2006 年 1 月 7 日 星期六 【乍雨乍晴】

我心情起伏既frequency又高左﹐仲覺得有少少影響工作﹐因為我無啦啦就會開始諗野﹐諗一輪又唔開心﹐唔開心又冇心機做野﹐雖然只係一d打字既工作﹐不過集中唔到精神就做咩都係假...

好眼訓﹐唔開心就好想訓覺﹐好似訓著左就咩都唔會諗咁。點解我要咁辛苦？我唔開心都仲要搵方法去逃避唔開心。見到﹑諗到﹑聽到人地一雙一對﹐心情真係好差﹐跟住落黎既咁多節日﹐我仲要唔開心到幾時？我係覺得自己好煩架﹐所以我都冇再同人講我呢樣唔開心果樣唔開心喇﹐我只可以係呢度講。我真係覺得自己好可憐﹑好孤獨呀﹐我病都好似冇咩人關心咁﹐我都知﹐其實我只係想一個人關心我之嘛﹐不過算啦﹐人地有人要關心﹐邊度會得閒理我係度無病呻吟丫。

好凍好凍...我個心好凍...

>>January 7, 2006 at 4:31:36 PM GMT+8

2006 年 1 月 2 日 星期一 【寒冷】

過左個聖誕﹐過埋新年﹐番工﹐仲大病一場﹐突然間覺得...自己好可憐...雖然我知道自己唔應該咁諗。

三個幾月之前果份工無論捱得幾辛苦﹑點樣日日放工都喊一次﹐但我都捱得住﹐因為有個人係度。而到左今日﹐要自己一個捱過暫時見唔到自己價值既工作同埋唔知幾時咳到甩肺既病﹐我唔想撐落去...我覺得自己好淒涼...

尋日我的起心肝係病到九彩既時候send左個sms比佢﹐而我得到既﹐似乎都係預期中既答案﹐而如果唔係預期中既答案﹐佢又點會係佢呢？其實我應該一早就知道﹐件事唔會有任何轉機﹐只不過係藉呢個機會同佢講﹐我地做唔到朋友喇...一切都好似預期一樣﹐但係我唔想見到既預期...

>>January 3, 2006 at 3:01:47 PM GMT+8

2005 年 12 月 31 日 星期六 【颳風】

happy new year~~

由於唔舒服﹑唔想迫又懶既關係﹐我今年選擇左係屋企過除夕﹐除左因為冇人約之外﹐都係因為冇約人...我覺得我咁做都岩架﹐如果唔係一個唔覺意係外面迫下迫下病發暈低左﹐d十字車又因為太多人而入唔到去救我﹐我就好有可能成為2006年第一個身亡上報紙既人！！我唔想咁出位囉...

不過最後﹐我都係捉左阿婷同阿仙上我屋企倒數﹐一邊食「唔完整」既古古力火鍋﹐一邊玩大富翁﹐哈哈﹐我又輸喇﹐我都係冇business sense架喇。雖然人少少﹐但個感覺好warm。初頭話要傾計﹐點知都係玩下玩下就夠鐘走喇...

-----------------------

新一年新開始？希望係啦...

我都係想個病快d好先...

>>December 31, 2005 at 6:03:49 PM GMT+8

2005 年 12 月 29 日 星期四 【颳風】

尋日放左工﹐約左舊同事angie同karin﹐放工果時都冇咩事﹐唔知點解行左陣﹑同佢地食飯果時就有問題喇﹐番到屋企已經好病﹐到左今朝﹐直情發埋燒。原本都諗住唔發燒都會照番工﹐但發燒就唔好喇...真衰﹐番左兩日工已經sick leave﹐我怕會比個唔好印象人呢...希望聽日會冇事﹐照常番工啦。宜家要訓喇...

>>December 30, 2005 at 3:10:55 PM GMT+8

2005 年 12 月 27 日 星期二 【乍雨乍晴】

都仲係咁...

天氣唔好﹐心情都唔好﹐又諗得多左d...office又冇野比我做﹐又比時間我諗野...

