2005 年 11 月 6 日 星期日 【酷熱】

澳門短宣巳過了一星期, 現在才有機會整理所經歷的, 因為早排做assignment(s)真係做到pk.

第一天:
要從食講起, 因為我從未試過一天食咁多野, 如下

出發前, 我在茶餐廳食左個常餐,
接著在中環撞到阿基, 我話陪佢去麥記買野食, 我自己又買多一份開心樂園餐,
到左澳門, 喺YMCA落腳後, Ginny又帶我地去食下午茶, "u扒包加一杯西瓜沙冰,
行區祈禱後又話食葡國菜晚飯,
之後, 即時食甜品, 我order了木糠雪糕, 再薑j菜糕, 走嘅時候我再買多一枝蔗汁,
同一晚, 黑沙灣嘅分享會後, 去食宵夜, 途中carmen帶隊掃街, 一串牛什, 一串牛肺, 一串魚蛋, 我唔係講笑
最後去食糖水, 我再食一個"u扒包, 一杯凍檸茶,
回到YMCA, 我巳經不能動。

行區祈禱:
我被選中要帶十多人去媽閣廟祈禱, 有d驚。 另一隊就去金沙賭{祈禱。
行區祈禱我試過, 入廟行區祈禱就未, 總好似踩入人地個地頭咁。
一入去就好有壓迫感, 我好八咁就為望, 想知道入面拜神嘅情況, 買香同香油錢都set定$300 或$500, 都係祈禱免費抵d。
入面我看見一棵大樹, 感覺就好似造物主一早就在這裡扎根。
有一家人好神心喺到拜神, 我想起我媽媽, 在我信主前或後, 都為我去拜神, 直至她開始明白我信什麼, 才冇再咁做。
我望著呢家人, 他們為的可能不是自己的事, 可能都係為著家人, 所以其實這是一種愛的表現, 為的可能是家人或朋友求平安。 對我來說, 只是用錯方法吧, 我為他們祈禱, 希望他們有一天認識主耶穌。
我為每一個遇上的人祝福, 心裡有另一把聲音對我說, 你是誰, 可以為這些人祝福? 嘩! 螳�!
我答: 我係奉主耶穌基督嘅名字為佢地祝福。阿Paul同我講都話入面好有壓迫感。

黑沙灣分享會:
在這個晚上, 在這個沙灘上, 我們繞成為一個圈, 祈禱, 唱詩, 分享, 好warm呀!!!!

第二天,
兒童工作:
星期日嘅崇拜, 有部份人要負責獻詩, 我則被安排做兒童工作。
我寫了一個話劇, 自己做埋主角, 內容係教d小朋友點樣祈禱, 好好玩。其他部份有Carmen喺到, 我就好放心, 因為無論同佢一齊做司儀, 攪function, 佢都帶得好好。
這是一班天父很愛的小朋友。

家訪:
我和三個姊妹去採訪一個新移民家庭, 二個小朋友, 單親, 因為丈夫病逝, 好慘......
以下係佢嘅一段說話:
我那一刻拿著欄杆, 準備跳下去, 大仔話: 阿媽, 你跳完, 跟著我跳下去, 大仔加多一句, 我地死左, 咁細佬點呀! 就係聽到大仔咁講, 我冇跳下去......

原來仲有咁慘嘅家庭, 本地嘅會友叫我帶一個祈禱, 好難祈, 我又唔想哭, 我又唔想攪到佢哭......在這裡, 我再為他們祝福。

這次澳門之行, 玩加教會工作, 平衡得好好, 真係正!!!

>>November 8, 2005 at 8:03:33 AM GMT+8

2005 年 11 月 5 日 星期六 【酷熱】

彩虹為証.......


When an animal dies that has been especially close to someone here, that pet goes to Rainbow Bridge.
There are meadows and hills for all of our special friends so they can run and play together.
There is plenty of food, water and sunshine, and our friends are warm and comfortable.

All the animals who had been ill and old are restored to health and vigor; those who were hurt or maimed are made whole and strong again, just as we remember them in our dreams of days and times gone by.
The animals are happy and content, except for one small thing; they each miss someone very special to them, who had to be left behind.

