2003 年 12 月 24 日 星期三 【陰晴不定】

今日聖誕節, 哈哈~!!
同阿ling同老姚雪雪edwin阿泰周圍去影相!!
嘩, 真係好得靚!!

先去左太古城影:
o個度好似個童話王國咁, 好多童話故事o既人物
我地都留左好耐....

之後就去左筲基灣食糖水, 再去又一城影:
雖然我成日都見到o個棵聖誕樹, 但係都想同o的fd去影一影
原來棵野睇就靚, 影就差好遠......

我地o既dinner就去左南山食野, dinner無宵夜咁抵食wor~!!
就係咁就過左一個聖誕節啦!!

>>January 6, 2004 at 8:49:05 AM GMT+8

2003 年 12 月 23 日 星期二 【颳風】

(補返打先)

今日好多野做, 哈哈~~
下晝返左city 開P, 哈哈, 比我抽到kenson份禮物, 開心開心!!
之後去左九龍塘地鑼站唱歌, 咁大個仔都係身一次響地鐵站唱歌, 好得熱.....

再之後就去左上水馬會唱啦....
佢地送過dinner 自助餐, 不過好差....真係.....以馬會o既水準, 真係好差...
o個晚o個MC o的英文....仲差......唉.....

之後我就要飛返中環做崇拜, 唉.......
趕頭趕命.....都叫趕到....
嘩, 又唱好多好聽o既歌, 好正!!
唱埋今晚, 我就真係可以抖下把聲啦, hehee~~

聖誕快樂!!

>>January 6, 2004 at 8:39:59 AM GMT+8

2003 年 12 月 22 日 星期一 【颳風】

今日....我尼一生人就係信錯左一個人------豬頭芝
我見大家都係1230要返到, 咁打黎叫我起身等我唔好遲啦
點得知....我信錯人.........個死人頭12點先記得尼件事.....我又遲成個鐘先到......
ceilia仲屈左我唱solo: "鬼叫你遲到呀?!".......>.<
好在victor返到, 我又可以唔洗唱solo啦, yeah!!

今日又係唱馬鞍山, 不過今日就好好多, 可能cut左o的歌啦
咁就無咁勀啦, hehee~~
死人頭, 豬頭芝又話同我諗份禮物, 今日好似無左件事咁........

之後就真係把幾火, joseph本來話同我去旺角買野, 點知......
佢竟然only同stephy去, 之後同我講話返屋企囉.....
叫佢食啦......
之後仲就咁放底stephy, 真係......咁cheap o既人都有o既?!
最後nelson同stephy就陪我揀禮物啦, (好得怪.......我好想閃)
叫佢地走先又唔肯, 死人頭!!

之後去左唱K, 好耐無唱啦, 好鬼開心, 好正 ^^
嘩, 真係估唔到豬頭芝咁鬼多人追, asso仔又咁有心將份禮物特登囉到尖咀比佢囉
不過.....又比nelson見到, 唉......我都"登"nelson灰.....
之後為左無咁薑, 我就座左響nelson同stephy中間, 係咁串佢
得啖笑, 好過無野講啊.....

唱完K, 我地3個又一齊行lu, 底B咖, 又夾住左.....
我話走, nelson 竟然叫我留, 佢走.....底能咖......
好在stephy咖車好快就到, 咁佢就上左車啦~~
之後開解左nelson一輪, 叫同佢傾過下, 其實都唔知講o的咩好......
不過佢地兩個係有機發展o既, 我都睇好佢地....
千祈唔好放棄啊, 兩個都係我choir最fd o既朋友, 佢地好都係一件好事!!

竟然臨訓前接到特別任務: "同nelson傾計....."
可惡!!

>>December 25, 2003 at 6:06:04 PM GMT+8

2003 年 12 月 21 日 星期日 【微冷】

嘩, 今日勁勀, 訓得o個幾個鐘
1130 rehersal我11點先起身, 遲左成粒鐘
哈哈, 有人陪我, raymond仲online緊, hehee~~~

nelson同我講佢掂左wor, wow~!! 勁喎!!
原來尋日同豬頭芝睇魔介o個個就係nelson, 我又知道o的野啦, 哈哈~!!
不過.......

