2005 年 1 月 25 日 星期二 【炎熱】

今日攞左電話去整, 都唔識震左好耐下, 終於都的起心奸攞去整
中間有成個幾鐘唔知做咩好, 就自己一個人去左睇幽靈刺客III, 我好似第一次一個人睇戲
套戲.....OKAY啦, 無睇1, 2都幾難明囉, 好似1, 2好睇o的tim

之後去左無印, 又洗左七十幾蚊.....點解呢?! 我已經好忍手...

買完野去攞返個電話, 換底版?! 唔係咁大獲呀?! 咁咪咩都無哂囉?!
係, 就係咩都無哂, photo, midi, wallpaper, sms, 短片.........咩都無哂
原先我都覺得奇怪咖啦, 之前張sim card只可以收40個sms, 而家收百幾個都仲收到
原來係save左入機.....而家無lu.......
好似攞左部新電話咁, 雖然個version 係新, 不過唔知做咩, 慢左10倍有多, phone book 都有少少hang....
哎呀, 好掛住舊o個部......

夜晚去左學傳個gathering, um......話我唱歌好得, 分享好唔得
唱得歌但係無生命!!
好多好多o既反思, 好要再好好諗下自己個見證想講o的咩先得~~

返到屋企, 新o既電話竟然connect唔到PC....個bluetooth short short 地....
我係咪唔應該攞去整呢?!

>>January 27, 2005 at 1:41:00 PM GMT+8

2005 年 1 月 24 日 星期一 【炎熱】

唔經唔覺又一個禮拜, 成個wk 無打日記lu.....
補返記得o既事先~!!

1月18日 星期二
casting o既人竟然有好多都遲到, 好煩啊....
阿導演又話要早走囉.....
好在最後都搞掂....
最後我都係揀左all i ask of you 做audition o既歌, 唱得....唔叫好....

11個人, 叫8鍱野都食唔哂, 太過分啦, 我盡哂力, 都係有一鍱食唔哂....
好多都米熱氣, 大獲啦!!

1月19日 星期三
今日係詩歌歌唱比賽o既初賽, 我....可以話無咩準備之下去
唱得.....嘛嘛, 可能因為尋晚太熱氣, 分享.....好用心, 講多左好多野.....
唔知入唔入到呢?!

1月20日 星期四
今日又係好攰o既一日, 1030去到1730 都係上堂
上完堂就返左保羅堂練drama, 好多人都背哂啦, 我仲要睇住做tim...
我要prepare多o的先得啦!!

1月21日 星期五
可能尼幾日都太攰, 今日訓醒已經係十一點幾十二點
本來仲想去探下女麻女麻, 不過...1630要返去開會, 好似唔係太夠時間....
女麻女麻前日出左院啦, 佢返左屋企好似開心左, 起碼肯食野, 肯食藥
唔緊要啦, 聽日同大小肥去探佢地啦~!!

夜晚練group, 都okay smooth, 無左吳依橋好似更smooth, 唔係話佢唱得唔好
不過佢成係搞尼搞路, 又同elaine 影相又點又點......好disturbing......>.<
叫做run 哂所有歌, 仲有一次練習, 要執quality啦, 但係.....我執?! 我何得何能???
點好呢??

check 一 check e-mail, 我入左詩歌歌唱比賽喎!! 開心開心, 諗下叫響個睇先~~
1月22日 星期六
一起身就去左探女麻女麻, 原來大小肥叫左我兩個鐘, 我好似無咩知覺咁...
女麻女麻訓左覺, 好似唔太願起身咁, 二姑媽原來走左
而家得返姨婆 同 四姑媽睇住女麻女麻, 真係叫人擔心
我地又唔可以做到o的咩.....唯有多o的去探下佢啦

同大小肥食完個幾抵食o既美心下午茶之後就返左保羅堂
今日梁牧師講同性戀, 老實講, 一o的都唔吸引, 我都係等練drama多
阿肥好勁, 雖然唔係好多舞, 但係短短一個intro 就已經將o個個氣氛帶到出黎
我o既動作都幾嘔心.....為左事奉......唉.....是旦啦~~~

練完, 唔知邊個叻人鎖左門囉, 我, johnjohn 同阿澤o的野都仲響入面.....
唉...好擔心, DC, MP3......仲有proposal o的野都響個袋入面.....

