2003 年 4 月 1 日 星期二 【晴】

好疲累......


呢排工作唔講得話好辛苦, 但真係好忙......

忙但係唔辛苦, 其實係一件好事, 不過就係因為好疲累,
所以冇時間做想做既野, 例如我好想攪好個日記, 但係每次想打,
都因為太疲累, 打唔倒任何野......

看見小熊同寶寶既日記咁靚, 真係好羡慕, 好想整靚自己個日記,
但係...ah...又冇時間, 依家連寫日記都要食完飯寫, 想整靚d,
談何容易......

好想問寶寶點樣加圖畫同動畫, 又好想問小熊點樣整d會動既金句,,,,,,

上星期領詩, 真係冇好好準備, 咁上下就去, 自己都好唔滿意,
加上又非典型肺炎, 好多弟兄姊妹都帶晒mask, 跟本就唱唔倒歌,
個氣氛好怪, 每次事奉冇做到最好, 都覺得好虧欠,
事奉神, 總覺得要將最好既獻上,

親愛的主, 求你讓我每次事奉, 都將最好的獻上, 做一個好僕人.......

我要開工勒!!!

>>April 2, 2003 at 6:04:51 AM GMT+8

2003 年 3 月 31 日 星期一 【晴】

不經不覺, 做呢份新工巳經一個月, 適應係適應左, 但係自己又好多野諗,
心想如果要在這一行發展, 其實真係要讀master, 但係又要錢,
讀environmental science 要四皮幾, 讀analytical chem 要7皮幾......

另一方面, 門徒訓練又叫我考慮做副導師, 即係再讀34星期一樣,
我其實都覺得自己應該幫手, 但係如果又讀M.Sc., 又做副導師,
又會變成mission impossible......

為自己, 就會讀M.Sc., 唔做門訓任何野,
為神, 就會唔讀M.Sc., 做門訓既野, 專心事奉,
又為神又為自己, 就會兩樣一齊讀, 不過要好大既信心同財力,

又要開工......


>>April 1, 2003 at 6:02:40 AM GMT+8

2003 年 3 月 21 日 星期五 【晴】

好悶......


尋晚睇左紐約風雲, 悶左2小時45分鐘, 成套戲除左睇O下Daniel Day Lewis 既演技,
都冇野可以直得睇, 跟本係浪費時間, damn!!! 跟本唔想再講......

呢排睇親戲都唔好睇, 奶晒野!!!
o係屋企同momo玩o下好過......

>>March 24, 2003 at 5:56:49 AM GMT+8

2003 年 3 月 20 日 星期四 【晴】

你跟從我吧......


"我實實在在地告訴你: 你年少的時候, 自己束上帶子, 隨意往來;
但年老的時候, 你要伸出手來, 別人要把你束上, 帶你到不願意去的地方。
耶穌說這話, 是指著彼得要怎樣死, 榮耀神。
說了這話, 就對他說: 你跟從我吧。"

自從那天在靈修同祈禱中再一次經歷神, 我再唱詩歌, 或閱讀屬靈的書,
都好容易受感動, 我想我是被神的靈感動了......

祂是那創造之主, 和平之君, 永恆的主, 是愛的源頭, 祂的愛是有平安的,
祂是那光, 那照向我的光, 萬主之主, 萬王之王......哈利路亞!!!

有好多野可以同大家分享, 不過依家要開工勒,
呢排都好少寫日記, 希望工作習慣了, 可以抽番D時間寫O下日記。

>>March 21, 2003 at 6:03:54 AM GMT+8

2003 年 3 月 14 日 星期五 【晴】

今晚我又有新體驗......


今晚劉牧師來講道, 係講靈修, 我十分投入, 好感動。
我諗我都喊左幾次, 好感受到神的愛, 那一刻佢充滿了我......

在祈禱中, 我來到十架前, 我越行越前, 那十架很高, 我的頭都抬起來了,
在十架下的同時, 我見到有隥紅色的光, 好耀眼, 那光照向我整個人,
好平安, 好充滿, 好美, 好溫暖, 好想永遠都係咁......

我嘗試在十架上找耶穌, 但係耶穌不在十架上, 我問到, 我好想見你的面,
但係冇回應.....
最係在詩歌同祈禱中結束。

如果我每一天的靈修都可以像今日一樣就好, 我要被神充滿!!
下個星期有下半部份, 看看怎樣?!!

