2003 年 2 月 5 日 星期三 【晴】

我好懷念這個日子, 就係......

>>February 8, 2003 at 4:00:13 PM GMT+8

2003 年 2 月 4 日 星期二 【晴】

momo毛毛毛毛毛熊毛熊熊......


我屋企有一隻狗, 佢叫momo,
新加入有三個成員, 係三隻熊既毛公仔,
二細一大, 係在啟德遊樂場win番黎架。
第一隻細熊叫毛毛毛,
第二隻細熊叫毛毛熊,
而隻大熊就叫毛熊熊。

咁我屋企既動物memebers就係momo, 毛毛毛, 毛毛熊, 毛熊熊。

請快速讀一次:"momo毛毛毛毛毛熊毛熊熊"

係唔係讀唔到, 再讀過啦, 不過, 你都會讀唔到, 哈哈!!!

>>February 7, 2003 at 10:33:17 AM GMT+8

2003 年 2 月 3 日 星期一 【晴】

Day five......


呢個啟德嘉年華會, 在9號會結束, 我一定會去多次, 想起好耐冇同阿媽去玩,
阿妹又話星期四去上海, 所以今晚我地就去左遊樂場, 三個人用左一百五十元,
就有三隻大公仔同一隻細既, 真係奇磧, 阿媽好開心, 我真係求其飛過銀, 又一隻公仔,
再飛過銀, 又一隻公仔, 掟飛鏢, 又四支掟中三枝, 所以終於拿了O個隻大熊, 好開心,
二隻小熊終於有父親勒!!!

不過話好容易, 又唔係真架, 因為都好多人手空空, 我地只係好運, 我就話天父想令我一家都開心就真!!!

今晚會打好多日記, 因為好想記錄呢幾日既事, 而且真係訓唔著。

我過左一個好快樂既新年......

>>February 4, 2003 at 8:32:55 PM GMT+8

2003 年 2 月 2 日 星期日 【晴】

Day four......


今日唔知係唔係太疲累呢, 雖然好多人在Brian屋企一齊玩, 佢地仲玩得好開心,
但係自己真係好累, 所以唔係好投入, 不過見到阿John開始同人傾計, 又見到佢既參與,
巳經好開心......

今晚有好強烈既感覺, 就係要多D關心人, 特別係一D單身既人, 我一定要令佢地每一個都開心,
因為當自己拍拖既時候, 真係冇咁多時間陪其他人, 依家單身, 雖然有約會, 但係未算有女朋友,
所以有多D時間, 我就要關心佢地......
相信神愛每一個人, 拍拖的人並不表示俾單身的人幸福, 而單身的人亦可以很快樂,
因為巳經有神在他們心裡面了......

有時我見到D人叫其他人, 你快D搵番過啦, 你估買菜呀, 話搵就搵, 人地又冇話依家唔幸福,
這些人心裡如果有耶穌基督, 都會好幸福, 因為有從神來的喜樂平安!!!

今日我遲到呀, 要好好檢討下!!!

>>February 4, 2003 at 8:28:24 PM GMT+8

2003 年 2 月 1 日 星期六 【晴】

Day three......


今朝真係好開心, 因為大家都起到身返崇拜, 我地返完午堂後, 就一齊食飯。
今日有龍心怡, Jane, Josephine, Isabella, Belinda, John, 天任, 同我, 跟住就去左天任屋企玩大富翁, 好耐冇玩過, 好好玩, 食完晚飯後, 我地就真係去左啟德既嘉年華, 好好玩, 我地每人用一百,
但係就得到好多公仔, 其中有三隻大既, 原來我好耐冇去過遊樂場勒,
所以感覺好新鮮, 不過呢過遊樂場真係唔錯, 起碼唔洗入場費先啦, 而中獎機會都好高,
好容易拿到D公仔......

我得到兩隻小熊熊, 好得意架!!!

O個個叫G-Force既遊戲實在太變態, 唔係, 應該話完全變態先真, 我睇都覺得好驚,
到底D人係唔係俾錢去受苦呢!!!

今日最開心就係聽到Belinda同Isabella講, 話過左一個似番新年既新年, 大家都好開心,
我自從同寶寶分手後, 都未試過咁開心, 我想我康服了吧!!!

今晚返到屋企又成二點, 聽日大家又會去Brian屋企, 真係好似冇返過屋企一樣既感覺。

>>February 4, 2003 at 8:22:30 PM GMT+8

2003 年 1 月 31 日 星期五 【晴】

Day two......


今日最後都買唔到Catch Me If You Can既戲票, 我地就決定去啟德玩, 打寶齡,
呵呵, 打錯個保字, 打左寶寶既寶, 應該係保齡。

今日有Brian, Stella, Michelle, John, Isabella, Belinda, 我地打左兩局, 就join埋Felix去打邊爐,
食完我地再返去打保齡, 再打多三局, 我從未試過一天打五局, 真係手都軟埋,
不過真係好開心, 其中好多人都係第一次打, 佢地都話好開心的一天......

今晚都想去啟德遊樂場玩, 什麼嘉年華, 不過就太夜, 佢地話聽日再去......
返到屋企又三點, 不過聽朝就約左阿John返崇拜, 希望大家都起到身啦!!!

保齡, 保齡, 男女, 喜愛練球......

>>February 4, 2003 at 8:14:59 PM GMT+8

2003 年 1 月 30 日 星期四 【晴】

Day one......


