2004 年 11 月 19 日 星期五 【微冷】

一朝早八點幾就起身出門口
無計啦, 尋日做野, 3點幾先同阿希搭的士返屋企
無同jimmy 同 tracy夾present o的野, 唯有早o的返去啦
點知....約佢地九點半, tracy就九點半先起身, jimmy十半先起身
唉....白白返左city一次, 早知訓多陣, 不過我都無咩......鬼叫係我衰要開工~~

今日份part-time就hea好多啦, 都係行行企企, 指指點點咁就有錢收
近距離見到劉卓琪, 真人都幾靚女下 ^^
早知帶相機同佢影返張photo啦 >.<
今日個event 黎明都有被邀請, 不過條友勁cheap, 歌仔都無唱一隻就走左
估唔到佢都咁多fans, 仲要個個都30幾 or 以上, 哈哈!!
個event完左, 我好得快就簽走, 唔鬼收埸啦, 又唔係未做過, 攰啊
本來想返city 再搞present o的野, 點知tracy已經走左, 咁我都無謂返去啦~!!

之後同阿希肥郁ball仔同阿健去左食車仔麵, 又搭單買左條3x1, 有17倍
呵呵, 點知斷左皇馬, 得啖笑~~

>>November 22, 2004 at 3:25:28 PM GMT+8

2004 年 11 月 18 日 星期四 【微冷】

底B, 夜晚去左做麥當勞o個份野, 話要set場
係咁做姑尼, 激攰, o的鑯馬又重喎....
hea住做都做到兩點幾, 無錯, 係夜晚兩點幾~!!

阿希, ball仔, 阿健, jason, 老鼠都有做
我就叫左homan 齊齊做, 不過條友好似唔多捱得
係咁煩我, 我都唔多理佢, 總之有錢收就得, 我唔似佢!!

不過, 真係好攰~~
------------------------------------------------------------------------------------------------------------------------------------
winnie: 我係就係電左個頭, 不過無去自修好耐啦喎, 佢會唔會真係認錯左啊?!

>>November 22, 2004 at 3:15:05 PM GMT+8

2004 年 11 月 17 日 星期三 【微冷】

今日早左少eCRM同韓佬去睇浸中打學界
無左阿豬同阿佘, 而家浸中無咁勁lu~
好在AB grade都贏波, 好似b grade第一場贏波tim~~

夜晚同阿ling去左睇「公主復仇記」, 有阿gill做
仲諗住好好睇, 點知又係「龍鳳鬥」o個類o既戲, 唔多o岩我
早知信肥郁睇「阿孖有難」啦!!

返屋企, 太攰, 結果訓左...

>>November 22, 2004 at 3:09:51 PM GMT+8

2004 年 11 月 16 日 星期二 【微冷】

今朝一早阿爸見到大肥比我睇o既關於星期五o既memo, 就叫我起身問我咩事
本身諗住等佢攞完個report先同佢講, 點知佢問, 咁咪講囉~~~
我都搞唔清係我好眼訓唔耐煩定係佢唔想佢, 總知佢就"得啦得啦, 訓啦"咁....

報告結果, 無事, 都好正常, 我覺得佢過份緊張多
Jenny入左醫院到而家都唔知咩事, 好想去睇下佢, 不過又唔知佢響邊個war
阿wing又話SMS我, 睇黎都要我問先得

響阿爸出去攞報告o既時侯我出去買哂燈膽, 換哂佢, 晒好衫, 掃好個地
佢返到黎都係叫我做尼樣o個樣, 我就話我咩都做哂啦!! 唔想佢煩我!!

