2005 年 1 月 15 日 星期六 【乍雨乍晴】

今日仍然係兩大賽既日子﹐雖然我已經冇哂比賽﹐但都去左睇幾場。一早就睇左男子手球﹐依然係好好睇﹐不過我同阿芝一直係側係咁話肥仔唔靈活﹐真係要迫佢「收緊番d肌肉」先得啦~~雖然對手唔係強﹐但都唔好咁懶懶閒丫嘛！

仲有你﹐雖然冇得出場﹐但係場邊留心睇比賽都係學習既一種。唔使急﹐你一定有機會既！

之後落左cc can食飯﹐跟住兜左去睇左陣男子壘球﹐有阿德丫嘛！睇左一陣又趕左上uc gym睇男女排﹐佢地都贏左﹐女排仲睇到熱血沸騰﹐因為佢地好勁呢！阿芝都要努力呀~~

>>January 17, 2005 at 4:25:02 PM GMT+8

2005 年 1 月 14 日 星期五 【乍雨乍晴】

今日兩大﹐keep住自己個record﹐拎到第二﹐好開心﹐alex竟然就係咁食左幾個鐘西北風﹐哈！多謝你呢~~

阿俊番黎睇﹐講真有d緊張﹐如果比佢見到我又差左我會好唔甘心。竟然會讚我？我覺得似迴光返照。

冇睇完個頒獎禮就走左﹐食左poolside慶功﹐yeah！thz多次~~仲有﹐湯石既傾談都好有意義﹐要努力！

仲有個要努力既人呀！睇住果個咁勇敢咁帥氣既背影﹐都好感受到果種勇往直前既赤子之心。希望你成功啦！我都想聽到好消息呀！.\_/.

>>January 17, 2005 at 4:16:53 PM GMT+8

2005 年 1 月 12 日 星期三 【乍雨乍晴】

今朝又番ilc﹐冇乜野做﹐有好有唔好啦﹐係就係悶左少少﹐不過可以偷時間去迫自己睇reading﹐又可以（偷）睇下唔同既戲﹐都幾輕鬆既！仲有﹐會有人「送外賣」呢﹐哈！

上understanding movie﹐覺得自己冇take錯呢個course﹐佢fulfill到我既expectation﹐真係教到d我想知既野。作為一個大通﹐我覺得佢好豐富亦都好meaningful﹐我一定會比心機讀落去。至於中日韓﹐算啦﹐一黎佢撞左我最愛既一班同學仔一齊上既tuto時間﹐二黎﹐當佢係一個leisure中認識各地文化既course好喇﹐都唔係好學到野既。

夜晚開監議...硬係覺得有d唔妥﹐不過...算啦...

>>January 17, 2005 at 4:10:32 PM GMT+8

2005 年 1 月 10 日 星期一 【乍雨乍晴】

晴天pig pig...second last sem先黎唔過三...咩事呀...仲要衰core﹐好surprise囉...唔通我個exam真係咁差？

有d驚真係third hon畢業喇...

>>January 17, 2005 at 4:06:24 PM GMT+8

2005 年 1 月 9 日 星期日 【乍雨乍晴】

咁就過左一個禮拜喇...呢個禮拜sit左好多堂﹐仲要開工﹐搞到日日都好似好多野做咁﹐好充實。不過充實還充實﹐我都知道開左學之後多左野要兼顧﹐可能會覺得大家少左時間係埋一齊﹐但希望大家快d習慣﹐繼續開開心心咁過呢個sem啦！

呢個sem sit同take左幾個電影既course﹐我決定用盡最後一個sem既時間去上一d我有興趣上既course﹐大家要支持我呀！

終於都係要drop education﹐因為﹐我真係唔會頂得順...宜家三個major都好似好輕鬆咁﹐有d唔慣添！哈！不過都仲有個harsh既大通係度撐場...我一定要努力讀書呀呢個sem~~

過幾日就可以出到時間表比大家睇睇我輕鬆既sem 6﹐等下啦~~

------------------------

我一定要enjoy最後一個sem既生活！

>>January 17, 2005 at 4:19:56 PM GMT+8

2005 年 1 月 2 日 星期日 【晴】

終於過左成個聖誕假喇﹐亦都係最後一個sem break﹐有d唔捨得呀...