They all run and play together, but the day comes when one suddenly stops and looks into the distance.
His bright eyes are intent; His eager body quivers.
Suddenly he begins to run from the group, flying over the green grass, his legs carrying him faster and faster.

You have been spotted, and when you and your special friend finally meet, you cling together in joyous reunion, never to be parted again.
The happy kisses rain upon your face; your hands again caress the beloved head, and you look once more into the trusting eyes of your pet, so long gone from your life but never absent from your heart.

Then you cross Rainbow Bridge together......


每次看Rainbow Bridge 都好有感觸, 肥肥巳經去左果度, 好懷念你的名字同你雪白既大褪,
兔仔!!! 希望有一日可以再見番你!!! 而有一天, 我亦會與momo在那裡一齊玩。

在天國裡早就預備了rainbow bridge 這個地方(p.s.聖經冇講), 係主人自己嘅體會。
在那裡, 主人可以與自己死去嘅寵物再相遇 (但有一個條件, 就係主人先要拿一張天國嘅入場券)。

我最想嘅係我, momo, 肥肥, 和所有我所愛的人, cross Rainbow Bridge together!

這是新天新地會發生的事, 有彩虹為証, 在這之前, 我知道我也可以選擇過著天國一樣的生活。

>>November 8, 2005 at 6:33:46 AM GMT+8

2005 年 11 月 4 日 星期五 【晴】

Momo, I love you!



Momo大至上有三種訓覺既姿勢,

第一種係"防備型", 從上面望落去可以見到佢雙腳係向前, 伏低在地上, 呢種睡法主要係因為佢主人時常搶佢d 野食, 又或者攪佢d玩具, 所以後腳向前, 就算訓緊都可以隨時出擊。

.......MOMO............................................MOMOMO
..MOMOMOMO......................................OM(腳)MO
MOMOMOMOMOMOMOMOMOMOMOMOMOMOMO
MOM(頭)MOMOMOMOMOMOMOMOMOMOMOMOMOMOMO(尾)
MOMOMOMOMOMOMOMOMOMOMOMOMOMOMO
..MOMOMOMO......................................OM(腳)MO
.......MOMO............................................MOMOMO


第二種係"cute cute 型", 從上面望落去可以見到佢後腳係向後面放。咁表示佢對主人全無介心, 多數係好專心咬公仔嘅時候發生。呢個look亦都係佢主人最鍾意架, 因為兩隻腳放在後面真係好Q, 佢主人勁lum呀!!!

.......MOMO.................................................MOMOMOMO
..MOMOMOMO...........................................(腳)MOMOMO
MOMOMOMOMOMOMOMOMOMOMOMOMOMOMO
MOM(頭)MOMOMOMOMOMOMOMOMOMOMOMOMOMOMO(尾)
MOMOMOMOMOMOMOMOMOMOMOMOMOMOMO
..MOMOMOMO...........................................(腳)MOMOMO
......MOMO..................................................MOMOMOMO


最後一種係"爛睡型", 多數發生在momo真係好疲累嘅時候, 而側睡嘅momo其實都好可愛架!
又好似隻流浪狗一樣, 冇晒儀態! 不過主人行過嘅時候, 佢就會個頭唔郁隻眼望過�, 好得意!!!


.....MOMOMO
..MOM(頭)MOMO
MOMOMOMOMOMOMOMOMOMOMOMOMOMOMO
MOMOMOMOMOMOMOMOMOMOMOMOMOMOMOMOMOMO(尾)
..MOMOMOMOMOMOMOMOMOMOMOMOMOMOMO
..............MOMOMOMOMOMOMOMOMOMOMOMO
..............MOMO..........................................MOMO
..............MOMO..........................................MOMO
.............MO..MO........................................MO..MO
............MO....MO......................................MO....MO

MOMO, 我好愛你!!!

>>November 8, 2005 at 6:12:33 AM GMT+8

2005 年 10 月 18 日 星期二 【晴】

保密日記，請登入觀看！

>>October 19, 2005 at 2:51:02 AM GMT+8

2005 年 10 月 15 日 星期六 【晴】

今晚神呼喚我......

