2005 年 2 月 20 日 星期日 【乍雨乍晴】

朝早太凍﹐起唔到身上co﹐訓到tuto先落去﹐放左eva寶寶飛機添。今日個tuto我覺得自己表現都幾好﹐一黎因為夠訓﹐二黎可能因為唔想比queenie kill多次...食埋個飯﹐又番去做present。做到咁上下又係時候落去搵tutor。傾present果時自己又可以講到咁多野﹐好驚聽日真係present果時就講唔到野﹐成日都係咁...

傾完哂又逼於無奈出左尖咀買聽日對鞋。high table真麻煩！真係要著番夠本先得喇﹐唔係就蝕喇！

>>February 25, 2005 at 12:56:57 PM GMT+8

2005 年 2 月 19 日 星期六 【乍雨乍晴】

是日affa出巡。

一朝早起身又同阿爸阿媽去左廣城食通粉﹐真係幾時食都咁好味﹐好慶幸屋企附近有間咁正既冰室呢！所以我決定﹐每個黎上水搵我既朋友都帶佢地去試試廣城同明記﹐哈！

下晝番左宿做present﹐睇reading都唔知佢講乜﹐唔入腦。到左六點﹐我就出左沙田join fion行街﹐到左八點flora同anna都黎埋﹐於是食左d野我地就開始掃喇。卒之我地係person's搵到各自既戰利品。唉﹐為左個high table﹐又使左唔少錢...

十點幾打的番宿開級社會﹐傾下傾下傾到點幾﹐乜時間都冇哂﹐估唔到傾咁耐。同學錄果邊d野真係要快d交貨﹐唔係大家都做唔切...

>>February 25, 2005 at 12:56:41 PM GMT+8

2005 年 2 月 19 日 星期六 【乍雨乍晴】

看了這個﹐都忍不住哭起來了：

http://myweb.hinet.net/home8/drcolin/fur.wmv

這是有關人類為製作皮草產品而活生生地割下動物毛皮的短片。

看到那些無助的眼神﹑因被困籠中而得的神經質行為﹐難道那些人就沒有點點的憐憫之心？

救救小動物﹐請反對皮草產品。

>>February 25, 2005 at 12:56:19 PM GMT+8

2005 年 2 月 18 日 星期五 【乍雨乍晴】

今日冇乜野做﹐同alex番左上水食野﹐之後就番屋企訓喇﹐訓到食飯先起身。原本諗住食完飯就番宿﹐但因為追看電視既關係﹐我都係留番係屋企。

哈﹐咁就一個禮拜﹐乜都冇做過﹐paper同present﹐仲有quiz﹐下個禮拜應該忙死。

>>February 25, 2005 at 12:55:55 PM GMT+8

2005 年 2 月 17 日 星期四 【乍雨乍晴】

是日na photo day及湯宿春茗。

朝早起身又要諗著咩衫去做student helper﹐搞左好耐﹐仲要原來比stephen fake左﹐根本係要十點半﹐唔係十一點﹐搞到遲到！係ucc真係超凍﹐我仲要著得幾單薄﹐冇法﹐搵均成個衣櫃都好似冇咩衫見得人﹐唯有問fion同anna借衫著﹐哈！有同房真好！

同alex食完個飯就過左na﹐一時時落雨咁﹐再加多幾分寒意...天氣真係唔太好呢﹐唔知uc果日會點呢？不過﹐有排啦......影左好多相之後就番左屋企lu﹐因為自己部相機仲係屋企（加上外傷）﹐我都冇拎佢黎影相...

之後番左宿訓﹐好舒服加上天氣唔好﹐亦因為尋晚ucsu諮詢係湯石係咁吹風﹐仲吸埋d霧氣﹐個人有d支力﹐所以訓到唔知醒﹐唔係alex個電話﹐我諗我去唔到春茗囉...春茗嘛﹐開頭真係有d悶﹐不過過左陣﹐投入番d之後個氣氛又好似好d。都唔錯丫﹐不過鑫輝真係太緊張喇...