放工﹐落雨﹐好想好想有人係門口拎定把遮等我...不過我知道﹐呢個人以後都唔會再出現...於是﹐阿head把遮都係多餘既﹐我都冇開過...

連自己都覺得自己好煩...

>>December 28, 2005 at 3:29:43 PM GMT+8

2005 年 12 月 26 日 星期一 【乍雨乍晴】

乘風航組聚﹐入左海下行山﹐行左三個鐘﹐比原定時間快左﹐可能係因為大家知我心急約左阿媽食飯...

阿媽生日同左佢去食咖哩﹐佢開心就得啦~

-----------------------

不過﹐我唔開心...

行完山番黎﹐我唔知係支力得滯定係咩﹐好down﹐好多野諗﹐係屋企樓下喊左陣﹐等對眼唔紅先敢番屋企。

聽日我番工喇﹐好想收到一句「恭喜你搵到工﹐開工大吉！」﹐不過係冇可能架﹐我連一句「聖誕快樂」都等唔到...

好唔開心好唔開心呀...

-------------------------

你快樂嘛？

不過我問黎都多餘...唔開心既好似得我一個...

>>December 27, 2005 at 3:32:34 PM GMT+8

2005 年 12 月 26 日 星期一 【乍雨乍晴】

今日約左舊同事angie去食飯同睇戲﹐仲拉佢行左陣街﹐因為要買禮物...睇左《harry potter》﹐依然係好刺激同睇完好開心﹐不過多左少少唔開心位但唔緊要﹐咁先似係故仔架嘛！

睇完戲﹐好衰仔咁去左組聚﹐先去阿趙屋企...打牌...好耐冇打﹐打左幾舖都叫食左幾舖﹐好少打牌有得食﹐我諗係因為唔計錢...之後落左去打邊邊﹐我依然忍到口﹐宜家都好似習慣左唔食牛肉喇~~食完飯﹐食埋蛋糕再交換埋禮物就搞掂lu﹐仲影左好多polaroid添~~最麻煩既事就係我搭唔到巴士番屋企﹐搞到又要飛van﹐車費又貴又耐d﹐住得咁鄉郊都真係幾唔方便...

----------------------------

又去到某d地方諗起某d野...組聚其實都有dd唔自在...好唔好唔再去呢？

突然間覺得自己好可憐...一個女仔凌晨兩點搭車再行一段路番黎﹐但似乎都冇人想知道我究竟係咪平安番到屋企﹐冇電話﹐冇人要求我打電話﹐冇﹐咩都冇...究竟係我太令人放心呢？定係根本冇人再擔心我？...

>>December 26, 2005 at 7:06:29 PM GMT+8

2005 年 12 月 24 日 星期六 【乍雨乍晴】

merry christmas~~

雖然話就話「聖誕快樂」﹐不過我都有唔開心既時候...

尋日同琪琪﹑婷婷出左街﹐去過美都餐室見識見識﹐跟住去左睇《merry christmas》﹐唔知點解﹐我喊得算幾勁﹐無奈位﹑慘位就梗喊啦﹐不過連warm位我都忍唔住﹐因為對於自己﹐個對比實在太大﹐我見到果d溫馨位個心真係好唔安落﹐加上又係d咁既大時大節...觸景傷情應該就係呢種啦﹐都可以話我搞大件事既﹐不過﹐唔開心真係呃唔到自己﹐睇完戲果下真係有d想番屋企﹐但最終都係選擇同佢地繼續玩...

之後去左廟街食煲仔飯﹐再順勢行過尖沙咀﹐打算係果度過十二點﹐但卒之係係starbucks過十二點囉~~~一邊嘆咖啡一邊吹水又唔使迫﹐都幾好架！最後兩點幾先番到屋企﹐四點先訓﹐支力死左...

今朝又晨咁早彈起身去睇阿thy洗禮﹐由於約左屋企人飲茶既關係﹐我都係影左幅相就走左喇。飲完茶就出左去join埋阿儀去工展會﹐一家人周圍行咁啦﹐之後又去聖誕小鎮影下相﹐跟住食埋飯就去睇「幻彩詠香江」﹐就後就番屋企lu~~其間﹐發生左d令我有野諗既野...