自從在溫哥華做過團長後, 我就開始收埋自己,
我喜歡做一d唔起眼嘅嘢,
雖然當年我同Brian可以將十幾人嘅團契變為四,五十人,
並且好感恩同學到好多嘢,
但太出位總會有人jealous, 我好唔鍾意呢種感覺,
所以我學會收埋自己, 做組長, 做程序,
做團長身邊協助他嗰位,
幫到人又冇人知係最舒服, 因為有heart去幫人嗰種快樂係好鬼正架!

後來去左Alberta讀大學,
我都係收埋自己,
一聽到阿Ming不如你做團長, 我就會好驚,
唔好玩我啦, 我都係鍾意做組長,
做團長身邊嘅好幫手就最好啦......
但心裡知道我冇盡力, 好像欠神一d嘢咁......

回來香港後, 我都係不停做組長,
2006年我都答應會做組長,
但係阿Paul 做團長, 我有一個感動, 就係要輔助佢打一場漂亮嘅仗。
我想起一個故事:

摩西對約書亞說、你為我們選出人來、出去和亞瑪力人爭戰．明天我手裏要拿著　神的杖、站在山頂上。
於是約書亞照著摩西對他所說的話行、和亞瑪力人爭戰．摩西、亞倫、與戶珥、都上了山頂。
摩西何時舉手、以色列人就得勝、何時垂手、亞瑪力人就得勝。
但摩西的手發沉、他們就搬石頭來、放在他以下、他就坐在上面．亞倫與戶珥扶著他的手、一個在這邊、一個在那邊、他的手就穩住、直到日落的時候。
約書亞用刀殺了亞瑪力王和他的百姓。
耶和華對摩西說、我要將亞瑪力的名號、從天下全然塗抹了、你要將這話寫在書上作紀念、又念給約書亞聽。
摩西築了一座壇、起名叫耶和華尼西。〔就是耶和華是我旌旗的意思〕
又說、耶和華已經起了誓、必世世代代和亞瑪力人爭戰。

阿Paul今年做團長係神明明的揀選佢, 而且佢好似摩西, 一發不可收拾嗰種,
佢好有使命感, 奇到就咁喺街都救番一個準備去跳樓的人。 我被他的愛心吸引著,
我只知道要協助阿Paul, 點做我都唔知。
呢件事我冇分享過俾人知, 放在心中, 而2006年我都應承做組長啦......

但今晚阿Paul究然打來, 話唔想我做組長,
佢邀請我做副團長, 咁我明晒勒, 神啊! 多謝你話我聽!
阿Paul做摩西, 就讓我做佢身邊嘅阿倫或戶珥,
讓我扶著他的手, 打一場漂場嘅仗,
叫2006年, 得人如得魚一樣。
我知道做左呢d決定就大鑊, 因為另一股大勢力就來臨對沖,
以往都試過,
不過, 上面嘅經文話,
耶和華已經起了誓、必世世代代和亞瑪力人爭戰。
咁同神一齊就唔洗驚, 而全個所羅門, 今年要高呼:
耶和華尼西。〔就是耶和華是我旌旗的意思〕。

我們要看見好多人信耶穌, 並且每個人都帶著微笑。Cheers!!!

>>October 17, 2005 at 8:07:57 AM GMT+8

2005 年 10 月 14 日 星期五 【炎熱】

今晚團契係Brian領詩, 很喜歡聽佢分享, 因為好真同好有heart.
我同佢係喺加拿大街上識架......
那是1991或92年嘅事, 我上學途中, 看見一對父子好像迷路, 我走埋去八吓, 原來佢搵緊我間學校, 咁我就帶佢去。就係咁樣造左十幾年朋友。
不過, 如果當日途中迷路係一對父女, 結局會更好, 哈!

今晚兩首詩歌, 都觸動我的心, 我知道聖靈感動我的心......
Brian話佢最近在伊館嘅佈道會彈琴, 隻手不停震,
手震並唔係因為怯場, 而係見到好多人信耶穌, 一個又一個咁出去,
好感動同好震撼, 所以連隻手都震起來。

我聽了後想起那場面, 眼中濕起來, 我想起我接受耶穌時嘅場面,
總覺得有生以來, 我的名字第一次被神呼喚......

