2003 年 5 月 11 日 星期日 【晴】




今日放工參加左公司既團契, 係查以弗所書, la la 帶得幾好, 不過時間真係好趕, 如果唔係可以再分享深入D, 希望我以後都能夠參加啦!!!

星期一永遠都係咁累!!!





>>May 15, 2003 at 6:20:27 AM GMT+8

2003 年 5 月 10 日 星期六 【晴】



今日返完崇拜, 本來諗住食完野就回家, 但係又冇乜定力, 大家講o下講o下,
咁我就去左吳雅貞O個組既cell活動, 佢地今日打羽毛球, 我真係好久冇打過。

打完又再被請去Louis屋企食飯, Wing都有來, 佢都有D大小姐咁樣, 大家都繼續就佢,
會唔會反而累左佢呢?

後來去左酒吧, 我飲左一杯叫.......我都唔知叫乜名, 係荔枝汁加菠蘿汁加.......
總之加幾樣野, 好難飲, 好似飲藥水咁, 試新野真係好容易奶野, 又玩到好夜,
呢排會唔會玩得太多呢???





>>May 15, 2003 at 6:13:48 AM GMT+8

2003 年 5 月 9 日 星期五 【晴】




今日團契係家會, 我地O個組去BBQ, 係郵政體育會, 好方便。
等我想想有邊過先, 有Jess, Astor, John, 秀麗, 阿基, 田園, Nicole, Josephine, and me.
我地唔係買左好多野食, 因為唔想食剩野, 今日又真係好好天氣, 真係好勒,
我係一個十分喜歡燒烤既人, 慢慢烤熟D食物, 我好享受成個過程, 而最後又可以食落肚。

大家今晚既分享都十分投入, 可惜時間都係唔夠。 因為晚上十點就要交埸, 不過我地都玩左5個小時, 原來燒烤都可以燒咁耐。

後來我同秀麗, Josephine, Nicole, 去左小甜甜, Josephine話佢要減肥, 但係我就見佢不停食野, 燒烤剩既大大包綿花糖都要拿回家吃, 希望唔係佢一個人食晒啦!!!


送給Josephine的口號, 希望佢每日都諗幾次啦!!!





我一定, 一定, 一定要減肥
我要記得, 記得, 記得食少d 野






>>May 15, 2003 at 6:02:52 AM GMT+8

2003 年 5 月 8 日 星期四 【晴】




今晚係在SARS之後既第一次靈修分享會, 巳經係第十四次, 有阿John, Belinda, Michelle Hung, Louis, and me.
經過咁多次, 我覺得任何組合都會產生唔同既話題, 有時會屬靈D, 有時又會分享工作上既野多D, 好難講, 我當然希望主要係講屬靈上既分享啦!!!
不過大家都會了解彼此既靈修情況, 而大家既關係亦在不經意中建立, 求天父繼續帶領呢個聚會, 讓我們在靈修中可以更甜密, 更享受, 更加感受到天父的愛。

完了聚會後, 我地同小朱一同去左"2J's"o個度飲咖啡, 我又食左我最愛既Marble cheese cake, 好好食, 談天說地真係好開心。

我突然問左一個好突然既問題, 就係問阿John, “你減肥keep到咁fit, 係唔係為左追女仔?”, 佢答我係, 仲話......仲話......"我要追阿Wing, 做佢男朋友, 我要改變佢, 令佢變靚, 令佢開心!!! "
嘩!!! 真係好突然, 雖然之前大家都知佢鍾意阿Wing, 但係親口講都係第一次, 件事發展落去我都唔知會點, 希望阿John唔會受傷......

請看了我的日記既弟兄姊妹保守秘密, 並為阿John同阿Wing祈禱!!!




請大家多多支持靈修分享會!!!









>>May 15, 2003 at 5:48:59 AM GMT+8

2003 年 5 月 7 日 星期三 【晴】




今日係公衆假期, 我地約埋一齊去睇戲。原本我地打算睇"向左愛, 向右愛",
秀麗好想睇, 但係時間唔"�, 我地在冇其他娛樂之下, 我地去左唱k, 冇錯, 係就係唔係好安全, 不過大家真係好悶, 去就去啦!!!

首先, 今日係公衆假期, 所以冇平到, 而一入到房, 來服務我地o個位朋友, 係冇戴口罩, 嘩!!! 原來個廣告係假既!!!
我就問佢, 你點解唔戴口罩, 佢竟然答我, 要"頭"吓氣, 吓???
跟住, 佢地廣告話o個部什麼微米空氣清新機, 我都未見過, 可能微到見唔到......

呢期, 我都唔會去卡啦ok勒!!!