1月23日 星期日
一早就起身返去攞返o的野, 又唔見喎....?!
原來崗仔同我地keep起左, 咁都好o的.....
新一年都好似無同阿wing佢地食早餐, 更加唔好講唱詩班
今日又好似有講唔完o既野傾緊咁......早餐團真係好, jenny快o的好返仲好
詩班今日練o個隻歌好正, 好有黑人jazz feel, 下個星期可以try下返唔返到~!!
今日好勁, 十十奉獻, 身上得兩蚊, 就奉獻左兩蚊, 之後就一張百達通走天涯

堂堂show一蘇......唔講啦, 一個唔錯o既經驗啦, 慧敏真係好勁!!

可以的話我唔想再同若書亞佢地食飯, 真係好辛苦, 又煩, 又唔識體諒人
人地細路女only, 又要人地點點點.....太過分啦~!!

1月24日 星期一
尼幾日都搵人去睇詩歌歌唱比賽, 唔係想人聽我唱歌, 真係真係好想以生命去改變生命!!
點知....唉....反應唔係真係咁好囉....
班仔女應該會去睇o既, 希望....佢地好似全部都day off.....
伍少貞......我有o的唔識講尼個人....唔係話佢唔黎睇比賽尼個問題, 但團契崇拜都可以放棄.....口講一套, 做又一套...
就連peggy 媽都話講佢唔聽, 無哂佢收.......話親佢都係唔reply msg咁...係我煩住佢, 定係佢唔想聽我講野?!
另一個我好想佢黎o既人就係阿ruth, 其實唔係話同佢好熟, 不過我feel到大家都好好朋友, 係可以交心o既朋友
我亦好多謝佢咁信任我, 好想佢都可以聽下我o既分享, 聽下其他人o既分享......
可惜佢第二日要返早...

上帝啊, 求你比多o的指示我, 你想點樣同我?! 請差遣我!!

1月25日 星期二
costing management真係好難, 今日到overhead analysis sheet......
好在okay專心之下都明明地o既....

choir re-call.....唔知做咩, 無咩鬥心, 好似無咩所謂咁, 做咩都okay, 只要有得做...

九點半muso singcon初賽, 結果我同阿ling成十點三先有得唱, 唱得.....我覺得好唔掂....
算啦, 就當捐錢比muso啦, 都預左, FB 準備好o的啦~!! 期待FB 多o的~~

>>January 27, 2005 at 2:50:15 PM GMT+8

2005 年 1 月 16 日 星期日 【晴】

今日見paul chan, 講返我地o既FYP, 原來CN LO唔bide.....咁點好呀?!
兩個大問題: 點賺錢? 點吸引人用我地個website?
唉...

internet security o既tutorial, 好無聊, 15min搞掂走得
lecture講天災, 都無得講咖啦.....走左半堂

早左o的時間, 就去左瑪麗探女麻女麻
不過佢唔係好睬我 >.< 唔止我, 連四姑媽, 榮怕娘 佢地都唔睬
唔睬我地都唔緊要, 咩都唔食, 藥都係.....唉......老人家扭計, 真係無咩可以做到...
好似嬲哂全世界咁, 我都唔知佢記唔記得我...
好唔開心, 好似咩都做唔到咁, 四姑媽又down down地, 我要多o的支持佢同爸爸先得!!

主, 求你加力比我~!!

>>January 19, 2005 at 6:15:52 PM GMT+8

2005 年 1 月 15 日 星期六 【微冷】

今日遲左起身, 同阿爸去食左個早餐, 之後先返崇拜
遲左少少, 是旦啦, 都趕到何姑娘o既講道~!!

之後好快咁同蕭敏研 同 angela 食左個快lunch, 佢地好快又走lu....

食完就上返church 練drama, 我又係做紳士囉, 唔知點解.....
好多野要講, 好多野要記, 唉.....又少左好多時間...