>>March 16, 2003 at 11:20:03 AM GMT+8

2003 年 3 月 13 日 星期四 【晴】

又到 Happy Friday......


今日又去左豬場做實驗, 都幾辛苦, 我地成 team 人本來係做實驗既人,
依家搞到好似做地盤咁, 我d汗成個眼鏡都係, 不過好好玩。

好好玩呢三個字好特別, 我以前唔會咁樣講, 自從認識左寶寶之後, 我就成日咁樣講,
真係俾佢影響左......講得多好好玩, 唔好玩都會變得好好玩, 咁樣就會成日都好好玩......

有時亂咁打d野都會好好玩, 好好玩既事實在好多,
所以如果你努力工作, 工作就變得好好玩,
如果你努力祈禱, 信仰就變得好好玩,
如果同momo一齊, 都好好玩......

好好玩既事實在太多數!!


>>March 16, 2003 at 11:04:24 AM GMT+8

2003 年 3 月 12 日 星期三 【晴】

在火車上靈修......


今日我第一天在火車上靈修, 因為番工都要乘30min.火車, 有時覺得好浪費時間,
所以就試O下靈修, 都可以啦, 在清晨思想和天父的關係, 可以令生活更有力。

我今天差不多單拖做左幾個實驗, 開始更加有信心, 因為之前真係有一段長時間冇做實驗,
好驚自己唔記得點做, 不過真係好多謝同事Tammy, 佢幫左我唔少, 多謝晒啊!!!

我就好希望可以快D同所有同事識落, 咁就會工作開心D, 而合作時又可以更放, 到底"放"冇野,
我諗係不拘小節咁解啦......

又要訓勒, 十二時係一定要睡, 如果唔係, 聽日就更加疲累, 剛剛Louis打電話給我,
話聽日打乒乓球, 我就應氶左佢, 星期五應該輕鬆O下O麻, good night !

>>March 13, 2003 at 4:10:57 PM GMT+8

2003 年 3 月 11 日 星期二 【晴】

今日第一日出豬場......


我今天上午做左幾個實驗, 都開始習慣新的工作, 個感覺幾好, d同事又唔錯。
下午我就去左豬場拿samples, 豬場真係俾我想像中好,
起碼唔係咁臭, 不過聽同事講, 呢個場係冇咁臭, 聽日o個個會臭d......

呢份工應該會有好多野學, 真係好, 因為如果冇野學, 就唔會進步...... 自己覺得好多野都唔識,
真係要加把勁, 努力呀! 小明!

呢幾天都冇時間寫日記, 因為好疲累, 就算寫, 都覺得有D亂, 內容冇乜方向, 有時想寫工作上既野,
但係又諗左其他野, 可能真係太疲累。
疲累既原因唔係因為工作太忙, 主要係因為唔夠訓, 因為早上6:45AM就要起床,
而我又唔慣早訓, 所以每天都唔夠訓......

可能巳後都冇機會再見到小公主勒, 其實我應該早D問佢拿電話, 我真係低低地......






>>March 13, 2003 at 3:51:43 PM GMT+8

2003 年 3 月 7 日 星期五 【晴】

今晚係聖經問答比賽......


今晚既比賽幾好玩, 我都幾enjoy, D問題都幾舒中,
對一D新朋友O黎講, 可能會唔識答, 但係都冇辨法......

過去一年, 我睇左好多聖經, 又讀緊門訓, 所以好多問題我都覺得容易,
唔知其他人覺得點呢?

聽到阿基講左好多答案, 表示佢有睇聖經啦, 真係好, 希望佢繼續成長啦!!!
在書攤認識的阿剛, 佢番左O黎, 感謝主!!!

團契後, 我地去左小朱屋企玩, 玩UNO, 其實我都好鍾意玩UNO, 不過成日輸多......
聽日係主日勒......
有D掛住小公主, 但係冇機會再見佢......

>>March 9, 2003 at 3:43:51 PM GMT+8

2003 年 3 月 6 日 星期四 【晴】

小明, 你返O黎勒......


今日係第一天做番實驗, 有D生硬, 有D好簡單既野都唔係好肯定, 不過我應該都可以好快上手,
希望係咁啦!!!

天父爸爸, 求你每天都和我一同工作, 幫助我能做好每一件事, 令我可以榮神益人。

其同事都幾好, Tammy都好用心教我, 希望我可以快D分擔佢地既工作啦!

...........
求主加我信心, 面對新挑戰!!!

>>March 9, 2003 at 3:29:56 PM GMT+8