2005 年 1 月 4 日 星期二 【晴】

好唔舒服.....成日都頭痛咁......
希望今日休息多o的, 聽日可以去re-u!!

>>January 5, 2005 at 2:46:59 PM GMT+8

2005 年 1 月 3 日 星期一 【晴】

終於睇左The polar express, 真係幾好睇
不過就....聖誕氣好重, 如果係上個wk 睇會match o的~!!

哈哈, 終於買左mp3啦你, 都好o既~!! 你都想買好耐
而家當了左件心事囉, 而且又ok 平, JNC喎, 又幾靚, hehee~~
記得找卡數啊~!!

um~~ 阿ling上左黎同大小肥齊齊打邊爐, 無阿爸o既日子真係開心o的
咁樣講係衰o的, 不過又係事實喎, 佢響度的話, 我地都幾煩下
起碼無得打邊爐先, 阿ling都未必會上黎!!

今晚好唔舒服, 我都唔知點解......好似成日打冷陣咁......
唔睇波啦...

>>January 5, 2005 at 2:41:53 PM GMT+8

2005 年 1 月 2 日 星期日 【微冷】

哈哈~!! 今日去拍廣告, 好勁囉~!!
我都係第一次有得拍廣告~~
事源就係janet 個friend, 我諗係creative media o的同學, 要拍o的政府o既短片
咁就需要好多好多人扮學生, 填滿個班房咁~
咁我地幾個 (我, raymond, angel, erica, janet, 萍萍) 就以日薪$100 被請參與尼個廣告啦!!

尼個廣告係叫o的香港人同新移民要打成一片
「無論你住響邊, 住得幾遠, 大家係香港尼個大家庭o既成員, 大家都係自己人」
「有咩問題, 都要提出黎, 我地會互相幫助, 互相......」(唔記得lu...)
初時幾個shot係一個老師同一個叫duncan o既男仔o既對手戲
先係老師講, 一到有咩問題, 就到個duncan接, 不過個duncan激廢, NG左好多次都唔得
佢個樣又勁眼訓, 隻眼又紅, 人又攰咁.....咁o既款, 都唔知幾時可以收工...
NG左幾次, 導演 發火lu, 好惡!! 不過又唔怪得佢惡o既~~

場面好彊之下, 我地去下一個shot, 就係大家都座埋一齊, 每人講一句上面o既對白
我就係講: 「大家都係香港尼個大家庭o既成員」都ok長下
大家講o既時候仲要舉一舉手, 好似屈臣氏咁, 哈哈, 幾得意
尼個shot 好快就拍完, 大家都好勁, 咬字清楚, 好次係無NG過, 兩個shot就take完, 勁~!!

之後我地就返去第一個shot o既野, 佢地放棄左duncan, 搵左我地o既其中一個叫"阿力"o既男仔頂上
嘩, 真係兩個世界, 阿力佢咬字清晰, 講野o的speed又控制得好, 樣....都ok啦
好快, 兩個take就錄完, yeah~!!

應該就收得工啦, 點知....唔知係咪我多咀得濟, 比導演玩囉
佢特別assign左幾句好串o既對白叫我講, 之後仲拉埋erica, raymond落水
大家講一句: 「自己人喎, 有咩所謂啊, 係囉」
每人一句, 我仲要係最近個鏡頭囉......唉.....點知o的頭髮比人剪哂....我個冷帽樣我驚自己都唔認得...

拍廣告都幾好玩, 如果再有機會, 我都想要玩過^^


拍完廣告, 我地6個就去左食KFC, 因為今日KFC所有經費都用去振災
食完之後janet去紅磡o個邊走, 我地幾個就行海邊, 諗住行去碼頭搭船
估唔到搭船o既時間竟然撞到kinsen囉, 佢個樣好樣, 不過同唔到佢講好多野
佢一直都係講緊電話~~

今日過得幾充實, 出左大半日, 扣埋搭車同食野都有錢賺, 唔錯唔錯!!

>>January 5, 2005 at 2:37:14 PM GMT+8

2005 年 1 月 1 日 星期六 【微冷】

比媽媽知道左我同小肥都想打邊爐, 佢就上左黎同我地打邊爐
就好似大肥話齋, 佢真係鍚我同小肥~!!

九點左右, 媽媽就同維維若書走左
今日係我洗碗, 好多碗啊....>.< o的水又凍喎.......