今日好唔掂, 好得勀, 只係想行下都唔係好得, 又多人, 又無energy
又要趕返屋企食飯, 唉.....
好在揀到包好野, 可以交換禮物用, 哈哈~!! 好野黎咖, 可以轉運咖!!
nelson就買左小飛俠soup, raymond就正路野....

唉, 行左咁耐, 都買唔到最想買o既野!!

底B咖, causeway勁多人, 兩架38都上唔到車, 係咪咁多人啊?!

>>December 25, 2003 at 5:35:43 PM GMT+8

2003 年 12 月 20 日 星期六 【微冷】

嘩, 我要講返好多野先得~!!

今日保羅堂去左金鐘佈佳音, 之後我就入左沙頭角同阿婆做冬
真係激遠......兩個幾鐘先去到... o的哂o的錢同時間~!!

今日cityu choit去左habour city唱, 哈哈~~
好在無去, 原來好無聊的~!!

豬頭芝話魔介3好睇喎, 搞到我又好想睇......
個死野......又send o的無聊msg比我
"horhor, 今日我個學生送左條溫暖牌頸巾過我wor, ok開心wor"
"仲要今日出糧wor, 再加多兩個ok開心wor"

係我就唔忍佢啦, "ok 開心", 哼!!

>>December 25, 2003 at 5:30:02 PM GMT+8

2003 年 12 月 10 日 星期三 【颳風】

今日係嘉欣o既生日!!
每一年我都會記得佢o既生日, 不過每一年都有少許淡忘.....
尼幾年我都無再買禮物比佢lu, 佢已經有小鳴, 一個好好o既男朋友~~
衷心祝福佢地!!


原來今日仲有好多人生日, 有阿ruth, 韓佬......

尼幾日溫書, 好唔掂......聽日考accont.....希望唔好re-take啦

>>December 11, 2003 at 12:27:18 PM GMT+8

2003 年 11 月 28 日 星期五 【颳風】

今日收o既sms:

「神看見你口渴, 他創造了水; 神看見你餓, 他創造了米;
神看見你沒有一個可愛的朋友, 所以他創造了我;
然而神也看見這世界上沒有白痴, 順便也創造了你 <-- 慒丙康」

尼段野係一個叫胡穎芝o既人send比我的!!
太可惡, 豬頭芝!!

>>December 11, 2003 at 12:24:29 PM GMT+8

2003 年 11 月 28 日 星期五 【颳風】

好耐都無一班人一齊溫書啦~!!
今日我, dickson, jason, 阿健, 池少, fatdoy, 阿安, 韓佬, 肥卓......去左香港仔溫書
哈哈, 雖然唔係溫到好多書, 不過勁開心, 好耐都未試過咁啦!!

其實都唔太關事o既, 今朝浸中女仔又輸左, only得第3or4
男仔又得第二, 唉.......有o的唔開心, 所以都溫得嘛嘛地, 哈哈~~~

今日收到好多msg, 而且收到一個好搞野但係又好激o既故事!! 哼!!
之後就開心好多啦, 朋友真係好!!

夜晚同阿安阿樂慶祝生日, 去左大久保, 我都係第一次去~~
好x貴, 哈哈, 算啦, 難得一次半次......
輸左幾輔圍"mui", 飲左好幾杯, 成八點幾o既酒啊, 好得勁.....
不過凍凍地, 飲少少, 又幾舒服 ^^

>>November 29, 2003 at 5:50:06 PM GMT+8

2003 年 11 月 20 日 星期四 【微冷】

日記原來有人hack, down左幾日~~
好在佢個system都幾好, 我o的日記都仲響度, 好開心~~!!

今日o既事, 我一定要好好咁記底佢:
我f5~7 o既中學浸中今日A grade校隊 學界籃球比賽打最尾二o個場
對手係皇仁書院(QC), 如果贏到的話, 就同HK international爭冠軍
即係今年無左阿明, 都仍然好有機會攞到Division 1冠軍

我一朝早睇完場NBA之後就去左香港仔溫書, 嘩......越溫越多人.....
我計計下數都差o的唔記得左要走, 好在波仔打比我~~

我遲左2~3分鐘到啦, 去到o既時間係4:0, 我地head緊...
之後都打得okay, 雖然QC有個港青球員, 不過都唔係話特別出眾到可以改變賽果
但係第三節, 唔知做咩野, 我地攻極都唔入, only得幾球罰球進帳......
結果第三節完, 我地反輸8分......

