2007 年 4 月 13 日 星期五 【微雨】

哇哈哈哈～好感恩啊！
今朝晨早流流眼都未擘大，聲都未清就接左個電話
我都話ga啦"萬大事都有天父丫麻"！！
好開心好開心好興奮啊！有目標一定會成功架！！
其實係上市公司做Admin. Officer我都係有ｄ擔心自己既能力未到家 =(
好擔心好擔心好擔心.........................................
其實我已經將搵工交託比天父，所以我冇咩擔心過，只係琴日冇啦啦比人打沉左少少而失左信心
不過，都好多謝"撤旦母"既一句話:"希望在明天" <--車～抄廣告既一..一"
安慰支持既說話真係令我感到安慰
哼～我唔會讚比佢知既，廢事佢沙塵～哈哈哈哈哈哈...................

為左獎勵自己．．．我都做左個老翻闊太＊v＊V
去做左"法力無邊"既指甲～呵呵呵～呵呵呵～
可惜，我始終都係粗人一個..................high花了:＞＜: woooo～

一心以為今日係戶外慶祝ｄａｙ，結果冇所事事被迫打道回府，冇晒癮..................................................................
下次都係自己plan好晒ｄ節目比自己好了．

今日又貢左去書局睇書書，好開心^v^
有本係ARCH野，唔講都唔知原來彩虹村係designed by Palmer & Turner公司
個toilet係騎樓原來有佢意思，我仲以為個toilet係騎樓係因為通風衛生ｄ
原來.....彩虹村外牆粉飾七彩既顏色與toilet門係一樣色
當ｄ住戶開合toilet門時，係出面睇時會產生另一種視覺效果，彩虹有生氣
哈哈哈．．．真係細心既創意！

仲睇左本"家長也抗逆".......
睇完.....都唔明.....唔明點解ｄ青少年放左學唔回家？
唔明點解要呃父母＄去滿足佢地既慾望？唔明點解三五成群留連係家通宵？？
更加唔明點解年紀咁細都容許自己同人發生關係？？？
我睇完本書，感到好不安，好擔心自己既下一代
再睇多一本書.......講擁有"道德智能"下成長既小朋友先會健康同正面
所以，我立下當我有小朋友時，我一定會停工去照顧小朋友
最起碼到佢小六！！！

又睇左本書講家庭
你喜歡某人既人既外表或是家底或是人品或是性格，都不是組織家庭既主因
而係大家有共同生活有共同興趣共同思想
賊公賊母可做一世夫妻，富家人大多都分離
WaW　我極度認同

嘩）））今日好似打多左tim ＊.＊"

>>April 14, 2007 at 3:56:56 PM GMT+8

2007 年 4 月 12 日 星期四 【晴】

唉～又見完工返黎喇．．．
今日見呢份工，見到有ｄ感覺，好唔開心，劇 DOWN爆
IN我果個人對我講感覺我個人太斯文，好柔弱同埋缺乏自信心
話感覺我為人係多愁善感．．．唉～
佢睇人咁準，不如佢做埋睇相啦 ＝(
我已經笑住口，但佢都感覺到我真正既內心，真係好多謝佢提醒左我架！
我身邊既朋友都話我比五年前冇晒自信心同悲觀左，我都唔覺
依家．．．唔認都唔得啦 :T__T:
我好唔開心見完後即刻打比佢同佢講我唔開心，
點之，講完個電話我心都碎晒，令我更加道知邊ｄ人先係真心明白我內心
多謝阿ｃ同我家姐 :T__T:
我自己都唔知原來他，他同屋企隻廢拉柴可以令我改變咁大 (不論心靈同生活)
我以為自己可以同已經淡忘同控制得到.....原來仲係一直深藏係自己內心世界都仲唔知
好辛苦！！好恨自己有咁既經歷！！
好痛恨自己遇上咁多事，仲要係一波未停一波又起！！
好恨呢ｄ經歷令我精神崩潰！！救命！！！
唯有可以講既，唔係佢地，我唔會識逆境生存！
今日咁好天，我都唔見得晴
明天假期，希望唔好side左去啦～～～