我地尼幾晚都好似聽唔到細鼠比人hup o既叫聲
大肥叫我睇下細鼠係咪死左, 我就撥開o的木匡, 見到細鼠勁細隻.....
郁都唔郁, 無哂呼吸咁, 睇黎都係死左多....
攞住佢0屍o既感覺好難受...
我幫細鼠祈左個禱, 希望天家o既父上帝會保守佢之後o既一切
之後我就要送佢行最後一後路, 我唔想佢條屍由27樓經垃圾糟一直咁"碌"落去
我就響寒冬之下親手送佢去垃圾站 (都唔好得幾多)
細鼠, 你安息啦, 起碼你以後都唔會再比人hup

>>January 5, 2005 at 2:04:12 PM GMT+8

2004 年 12 月 31 日 星期五 【微冷】

新一年, 我又訓到點幾先起身, 真係懶~!!
無計啦, 好鬼凍.......

今晚聽+睇叱吒, 今年好似嘛嘛地咁, 基仔攞好多獎, joey好少
安仔攞男歌手銀獎囉, 唔太鐘意佢, 好似靠葉德嫻上位咁, 明明係合唱都話係featuring....
做另類音樂係好, 但係唔洗成日都提響口邊囉, 我覺得!!

克勤只係憑空中飛人攞左隻金曲 同 唱作人銅獎
我覺得已經夠, 因為本身商台同佢係唔o岩的, 而家有獎已經係好好
佢只係要一地o既認同, 佢有~!!
我最驚佢無歌唱, 無鍱出, 而家唔會, 有無獎都唔係問題
而且見到佢係咁鼓勵基仔, 我覺得尼份精神仲值得尊敬~!!

『舊事已過，一切都變成新的了』
尼句野我同阿ruth講, 亦都同自己講, 過左去就算, 做人向前睇
仲有大把野等住我做!!

南亞天災......好可憐, 為佢地祈禱!!
----------------------------------------------------------------------------------------------------------------------------------------
Ruth: 唔多謝喎, sms 唔洗幾多錢, 最緊要你知道尼個世界有老年咁多人關心你就得啦!!

>>January 2, 2005 at 5:14:23 PM GMT+8

2004 年 12 月 30 日 星期四 【微冷】

31號, 除夕佳節, 好應該出去count down, 有返o的節日氣氛啦
不過...又真係凍左o的o既.....唔緊啦, 響屋企暖暖地都ok o既

成日都無咩做o的咩, 都係打機, ICQ, 都係上網野多
係咁睇, 睇到好多地震海瀟o既video, 新聞, 真係.......唔知點咁......
但係又無咩可以做到, 唯有祈禱, 捐錢啦~!! 雖然唔多, 不過希望尼份心意幫到佢地啦!!
我相信, 上帝會聽我o既禱告, 會保佑有需要o既人~!!

12點, 好易就打到比阿ling, 點解呢?! 唔知喎
底能芝同son哥都好易打到比我, 咩事啊?! 無jam線咩??
佢兩個去左time square 睇count down, um......好好啊!!
再諗諗, 點解連個電視都無count down o既?! 今年真係過得好平淡?! 可能大家唔係真係咁開心!!

睇返2004年, 我覺得過得好快下.....
話咁快我今年就final year, 過埋今年就last sem tim.....好似離開中學無幾耐咁
~感情: 無咩問題, 不過平淡, 係咪正常呢?! 我唔知, 唔想去知~~
~學業: 我覺得係失敗, 讀o既係電子商貿, 但我對商貿o既野仲係唔知做咩...
電腦野我明明唔錯, 不過又考得唔係太好......究竟我尼兩年做過o的咩, 學過o的咩, 得到o的咩呢?? 我唔知~~
~家庭: 我地屋企已經請唔起工人, 炒左Lorna之後我同大小肥就要負責哂屋企o既家頭細務, 都幾辛苦下, 而且時間唔係話多....
亦因為好多問題, 好似媽媽, 屋企, 阿妹, 錢 o既問題同阿爸炒過幾次大獲, 係我唔明阿爸, 定係佢唔明我地呢? 我唔知~~
~靈命: 響04年攞左個學傳o既詩歌歌唱比賽冠軍, 但係.....我係咪真係值得攞呢?! 我唔知~~
響暑假參與考區福音營做營務, 識左好多唔同堂o既弟兄姊妹, 好正~~ 亦都聽到唔少而家o既青年人故事, 覺得自己應該傳多o的福音!!
響聖誕, 見證左stantely o既洗禮, 都幾有意義, 亦都聽到好多人見證分享, 咁樣過聖誕好似比眾多儀式有意義得多...
~音樂: 入左cityu choir咁耐, 真係幾多失望, 係成立左個group, 自己亦都比左好多心機落去, 不過成績唔係話咁好...
mass choir 都係因為太參差, 所以難搞o的啦
我一向好鐘意o既詩班今年都因為換左江uncle做部長, 好似好多野都唔同哂咁

