2003 年 2 月 26 日 星期三 【晴】

聖潔子民的聚會......


今日晚上本來番屋企, 點知阿Jess打電話o黎, 叫我參加呢個聚會,
之前小朱都叫過我一次, 但係我推左, 跟住同阿Jess食飯, 佢就不停講, 好啦!!! 去就去啦!!!
因為真係好疲累, 所以好想佢絕。

個聚會其實好正, 我甚至又感受到聖靈的同在, 除左眼淚, 身體都有d感覺,
不過呢d野唔o係呢度講勒, 因為每個人接受既程度都唔同, 而我自己有時都唔係好肯定!!!

不過見到阿Wing都有o黎, 而且佢好似俾以前開放左, 真係開心!
成個聚會我都在默默祈禱, 是的!! 可能現今最重要就是作個聖潔的子民。

我依家仲諗緊參唔參加o個個禁食活動, 是有限度地禁食四十天,
真係好堅, 分好多種禁食, 是乎個人而定, 我真係仲要諗o下。

好疲累的一天......

>>February 28, 2003 at 10:20:50 AM GMT+8

2003 年 2 月 25 日 星期二 【晴】

佢病左, 好慘......


今日本來約左Toby食飯, 但係佢病左, 打電話俾我話唔o黎, 得番我一個人, 悶死人!
最慘我太早去尖沙咀, 佢又太遲話我知佢唔o黎。

聽佢把聲真係好唔惦, 成把聲沙晒, 我都叫佢唔好飲咁多酒, 係都唔聽。

話說佢早一日去左飲酒, 我當然冇去, 因為我係唔飲酒架。
我地既食飯又要再改下星期勒......

希望你快d好番啦!!!

我悶悶地自己走左去睇衫, 有d鋪頭仲可以賣成千元一件恤衫, 真係奇,
個牌子唔係特別咁緊要, 唔算好high, 個款又唔係好靚, 賣成千元, 好狂!!!

有d衫都幾好, 又減緊價, 不過又轉季, 所以想買d平價既冬天衫, 但又想買d夏季衫迎接夏季......
太多心, 所以乜都買唔到......

>>February 28, 2003 at 10:04:02 AM GMT+8

2003 年 2 月 24 日 星期一 【晴】

Chicago......


今晚我地八個人一齊睇Chicago, 真係幾好睇, 連串歌舞, 場面好有氣氛。
我諗呢種都係big band jazz, 即係夜總會形式既爵士音樂, 呢種音樂最緊要係夠熱鬧,
成個氣氛帶著你, 讓你投入當中......

本身唔係好愛呢類音樂, 不過作為一套電影, 就好好睇!!!
唔知Oscar會唔會有獎呢?

同類型既電影, 令人想起"情X紅磨坊"同埋"紫醉金迷",
不過其實佢地都好唔同, 只是個人感覺吧了!!!

我發現我真係好愛外國既電影, 有時間真係想去讀O下電影先!!!

>>February 25, 2003 at 6:18:10 PM GMT+8

2003 年 2 月 23 日 星期日 【晴】

門徒訓練......


不經不覺, 門徒訓練巳經過左26個星期, 由創世記開始, 依家巳到羅馬書。
真係神的恩典帶領我們一組人, 到現在都繼續堅持下去, 沒有一個放棄。

我們今日討論有關"稱義", "成聖", "完全", "更新",
呢四樣我地都 talk左好耐, 不過時間真係過晒鐘, 有D住得遠既人就好辛苦, 要趕回家,
因為第二天要一早返工......

其實我都覺得門訓既內容太充實, 太多野, 所以做完晒都冇時間討論同代禱,
呢一個係弱點, 有時開始到肉, 但係都冇時間再講落去, 好可惜!

仲有八個星期我就讀完勒, 希望順利啦!
求主繼續帶領我們, 以致讀完這個門徒訓練, 我地都成為一個好門徒!　

>>February 25, 2003 at 5:58:14 PM GMT+8

2003 年 2 月 22 日 星期六 【晴】

神並不偏待人......


今日返完崇拜, 就同大家去飲茶, 之後就好刻意的陪住阿John同阿Wing。
佢地都係團契一D需要特別關心既人, 我本來係要去圖書館睇書, 但係John話想去打波,
Wing又話我去, 佢地先去, 咁真係冇辨法, 去就去啦!!!

我地去左郵政體育會, 打乓乒波, 其實只係佢兩個打, 我就大部份時間都O係度睇,
見到阿Wing真係好開心, 阿John亦表演左好多奇妙既動作, 好好笑!!!