多謝chan sir o既手信~~

阿爸同我地講阿"女麻"入左醫院, 而且仲有少少老人痴呆, 有可以會send去老人院...
我十個唔想囉, 女麻女麻咁錫我地......
我可以做o的咩, 諗唔到, 為佢祈禱!!

>>January 19, 2005 at 4:40:06 PM GMT+8

2005 年 1 月 14 日 星期五 【微冷】

Whole day FYP囉......
最後都好似唔係好傾到o的咩咁.....

winning 輸哂比dicky, 點解會咁咖?!

今日tip 左曼聯 x 車仔 x 保頓--> 22.5倍
無時間, 無買, only買左rgoal, 哈哈~!! 今屈第一次tip中~~

>>January 19, 2005 at 4:32:39 PM GMT+8

2005 年 1 月 13 日 星期四 【颳風】

話咁快就一個wk啦, 今日wk 先wk 1, 已經忙到想死......
choir, 自己dept, church....天啊~!!
慢慢補返o的日記先:

星期一 :
約左kinsen攞譜, 佢遲左20min 囉
之後返city, 去左南山copy o的譜
上完internet security o既tutorial, brian siu果然係廢, 一o的野都無學過, 都唔洗指意佢識
過左一次上lecture, 個阿sir 都okay o既, 不過可能係科野o既問題, 都幾係悶....

返屋企, 整midi, 整到四點幾
聽到金毛kel re-take 兩科, 追到GPA過3, 自己都想re-take盡下力

星期二 :
尋晚訓得太少, 今日CN LO早堂, 遲左半粒鐘
原來o個一個鐘就係lecture, 都幾少人下, elective 就係咁?!
尼科e-logistics 好似好多野要讀咁, 轉唔轉好呢?! 都係唔好啦, CN LO教得幾好, 又有返program leader喎
跟返佢好o的o既~!! 而且多o的update自己都幾好啊, unix......去sit堂學都okay啊 ^^
EC2 就.......好似幾悶下咁...

之後去左搵winnie kwok幫我簽名, 因為我決定re-take costing management
我上年攞D, 我計過如果我有B的話都可拉到0.3~0.4 o既GPA, 都幾多下
不過會好辛苦........決定, 我覺得係上帝比我o既指示, 叫我今個sem 有意義o的~!!
winnie 仲記得我, 仲好撐我下tim, 明明full 都幫我簽名, 就哂我時間, 比我上我想得閒o既tutorial
以前唔係咁鐘意佢, 而家覺得佢好好人, 係就長氣左o的, 不過真係好人, 而且好幫學生!!
CN LO唔太建議我re-take, 叫我諗清楚o的, 就諗多一日啦

夜晚choir, 唱左3隻歌, 都幾易, 不過唱得嘛嘛, 都正常~~
約哂group o既人, 星期五要開波啦~!!
今晚又要整midi

星期三 :
特登返去交form re-take, 幾有誠意, hehee~!!
決定啦, 係就係會辛苦o的, 不過last sem, 自己都盡下力啦, 唔好後悔嘛~~

再報名參加學傳o既詩歌歌唱比賽, 都諗左好耐, 決定參加
唔係因為想參加歌唱比賽, 真係有野想分享, 希望可以入到final 啦
原來extend左星期五先係deadline, o.......

阿澤今日打黎, 話星期五唔洗練戲, 星期日先再練....
都好, 咁我可以專心練group, 不過....唉....好多野做...

夜晚去左睇影音使團搞o既"驚世大海嘯" 聽到好多歌, 好正!!
我好多謝上帝比一個咁o既機會我再re-confirm自己, 作為一個基督徒, 更清楚自己o既使命
我更加覺得我參加左詩歌歌唱比賽係佢o既安排~!!
希望可以為教會做多o的野, 為信仰做更多!!

星期四 :
尋晚又整midi 到4點幾先訓, 今朝一起身就1045, 返1030.....
就算即刻出門口都1200打後先返到, 咁.....都係算啦, 訓多一陣, 都趕唔到
係ec tutorial, 原來有分組, 我同康仔一組?! 到時到join是旦一組啦, 唔諗啦~~

multimedia lecture 都幾悶下, 好多theory野, 不過lab 就好好玩
玩director, 好勁似flash, 都係macromedia o既product~!!
尼科都幾有用, 希望攞多o的心機落去, 可以做好o的啦!!