就係咁, 2004年就咁過左, 過得點?! 我真係唔係好知~!!
我只係知我應該有好多好多空間可以做好o的, 下年我定個目標比自己, 就係專心!!
專心做每一樣我要做好o既事!!

>>January 2, 2005 at 5:24:55 PM GMT+8

2004 年 12 月 29 日 星期三 【微冷】

今朝約左1030返city開會, 不過我1120先起身, 太失敗啦!!
1230返到去, 阿P又話要唱K, victor又話1330要走, 我仲諗住大家要開全日會tim...
evaluation o既野我無咩點出聲, 因為遲到, 都唔好講咁多野好o的~~
AP o既野, 好多野要搞, 仲有group, 唉....點好呢?! 煮到黎就食啦!!

3點左右就dismiss, 6點先要同阿麻食飯, 中間有3個鐘, 唔知做咩好
既然son哥又響度, 心血來潮想染個頭, 佢個色唔錯, 佢又話$300左右, within 我budget
就諗住去佢去開o個間salon 整個新頭啦, 點知老年咁多人.....
等到4點幾佢個stylist阿man先問我想點整, 我話想染, 佢話最快要五點九先搞掂
唉......博唔過....都係唔搞啦, 又無理由就咁走左去咖.....咁.....係咁易修下個頭啦
搞鬼佢.....一剪同我剪鬼哂o的curly o既頭髮....>.< 無哂o的頭髮啦!!
本身我都唔太覺好短, 點知剪完一出去, 就覺得個頭激凍....
我都係長開頭髮....而家短返, 好唔慣, 好唔好睇.....?! 我唔識欣賞囉!! 我亦都唔識gel囉!!
唉......上帝真係有安排, 前日抽中Miss Hung o既冷帽, 而家真係大派用場
而家咁短, 我連染o既意欲都減卻哂......

去到西環, 無人到囉.....唉.....我都係趕唔到返TST睇kinsen rehersal咖啦.....
結果差不多七點先開飯, 唉....放棄!!
大小肥都話我個頭好ugly, 老實講, 我都有o的覺囉...

最後都係無返TST, 陪阿麻返屋企, 佢老人家都好慘, 陪下佢都好應該
茶花女......我會有機會o既, 不過唔係而家囉......

>>January 2, 2005 at 2:53:05 PM GMT+8

2004 年 12 月 28 日 星期二 【乍雨乍晴】

Sorry啊, 尋晚太夜, 今朝真係有起身, 不過唔多舒服!!
下次再re-u 過, 搵o的野可以同埋阿媽齊齊玩啦 ^^

>>January 2, 2005 at 2:38:51 PM GMT+8

2004 年 12 月 27 日 星期一 【乍雨乍晴】

今朝叫阿ling陪我返去交form, 因為佢交過, 應該幫到我
不過佢好似唔多清醒咁, 都係自己搞掂啦~~

返到city, 無咩人, 無咩人o既CSC好可愛, 好多機用~~
print左張add/drop form之後就上左DCO交, 點知搞左一大輪, 佢又話我想轉o個班full左
可惡, 佢又唔update, 又唔比我web add/drop, 玩死咩....
算, 再print過, 有交, 又係咁.....點啊!! 真係興囉~!!
我問清問楚先再print, 今次應該okay啦, 搵個阿sir簽名先, kenny ma......唔識
去佢房, 無人.......咁就去返general office問下佢有無返啦, 點知kenny ma就響我後而飲緊水囉.....哦
咁我唔係DCO嘛, 唔識你都正常姐 (好正general o既姐姐咁同我講)
尼個course examiner都幾young, 似識野o既人
雖然留難左我兩句, 不過最尾都肯幫我簽, yeah~!!
「你做學生唔係應該返學咖咩?」「係啊, 不過車費貴嘛sir...」
都係調去你堂姐, 簽啦, 哈哈~!!
DCO ok左, 仲要去返CM交form, 鬼叫我係CM人......
原來仲要搵C.N.Lo 簽名喎, 真係好, 又見到佢, 佢係我地o既programme leader, 係一個好人
佢o既身體好似好左好多咁, um......上帝保佑~!!
簽完名, 終於搞掂......打比ling....o岩o岩出門口囉......

