2005 年 2 月 6 日 星期日 【晴】

行花市...
打交, 見紅, 好激~!!

>>February 16, 2005 at 4:13:24 PM GMT+8

2005 年 2 月 4 日 星期五 【晴】

Kenfair o既錢已經用哂 >.<

>>February 16, 2005 at 4:09:19 PM GMT+8

2005 年 2 月 3 日 星期四 【炎熱】

朝早同韓佬去左一間樓上cafe做interview
o個間cafe 叫Tea for G, G stand for jesus~!!
上到去都係叫下野飲, 玩左一陣就開始問野....
都幾smooth, 其中一個老細, winnie, 都幾好人, 比左o的我地之前無o既野意!!
之後同韓佬都傾左一陣, 佢分享左對我o既睇法...
一直我都比好多空間去接受自己, 不過.....其實咁樣唔係好.....做得唔好o既時間係唔應該接受
以後日子, 我要好好更新自己, 以作一個信徒o既榜樣, 或者唔係一下子可以改變到
求上帝都賜尼個心, 尼個信心, 尼份堅持, 尼份力量比我努力求變!!
多謝韓佬o既禱告~~

夜晚係alumni concert, 之前on stage rehersal 唔係太開心, staff 大哂咩.....算!!
好對唔住, 搞到大家好似好趕食飯化妝咁...
不過另一方面好多謝大家, 大家係包括: nelson, mark, daniel, celia, erica, elaine, angel, angela, su
因為大家練習o既時間唔係多, 但係所有練習都好耐心咁聽我講野
我唔係o的咩professional o既 instructor, 大家都依然好願意咁聽我o既意見去唱歌
而且今晚o既演出真係好好, 我覺得完全唱到初時想要o既質數!!
雖然過程好辛苦, 不過一o的都無後悔, 今晚大家o既聲音都係『動聽』的~!!

>>February 4, 2005 at 7:10:32 PM GMT+8

2005 年 2 月 2 日 星期三 【微冷】

今日係詩歌歌唱比賽~!!
一直都好期待今晚o既比賽, 唔帶係比賽, 係一個好有意義o既聚會

今晚o既結果:
冠軍 -- 黃鷺君@主啊主你憐憫我
亞軍 -- 文清霞@原諒
季軍 -- NLG Team@神你在掌管
我最喜愛現場演繹大獎 -- 文清霞@原諒

尼個結果我覺得好好, 我聽完大部分人唱+分享, 我都係tip yellow, 阿清 同 tammy 的
而家只係tammy唔中, 有兩個中左, 都算好眼光啦呱, hehee ^^

stanely 問我有無唔開心, 我呀?! 一o的都無喎, 真的~!!
我好感謝神比我入到決賽, 可以有機會去感受人地o既見證分享, 我覺得今晚好震撼!!

今晚蘇如紅做嘉賓, 佢唱歌真係好好聽, 但唱歌都係其次, 佢o既分享更加動人
佢好赤裸咁將佢信主o既經過一一都分享, 最特別係佢將對爸爸o既仇恨, 靠主o既能力, 化做愛
最後仲全家歸主, Amen!!

另一個深刻o既分享就係冠軍yellow o既分享啦
雖然內容同上年都差不多, 都係o個o的野, 不過唔知點解今晚聽o既時候, 我都有o的眼濕濕
近排好似好多關於屋企o既問題......
我覺得佢攞冠軍係應得的, 係上帝比佢o既肯定!!

完哂個比賽, 我就同阿mi, 佢o既劉比比, 阿賢, 阿欣同winston去食野
大家都分享左對今晚o既睇法, 反思, 信主o既見證
大家都好認真咁去將自己o既事講出黎, 尼個感覺好正, 有溫暖!!
如果尼個係一個camp就好, 可以有排傾~~

有咁多有關家庭事o既分享, 真係好可惜Ruth 同 老姚都無黎到
特別係老姚, 我覺得如果佢有睇到今晚o既分享, 佢會諗通好多野
阿Ruth就無辦法啦, 第二日要返學.....希望日後再有機會啦
令一個就係伍少貞.....如果佢可以放棄同佢o的同學食飯黎一黎就好.....
佢o的同學成日都有得見啦, 一個咁動人o既晚上就唔係成日有...
我想關心o既三個人, 都無黎到.......可以做o既, 就係為佢地多多祈禱了~~

返左屋企同阿mi + 亞冠o既阿清傾左好多野
交流過大家信仰上o既少少睇法, 對大家o既分享o既意見.....
唔經唔覺, 第二朝六點.....
我想平淡過活定多o的經歷主呢?! 我唔知

主上帝, 多謝你比今晚o既一切比我, 我會好好反省, 好好更新自己!!

>>February 4, 2005 at 7:15:54 PM GMT+8

2005 年 2 月 1 日 星期二 【微冷】

睇完波, 唔係阿爸叫我, 我都唔知瞓到幾多點?!
小肥發燒, 早左返屋企......
大肥一返黎就話我唔同負肥去排定籌先, 大佬呀, 做得邊樣?!
好啦, 同佢落去排啦, 又未排過tim, 點好呢?!
是旦啦, 都係排隊咁咖姐....
原來佢地兩個唔知幾時開始睇街證, 想o徒返o的錢...
佢地真係乖!!

唉....死啦, 聽日就係詩歌歌唱比賽, 歌詞未記, 琴未練好, 分享未執....
仲要小肥病左, 唔彈得琴.....點好呀?!
好啦, 真係交托哂比上帝啦!!

