2007 年 12 月 26 日 星期三 【晴】

一早plan左今日收工去拎cert.,拎完去"無印"再去埋"地帶"買心宜左好耐既返工裙.....
結果只係去左拎張cert.算數，已經冇晒心情去邊度
行到銅鑼灣感覺好舒服.....從前既工作,生活片段好似播戲咁一幕幕播緊出黎
就係我頭dup dup播緊途中竟遇見"吹沙".....
佢都驚見我瘦左成兩個碼....心事重重....一個唔開心既苦樣.......
問我新工係米好辛苦，問我係米出左去住更辛苦；我都已經忍住我既眼淚......
佢又再問多幾問......實在唔想太肉酸企係人來人往既街哭
佢ｄ說話...個個朋友都好安慰....真係只係安慰ga ja.....事實我經已知道了

不要再這樣對我，我經已承受不了
沒有家後我既專注已經撥埋左一面
好狠心.....好冷.......好痛...........
還有什麼事係永恆？我真係冇晒信心喇
咩都會變？好痛好痛好痛好痛好痛好痛好痛
狂"焚"何ｃｃ既歌．．．自焚

>>December 27, 2007 at 1:21:33 PM GMT+8

2007 年 12 月 25 日 星期二 【晴】

今日出左去見見Ｂ女～ＷＯＷ～依然都係咁令女～
佢又係喪ｓｈｏｐ！一秋二能野，見咩買咩！
我仲好懷念當年一行八人既日子，大家一齊係碼頭接佢船為左食溶左一大半既餅乾碎布甸
八人行一齊周圍玩周圍食，一齊去打邊爐，一齊上山頂ｗｅ哇鬼叫～
八人一齊行工展會亂嗌倒數，一齊去食糖水．．．．．．
由八人變左四人，再由四人變到三人，依家得返二人行
好感慨好希huh.........可能只係得我一個人仲懷念過去美好，可能得我一個人感覺八人行先係開心．．．
本來今日好想盡嗌其他朋友仔出黎....可惜.......
唔知佛頭係米去左旅行呢？個電話長時間冇開............
同Ｂ女傾下近況，講到琴晚佢發生既事我個下巴真係跌左係台面上＊0＊"
聽完我個心好痛，好想保護佢，點解會咁架？！人係米真係咁可怕？！
我唔識安慰佢，因為我自己都未搞得掂.............
分開前佢同我講....新年見啦～果一刻我個心仲痛！冇啦啦ＤＵＰ左我一鎚～

呢排天氣凍左ｄｄ，ｄ死人巴士開行晒ｄ暖氣
搞到我依家搭親咩巴士都會因為太焗而暈車浪！！真係忽忽忽＝.＝凸
夏天時就凍到我赤赤痛！癲架！！！

我又冇啦啦想起套<生日快樂>
不如比我做古天樂既角色啦～

>>December 26, 2007 at 3:30:46 PM GMT+8

2007 年 12 月 25 日 星期二 【颳風】

今日懶洋洋起身，拖拖mor mor三時多先出門去
因為為左化個比較精神眼腫腫喊包後ｌｏｏｋ．．．
第一站貢左去蘭芳園嘆個我至愛既酸may may蕃茄薯仔嘜湯豬扒旦通心粉＊v＊ｖ
之後一直路去埋ｉｆｃ影相相～今日最開心既行程！
唔知點解，去到香港區我先感受到聖誕果種氣氛．．．
有鬼婆鬼佬？聖誕ｄｅｃｏｒａｔｉｏｎ令ｄ？？總之主觀地覺得港島係聖誕ｄ啦！
衝衝忙忙 chap左幾張好滿意既相相之後就飛標去維園行工展會．．．
又係人山人海～終於買左我好認為抵左幾蚊雞既沙律醬餅餅～呵呵～我的早點是也！
迫完之後就過左去太古城．．．．嘩））））））））））
咩野野既ｄｅｃｏｒａｔｉｏｎ呀？？？超唔掂呀！！！！
點解前年同上年各大商場既ｄｅｃｏｒａｔｉｏｎ會令到嚇死我＊0＊"
今年就．．．．．．．．．．．噢～～～～～～