>>February 25, 2005 at 12:55:29 PM GMT+8

2005 年 2 月 16 日 星期三 【乍雨乍晴】

從朋友的網上日記找到一個故事：

《學生與老師》


學生並不聰明，口才很差，詞不達意，且學習進度緩慢；但幸而天性純品，做人尚算有責任心，樂於助人。別人找他幫忙，他每每因盛情難卻，不會拒絕。

老師天生聰敏，口才了得。身為老師，對學生自然有要求。

學生升讀小學；老師成為了班主任。

一直以來，學生交齊功課。雖然功課並非完美無暇，但他自問尚算不錯。對小學功課甚麼也不懂的他，亦很努力學習。

起初，老師經常讚賞他。

然而，一日復一日，老師在收到功課後，沒有說過一句嘉許的說話。

就學期間，學生為老師打點一些事宜，老師很少嘉許學生；不是沒有，只是不多。
「這是我的責任，是我的份內事。沒有嘉許，實屬正常。」學生心道。

一天，學生與同學遊玩。學生也希望專心讀書，只是盛情難卻，沒法推卻。對此，老師認為學生不專心，狠狠的責備一番。

一天，學生的功課做得不好，達不到老師的要求。老師很失望，再狠狠的責備一番。

-----------------------
學生無心向學？
老師要求太高？
-----------------------

一天，學生再一次協助老師。言談間，學生詞不達意，令老師感到不滿。老師認為學生的說話非常不當，加添老師的壓力。

其實，學生並沒有此意，學生故向老師道歉，亦向老師好好解釋背後的意思，希望老師明白，原諒他。

只是，老師認為，她感到不滿，是感覺上的問題。學生縱沒此意思，老師覺得學生說話失當，就是失當；道歉與解釋是絕對的缺乏說服力，絕對的無用。

老師認為，學生不理解問題的核心。

學生明白。
他真的明白。
他願意為老師繼續學習，改變自己。

只是，他希望，老師亦可以諒解學生。

---------------------------------------
老師希望學生理解她；
同樣地，學生也希望老師理解他。

理解，是單向？還是雙向？
---------------------------------------

一天，老師相約學生於課後相見，嘗試找出問題所在。

言談間，了解多了。

老師對學生有要求的同時，
學生對老師亦有要求。

老師認為學生對她有責任的同時，
學生也認為老師對他有責任。

責任與要求，並非不好。它們是活著的動力之一。

然而，太多的責任與要求，將關係推向惡劣。

雙方都自然地將自己對對方的要求視為對方的責任。他們沒有考慮過，要求是否合理？

最確實地說，
學生有沒有了解老師工作辛苦，從而做好自已，免得老師擔心及責備？另外，他有沒有嘗試贊賞老師的關心？
老師有沒有明白學生雖愚蠢但勤力，從而多鼓勵學生，避免大家不快？另外，她有沒有嘗試贊賞學生的努力？

海闊天空。澄明心中疑慮。

找著問題，便可對症下藥。

其實，老師，由始至終都是一位好老師。
學生功課繁重，老師好好的指導他。
學生不開心，老師安慰他。
學生病了，老師買藥給他。

那麼，學生，是否一位好學生？

＊

一天，他們愉快地活下去。

---------------------------------

到這裡﹐我想起了另一個朋友的故事：

這些日子，忙得很。很多工作要安排:四社話劇比賽、校際戲劇節、備新的會考課程。雖然負擔不輕，但我倒很滿意自己。起碼，我達到自己的最低要求。
這幾天，我在安排四社話劇比賽。但在安排禮堂設施時，卻遇到很多困難。以往的負責人已經離職，現在的負責人對整件事不太清楚。因此，當中有很多麻煩，令我十分煩燥。
今天，我對幾位相熟的老師吐苦水。內容不外乎是說那人如何手腳慢，如何不醒目。
我的同事的回應是："你說他沒有依時交舞台給你。但是當你上到禮堂時，他是在工作嗎?如果是，那不代表他懶惰，而是他做事慢。你說他安排咪時交代不清楚? 那不是他不想，而是他不能。他不能像你那樣有系統地交代。你說他不熟悉他的工作?但這工作是今年校方强加在他身上，他也無能為力。其實，到頭來你只是在怪他能力不足，而不是不肯努力。但是，你要記往--------如果他真的如此能幹，他就在做你的工作了。"

-----------------------------------

人物不重要﹐重要的是故事讓人理解到體諒的重要性。從體諒到溝通再到互相理解﹐可能就是人與人間關係的最基本要素。有時候﹐對他人的要求在自己而言是等閒事﹐認為是應該的﹐卻忽略了他人能力的異同﹐無視他人的處境﹐強將自己的一套加諸於他人身上。

說來容易﹐但能跳出自己的生活經驗﹑認知框框去從他人角度理解事實﹐又談何容易？

-----------------------------------

我想﹐應該沒有太多人被我「不體諒」過罷？沒有這種能力。

但深深體會過不被體諒的（可能是幻想的）感覺...