幾晚都4點, 今晚頂唔順, 諗住hup下, 一hup已經第二朝11點...

星期五 :
今日一起身就搞今晚group o既野, 尼幾日打電話confirm人都幾係野
仲要angel 話佢要補習囉.....唉....希望佢可以改到時間啦, 好在celia 幫手!!
今朝jessica 打比我話佢彈唔到琴, 真係晴天霹靂.......打比vicky啦...又話琅補習
好急之下搵左angela, 佢好好人, day off 都同我返黎彈, 比十個唔該佢啊~~
我都幾鐘意佢, 佢彈琴幾有feel, 好有感情!!

出門口之前同攣毛cal 打左兩場winning, 哈哈 都係我贏, 唔再同佢玩lu
保持100% 得勝率先得!!

今晚group practice plan左要學哂兩隻歌, 都叫on plan
真係感恩, 下星期學埋the lord bless you and keep you 就可以執quality
可以做多好多野, 今年o既group 放左好多心機, pre左好多日....希望個outcome係好啦

今晚要溫下書, midi.....聽日先再做啦, 聽日要傾FYP 野, 做下preparation 好o的~~
----------------------------------------------------------------------------------------------------------------------------
mi : 多謝你留言喎 ^^ 我都希望我入到final, 到時你同o的仔女齊齊黎睇啊~~ muso sing con 你玩唔玩??

>>January 14, 2005 at 5:43:16 PM GMT+8

2005 年 1 月 8 日 星期六 【颳風】

好多野做, 好多野跟......
聽日要去攞譜, 仲要揀o的歌比kinsen睇下
之後要攞野去影印, 要諗group o既野, 主音o既野....
我覺得自己上力左好多, 睇黎要襯而家做多o的有用o既野啦~!!

sitting schedule終於出到, 都好~!!
大家都有份參與, 一支莊嘛~~ 我一得閒就會去, 無論有無我個名
我都想多o的人join choir, 可以join個musical

今日不時諗學傳o既詩歌歌唱比賽, 諗個分享
而家真係好期待, 我好多野想講, 希望可以入到final啦
攞唔攞到名次都唔緊要, 講真的~!! 要唱歌, 可以參加其他歌唱比賽, FB, muso.....
尼個唔係一個比賽, 係一個聚會~~ hehee~~ 攞個時間去交form先

聽日開學, 我o既日記開放.........到舊曆新年啦
近排發覺都幾多人睇~~

今日好似凍左少少, 大家要小心身體啊!!

>>January 9, 2005 at 5:48:54 PM GMT+8

2005 年 1 月 7 日 星期五 【颳風】

今日要返去同alumni 傾佢地concert o的野, 個goup....我仲未諗掂.....
佢地o的野, 我無咩大動力去做/幫, 始終都係掛名

完左個會, celia話要食野, 唉....揀野食都用左15min囉.....
仲想print notes, 雖然最後我都有print到, 不過print唔哂, 是旦啦.....

夜晚o既musical workshop 我覺得幾得意~!! 有無用......我唔太清楚, drama野我唔熟
不過, 佢講o既一樣野好重要-----專心/專注
要好focus 響自己個role度, 咁先會做得好, 觀眾亦都會sense到
我今年o既目標都係專心做好每件要做o既事, 尼點有幾深體會
um......希望musical我有份啦, 我唔洗一定做main char, 只要有得唱, 有得act就得~~

我開始忙啦...

>>January 9, 2005 at 5:36:12 PM GMT+8

2005 年 1 月 6 日 星期四 【炎熱】

終於的起心肝染左個頭, out左少少budget, outcome......都唔係我expect咁
不過是旦啦, 我知道我好快會剪, 無所謂啦, 而家可能洩o的, 遲o的乖返囉

今日同大主教食飯, 仲有個可以發言o既時間
我覺得尼個時間好好, 可以比主教聽下我地o既見意, 有o的咩可以希望教會安排到的
我都係太細, 我有好多意見, 不過我唔敢講住, 我要多o的時間同證據support我
亦有討論到南亞天災 同 上帝安排o既事.......都幾confusing......我唔識答.....