返到city, CSC激多人, 搵部機都難
好彩見到豬頭, 佢五點要做present, 好似好多野都搞唔掂咁 (同我一樣)
搞搞下豬頭竟然喊左出黎, 之後佢拉開左我講佢o的組員o既野
喊得好勁....真係慘, 又咩, 又無訓, 又要做present, 要理好多野
可以講o既唔多, 唔可以叫佢唔諗, 因為佢一個鐘後都係要面對present, 面對組員....
唯有聽下佢sung下, 由佢喊下, 發洩下, 希望佢會好o的啦

之前同jimmy+tracy傾英文o的野, 都係得個傾字, 佢地話要返屋企做
okay啦咁, 不過我覺得一齊做會快o的囉~~
傾完同jimmy去買shirt, 最尾都係揀左綠色, 唔揀粉紅, 要飛起tracy lu~~

返屋企睇左一陣tv又要開工, 香港輸左7:0比中國, 好慘......
天涯俠醫 vs 殭屍, 好難揀下!!
睇完又要做野...唉....n咁多樣野, 幾時先完.......

唉....其實我都好多野做, 點都好, 一定要撐住!!
仲有好多野等住我做~!!

>>November 17, 2004 at 7:25:40 PM GMT+8

2004 年 11 月 15 日 星期一 【微冷】

又係一日直踩o既一日...
九點半non-stop 到夜晚九點半, 唉~~
今乾無左豬頭叫我, 又遲, 好在飛到返去先開始無幾耐, 都okay跟到
死啦, web pro 好多都唔多識, 點算?! 仲有個project tim, 呀!!!!!!!!!!!!!!!!!!!!!!!!

今日choir 得好少人, 都唔知有無廿個, 好無feel
之前好火熱o既心又減退左少少, cityu choir 真係唔係好得
唱已經嘛嘛, 而家連有心唱o既人都走左好多, 淨返o的想表現自己o既....
下星期真係想唔返!!
好, 先決定左今年cityu choir caroling我唔玩lu, 返教會唱有feel o的
而且上年趕頭趕命咁返去, 今年唔想又係咁~~~!! 有我無我, 分別唔大啊!!

尋日韓問完我學傳歌唱比賽o既事, 今日Elaine又叫我參加喎
佢only上黎比catalog我地, 之後歌都無練就走左
um~~ 今年唱咩歌呢? 真係重新找到方向?!

十一點幾, 返到屋企, 過多陣老豆都返, 又煩我
都話我成日上堂無時間買燈膽啦, 咁趕自己唔買?!
又要比說話我聽, 睬佢有味!! 訓!!

------------------------------------------------------------------------------------------------------------------------------------
韓佬: ei? 你有睇我日記咖?! hehee, 唔係好多人有咖咋 ^^
唔洗thx啦, 幫到你地就得啦, 有good喎~~ 希望我地都有啦~~

>>November 17, 2004 at 7:03:06 PM GMT+8

2004 年 11 月 14 日 星期日 【微冷】

今日遲左返去上EC, 返到去都係無咩點上堂
同韓佬同阿lin傾左成堂計, 好唔乖...
仲要係brent king教, 真係唔掂當!!

韓佬話我知學傳今年又會搞歌唱比賽, 問我玩唔玩
我覺得上帝真係有安排, 尋日詩班令我對唱歌又再有返feel
睇黎我參加o既機會都唔細 ^^

今日堂英文成堂都係present, 韓佬叫我幫佢錄底人地o的present
我錄到手攰.......都okay啊, 錄左阿希, pre得都叫最好o既一組
Edmund 都好似幾滿意下, 都唔知係唔係o既條友.....哈哈

夜晚去左睇周杰倫演唱會
同dickson兩個IVE同學, 仲有子倫penny劉銘同埋泥孟一齊去睇
個concert同o的人講o既一樣, 歌好多, 睇o既野無咩
個台都好simple, 不過阿jay就真係唱得幾好, 幾有味道
雖然有好多歌我都唔多知佢唱咩, 但係佢真係好勁下
又吹中國笛, 又彈琴, 仲唱左幾隻廣東歌, 有"償還", "唯獨你是不可取替", "獻世"
都算係咁!! 嘉賓就得"南拳媽媽"唱歌彈琴彈結他, 佢地有個成員同周杰倫齊齊彈琴, 精彩!!
兩次encore之後都真係散場lu~~ 十一點多o的, okay啦 ^^