>>February 25, 2005 at 12:55:07 PM GMT+8

2005 年 2 月 15 日 星期二 【乍雨乍晴】

今朝又去左sit海洋生物﹐點知今次頂唔順﹐訓左半堂﹐講d野又悶﹐都係唔再sit喇﹐上番我個soc thought啦！

訓左大半個鐘又係時候去烽火台set場諮詢。好曬﹐好支力﹐唔知問乜好﹐有人又冇黎﹐一係就政綱都冇﹐點信得過佢地可以好好地為uc服務？唉...「民選委員」喎...

搞左兩個鐘就搞掂喇﹐又要搬番d野落文廣。今次真係頂唔順﹐好x多野﹐點知得幾個女仔加多兩個男孩子only﹐真係唔知講咩好...有d失望呢...

好辛苦執好哂d野就番宿hae﹐再夜d就出左沙田會合高芬佢地﹐今日臭b生日呢！仲有thy﹑同華仔﹐加埋好耐冇見既彭彭﹐六個人去左食越南野。叫左唔係好多野﹐不過硬係好似好滯咁...再食埋個蛋糕真係乜都食唔落喇。食完野幾個人又走左去周圍影相﹐哈！

番到宿﹐雖然好飽﹐但都食哂d糖水~~宜家真係飽到唔想郁...

>>February 25, 2005 at 12:54:45 PM GMT+8

2005 年 2 月 14 日 星期一 【乍雨乍晴】

今朝起左身﹐但唔想上hk soc﹐所以留番係宿繼續睇我既reading。我真係唔明點解我睇reading既速度永遠都係龜速？？

之後落左去傾present﹐我依然係冇乜貢獻。我成日都覺得同我part present係一件好痛苦既事﹐因為我冇乜建設性...

幫手set諮詢場﹐訓過龍遲左。set完又hae左一陣先番屋企。alex去左我屋企食飯﹐預祝阿哥農曆生日。

一家人齊齊整整開開心心食飯﹐我最鍾意！

阿爸好似好開心咁﹐飲左唔少呢~~

我失手跌傷左部相機﹐好心痛...

>>February 25, 2005 at 12:54:08 PM GMT+8

2005 年 2 月 13 日 星期日 【微冷】

呢兩日同alex去左梅窩玩﹐第一次係梅窩踩單車周圍去﹐仲要係好耐冇踩過﹐哈！好好玩！去左睇「瀑布」﹐仲見到好多好乖既貓貓狗狗﹐好舒服呢！

頭先又去左食壽司﹐雖然等左好耐好耐﹐𣇹n開心呢﹐因為你肯陪我等﹐嘿！企左成粒鐘先有得食喎...

多謝你！多謝你所做既一切。我明白你所講既野﹐都多謝你肯聽我講。

-----------------------------------

I didn't mean to hide anything.

It really hurts my feeling. As long as I believe that you didn't mean to do that, I don't think I should blame anyone. But I want you to know, at that time, it hurt.

>>February 15, 2005 at 3:07:25 AM GMT+8

2005 年 2 月 11 日 星期五 【微冷】

是日組聚。

一朝早起身先番cu借書做present﹐到十點幾十一點就出左又一城。十二點就同肥仔﹑阿德去食lunch。估唔到我地既組聚係咁樣開始。食完飯﹐阿德仲因為要練波而走先﹐「迫不得已」要同肥仔兩個人睇戲﹐係兩個人...不過﹐《meet the fockers》真係超好笑﹐都ok啦！

之後meet番佳佳﹐再迫左肥仔整野比佢女朋友而去買野﹐買完野就上肥仔屋企lu~~佢屋企隻狗真係好得意﹐我地就幫肥仔pre左一次整野﹐之後就掛住玩狗。後黎alex﹑阿軒﹑阿德同阿趙都陸續黎到﹐終於似番組聚...

係打邊爐﹑打牌同「射龍門」之後﹐係兩點鐘就番屋企lu！

又係一次幾好玩既組聚。如果阿芝﹑alison﹑ashley同阿皓都黎埋就好喇！（嘿！好貪心添！）

>>February 15, 2005 at 3:07:08 AM GMT+8