同老姚講左我o既少少計劃, 開始左我o既第一步~~~

>>January 9, 2005 at 5:30:26 PM GMT+8

2005 年 1 月 5 日 星期三 【晴】

今日係我地猩猩黃re-u o既日子, 時間係whole day (by 阿賢)
晨咁早就起左身, 因為有個好好o既組老婆叫我起身, 唔係我一定遲到啦
今日無遲, 仲早左3個字, 真係唔似我, o個陣得Ivy一個, 其他人呢?!
早乜鬼到啊, 次次都要等咖啦, 今次都係, 好似1130左右先叫齊
有Ivy, 阿賢, 阿欣, winston, 仲有我o既組老婆阿mi..........係啦, 係咁多, 係啊 (我唔知喎)
then我地就去左唱K, 去左美麗華red box, 好似同neway好唔同咁, 唔太慣
隨後kenji 同阿Tess 都黎埋, 有8個人, 似返個re-u啦~!!

終於有機會聽+唱"刻不容緩", 隻歌都幾好聽, 不過好似少左o的回應咁
一首合唱歌, 兩個歌手多o的好似有呼應o既melody 會更好, 無呼應就同一個人唱無咩大分別
所以隻歌唔算好難唱, 聽完一次都跟到大部分
同阿mi 齊齊唱刻不容緩, 佢唱得好有joey feel, 有佢帶我都okay 易唱, hehee~!!
可以再練下, 唱得好o的tim ^^

唱完K, kenji 話要返工, 走左 (搞錯, 又話whole day 囉!!)
一個仔走, 有一個女join, rachel 之後join 左我地, 我地又有8個人
之後就去睇phantom, um~~ musical 真係好正, 好o岩我, 好好睇, o的歌都好正~~
The Phantom of the Opera, 個script 同之前一樣, o的歌都係舊o個o的, 3個主角
一個soprano (Emmy Rossum - Christine Daae), 唱得好好, 把聲好清, 同之前Sarah Brightman or Barbara sterisand都好唔同, 可能佢把聲無咁厚, 不過都好好聽~!!
仲有兩位tenor (Gerard Butler - The Phantom) + (Patrick Wilson - Raoul de Chagny)都唱得好好, 不過我略覺得Raoul 唱得好o的o的, 佢可能又係無咁mature, 不過又係把聲靚, 而且和音好好, 攞到個harmony;
Phantom 唱歌似太惡太出力, 我唔太鐘意~!! Overall 85分啊~!! 突然好想睇返紅磨芳~~
The Phantom of the Opera 2004

睇完phantom我地激hea 兩個鐘, 因為要等強仔囉, Tess又要補習先走....
見咁多時間, 我就去左HMV買左隻polar express o既soundtrack, 好耐都無咁豪過
我都係因為兩隻好好聽o既歌, 而響旺角又搵唔到外國鍱先去HMV, $105....都okay啊~~
九點左右我地就去左368對面o既一間野到打邊爐, 強仔又話油麻地囉......結果係佐敦
早知我地響尖咀行過去啦, 可以仲近~~!!
一班人打邊爐, 傾下計, 幾開心, 不過Rachel 好似少o的出聲, 因為成績? 唔知啊, 為佢祈禱啦唯有~
大家成績都好似麻麻, 得阿欣同winston過3, 係咪住o個度先過3咖?!

打到十一點幾, 頂唔順啦, 我就食唔到啦, 佢地都好似唔太食得咁, 咁就每人$66蚊走
都幾抵下, 不過o的野就唔係話真係咁好食, 係抵only~
之後turbo 腳去旺角接阿ling, 再送佢返屋企, 佢話知download到polar express o的歌囉.....
算, 我支持正版, 我之前o的卡通soundtrack都有買, 無所謂啦, 當出糧禮物

結果都係的士返屋企, 今日真係清哂袋......

>>January 7, 2005 at 8:03:12 AM GMT+8