今天係農曆年既最後一日, 係年二十九, 好似記得舊年都冇年三十。
我同Wing, Belinda一齊去左間好貴既茶餐廳食晚飯, 呢間野竟然未到初一就加價, 仲好鬼細碟呀!
食完飯之後, 我地三個就會合Isabella Lee, Michelle, Michael, (天任同細Candy), J
osephine同埋佢家姐, John, 佩芬......大約11人......

其實我地約左好多人, 不過有D人行左花市勒, 又或者要陪屋企人。
我自己就覺得一定要關顧一D唔會主動攪活動既人, 如果新年都冇人約佢地,
我就好唔鍾意咁樣, 佢地都係天父好愛既兒女, 所以未來我都會盡量去攪活動,
特別係對於阿John, Josephine, Wing, Michelle, 我會特別照顧。

我地十時進入維園, 入口唔算太多人, 起碼唔洗排隊先啦!!!
行行下就越來越多人, 我地就盡量每個擋都睇下啦, 如果唔係就會在中間行過,
咁就乜都睇唔到, 冇意思啦!

行左一個column, 巳經好耐, 仲好疲累, 後來行到小童群益會O個到, 我見到有隻兔仔,
我就拿起來睇下, 順便同O個個賣野既女仔傾下啦, 就係咁, 我就俾人話我撩女仔,
仲話我同Michael眼甘甘望住人地, 我承認個女仔係幾靚, 咁傾兩句都好正常啦,
而且又行唔到, 不過算啦, 都係無謂解釋勒......
因為今晚既重點並唔係花市, 而係天任同細Candy, 頭先我巳經特別用括號叫大家留意勒。

如果消息來源正確, 今晚佢地先開始拍拖, 其實我都唔想咁八, 但係呢期真係大新閒,
同埋有幾個"十指緊拘"同"抱抱"既鏡頭, 真係不得不講, Isabella 就影左部份既相片,
大家可以在相片裡看到, 一定會嘩!!!

不過無論成件事係點, 又或者跟住發展成點, 我都會支持天任。
係關心佢, 只要為佢祈禱就可以, 其他說話, 都無意思, 唔通佢要因為其他人既話話來決定拍唔拍拖咩!!!

最後我地去左天任屋企, 話就話坐下, 其實又係食, 而且係女主人整架, 當晚返到屋企都成三點,
我留下D波鞋店仲開緊, 好多人呀, 佢地當晚開到四點半, 你話旺角真係奇, 半夜四點半仲有人買鞋......

聽日大家話要去睇Catch Me If You Can, 又或者去啟德玩......

>>February 4, 2003 at 8:09:01 PM GMT+8

2003 年 1 月 29 日 星期三 【晴】

New Order真係好好聽......


今晚係我第一次同Tommy用icq聯絡, 阿龍就話Tommy好好彩, 因為佢識左我咁多年,
都未在icq見過我, 又話我唔俾個number人地......
係呀!
我唔係太鍾意icq呢樣野, 唔知點解?

不過我一邊寫日記, 一邊icq, 隻耳仲聽緊New Order既歌, 真係幾高難度!!!
所以日記都打得好慢......

New Order 呢個Box set 有四隻碟咁多, 一隻係佢最pop既歌, 一隻係歌迷選既歌,
第三隻係club會播既歌, 第四隻係live。
重溫好多舊作,
其中Your Silent Face, All Day Long, Lonesome Tonight, 同Every Little Counts,
真係好好聽, 好有層次感, 每個音都好靚!!!
今時今日聽New Order, 巳經唔同以前, 留意到D音樂遍排真係好令人舒服,
大鑊, 聽到唔想訓!!!

>>January 30, 2003 at 8:12:15 PM GMT+8

2003 年 1 月 29 日 星期三 【晴】

今晚阿媽整左好多味......


今晚食團年飯, 阿媽D食物有進步。我俾左D雞肉momo食, 佢就好enjoy, 我覺得係一定要俾,因為我認為momo都係家中一份子......

我今日買左對波鞋, 唔知一對波鞋可以穿幾耐, 依家寫左日記, 將來再看, 就可以知道吧!
不過好多人, 好似香港就O黎唔O店, 大家一齊走佬咁多人!

之後收到家姐既電話, 原來家姐同Janet仲有Miranda一齊, 叫我去又一城, 我地又飲coffee,
所以今晚又失眠, 呢D就係所謂自己囉O黎賤。

希望Miranda同Peter有個好既結局啦, 自己失去寶寶, 都想見到人地快樂!!!

今晚旺角有個奇景, 就係半夜3點, 條街都好似下午7點咁多人, 除左花園街D鞋店,
小販仲多到睇唔晒, 唔知佢地想做到幾點呢?
搞到我都想走落街行下......

　　　

>>January 30, 2003 at 7:52:50 PM GMT+8

2003 年 1 月 28 日 星期二 【晴】

8里公路......


今晚又去左睇戲, 係"8里公路", 如果你鍾意hip hop, 真係要去睇, 如果唔係, 你都幾難投入。

新一代既年青人, 都鍾意hip hop, 除左在美國好勁, 日本真係犀利,
聽講全日本既年青人都聽hip hop......

除左音樂, hip hop所帶來既fashion, 亦不容置疑......

不過Eminem既音樂, 真係唔錯, 即使我唔係一個hip hop迷, 都覺得好聽!!!

>>January 30, 2003 at 7:25:53 PM GMT+8