原本聽日佢地組聚﹐由於佢地「齊人」既關係﹐我就決定唔去﹐不過今日又話佢唔去喇喎﹐我就係度諗﹐會唔會係因為我唔去﹐所以佢唔去呢？我都唔知點解我會咁諗﹐我覺得可能佢覺得我會想去﹐但因為佢既關係又唔去﹐所以佢就唔去等我可以去？我都唔知...可能﹐一切都只係巧合掛...宜家﹐又搞到我都唔知去唔去好...

呢兩日行過既地方﹐又諗番好多好多野﹐亦都係因為咁﹐我唔開心。我知道我唔應該諗﹐但當舊地重遊既時候﹐我又控制唔到我自己...好唔開心...差唔多經過每一個地方﹑見到每樣野我都可以諗到d同佢有關既野...我究竟幾時先可以放得低...

>>December 25, 2005 at 4:20:41 PM GMT+8

2005 年 12 月 23 日 星期五 【乍雨乍晴】

尋日番左去搵pedro傾計﹐「順便」叫佢幫我寫份cx既reference﹐不過﹐其實份野已經冇用﹐因為我已經take左ha個offer喇﹐28號就番工喇﹐祝福我啦~~

講番pedro﹐佢真係好好人﹐雖然我有事先搵佢係勁衰仔﹐不過佢都肯幫我寫﹐仲同我傾左好耐計﹐傾左兩個鐘﹐聽左好多關於佢既野﹐都同佢講左我既諗法﹐不過呢三個月既事﹐我冇全部講哂比佢知﹐一黎﹐我諗同佢都唔算好熟﹐費事講d會嚇壞佢既野啦﹐二黎﹐我都真係講唔出口﹐我都唔想唔開心既情緒令到我同佢既小聚有唔開心既氣氛﹐因為單單係失業呢個point都已經令我講到有d哽咽﹐另外果個﹐基本上我知道自己一講就會忍唔住。我真係好鍾意一個咁好形象既長輩﹐如果話我需要一個引導者既話﹐可能我已經搵到。我真係希望同佢既關係可以再好d﹐佢係一個好值得敬佩既人。

組聚喇﹐不過﹐我唔去。我始終覺得自己唔可以一d事都冇咁面對佢﹐我唔可以見到佢若無其事﹐唔可以扮到冇事﹑好開心咁同佢講野﹐因為﹐我真係唔係冇野。如果我去到又避左同佢講野﹐咁又有咩意義？咁不如就唔好出現啦﹐我都費事影響個氣氛﹐一陣我唔小心控制唔到自己講錯野果下就唔好啦﹐無謂我一個人唔開心搞到所有人都唔開心丫嘛。我係咁諗架。

>>December 24, 2005 at 5:28:16 AM GMT+8

2005 年 12 月 21 日 星期三 【乍雨乍晴】

尋晚仲諗住星期五去簽約﹐點知今朝已經又係另一番新景象﹐仲要係甘果隻...

一早都未訓醒﹐已經見到cx個電話打黎﹐於是又要扮到好醒神咁接電話。個電話係比offer我﹐仲叫我3/1去簽約聽briefing﹐9/1就會開始training﹐我開心左一陣﹐因為終於有份好d既工比offer我﹐至於我開心得一陣既原因係﹐過左冇幾耐﹐差唔多一個月之前in既ha竟然又比offer我...又要我make decision﹐好麻煩﹐兩邊都有好有唔好﹐我都唔知點揀好﹐煩左成個下晝都仲未解決到﹐聽朝就一定要解決喇﹐ha等唔切...

唉﹐真係好需要指引﹐或者呢d就係我唔夠decisive既毛病啦﹐又或者係驚左make錯decision之後要承擔既後果...點都好啦﹐總之就係煩係啦！至於個議員﹐我已經turn down左佢喇﹐可能佢一早就預左啦~~

>>December 22, 2005 at 2:42:49 PM GMT+8