今年的２５就是這樣過去了，真心多謝豆屎仔陪了我一整天
我明白知道所有期望，希望都要冷卻
因為我還雖然時間，整過過程我知道係辛苦的
昨晚跟飯橙頭ｍｓｎ，她跟我說了她從前既經過點爬返起身
佢．．．用上了三，四年時間＊.＊" 朋友，原來我不知道你一個人捱了一段很長既痛苦時間
輕生人人都有這個念頭，幸好我們有天父
什麼經歷又好，自己問題都好，我不想再令身邊既人為我感到辛苦
離開我，才是真正的愛
我體會了

>>December 25, 2007 at 7:27:38 PM GMT+8

2007 年 12 月 24 日 星期一 【颳風】

ＭｅｒｒｙＣｈｒｉｓｔｍａｓ～ｈｏｈｏｈｏ～
今日話早放一粒鐘，結果我都係遲走左九個字！搞鬼錯！.＼～／. ＠
今日返去分派聖誕尿壺比自己DEPT. 感覺好開心
其實份份都唔係咩重禮，只係普普通通各大超市都買到既朱古力包～
佢地個個都異口同聲話好surprise我會送尿壺.....
我唔識講....我只係話少少心意唔係咩大禮，而且我真的送得開心麻．．．

收左工，個心情突然頹頹廢廢，提唔起勁，只係感到頭赤赤唔多舒服
回家途中係巴士上訓到左中中右中中，仲"黎"晒頸，落車時更有少少暈車浪既感覺
回到家之後，ｄ老人病又出晒黎，就係唔多願出街＝..＝"
比著從前，一定回家乂乂電，訓醒換衫出去玩夜！
結果總算做左自己一直都好喜歡既ｂｂｑ～哈哈哈～係二樓露台ｂｂｑ！！！
樓下的一群人及對面屋既人都奇奇怪怪既眼光望鬼住二樓ｂｂｑ！！！哈哈哈哈哈～～
今晚阿ｍｏｏｎ好光好大圓好令，仲有好多好光既星星～

ｂ完後，係咁既日子，被點了睇<生日快樂>
睇到我一"渴"眼淚，ｄ熱辣辣既淚水自己湧晒出黎
一間大屋一個人睇埋ｄ咁既鬼野，唔喊就假
好感慨好感慨....好可惜非常之無奈..........
好討厭極討厭古天樂戲中既做法.....個女仔好傻好純真地等..........
我都一直一直一直甚至依家都好憎好憎最接受唔到分開既一刻
我曾經講過，一齊左就唔可以分開，要一齊左先知夾唔夾再決定分唔分開
我情願一早唔好有開始

從前一到聖誕就很喜歡拎住ＤＣ左影右影
依家．．．什麼都懶了．．．．連自己都唔願再上鏡．．．殘了許多．．．
影到既心情可能亦未係最開心既時候
依家踏入２５號了..........................

>>December 24, 2007 at 7:24:57 PM GMT+8

2007 年 12 月 23 日 星期日 【暴雨】

琴日做節，"廢柴"冇到，雖然我好好奇但我都懶得去問點解．．．
琴日打響聖誕第一炮！！！超輪盡激ｄｕｍｐ心既事發生了！！！
話說琴日一秋二能自己 + 表弟仔既聖誕尿壺，開開心心興興奮奮衝去杏花村
到站後數一數，一袋，二袋，三袋．．．．．？？？ ＷＨＡＴ）））第四袋呢？！？！？！？
差Ｄ想喊出口，個心好焦急又痛苦又無奈又無助．．．唔．．．見．．．左．．．．．！！！
:＞0＜: 哇））））貢大個女都從未如此失魂過～～份尿壺係手都冇兩個鐘，不翼而飛走左喇～嗚嗎嗎～～～
結果超唔開心咁去左太古城快快手執過件比表弟仔LOR.....唔通要Ｄ表弟仔唔開心咩........