如果佢地成日都咁開心就好......

"我真看出, 神並不偏待人。"
唔記得係彼得定係保羅講, 但既然神愛每一個人, 我都要愛每一個團友。

阿John患有羊癇病, 我希望藉著禱告, 看見他有一天可以痊愈!!!　

>>February 24, 2003 at 7:56:04 PM GMT+8

2003 年 2 月 21 日 星期五 【晴】

好僧自己......


呢排唔知點解會講野咁直接, 對於睇唔過眼既野會即刻出聲, 有時咁樣做會覺得好冇愛心,
平時既我都唔會係咁, 真係好僧自己......

"親愛的弟兄啊, 我們應當彼此相愛, 因為愛是從神來的。
凡有愛心的, 都是由神而生, 並且認識神。
沒有愛心的, 就不認識神, 因為神就是愛。
神差祂獨生子到世間來, 使我們藉著祂得生, 神愛我們的心, 在此就顯明了。
不是我們愛神, 乃是神愛我們, 差祂的兒子, 為我們的罪作了挽回祭, 這就是愛了。
親愛的弟兄啊, 神既是這樣愛我們, 我們也當彼此相愛。"
約翰一書4章7-11節

求主幫助我, 成為一個更有愛心的人!!!

>>February 24, 2003 at 7:37:00 PM GMT+8

2003 年 2 月 20 日 星期四 【晴】

好怕打針......


今日去左檢查身體, 首先係驗小便,
護士小姐叫我小便既前後都唔要, 淨係要中間O個部份,
咁我去到廁所, 就真係唔要前面O個部份, 但係當我咁樣做, 發覺自己冇幾多可以再痾,
痾到咁上O下, 我就再唔要後面O個部份, 因為我驚如果唔照佢份咐, 就會唔準,
咁樣講好似好奇怪, 但係再望O下個杯, 真係覺得太少......

去到護士臉前, 我唔好意思咁問佢夠唔夠, 佢叫我拿起隻杯俾佢睇,
佢話少就少左D, 但係都應該夠, 成件事好怪, 其實我一早巳經不停飲水, 但係去到就冇乜小便,
真係唔知點解......

之後打針好驚, 我係唔可以見到血既人, 雖然我唔會暈, 但過去既經驗話俾我知, 我會好唔自然,
而且成身軟晒, 不過呢個護士真係幾好"手世", 一D都唔痛, 不過D血真係好嘔心......

跟住我再等照肺同見醫生, 在等既過程中, 有個護士走過來, 問我個傷口點樣, 止左血未,
仲同我貼膠布, 好細心, 呢種態度, 我十分欣賞, 而且佢仲好靚......

希望個報告係話我身體健康啦!!!
因為真係好耐冇檢查身體!!!

>>February 24, 2003 at 7:11:37 PM GMT+8

2003 年 2 月 19 日 星期三 【晴】

多謝所有為我祈禱的人!!!
Thanks!!!

主的恩典夠我用,
主的恩典夠我用,
主的恩典夠我用,
主的恩典夠我用,
主的恩典夠我用,
主的恩典夠我用,
主的恩典夠我用,
主的恩典夠我用,
主的恩典夠我用,
主的恩典夠我用,
主的恩典夠我用,
主的恩典夠我用,
主的恩典夠我用,
主的恩典夠我用,
主的恩典夠我用,
主的恩典夠我用,
無限咁多句!!!

>>February 20, 2003 at 3:24:02 PM GMT+8

2003 年 2 月 18 日 星期二 【晴】

好驚驚......


希望一切順利, 求主幫助!!!

>>February 20, 2003 at 3:13:51 PM GMT+8

2003 年 2 月 17 日 星期一 【晴】

好怕人哭......


今日阿Grace約我睇戲, 咁我就去左沙田陪佢, 最後我地冇睇戲,
不過當佢講起佢不開心既事, 佢就O係間餐廳入面哭, 大鑊, 好多人望過O黎,
人地以為我整喊佢, 我十分不安, 想安慰佢, 點知佢仲喊得勁D......

這個情景, 十分大鑊, 唔係一般既大鑊, 係好大鑊既大鑊, 我都未試過呢一種好大鑊既大鑊,
全個餐廳既人望過O黎, 佢話佢控制唔到佢自己, 仲話佢巳經好努力......
仲有, 佢係放聲哭O個種, 我係好同情佢, 但係唔慣人地咁樣在公眾地方哭成咁......

原來在這種情況, 我係唔識輔導人, 好慘慘, 救命!!!

>>February 20, 2003 at 3:00:08 PM GMT+8