今晚係bible study, 第一次同兩個新朋友查經, 叫Maggie, Eugene, 兩個都係律師,
MiB組嘅人越來越勁, 想起來, 作為組長嘅我, 可能係最"梅"......
Maggie話Eugene以前好僧基督教, 但後來竟然信左, 之後就每天都帶著笑容, 上帝你好勁呀!
有這兩個新組員加入真好。而今晚嘅分享好deep.
又有人問, MiB點解, 咪Ming in Brian 囉, 名呢d嘢係虛浮, 我事但改架咋,
舊年我叫小熊組, 都係因為鍾意小熊而改,
出年我叫野貓組呀, 田鼠組, momo組都仲得......總知個名要好玩, 而同一組嘅人可以建立關係最重要。

嘩, 星期二教會祈禱會係我地團領詩, 真係十年唔逢一潤,
呢d聚會我一向都唔出席, 不過要領詩, 就盡量幫手啦!
Paul揀嗰兩首歌好touch 我......

誰曾應許

誰曾應許, 一生不撇下我, 每段窄路, 誰陪我去走過？
誰還領我, 於青草恬靜處躺臥, 豐足恩惠比海沙更多!
誰還應許, 天天看顧著我, 畫夜眷佑, 連頭髪也數過!
誰還以愛, 驅走心裡懼怕怯懦, 那懼路途捲動著漩渦!

因你是我主, 我避難所, 我盾牌和詩歌!
你是我的高臺, 我隨時幫助!
來吧用信心, 讚頌和高歌, 你永在我心窩;
唯有你永生江河, 除你以外, 不倚靠別個!

我究竟算甚麼? 神, 你竟這般顧念我!!
唱到副歌因你是我主嘅時候, 我知道我可以繼續向前衝, 因為祂與我一起,
讓我向神高唱:
我究竟算甚麼? 神, 你竟這般顧念我!!
除你以外, 不倚靠別個!

第二首獻唱嘅歌, 仲係我在加拿大留0a時, 靈修時常唱嘅歌, 好好feel
副歌如下:
耶穌我親愛救主, 我獻身心給你,
因你在十字架上, 甘願為我捨己,
你是我唯一救主, 我心為你寶座,
我活著是為主而活, 主阿, 我祗屬你。

有好靚嘅旋律, 簡單直接的歌詞......
我心中再唱到: 主阿, 我祗屬你。

食晚飯嘅時候, 剛巧坐在Christine旁邊,
可以同佢分享多d嘢......
Carmen談起動物嘅身後事, 我話我知道在天國可以再見番momo, 所以唔洗驚,
聖經雖然冇講, 但係我自己嘅體會到,
咁"渱hristine睇緊一本書, 係講一個人喺天堂嘅經歷, 都同樣看到動物,
所以我深信在天國可以見番晒我所愛嘅動物。

Bong又話要去飲嘢, 我同Christine去左攞位, 我要求她為我禱告, 我好需要佢嘅support......

今晚, 係一個好好嘅晚上。

>>October 17, 2005 at 8:01:32 AM GMT+8

2005 年 10 月 13 日 星期四 【晴】

今個晚上, 有d down, 心理學家話男人都好似女人咁, 一個月都會有一次情緒變, 咁我洗唔洗喺日記mark低嗰幾日, 做番d準備咁。不過我一向都ok, 只係咁晚特別d.

Ken, Michael and Paul 約我今晚食飯, Michael話想關心吓阿Ken, 當然好......
因為我好清楚上帝今晚派三位天使與我渡過。

我地三個去左灣仔食韓燒, 任食嗰種, 我都好耐冇薨O間嘢, 老板娘大左肚, 老板娘話咁晚任我地食幾耐都得, 呢間嘢平時只係得個半小時任食。

四個佬好似狂左咁, 一有三文魚生就沖出去搶, 好不雅......而阿Ken真係攞左好多嘢食, 係咁食, 呢間嘢水準依然咁好, 我又食多左。我地成晚講團契講創業, 因為MK搞嗰間話搞得幾好, Ken話我地都要開始勒, 仲話千祈唔好俾心中嗰團火熄滅, 咁呀, 咪燒囉, 燒燒吓塊牛肉就黑晒......今晚, 多謝你地!