今日去左"DOG"舖染我堆白髮魔女，等．．．．．結果順利睇晒本<聰明人與笨人的說話和做事方式>
結論係，我完完全全係一個笨人＝.＝".........
有好多事我會明白知道應該點去做，可惜都係行左笨人條路
"聰明人把憂傷拋在腦後，笨人牢記所有的過去"
"聰明人不為打翻的牛奶哭泣，笨人只為錯誤懊惱"
"聰明人善於與人溝通，笨人不會表達情感"
"聰明人拒絕人但不得罪人，笨人一拒絕就得罪人"
"聰明人隨時留意對方的需求，笨人只顧自說自話"

"你可能一味地盯著"失"，而對"得"並未意識到罷了！”
"聰明人知道，一個人的過去是不能選擇，尤其自己過去做過的事情，怎能再回到從前呢？"
"糾纏於過去，也就失去了對現在的把握，更不會有對將來的憧憬"
"被打翻既牛奶已成事實，不可能被重新裝回瓶中，我們唯一能做的，就是找出教訓，然後忘掉這些不愉快"

曾經有人跟我說："依家有人陪著你行，點解你仲放唔開"
我唔想再晚晚發惡夢了......我要放開，我要打開心結......我要重新相信

>>December 23, 2007 at 5:10:22 PM GMT+8

2007 年 12 月 21 日 星期五 【晴】

今早天氣呵呵呵，我既心情都唔錯～HOLIDAY MOOD是也～
一心以為今年沒聖誕，咩都唔洗買咩都唔洗搞
ｂ喇～出事啦出事啦～接左ＨＲ既尿壺 －.－" 要回禮？話比我主子知？
依家發現............我冇時間唔夠時間買尿壺呀））））））
話晒第一次做Team Leader....小小心意一定唔少得啦.....６份.....(蚊型朱古力好了＝.＝" 啦啦啦～)
仲要學討下上屍歡心，又一份
回禮比ＨＲ，又一份；幾個表弟既尿壺 X ３；ＴＩ自己友尿壺．．．．．＞﹏＜

今日撥左個輪比"肥達".....問佢拎ｄ Lable既 format......
竟然同佢吹左半個中頭水 ＊0＊" 天南地北咩都傾
我開始好懷疑佢真心對我，而我卻覺得佢太"防火牆"而果時唔多like佢
佢從"衰人"口中得知我近況，問我做咩搵晒全公司既人都冇搵佢？！？！
我連我阿姐同街市部阿姐我都冇找啦～～～～～
不過我實左忍唔住口講左接我位既人不停ｍｓｎ，ｅｍａｉｌ我
煩到我ｍｓｎ"扑" n DEL佢！岩岩上星期佢ｅｍａｉｌ比我問某ｄ東西放左係邊！！！
"肥達"都忍住口講晒佢ｄ問題出黎，話佢問晒全公司既人都唔問自己DEPT既人！哈哈哈哈哈.......
同埋我都走左半年......有咩事都唔應再找我喎～

之後我講比佢知，我終於感受到佢地當年對我說每一句既"肺腑之言"！！！
我話我做左六年野，第一次感受到咩叫社會！咩叫公司政治！！
真係一 dull 狐狸....一 dull 柴狼....一 dull 獅子.....一 dull 老虎...........猛獸野生動物園！！！
所以我依家先明白"肥達"點解咁"防火牆".....就係因為係出面飽受危險lor......
所以我一直好相信，人本善良
只係有陰影，有經歷，環境因素下而影響而變左質
真的好懷念，好回味，好渴望 CPLAND既世界～哈哈哈哈哈哈～～～～

>>December 21, 2007 at 5:36:03 PM GMT+8

2007 年 12 月 17 日 星期一 【晴】

唔鐘意唔夠凍既聖誕啊～魚魚魚．．．
唔凍既聖誕都唔似過節日既～今年沒聖誕！！！
成鬼日冇啦啦係個腦海裡奏起ｌｅｅ首歌..............

