做唔出 >.<)

幾日無溫書, 我要溫返o的econ, account先得啦....

--------------------------------------------------------------------------------------------------------------
winnie: 自修室我見到3個人喎, 一個應該係tammy, 其他我都唔多記得
~ 38號我成日都搭, 又係無咩記憶
~ tammy 同 阿蕭, 係多咖啦, 我響阿蕭個日記度成日都見「tam」尼個字, 仲響海旁拖手撞到friend嘛~~
~ 日記留意 or e-mail我都無所以, 睇你prefer 邊樣多, 我兩樣都okay!!
~ background music 係同HTML 整咖, 本來有background pic tim, 唔知點解show唔到出黎, p.2 onwards 又有喎, 我都唔知點解
~ 如果你想知點整, 一係問阿蕭, 佢勁鐘意整, 一係睇日討論區, 都有教的!!

>>September 23, 2003 at 3:59:06 AM GMT+8

2003 年 9 月 17 日 星期三 【晴】

又過左一個星期lu~~
終於都知account做緊咩啦, 而家o的咩balance sheet, t account, trading acc, p & l acc 都知
條steve fong真係好唔掂, 我以後都會sit lecture14, 哈哈

而家o的stat 同a-level o個o的差好遠, 唔係識計就得
CN Lo 要求好多野, 一定要有meaning 先得, 好考concept
我要比多o的時間溫stat先得!!
佢仲要係我地o既program leader, 唔得罪得~~
今日唔知邊個白痴話佢聽我地好多人無上account lecture~~ 搞到佢問我地點解....
我地又無理由話個lectuer廢咖, 頂佢.......
好在最尾都無串我地去左sit第二堂

Econ 好難啊, 而家先GDP, 我都唔係好搞得掂, econ 係我最大障礙!!

BIS要做present, 又要quiz, 今個weekend 要plan得好o的先得~~
聽日夜晚要返choir, 好唔想返.......
-------------------------------------------------------------------------------------------------------------------
winnie: 你都算識我呱, 我應該見過你, 不過唔係好認我邊個打邊個lu ^^
~同阿樂有e-mail tim啊, 咁你地都識啦, 唔叫friend都叫net friend啦
~tammy 係咪即阿蕭女朋友啊?! 佢係咪入左LAW啊??
~唔係呱, 14日, 之前30日咖, 咁我一時唔記得打咪死......
~你日記幾多no. 啊, 等我得閒都去留下言嘛 ^^

>>September 19, 2003 at 6:42:13 AM GMT+8

2003 年 9 月 14 日 星期日 【乍寒還暖】

嘩, 今日係我最專心上堂o既一日....
可能因為我前幾日都唔多舒服, 訓左好多覺, 今日就好精神下
唉, 不過中文真係好悶, BIS亦好廢.....

決定左唔re-take a-level, 唔jupas, 博yr1 non jupas.......
而家要比心機讀多o的書先得.....
econ, account 係我o既障礙, 要快o的搞掂佢!!
BIS 有performance啦, 我到而家都唔知做咩tim, 要快o的問阿sir!!

哈哈, 諗左好耐, 最後都係買左個好平o的電子詞典~
真係好想買ppc, 不過而家o既我真係唔係咁大用, 都係過多一兩年先啦
而家部文曲星都幫到我上堂, 好!!
我要早o的訓先得, 唔好成日遲起身!!
-------------------------------------------------------------------------------------------------------------------------
winnie: 我以前都有手寫的, 不過寫寫下又放棄左, 你要keep it up
~我會努力, 要yr1博non jupas上degree
~原來安樂你都識~~
~入得translate英文屎極有限啦 ^^ 唔好咁謙
~唔係中學re-u, 只係cityu o camp re-u ^^

>>September 23, 2003 at 3:59:53 AM GMT+8

2003 年 9 月 11 日 星期四 【酷熱】

今日「啞七」re-u, 點知變左大雜會
一o的都無re-u o既feel~~
唉, 仲病緊, 見到佢地玩又無得玩, 唔開心......
明明係要落水咖啦, 點知佢地咁鬼鍚我, 唔比我落, ~_~

之後搞左好耐, 都係k-dinner
我聲帶仲好痛, 唱唔到歌, 好辛苦下先唱到幾首
好苦命啊, 真係要快o的好返先得!!

--------------------------------------------------------------------------------------------------------------------
winnie: 我一直都keep住打, 不過唔係日日打only姐
你都跟得幾貼, 哈~~
~我唔係話city唔好, 只係asso唔好.....
~你又識阿安?! 又係阿蕭講咖?!
~讀translation, 你o的eng咪好得?!
~我都想快o的好返, 有心!!

>>September 12, 2003 at 5:12:06 PM GMT+8

2003 年 9 月 10 日 星期三 【晴】

個醫生果然好鬼廢, 原來佢個個開o既藥都係一樣咖
唔死就假啦, 我決定睇第二個
今次尼個就差好遠啦
起碼, 佢話到比我知我係聲帶 同 喉嚨都發炎先啊!!
1號房o個個, 真係唔得掂!!

又要多o的休息先得, 唔係就有排都未好得返


--------------------------------------------------------------------------------------------------------------------------
winniw: 唔好意思, 無留意到你msg, 你又點啊, 去左邊度讀?
點解我入左city就好? 你又知o既?! 你打風o個日先開學嘛??

>>September 12, 2003 at 7:32:15 AM GMT+8

2003 年 9 月 8 日 星期一 【晴】

今日連燒都有tim, 要試一試city o的醫生先得
不過....好似好多人都話o個o的醫生好廢......希望係啦....

yeah~~我入左chity choir 啦, 好似好簡單咁, 其實好辛苦咖
我燒住咁audition, 囉命博咖.....
有o的唔多識唱入o既.....唉.....
搞到我入左似好咋咁...

休息休息.......

>>September 12, 2003 at 7:28:00 AM GMT+8