其實我都唔知嬲o的咩, 我又有o的衰, 前一晚又唔講清楚o的
之後又有7B gathering...叫左佢出黎又好似好快要走咁.....
算啦, 都叫出過下街啊~~ 去左睇功夫...
um.....笑係okay好笑o既, 不過....好似少咁o既劇情, 女角可有可無, 有意義o既野.......睇唔到
點都好, 星爺片都要撐下o既!!

今日都幾凍下, 旺角都係啦, 仲要食個撈撈撈, 真係凍些加凍!!
都係你好, 食QQ餅, 起碼可以暖下肚啊!!

夜晚, 7B gathering, 正~~ 期待好耐下~~
雖然之前斷斷續續咁都見過下7B o既人, 不過點都唔同一大班人見返咁開心~!!
哎呀, 原來$50以上, 我又睇錯野.....急急腳去補飛, 買左個冷帽
點知交換禮物o既時候竟然抽中Miss Hung o既禮物囉, 仲要都係冷帽, 我真係抵哂!!
今年波仔阿健佢地都無咩點玩野, 不過jason......你"執迷不悟"啊, 下年搵鬼同你玩
不過無你地玩, 又無咁激o既, 好在我唔係抽中jason o個份, 我份大獎黎咖！
見返肥的, 好開心, 佢比KCRC請左做一個project, 真係好......
我都好想有o的咁o既exp, 不過我個course唔似有囉...
同佢吹水真係激開心, 好似中學o既同學先講到野囉, 定係我唔慣大學o的人咁複雜呢?!
交換完禮物就應該係曲中人散o既時候啦, 佢地仲話唱K囉, 我好想唱, 不過聽日要踩單車.....
點好呢.......但係好多人都去喎, 咁......都係去啦, 座陣都好啊
Miss Hung 同 黎SIR 都唔唱, 兩個走先

咁我地就去左天樂里新開返o既neway 唱, 不過佢地話太多人驚唱唔到, so 唔唱
去左pub 飲野, yeah 有波睇, 有野飲, 有地方可以吹下水, 唔錯唔錯~~
佢地玩得好癲下, 不過我無咩點玩, 唔啦....聽日仲要早起, 唔好飲咁多......
就算唔玩睇佢地玩都好好笑, 「唔係呀, 咁撚易, xxx」咁都比你圩諗得出
我出題: " Jason o既缺點" 哈哈, 好到......竟然係佢自己話自係你仆x囉, 明哂!!
肥的好屎, 成日都輸, 個腦真係轉得慢o的, hehee~~~
兩點幾, 大家都走lu, 波仔佢地仲有下半場, 去左香港仔, 我......唔lu
Mary輸左幾獲下, 好似飲左好多, 唔得, 要送佢, 一係我一係阿團
阿團去玩啦, 我順路o的嘛 ^^

送完Mary返田灣, 我就行返村口等車, 等左半粒鐘...都係無車, 都係打的啦
雖然程的唔係好貴, 不過睇睇銀包, 今朝o既五百蚊已經變哂二十蚊囉......倒水都無咁快.....
難得一聚, 算啦, 儲得返o既, 不過新電腦就要等下啦....


>>December 30, 2004 at 6:33:01 PM GMT+8

2004 年 12 月 26 日 星期日 【微冷】

今日成兩點幾三點先起身, 都幾頹廢下
小肥都叫左我好耐下, 點都要起身抹下地先得!!
個地真係好dirty~~

今日都無咩特別野做, 諗住睇下master class schedule啦
又比我見到e-commerce tutor有星期四堂喎, 死都add左先啦
咁就得返一堂multimedia tutor, 星期二有位, 聽日返去交form change埋先
change到就有兩日day off啦~!!

>>December 30, 2004 at 5:57:13 PM GMT+8