"靠向我身邊　你帶笑卻無言 在落寞情況　常贈我明天
縱會有辛酸　有了你 我願擔起每天　狂風中也熱戀

伴我高低起趺幸運及那失意天 並說聲多甘心及情願 過每天
情懷是因你溫暖 衝擊於心裡邊 全情愛我　熱情熱愛加添
唯獨是可愛的臉 手挽手肩並肩 有緣碰見 仍留在我身邊
心　真摰倍添　愛倍添 蕩來這段緣　這段緣
不知怎去講　感激我遇見........"

我都係決定唔轉工住，過埋農曆年先走
由呢一刻開始我唔會在為公司既事上心 .＼～／. 口古月！
個"癲雞拿"發癲我要當唱歌！
好在有呢隻"癲雞拿"訓練我既ＥＱ！我要去克服佢！！
我會用輕鬆，事不關己，不會做多既心態去面對未來兩個月！

冇啦啦又有個奇怪既想法.......
當初係個男既追個女的，為何最尾都係個男狠心放棄個女呢？
有愛同原諒唔係已經勝過一切既咩？？
即係捉同放既權利都係個男既身上？？？
如其係咁....個女一早唔應該接受個男，米唔會有傷心分開既一日囉？
都怪女既蠢！簡單ｄ講，冇開始就冇終結囉？！？又好似係ｗｏｒ～～

好得意，尋晚拎起左上年"包租婆"送比我既頸鍊
今晚就收到佢電話喇＊0＊"
仲記得臨走前果晚都唔捨得佢架～係我最需要既時候，佢係幫助我一大大大大大個忙！
之後大家寒暄幾句，問我結婚未？！＊.＊" ........................
我講左個事實佢知之後，佢既反應比我更大，耳膜都穿！！

好開心呢幾排都見返ｄ從前既老朋友～感覺好多．．．．．．
人大了，邊ｄ係人邊ｄ係鬼，開始都有ｄ識睇了～
雀屎，富仔，阿TWO，Cat媽媽，包租婆 lee d 米簡簡單單lor...........
ｘｘ，ｘｘ米比較走精面ｄ囉～
ｘｘ，ｘｘ，ｘｘ米比較陰險ｄ囉～～

我要認真ｐｌａｎｐｌａｎ未來既生活ｌｕ～
女強人？唔做了！ｃ ｎｉｎｅ仔？唔做了！
做返自己先！！ｈｅｅｈｈｅｅｅ～
去影相相，去白泥，去大佛，去羅浮交椅，去探險，去玩浮潛，去搵朋友低能下嘻嘻哈哈..........
如果學返BALLET呢？又貴喎～～～～～
食左藥，開始又迷迷糊糊了.................
好想食九王抄旦，茄汁大蝦，咖哩炆牛腩，"皮"琶豆腐，霉菜蒸豬肉，節瓜粉屍.....

>>December 18, 2007 at 3:05:00 PM GMT+8

2007 年 12 月 17 日 星期一 【陰】

今日又為公司隻"肥聾旗"野又癲了
等佢抄我？自己執包伏走？
放工一刻好想搵個屋企人傾訴下
第一個打返比我既係家姐，佢既心態某方面都幾好架
最起碼佢唔會被人地蝦自己，又唔會比自己唔開心
第二個打返比我就係mummy.....死啦....依家每次接mummy電話都喊一大爛餐
好似比五歲時候仲爹佢.......
佢既說話永遠都好合時宜，永遠都好安慰好舒服，就算幾唔岩聽都變得係鼓勵
我知道現在不是時候去辭工
但現在既我返工就只會頭痛，心吉吉痛，膊頭又緊張，不停大大力深呼吸
但mummy說身體健康最緊要
兩個月姐，我真的捱不下去嗎？
這算不算逃避問題啊？？？
總括而言，依家走，冬天最用得＄多，理佢唱歌，求其逗多兩個月人工？！
還是身子要緊，比自己抖抖？！
常常愁眉苦臉，哭哭啼啼，又憫又精神緊張，我想....我大概養了一堆癌細胞既ｂｂ了