>>May 14, 2003 at 9:21:45 AM GMT+8

2003 年 5 月 3 日 星期六 【晴】




今日係領聖餐, 我十分慚愧, 因為我好眼訓, 成個崇拜雖然我冇訓過, 但係就真係遊晒花園,
覺得自己好差, 咁樣去見神, 其實係去左周去嗰度, 星期六既生活真係要好好留意, 早睡係好重要。

Belinda and Isabella送左一份生日禮物給我, 係一本拉摙聖經, 個"摙"字係唔係咁寫呢!!!
終於可以有一本聖經係輕便裝, 可以帶出街, 真好, 多謝晒啦!!!







>>May 14, 2003 at 8:35:46 AM GMT+8

2003 年 5 月 2 日 星期五 【晴】




尋晚咁夜訓, 今日工作真係好累, 不過星期六要番半日, 冇法啦!!!

今日團契既週會係查經, 對於我來説就更架辛苦, 真係好好好累。 小組送左一份生日禮物給我, 係一架玩具小巴, 上面既地點係去旺角, 龍心怡買呢份禮物既時候真係有心, 因為我真係住在旺角, 多謝晒啦!!!

夜晚我地去左pacific coffee度飲coffee, 我飲左一杯芒果茶, 英文我唔記得叫乜,
好好飲……









>>May 14, 2003 at 5:47:32 AM GMT+8

2003 年 5 月 1 日 星期四 【晴】





今天有好多人同我慶祝生日, 都幾開心。
有Belinda, Isabella, Michael, Louis, Kennis, 鄭穎, 渣巴, Jess, 德雄, John and Paul.
我地去食韓國菜, 係任食嗰d, 好好味, 又有魚生食, 我唔算食左好多……
之後我提議回教會有分享, 在三樓平台真係幾靚, 個十字架會變顏色, 敎會個平台開放俾人坐坐, 真係幾好架。
我地除了影相, 佢地仲買左個大既黑森林蛋糕給我, 好好味, 弟兄姊妹對我真係很好, 我要感謝神, 而且要好好珍惜大家既愛……

我地呢晚玩完, 巳經係半夜十二點幾, 但係我仲要去急症室, 事緣係我今日工作既時候, 竟然踩釘, 都唔明點解"u場會有釘, 唔係好痛, 不過有血, 而支釘又好鬼銹, 破傷風就好大鑊。

我冇放工即刻去醫院, 因為唔想大家擔心, 而又唔可以慶祝生日, 所以我決定夜晚先去, 在急症室等左成個幾鐘, 好眼訓, 個姑娘話如果冇大單野, 就會到我,
但係當晚真係有大單野, 就係有條友俾人打, 成身都有傷, 差人問話時, 我都聽到一d, 條友話佢自己行行吓街, 無啦啦俾一班人打, 我就真係唔信……
另一單就係推住車入�, 我聽到什麼low bp, no pulse, 大鑊, 希望佢冇事……
就係咁我等左成晚, 好疲累, 聽日仲要番工呀!!!

在我一生中, 係第一次踩釘, 仲要係生日的一天, 好黑….其實我好感恩, 因為支釘好長, 但係我冇踩得好深, 就巳經縮, 天父仍然保守, yes!!!





>>May 14, 2003 at 5:43:32 AM GMT+8

2003 年 4 月 30 日 星期三 【晴】



尋日同歷穌, Betty, Belinda, Isabella, Louis, Michael, 阿公, 鄭穎, Felix等人去飲茶,
之後, Felix佢走左, 不過秀麗就出現, 我地就去左行山。

我地唔係行左好耐, 運動量唔算好大, 不過原途真係好靚, 行左邊度我都唔知, 在太古城
附近出發, 經過什麼紅屋, 好像叫衛"亦"信徑。

因為非典型既事, 行山既人真係多左, 一家大細又回覆大自然的生活,
好像過去被遺忘了的活動, 依家大家都珍惜, 幾好!!!

回去大自然, 實在能令人靜下來, 更多空間去思想神......

晚上我地一等人再加埋渣巴, 阿東, 去左聯發食飯, 啊!!! 應該係權發先至真,
聯發呢d名似麻雀館多d......
權發dR好大碟, 又幾好食, 價錢亦不太貴。
由於Isabella要食甜品, 我地就去左明記o個度食, d楊枝甘露好正, 好香啊!!!
仲有什果涼粉, 好好味, 還要一提, 就係個什果西米露, d椰汁好香,
我在好飽既狀態下都食左兩碗......

快樂的一天過去了......






>>May 2, 2003 at 4:51:39 AM GMT+8

2003 年 4 月 29 日 星期二 【晴】



尋晚睇明珠台既英格蘭超級聯賽精華, 紐卡素都只係可以勝新特蘭1:0,
都唔知點解咁少入球, 有d失望, 不過依家排聯賽榜第三位, 希望可以保持下去,
今年拿個第三位, 出年又可以打歐聯......

呢隊波如果季初打好d, 依家就可以同曼聯爭冠軍啦......

利物浦, 今年來說, 忘記佢吧, 好好收拾心情, 下年再來過好吧!!!
而且奧雲近來亦不錯, 入左四球,,,,,,,

要開工勒!!!








>>April 30, 2003 at 6:03:52 AM GMT+8