好耐無見浸中o的同學仔, 有o的掛住以前o既日子, 咁就成年, 時間過得好快~~

>>November 17, 2004 at 6:52:48 PM GMT+8

2004 年 11 月 13 日 星期六 【微冷】

um~~今日竟然起到身, 一早就去左食早餐
搭車前撞到阿wing, 又會咁o岩, 即係我地齊齊遲, 哈哈!!
今日我地詩班早餐團好齊人下 (有我已經多左個稀客)
有雪兒gary, jenny, 釗, shirley, 番茄, 嘉琪, helen 同佢家姐, wing
食完早餐jenny要食多塊「牛肉乾」好慘~~

今日有練詩班, jimmy講o既野好好
無論我地唱得好唔好, 我地o既passion 都唔應該比任何一個詩班少
做咩都係講個心, 唱歌特別係!!
我覺得好有感動, 唱詩班比唱choir 有feel好多
我決定下星期日都要返詩班, 我要好好manage自己!!

之後好快返左屋企做野, 真係好多野做
我讀5科: Psych for everyday life; E-commerce, E-crm, Web Programming, Eng for commerce
點知5科都有大獲野........
Psych 有role play; EC 有report, E-crm有term paper, Web pro 有demo + system, Eng 有website + present
Sem尾真係好多野做!!
阿妹佢地去左沙頭角, 我就因為好多野做所以無去
佢地都好慘, 希望佢地都可以好好manage好自己時間啦~~

同阿爸食dinner, 總覺得同佢完全係撈唔埋, 我可以做入o的咩?
媽媽星期五上黎o既事我都未講, 點算...


我決定再打密返我o既日記, 因為有好多野都好值得記錄, 反思, 檢討
希望showhappy唔好再死DB, 唔好又無左成年o既日記......

>>November 15, 2004 at 5:56:27 PM GMT+8

2004 年 11 月 12 日 星期五 【微冷】

今日星期六, 不過都要返city.....
無計啦, 好x多野做.....讀5科, 5科唔係project就present
choir 又有野做, 驚死做唔死我咁!!

今日返去傾psych o既role play, 好彩星期四傾好哂個flow係點
就算阿明同dennis 唔入組我地都好易adjust到~~

返到city o個陣見到Dicky 同 英姑
佢地兩個返city影畢業相, 話咁快就識左佢地一年幾啦
下年就到我, 我一o的都唔想畢業.....
佢地一見到我就好開心, 好似見到一個好耐無見o既朋友咁
而我地真係好耐無見下 ^^ 好在我有去人camp, 如果唔係我一定唔會識到佢地
我亦都唔會識到咁多ISS o既人, 仲有自己o既一型仔仔女女
um......祝福佢地

hea 傾完psych 之後就返左去團契
阿ling今日都唔返, 點解? 唔知啊, 無問
等我得閒o的再跟多o的啦!!

玩玩笑笑咁就完左團契, 之後去左阿ling屋企食飯, 睇波, 打機
好似平時咁, 我發覺........唔洗對住阿爸o既日子, 就算幾多野做都係輕鬆o的
係我o既問題??

>>November 14, 2004 at 8:18:23 AM GMT+8

2004 年 11 月 6 日 星期六 【晴】

終於屋企都係唔可以無聲, 仲好激烈下o既聲音....
原來, 我一直覺得開心o既事並唔係咁開心
一家人可以食飯, 原來唔係好事......

係我唔明, 定係你執著?!

>>November 14, 2004 at 8:11:08 AM GMT+8

2004 年 10 月 28 日 星期四 【晴】

今日決心去電左個頭
um.....唔識講.......
兩個樣囉........我自己都唔多慣下......
返左city, 見到好多人, 不過個個都唔多認得我
認得我o既都好驚訝下, 反應唔細下~~
都好難怪, 睇返今朝影o既相都幾係大分別下!!
不過daniel, percy, kinsen 仲有幾個都話幾好睇喎, 都唔知係唔係?!
我會留尼個頭到幾時呢?! 我都唔知........
聽日比多o的人睇下, 睇睇咩反應先!!

>>October 29, 2004 at 4:16:58 PM GMT+8