>>April 13, 2007 at 10:13:31 AM GMT+8

2007 年 4 月 11 日 星期三 【晴】

唉～搵工搵到我好鬼死悶喇～
ｈｅｅｈｅｅ好在有個復活節假充實一下咋～
ｇｅｅｇｅｅ！！去左天咁遠既天水圍ｂｂ燒～
之後又騰左去馬交ｇｅｅｇｅｅ下囉！！
第一日．
去左去左馬交ｎ咁多次都未去過既十月初五街～
仲食左個比KFC更好味既葡TAT＊v＊
ｄｉｎｎｅｒ當然去左間嬴＄前既內港餐廳啦！！
八爪魚沙律係必食！
今次仲點左葡式煮蜆．酒太重手．我醉了＠＠
第二日．
今次都搵左ｂ女出黎一齊食ｌｕｎｃｈ～
當然又係係佢家附近食椰汁咖哩雞面+黑豆漿～ｙｅａｈ！
ｋａｋａｋａｋａ今次去埋幾個新開既CAsiNo！啦啦啦啦～
買大開大，買細開細．ｇｅｅｇｅｅｙｏｙｏｙｏ！！！
Wynn突然變左我地至愛～法老王....Bye Bye Lu～ｋａｋａｋａｋａ））））
I WILL BE BACK !!!!!!!!!!!!!!!!!!!!! 火＼~／火

>>April 12, 2007 at 6:09:13 AM GMT+8

2007 年 4 月 6 日 星期五 【陰】

岩岩睇緊亞視一個節目<七日貧窮計計>
講d人嘗試去感受下用350蚊用一星期.......
我一路睇心入面只係覺得冇咩大不了......因為我過往至依家都係咁樣生活
返工我都係用最慳既方法........
果時住美孚返灣仔....我一定一定唔會搭地鐵 (5個字車程要十幾蚊)
而選擇要用上一個鍾三個字既車程就係巴士-->小輪-->步行，成個過程只需$5.5 ja wor！！
食？哈哈．．．唔到最肚餓我都唔會食早餐
必要時都係食兩蚊個既雞尾飽，野飲都只會係公司沖黎飲！
ｌｕｎｃｈ？哈哈．．．當然．．．食足我五年既自家叮米粉，叮通心粉，叮烏冬，叮河粉
總之唔係同事生日都唔會出去同佢地食～
為咩？為幫個已經消失左既人還＄，還完一心以為生活有改善
結果．．．屋企果個廢拉柴又搞到我咁！
哈哈哈．．我ｌｅｅ　ｄ米叫在職貧窮人囉！！

>>April 7, 2007 at 3:11:19 PM GMT+8

2007 年 4 月 5 日 星期四 【陰】

ｋａｋａｋａｋａ）））今日多麼多麼多麼多麼多麼既高興啊）））＊v＊
首先同左三個傻婆喪左一整晚．．．食得飽飽又笑到一大爛餐！！＞v＜ WaW KAKAKAKAKA....
之後"陪"左三個富太一齊去左足沐！！＊v＊" (都係第一次係香港玩ｄ咁既野JA)
一上去．．．WoW ＊0＊ 撞見又係小學同學又係中學同學既朋友！！
真係唱左首....."世界真細小小小，小得真係妙妙妙，實在真係細世界，妙妙妙！！"
佢本身都係有＄女，依家仲開埋按摩，真係．．．賺＄買花戴啊～
佢未婚夫....原來.....都係新法之友！！真搞笑！！！
最搞笑就係佢未婚夫原來一直有同肥張聯絡，跟手就打左比肥張吹左一輪大水！！
最慘就係......都仲係叫我...做......"死八婆" 一..一" !!!!

好喇喎～到左十二點鬆ｄ又收左個好耐冇連絡既舊朋友來電．．．
一心以為都咁夜．．佢可能打錯電話啦．．．原來．．．佢真係搵我喎！！
呢個老朋友係院友 (廣華醫院) ，大家都係九七年十二月二十一日係同一個時辰同一個地方暈左之後送左入院而識既～
點解我會咁記得個日子呢．．．因為我係醫院住左四日，出院果日係正正平安夜ｌｏｒ！
我第一句問佢：”你結婚喇？”
佢好愕然答："你點知既....hahhaaaa...."
唉～咁既年紀當然係做ｄ咁既事嫁啦～唔通仲好似我咁......"霉Dum Dur" 咩 ＝..＝"
真係衷心弓喜我身邊既所有朋友都咁幸福搵到個好歸宿！！！