唉.....叫左好多人, 最後唔知邊個會黎, 但係已經知道好多人唔黎....有o的灰囉!!

>>February 2, 2005 at 7:01:56 PM GMT+8

2005 年 1 月 31 日 星期一 【微冷】

今日成日都好攰好眼訓....
晨咁早起身, 想返930, 不過太凍, 激唔想起, 最後都係走左
1030返account tutorial, 尼堂一定要返, 唔係我做到四點o既功課就無用!!

打後o既lecture都係半訓半聽咁過.....超無態下!!

夜晚choir 好亂下, 竟然唔記得左book mu 4
又叫左人上去喎, 點好呢?!
上帝真係有佢o既大能啊~!!
竟然執到mu 3 喎, 仲要1930之後staff 就唔同mu 4, 咁我地又可以shift到去mu 4
嘩, 好似一切如常咁, 勁~!!

kinsen最後真係叫左我唱bridegroom, 我唔係唔想唱, 不過....
我太鐘意尼隻歌啦, 我驚我唱得唔好, 會影響左隻歌....
而家.....唯有比心機o的練下啦~!! 真係要唱好o的, alumni 唱得好勁, 我地group 都要唱好o的先得~!!

今晚曼聯 vs 阿仙奴, 幾攰都睇, hehee!!

>>February 2, 2005 at 4:41:27 PM GMT+8

2005 年 1 月 30 日 星期日 【微冷】

今日係肥仔dickson生日, 我地幾個梗係同佢慶祝啦!!
不過今次好唔同, 唔係打邊爐, 唔係pizza hut, 唔係韓燒, 唔係我地一向食開o既野
而係去左廟街狂食!!, 真係好特別下~~

今次有我, 波仔, 阿健, 柏民, jason, penny, 劉銘, 池少
我地先食煲仔飯, 之後食豪餅, 再食甜品, 係咁行, 係咁食...
就係咁食左成個夜晚啦~!!

好似同返7B癲下開心過city o的朋友咁~~

>>February 2, 2005 at 4:33:54 PM GMT+8

2005 年 1 月 29 日 星期六 【晴】

Homan返黎啦~!!
團契又可以多返o的生氣~~

>>February 2, 2005 at 4:21:19 PM GMT+8

2005 年 1 月 28 日 星期五 【晴】

今日o既團契好唔同, 大家都好赤裸咁分享好多心事
有家庭, 有朋友, 有信仰......
我覺得一個咁o既團契先似一個團契, 係可以交心o既一個地方
我地要好好裝備好團契, 隨時ready比每一個返黎o既人!!

聽到melo o既事, 我好快就諗到伍少貞
melo o既事我都唔係今日先知, 我亦都唔想理尼個人好耐
因為我真係對佢好失望, 藉口, 逃避......
無人會迫佢去信一個信仰, 只有自己先可以迫到先生信, 定係唔信
你話我唔關心佢咩?! 我由form 1 識佢, 熟佢, 齊齊坐左無數咁多次, 齊齊玩教會, 我會唔理佢?!
可能係啦, 係我唔理佢定係理唔到佢, 我唔知!!

但伍少貞呢?! 我唔識點講佢...
最難得o既係佢仲會聽我講野, 聽就會聽, 收唔收到就真係唔知
一種認為自己有信仰但過住無信徒生活o既態度...我應該點去做?!
慧敏講得o岩, 只要我地唔放棄, 繼續愛佢地, 為佢地祈禱, 上帝就會做野
所以.....我唔會再諗放唔騉? 而去諗要幫, 要愛每一個身邊o既人!!


再一次, 我要多謝stanely, 我覺得"在你手中" 真係好有好有意思~~

在袮手中
我願意將我全心交在你手中
毫無保留，毫無保留
我願意將我全心交在你手中
毫無保留，毫無保留
生命中一切全是你所賜給我
賞賜在你，收取在於你
也許曾渴望擁有，但你要我慢慢學習
放手！！！
在每一分鐘
現在我已經不同
生命屬你，不屬於我
甘願 成爲你手中美好的工作

>>January 30, 2005 at 4:55:37 PM GMT+8

2005 年 1 月 27 日 星期四 【晴】

第一次出去傾final year project~!!
本來響麥記傾only, 傾傾下都係直接搵間cafe 諗下野
行左去波斯富街, 唔搵都唔知, 原來香港真係多左好多樓上cafe
我地是旦揀左一間, 叫cafe marvelous
上到去個感覺好正, 雖然好細下, 我諗廿人已經覺得好迫下
可能我地早去, 得我地5個, 好似包左場咁
傾傾下叫左佢地o既staff, 阿O, 同我地傾下計, 佢比左好多好有用o既suggestion比我地
原來我地真係門外漢, 有好多野都唔知, 亦都比唔到好切合o既service出黎
$30 @ice mocha 都係值o既, 不過下次平o的就好o的啦!!

之後就返左city練group, 歌就教哂, 可以話個個都識唱, 但係點唱得好呢?!
試問我就係o的咩musical instructor, 又唔係jimmy咁勁...我都唔知可以點
諗左個mini game同佢地玩, 自己聽返自己唱, 大家都有唔同o既意見, 好似都幾有用咁
希望大家都記得今日o既練習啦!!

今年choir o既人好似有唔少對音樂有熱誠, 加油啊大家!!

>>January 30, 2005 at 12:20:07 PM GMT+8