2005 年 3 月 3 日 星期四 【乍雨乍晴】

是日﹐shaw photo day﹐然後﹐一肚子氣。

朝早起身諗住有d時間剩﹐點知搞搞下﹑執呢樣果樣﹐都係時候落shaw。落到去周圍同人影相﹐雖然都唔係影左好多。天氣都算唔錯﹐凍左d﹑大風左d﹐但冇落雨已經好好。留個個零兩個鐘就走左﹐因為有d支力。

番宿忍唔住又訓過﹐成五點先同alex出沙田。今日目的係買西褲for畢業相﹐估唔到搞到我一肚火。

------------------------------

奉勸各位：

唔好去沙田新城市廣場既G2000呀！

------------------------------

話說之前係g2000睇中套suit但唔太岩﹐但唔信邪諗住去試多次﹐點知我話想試﹐個sales二話不說求其拎起個碼就比我試﹐入到fitting我先見到係唔使試都知唔岩既size﹐已經有d唔妥佢﹐諗住叫人換啦﹐企係度好耐都冇人show我﹐d sales都唔係serve人既！好喇﹐叫得郁佢換喇﹐勁耐都拎唔到套衫黎比我試﹐我一怒之下就走左﹐唔鬼試喇﹐激死我！真係火都黎埋！呢d咩服務態度黎架？都唔係做野既！而我心情惡劣之下就走左入減價中既cour carre﹐服務態度好好多﹐有一至兩個人serve﹐我要呢樣要果樣﹐佢地既reaction time都好短﹐咁先係服務行業架嘛！買完野先消番氣﹐果然﹐我都係果d用consumption去get satisfaction既人呢...

shit...今日又睇唔到reading﹐聽日就要交outline喇﹐點出貨？？

>>March 9, 2005 at 11:45:19 AM GMT+8

2005 年 3 月 2 日 星期三 【乍雨乍晴】

是日﹐中唱。

大清早﹐起身﹐繼續睇reading﹐放棄﹐繼續﹐落山﹐出垃圾outline﹐見queenie﹐講垃圾﹐被評為唔夠料﹐內容由0到50﹐放下心頭大石﹐成個人鬆哂﹐咩都唔理﹐上movie﹐第一次走半堂﹐番宿訓﹐差d飯都唔想食。

六點半落到去中菜廳會一眾soci寶寶﹐食個豐富夜飯再去睇ry寶寶同alfee既中唱演出。不負眾望﹐我地一致認為兩個寶寶既歌聲係最好聽而且最令人感動﹐尤其係合唱﹐佢地真係太夾﹐令人陶醉﹐搞到我唔記得record...eason壓軸。宜家咁多個較年輕歌手入面﹐都係佢既performance最好﹐真真正正一個「表演者」﹐睇得出佢好enjoy演唱﹐令我不由自主咁錄左幾段。（有興趣可以問我）

雖然ry寶寶同alfee冇贏到﹐不過係我地心目中﹐佢地先係最good既！pround of you！

--------------------------

有些歌﹐總莫名地與某些情感聯繫。

冷不防又聽到這歌﹐想起了那冰冷的感覺﹐還有淡淡的孤獨感。這不在於人或事﹐只在於那情感記憶﹐是種不能磨滅的印證。

>>March 9, 2005 at 11:43:36 AM GMT+8

2005 年 3 月 1 日 星期二 【乍雨乍晴】

icq成日死...我覺得一到左夜晚﹐就同所有人隔絕...

感覺﹐好可悲。

有種好孤獨既感覺﹐因為見唔到有一齊捱夜既人﹐好似只係孤身作戰...

好凍...

>>March 9, 2005 at 11:43:17 AM GMT+8

2005 年 3 月 1 日 星期二 【乍雨乍晴】

聽日見queenie﹐但reading進度仍然係零咁滯﹐而自己竟然仲有心情打左幾個鐘機﹐我開始懷疑﹐我係咪有d問題？

----------------------------

對！

因為我需要罪惡感及痛楚去證明自己存在。

----------------------------

每次都將自己推向死線﹐真正「不見棺材不流眼淚」的行為﹐把所有工作堆於拖無可拖的情況下才處理﹐時間管理爛得不得了﹐是要用「臨急抱佛腳」去證明自己有努力過嗎？還是只不過要在死線的壓力﹑後悔之前沒有好好努力的罪惡感中感覺自己的存在？加上一次又一次證明自己對痛楚一種莫名的承受力﹐原來自己會為求清醒﹑求證自己的存在而找尋痛楚根源。

可能﹐這種近乎自我傷害的存在證據﹐才可令我感覺到人生的真實。

>>March 9, 2005 at 11:42:56 AM GMT+8

2005 年 2 月 28 日 星期一 【乍雨乍晴】

今日好似乜都冇做過...