想起Carmen話喺2001年, 團契最低潮嘅時候, 我加入了所羅門團, 佢話我當時係最core嘅成員, 接著團契開心活躍起來......

我諗佢地搞錯左一d嘢, 係我有機會加入所羅門團, 我變得開心活躍起來......

主耶穌, 多謝你給我三個大食嘅弟兄, 還有就係所羅門團, 我會珍惜!

>>October 17, 2005 at 7:56:45 AM GMT+8

2005 年 10 月 11 日 星期二 【晴】

保密日記，請登入觀看！

>>October 13, 2005 at 1:33:52 AM GMT+8

2005 年 10 月 9 日 星期日 【晴】

保密日記，請登入觀看！

>>October 10, 2005 at 1:24:10 AM GMT+8

2005 年 10 月 1 日 星期六 【炎熱】

國慶假期我參加左團契嘅大旅行, 係去海下灣。
成團人有33人去, 我嗰組都巳經佔左12人,
作為組長嘅我好努力去約人架,
而且有Brian嘅配合, 直情正啦! 其中有好多仲係新朋友......

不過出發嗰日就好多奇怪嘅電話, 主要係因為大會沒有清楚指示....
有團友一早打蟆搷�: 行山幾長, 需唔需要帶水?
我答: 行山一般都要帶水
又另一團友打�: 12點集合係唔係真正集合時間, 還是一齊食lunch先再去? 點解12點? 最熱嘅時間行山?
我答: 係呀! 12點係集合時間, 要自己食左野�, 12點係一齊去搭車, 行嘅時候並唔係12點
又有另一團友打�: 我會遲到半小時, 點樣會合你地?
我答: 你遲到半小時, 我都喺起點等你!
雖然d電話攪到我都遲到, 都煩煩地架, 不過, 其實佢地都好可愛呀!

阿秋雖然冇行山, 但係佢帶左佢集史納莎去集合地點, 巳經六個月大, 隻腳好長, 我和佢在地鐵站大戰了一場, 好得意又好好玩!
但係你估隻狗叫乜名?
話說有日阿秋打電話�, 問我隻狗係唔係叫momo? 咁過左一段時間後, 我就聽到阿秋隻狗叫momo, 跟我!!! 冇辦法啦! 好名自然多人改。
不過其實教會都好多人識得momo, 因為我有時在聚會或分享中都會提到momo
因為momo都令我對神嘅愛有體會。
當小狗momo靜靜地躺在我的懷裡, 讓我的手輕輕的掃她的背, 佢就會好安祥好舒服的躺著, 並且完全信靠佢嘅主人。我想, 只要我們都不控訴, 不抱怨, 靜靜地躺在神的懷裡, 讓神的手觸摸我們, 享受那份微微嘅溫暖, 我們就可以同momo一樣感受到那份愛, 好舒合, 好安全, 並且完全信靠祂。
問我神嘅愛係點, 就係咁囉, 在神嘅懷裡你就知道了, 看不見風, 風吹來你就知道了!!!

整個行山過程都幾辛苦, 三小時, 冇風, 好熱, 但係好開心!

去食晚飯嘅時候, Ophe究然狂拍我, 然後話: 阿Ming, 我覺得你好好, 我今日帶左個friend�, 佢係好女仔, 你多d同佢傾計。
我不知點好, 有時Ophe d 野真係估佢唔到!

和Christine嘅晚飯一直改期, 我忙佢又忙, 但係呢次行山就可以同佢慢慢傾談, 同佢傾計好舒服, 講信仰, 工作, 人生...... 而且我要求她為我代禱, 還記得有一次, 她為我的事流著淚禱告, 團契有她同行真好!!!

夜了, 我想睡

>>October 4, 2005 at 6:04:28 AM GMT+8