入第四節, 我地更相差10分之多......之後就好似睇NBA咁啦......
當大家都覺得今場波會輸o既時候, 佢地慢慢咁追返上黎.....
如果唔係有太多無謂o既turnover, 我地可以再反超前....
肥楊今場都好勞氣, 志偉陳全都係, 個個打到火哂, 志偉仲兇球證, 被口頭警句(真好彩)
到第四節尾段, 就憑阿豬,志偉,阿姜,陳全+阿蛇 一球一球咁追到平手...
跟住就係比賽o既高潮啦~~~~~~~~~

先我地miss左一個進攻 (大家開始打得亂)
QC的進攻, 攻唔入, 我地囉到rebound, 但係一個bad pass, 比左人地
跟住QC又唔入, 但係比人囉到rebound, 佢再上, 被迫一定要foul啦
QC有兩球罰球, 佢1for2, 炒左一球, 而家head我地一分......

到我地o既進攻, 又攻唔入, (好似係阿河老衝入去)
QC港青攞到rebound, 打個快攻, 我地又foul....
佢有兩球罰球射, 第一球佢炒左 (我仲記得佢炒o個陣"oh"左一聲)
第二球入左, 我地輸緊2分....
then timeout........

timeout完啦........
我地最後一個進攻, 仲有幾秒時間only~~~
我都睇唔清楚發生o的咩事, 太短時間, 總之就係志偉響完場前一兩秒起到手
仲係一個三分波, 最後..........................................................................
"chap"一聲, 穿針.....入球有效
結果就好似睇NBA咁, 我地就係咁贏左QC一分.......可以同HK international爭冠軍!!


完場一刻, 肥楊就好似NBA o的coach一樣, 前衝出去想攬住志偉~~
點知比人kick低左, 其實係好7, 不過無人覺得係一回事.......
佢無因為咁而尷尬, 仲依然好激動!!
我唔知可以做o的咩, only比個5佢, 佢都她開心, 我見佢好想喊咁, 不過又死忍.....
有好多學生響度~!! 尼一刻真係好感人.....

不過B grade輸廿幾分後, 幾開心都......

夜晚去左打波, 相比今日場比賽, 真係差得多........
我地打, 笑都笑到勀, 唔好話打 ^^

>>November 23, 2003 at 4:24:16 PM GMT+8

2003 年 11 月 12 日 星期三 【微冷】

今日係一個好值得記底o既日子~!!
今日並唔係o的咩特別o既節日, 又唔係考完試........


今日放學, 等到4點幾先傾到中文project, 仲要好多野都未傾好
勁激氣喎.......我篇演講辭都仲未搞得掂.....

之後就去左山頂打波, wow, 勁正~!!
好多人, 打左好多場....
有一場係對山頂o的唔識o既人, 我同阿yo+fatdoy一隊
阿yo真係好x勁, 對住個起碼180cm o既人都mark得住......
仲要有有球block 到條高佬正一正, 完全無foul, 勁~!!
我mark o個個頭"ku"仔就得個fake, 好底B~~
不過我地都係輸, 輸10vs8, 頂......好唔底......
有一球過個高佬, 我覺得好鬼正, 點知最後finger roll 炒左.......
如果唔係就可以打deuce.......都係我衰....

到今晚最值得記底o既時啦, 我今晚有3個block shot, 3次都係全封的
即係好似打排球咁, 直頭將個波打到唔去左邊~~ 勁好feel!!
其中有兩球係block 肥卓o既, 佢高我都幾多, 我都block到佢, 証明佢打波真係怪怪地
而最後一球, 我竟然係block到阿yo, 係阿yo 姚偉健 囉!!
wow, 真係勁開心!!
雖然阿yo 矮過我, 不過我打咁耐都未試過block到佢
唔好話block, "high"都"high"唔到佢個波, 仲次次都mark唔住佢tim
今日好彩比我估到佢轉右邊身, 先block得咁應.....哈哈~!!

我要好好記住尼一球, 我未必再block到第二次......!!

>>November 14, 2003 at 6:13:57 PM GMT+8