一朝早落左u lib影印同借書﹐好似好勤力咁﹐之後就上hk soc﹐跟住番宿。係宿度hae﹐原本諗住落去跑步﹐但真係好唔想去﹐唔知係天氣問題﹑心情問題定係懶既問題...五點落去ilc開工﹐好悶﹐悶到生草﹐有好多下都差d訓著咁滯﹐好想喊﹐因為咩都做唔到﹑咩都唔想做﹐好想走﹐好支力﹐好眼訓...好辛苦捱到九點放工﹐番到宿有好多好多好多野食﹐真係好多﹐食唔哂都飽到郁唔到﹐多謝你呢！呢段時間﹐又煲左三集《鋼煉》...之後落左com﹐點知有新exam﹐又睇﹐加埋同ling姐吹水﹐足足十二點先番房。番到去﹐唔知搞乜鬼走左去打機﹐打到點幾...

shit！我究竟係度做乜？星期四就見queenie﹐我仲係搵唔到d有用既料。一邊又話呢個sem last唔可以再衰﹐但果頭又掛住玩。究竟我幾時先肯定落黎？？？

突然間﹐對自己好失望...真係好失望...

>>March 9, 2005 at 11:42:38 AM GMT+8

2005 年 2 月 27 日 星期日 【乍雨乍晴】

今日﹐有d忙。

一朝早唔願起身上co﹐到tuto先捨得落cc。諗起下個禮拜present﹐愁爆﹐個topic我未開始搵﹐而且﹐有d模糊﹐鬼叫自己揀左個佢唔會教既topic咩...今日上tuto既情況﹐又少左出聲﹐唔好扣哂我分呀queenie~~

同soci寶寶食左個好飽既lunch﹐之後就同alex去左「港島一日遊」。點解？因為要去補領cosmogirl又要拎訂閱贈品囉麻鬼煩...去玩o魚涌再去銅鑼灣﹐你都咪話唔過癮...

心血來潮同alex一齊穿耳﹐正正常常咁穿番係右耳...不過﹐離我四個耳窿既目標都仲有d距離﹐因為之前d耳窿搞到有structural problem...

>>March 9, 2005 at 11:42:23 AM GMT+8

2005 年 2 月 26 日 星期六 【乍雨乍晴】

尋晚打左星期五同星期六既xanga﹐不過佢down左﹐d entry咁就冇左﹐我都唔再打喇﹐由佢啦﹐果兩日好似係為左煲「彼氏彼女之事情」同「鋼之煉金術師」而出現一樣﹐除此之外﹐冇乜特別。兩套動畫都好好睇﹐有時間真係值得睇呀！岩岩開始「鋼煉」﹐有d沉迷...

今日起身去左飲茶再行街﹐好可惜﹐都係未買到suit。星期日就影相喇﹐要快手d至得喇！下晝就出左ifc同alex行街睇戲﹐睇左《aviator》﹐雖然套戲好長﹐但都唔悶既﹐不過﹐係就係緊張刺激﹐不過唔係我想搵果種﹐而且個故仔都係普通﹐唔夠過癮。

夜晚番去開級社會﹐開左好耐﹐我始終都係未交貨﹐慘！仲有﹐原來呢個禮拜都好多野做﹐點解我咁得閒煲動畫呢？真係難理解喇...

>>March 9, 2005 at 11:41:49 AM GMT+8

2005 年 2 月 23 日 星期三 【颳風】

是日決戰movie mid-term。

比預定時間遲左個幾鐘先捨得起身﹐一開始就睇左小q先。唔...都唔好睇既﹐唔明d人點解覺得好好睇。可能睇多d左有驚喜既電影﹐呢d比較平舖直敍既戲冇乜吸引力。睇完又睇多次notes﹐跟住hae一陣又開始睇kill bill。第二次睇﹐都仲覺得好過癮﹐或者都係d刺激既戲先岩我啦﹐學識左少少電影既野之後﹐仲更加覺得佢既拍攝手法吸引人。well﹐電影既魔力就係呢度喇！

下晝就去考mid-term﹐比想像中易﹐係有幾題唔係好肯定﹐我諗應該冇問題既！考完就即刻落堂﹐於是我就去左百佳掃貨。好耐冇試過食止痛藥﹐估唔到今次牙痛搞到我要買止痛藥之餘仲搞到我食唔到野﹐所以就要入番d唔使點用牙咬既野食囉。

四點幾去左睇劉遵義會見同學。都唔知見黎做乜﹐真係得個「見」字﹐都冇答過問題咁滯﹐一係就遊花園﹑一係就推哂比金爺﹐慘！之後都冇心機落去睇dept果個會談喇﹐後來聽番阿bit講原來都幾激（定係佢激呢？）...