感恩：好多朋友，朋友令我最開心！！

>>April 5, 2007 at 6:40:59 PM GMT+8

2007 年 4 月 3 日 星期二 【乍雨乍晴】

痴晒大孖gun的天氣！！冷到我傻 +﹏+" 12 ~ 14c 再一次同暖風機見見面！！
都未試過清明係咁凍既～
係喎～四月～好有意義o架～^v^～
就係......天父.....死又復活喇！
岩岩過左既星期日返左人地教會！好感恩果晚我大失眠都仍然能彈起身返啊＊v＊V
敬拜時我好興奮！好感動！好想爆喊！
到左領主餐祈禱時．．．哇）））簡直眼濕濕！！忍！
好耐好耐都有好幾年冇領過主餐了．．．．．．

個個都係復活節去晒旅行又日本又泰國～
嘻嘻～好在我都唔執輸～嘻嘻～都叫有個小Trip啦～

冇返工個幾月了．．．近呢兩星期開始悶到我生菇喇！
有ｄ焦急．．．但．．．我深信全都交託比天父啦～

唉～又係咁！！！真係除左行果一步仲可以點呢！！
心智、理想、目標、教育、興趣都冇瓣夾既！！
唉～其實．．．大家都心中有數．．．
我都可以做一個唔負責任既女朋友!!!!!!!咩都唔理自自私私!!!!!!!!唔會再分享唔會再費心去搞心思!!!!!!!!
我已經完全冇晒心機再提任何提議去邊遊山玩水!!!!!!!!
我自己都未搞掂....又要"臭"住個係溫室長不大既小朋友...真係...好痛苦!!!!!!!! :T__T:
真係好灰好心淡好淡喇............... =(

>>April 4, 2007 at 4:16:25 PM GMT+8

2007 年 3 月 31 日 星期六 【酷熱】

都唔知應唔應該用炎熱去形容今日既天氣@﹏@"
下星期一又開始凍了～痴鬼鬼鬼鬼線既天氣啊．．．
今日非常之疲累既一ｄａｙ～從未試過只係係太子行街都可以行左我半日去 ＋﹏＋”(14:00~20:00)
聽從"專業shopping魔"意見掃左好多戰利品返來，又衫x2 又裙x1 又褲x1 又鞋x1 又小東西x2．．．
都用唔到我一張啡牛！係四百五都冇！心中哇然啦）））
好開心呀））））我從未咁疏爽去買野ｇａ！！！
女人..........真係犀飛利啊＊v＊V！只要有恆心！一定掘到金！！！
不過咁樣搵平野法．．．真係付出好多腳力 ～..～"
令我最驚訝～就係.........件修身直條返工恤衫(與我係mastina$2xx果件差唔多)....lee度都只係....十蚊店既價錢！！十個大洋咋 ！！！＊0＊ 啊)))))))))
真係．．．超低能！勁搞笑！！！
哈哈哈哈哈哈哈哈哈.......................

>>March 31, 2007 at 5:49:26 PM GMT+8

2007 年 3 月 30 日 星期五 【陰】

～哈～今日總算叫係唔好既心情下過左個好ｄ既一日！
因為街上有好多可愛既阿ｂ＊v＊）））令我心情好左好好好好好多）））

最搞笑係有個阿媽一路window shopping一路推住坐係ｂｂ車裡只有三歲既妹妹
同行身邊仲有個四五歲食住一粒粒綿花糖既家姐
個妹妹出盡全身既力另轉身伸手向食住綿花糖既家姐
家姐當然知道坐係ｂｂ車入面個妹妹想食啦
個家姐要一路急急腳行（因為要同媽咪既步伐一致）一路顧住手上既綿花糖又要遞糖比妹妹
最搞笑就係個媽咪全程都唔知兩姊妹既情況尤如接力賽咁．．．一個交出綿花糖一個另轉身想接綿花糖～
最後．．．媽咪知道了，停左腳步，姐姐餵左粒比妹妹，而妹妹左右手都各拎住一粒又繼續行了．．．．