呢個假期過得好豐富﹑好開心﹐日日都有節目﹐真係冇浪費過架！

開始最後一個sem喇﹐我會努力﹐希望呢個sem真係學到野﹐唔好再混混噩噩啦！

>>January 10, 2005 at 5:23:07 PM GMT+8

2005 年 1 月 1 日 星期六 【晴】

呢兩日同alex去左澳門玩﹐正正係假期最後一個活動。兩日入面﹐兩個人差唔多食左一打葡撻...傻架﹐因為實在太好食喇！

終於都去過觀光塔喇﹐雖然冇咩特別﹐但點都應該去一去身為地標既佢既...咁岩呢期佢做緊法國文化節﹐果度有好得意既candy apple賣﹐只不過係三蚊﹐但食得好飽﹐仲好好食添！仲去過夜晚既大三巴﹑食豬扒飽﹑到過黑沙灣﹑仲去埋金沙睇添！果度唔似葡京咁臭﹐好好多呀﹐有少少vegas既味道﹐不過﹐全面禁煙就更好喇！最搞笑既係﹐我諗住拎個裝coins既杯做紀念﹐唔知果度比唔比﹐就問下d staff啦﹐點知連佢地都唔知得唔得﹐可能我呢個request對佢地黎講太gap喇﹐哈！

>>January 10, 2005 at 5:26:19 PM GMT+8

2004 年 12 月 30 日 星期四 【晴】

經過十五個鐘頭大昏迷（！！）之後﹐再睇埋套「暗花」﹐我就出旺角同alex會合。「暗花」都幾好睇﹐未到最後一步都唔知會點發展。出左旺角就睇「polar express」﹐雖然好似過左christmas好耐...但都係咁好睇﹐睇得好舒服﹐個故事又好warm﹐有d啟發性既﹐d歌又好好聽~~

之後就入左海怡食飯同倒數。唔使同人迫﹐又開開心心﹐幾好！

>>January 10, 2005 at 5:26:04 PM GMT+8

2004 年 12 月 29 日 星期三 【晴】

出camp日...

呢四日﹐揹過十幾磅行山﹑夜行﹑玩定向﹑夜行山澗﹑行十五公里﹑露營﹑野外煮食﹑high events...好多好多挑戰。係最後既sharing我終於都講左出黎﹐其實﹐我第一日已經覺得好辛苦﹐放棄既念頭一早已經係我腦海中出現﹐但係﹐唔服輸既諗法：冇理由其他人撐得住我撐唔住﹐加埋一班組員既支持：小君君﹑hebe﹑阿蚊﹑vancy﹑阿瑋﹑阿朋﹑家政﹐最重要係你﹐冇你地既支持﹐我諗我真係完成唔到呢四日三夜﹐因為我既體能比我想像中要差得多...

呢個旅程好辛苦﹐但係唔知點解﹐我一直都諗唔到究竟我呢幾日學到過d乜﹐因為只要細心諗下﹐其實所有野都係我搞過既活動中有學過﹐最可惜既係我冇係以往既經驗之中好好咁記住每一個學習既機會。原來所有野都唔係第一次接觸﹐原來所有野我早就應該學識﹐只係我冇用心去記。如果真係要講學到過d乜﹐我諗﹐就係開始肯去主動share自己既諗法。我太過care其他人點睇自己﹐成日都諗如果我咁講野﹐其他人會點諗﹐所以都冇好好咁表達過自己。或者由出去share既果一步開始﹐我會多d嘗試去表達自己﹐我希望真係做到一個能夠成長到令人驕傲既自己。

-------------------

我好憎果d單單打打﹑但自己講既野又一d說服力都冇既人係度以draw人attention為目的既個人英雄主義式presentation。不得不承認所講既野真係好有point﹐但present既方法我就唔接受囉。就如阿蚊所講﹐小心蚊針手指gap呀...

-------------------

蚊針手指gap﹑蜜蜂針手指頭﹑dean of gapiology﹑gap soc主席﹑小君君﹑王金蟻﹑gapsbe...估唔到我地果組可以gap成咁﹐咁好玩！

>>January 10, 2005 at 5:25:43 PM GMT+8

2004 年 12 月 25 日 星期六 【晴】

下晝番左宿執野﹐聽日就入camp喇﹐要執定d野﹐夜晚就去左shaw組聚幫阿fay搞番個小小生日。得六個人﹐死ode自己約又唔得閒...

不過人少少有人少少既開心既﹐食完野仲一齊落com睇「天涯俠醫」﹐哈！不過要早走﹐真係唔好意思﹐因為要執野仲要早d訓﹐準備聽日去camp丫嘛！

>>January 10, 2005 at 5:25:15 PM GMT+8