夜晚﹐sit counter...

我唔係講野想你安慰我﹐或者同我講我應該點做﹐我只不過係想講出黎比你聽下﹐呢d雞毛蒜皮小事我過一陣就冇事﹐只係想發洩下﹐所以先對你講既野咁反感。我諗我果刻真係太燥底喇...

>>February 25, 2005 at 12:57:50 PM GMT+8

2005 年 2 月 22 日 星期二 【寒冷】

是日﹐soc春茗。

一朝早又係「爬」起身﹐我竟然上到德勝堂。落到去播緊d紀錄片﹐d普通話好難聽得明﹐不過講中國近代史﹐對我呢個唔讀歷史既人黎講﹐的確知道左好多野。聽埋德勝講話慈禧太后其實唔算好反改革﹐我就諗﹐原來對於同一件歷史真係可以有唔同既論述﹐因為可以由唔同人﹑唔同身份﹑唔同層面﹑唔同角度咁去描述同一件事﹐而後來既evalation又係由唔同既人所做﹐有唔同既觀點﹐咁我想問﹐宜家我地所知既歷史﹐究竟係唔係真既歷史呢？

番宿hae左陣到中午又要落本部開選委counter。其實我唔係唔鍾意你幫我﹐只不過我見你咁支力﹐而呢d野我一個人都做得黎﹐所以先唔想叫你之嘛...

我真係覺得好唔抵架﹐可能有人會話我黑心﹐但係﹐咁樣既付出唔值得有高回報囉。暫時我都睇唔到有d咩可以改變我既觀點。

下晝番左宿「準備」溫書﹐之後又訓左。

我變得太快嘛？我早知我飄忽既性格你唔係咁容易習慣...

夜晚﹐好彩阿bit打比我﹐如果唔係我會訓到唔識得落去春茗囉...阿nie﹑阿逸同jennifer既合唱真係超正！阿nie把聲入咪好好聽﹐同jennifer把聲又夾﹐和音又做得好﹐之前都唔知添！如果唔係實搵佢表演啦！d遊戲又好好笑﹐尤其係「model」果part﹐點解林永逸同蛇佬咁放？佢地兩個既表演簡直「殺死人」﹐哈！好可惜趕得滯唔記得帶相機﹐如果唔係實拍低佢地！

春茗真係好warm好開心﹐soci人果然係又團結又玩得既人！

>>February 25, 2005 at 12:57:33 PM GMT+8

2005 年 2 月 21 日 星期一 【乍雨乍晴】

是日﹐級社決戰high table﹐而我就血戰hk soc。

一朝早爬起身做埋個presentation outline﹐搞掂哂都仲有份paper等住我。最後決定頹左佢﹐用番之前d資料寫左份頹野﹐用左三個鐘就ko左佢﹐呼~~

下晝上tuto做present﹐有d緊張﹐因為個topic既concept真係唔算熟。jlm果兩個真係好誇﹐乜都有得講﹐阿川都係。well﹐算係ok難搞既一次present﹐咁就完左lu！

上完tuto交埋paper即刻番宿換衫準備夜晚high table。邊個話回暖架？！凍到我死咁滯...個high table都唔差﹐講者講既野都ok既﹐不過我地既全場焦點始終係院長﹐首先佢由「捽咪」變「捽咪stand」﹐之後佢「激戰buffet」果下令何a同alex都甘拜下風﹐何a問院長點解食咁多﹐佢話「lunch麻麻」...well﹐如果佢冇食lunch﹐我諗所有野都可以比佢食哂...院長果然係院長！

完左之後又走左去玩聯宿排球。哈哈！太耐冇掂過波﹐都冇哂sense lu~~不過大家嘻嘻哈哈咁玩都幾開心﹐贏唔到都冇乜所謂喎~~

>>February 25, 2005 at 12:57:13 PM GMT+8