之後去左好ｎ耐都冇去過既太空館逛逛＊v＊
ｋａｋａｋａ我至愛既阿ｍｏｏｎ同星星仲有黑洞既呢～如果有埋恐龍就Perfectｌｕ！！
入到去展覽館好有小學ｆｅｅｌ～仲玩左ｄ小時候因高度問題又玩唔到既東西喎～
就係．．．．ｋａｋａｋａｋａ．．．ｍｏｏｎ　ｗａｌｋ月球漫步喇！！ｙｏｙｏｙｏ！！
仲有睇左日食呀～月食咁囉～
一出太空館抬頭一望＊v＊阿ｍｏｏｎ呀））））
好可惜好快又出現"雲偏食"同"雲全食" ！！！ｋｋａｋａａｋａ～
係ｄ畸形人先會諗到ｄ咁既名詞出黎架ja！！

原來．．．都好耐好耐冇由頭行條海傍路到尾ｌｕ～

P.S. 係太空館入面遇上一個激後生既令令媽咪arround 28 拖住４５歲既女女參觀，
個女女又非常之可愛ｗｏｒ～女女一個人睇住佢mummy話moon walk...佢又好鬼積奮wor....
睇見ｄ ｂ女．．我就開心晒ｌｕ～～發ｂ寒～ｋａｋａｋａ））））

>>March 30, 2007 at 4:45:11 PM GMT+8

2007 年 3 月 28 日 星期三 【晴】

我都係訓唔著．．．好辛苦好辛苦
前晚睇書，睇到一篇野同我既思維好一樣
＊＊＊＊＊＊＊＊＊＊＊＊＊＊＊＊＊＊
保加利亞社會學家瓦西列夫在＜情愛論＞：
愛情應該有對立面的親密和諧，作為結合既共同基礎
一致的感情語言，內心的相互聯繫
富於想像的共同志向，在向未來和目標前進的道路上步伐一致。
又講到愛情既基礎唔係只係簡單既快樂同幸福
而係．．．．．．
男女雙方在社會生活中所產生的對人生，對社會的共同認識
對事業，理想和信念的共同追求
以及對他人，對社會的共同道德觀先係愛情根基
＊＊＊＊＊＊＊＊＊＊＊＊＊＊＊＊＊＊＊＊＊
我成日都ｕｐ，ｕｐ黎ｕｐ去都ｕｐ唔出自己想表達ｄ咩
依家睇左書，好清晰ｕｐ左我想ｕｐ既野出黎
而我．．更加希望有天父既同在

>>March 28, 2007 at 5:56:40 PM GMT+8

2007 年 3 月 25 日 星期日 【暴雨】

~哈~琴晚好開心同個中一開始識既朋友ｍｓｎ
其實我同佢由畢業拎埋會考成績表後都冇見過了
只係好間唔時一兩次電話，ｍｓｎｉｃｑ就係大發明喔＊v＊
估唔到佢有睇我呢個日記，仲鼓勵我叫我開心ｄ
好感動～估唔到中學朋友真的可以Keep in touch呢～
Babe啦，飯橙頭啦，脆屎啦，饅頭啦，紅加胃啦，正靚ｃ啦，阿型啦，雖然唔係可以一年見到幾次
但佢地係我心中仍然好close既！！
琴日飯橙頭打比我，介紹工比我，真係冇想過會幫手咁留意既～我又係好感動啊～
只可惜工種不符，推掉左，但我都十萬分之多謝佢了！！

～哈～岩岩八八卦卦睇左前同事阿ｔｗｏ既"扑"．．．
佢都有提及我同佢之間既感情～又係既～五年～佢都係叫做睇住我喊睇住我轉變睇住成長既好朋友呢～

突然好感觸～真係好感恩之餘～仲證明左真心對朋友人地係會知啊！
所以我做人忠旨永遠都係忠誠坦白同有責任做咩事都唔怕見光死，幫得人都幫！！
你呃我嗎？情願係別人欠我～哈哈哈哈哈..............

死火啦，依家晚晚大失眠！＠﹏＠"
明明眼訓死都訓唔到，搞到三點仲左碌右碌！！又係發惡夢！！
前果日冇啦啦夢見"煙仔"......一..一" 夢完都嚇一跳！九唔搭八！
最恐怖.....一星期兩日又夢見"小飛象"..........始終...係..欠我最多的一個......心靈上好似係未放開咁.........

>>March 26, 2007 at 6:11:47 AM GMT+8