>>December 17, 2007 at 5:42:35 PM GMT+8

2007 年 12 月 16 日 星期日 【晴】

今日去左"雀屎"既浸禮～真係身心好舒暢既一ｄａｙ～
恩福堂係一座好高好大容納好多人既教會，成個演奏廳咁大！
每次入去都震撼！成千人一齊敬拜！！
我第一次睇同一日同一時間有１６０人受洗！
個心真係好感恩～～好感動～～好開心好興奮好雀躍～～
今日個心情好奇怪，真的係一個罪人既心情去聽見證去聽分享.....聽到眼濕濕.....
唱<奇異恩典>時，更多人落淚..........
"奇異恩典，何等甘甜，我罪已得赦免......
前我失喪，今被尋回，瞎眼今得看見..........."

徒２：４０又講到："你們當救自己脫離這彎曲的世代"

父呀～我還記得上星期六立過既誓
何以我這星期又那麼容易給魔鬼留地步呢？我又做了絆腳石呢？！
我真的很軟弱，我的心裡真的很爛
求您給我時間冷靜重整我既生命～阿們

今日原來"雀屎"有邀請埋富仔去觀禮wor ＊0＊"
見到富仔感覺很多，由佢初信到岩岩佢講我知佢上月浸了～ｗａｗ～咁多年冇見了．．．．
回程搭巴士上，好懷念從前係CP LAND既日子～～～～～
好簡單既人，對員工好好既公司
我為咩要從溫室走出來迫自己辛苦既？？？
我不合挑戰？我不合新環境？我真的不合在獅子老虎地方下生活！

>>December 16, 2007 at 4:23:09 PM GMT+8

2007 年 12 月 14 日 星期五 【晴】

今個星期都很奔波、好勞累、情勢上精神上都感到好辛苦透唔到氣
究竟呢ｄ衰野幾時會永遠消失啊))))))))))))))))))))))))))))))
今日回來洗衫，執屋，洗廁所，大午睡～煮飯仔！！！
大家姐真係誇啦啦，四送一湯，我又添左兩碗飯啊！！！
ｎ年冇食過蒸魚～～～～～ｎ年冇飲過自己煲既湯～～～～～～～

09 Nov 2007 (Sun)
果日去左自從睇完<鐵達尼號>有經過冇再去過既油麻地百老匯睇<東京鐵塔>
WoW ))))))) 唔錯唔錯，能觸動我心令我眼淚流既一齣電影
我都好怕失去我mummy....我成日都想如果mummy萬一有咩事唔係度
我一定一定崩潰至死～mummy係最明白我心思、最了解我、常常聽我呻、常常比我發脾氣又懂tum我既最愛．
睇完戲貢左去ｍｋ食ｎ年冇食過既臭豆腐～ｗａｗ～ｙｕｍｍｙ～

11 Nov 2007 (Tue)
果日經過一日ｐｋ既工作後就趕快去睇周姐倫concert.................
um um.......比上一次差一半 －.－"
上次個位係絕對可以仆出去握手！今次．．．．．．．．
上次只係四百大洋．．．．今次．．．．．．．．．．．．
上次全程冇deadair 勁ｈｉｇｈ企大嗌大叫大唱．．．今次．．．．．．
唯一令我喪叫狂呼就係醫神做嘉賓！ｗｅｖＷＥＶ～ｙｏｙｏｙｏ！！！
二合一係台上，簡直嗌破喉嚨！連南極既企鵝，北極北極熊都聽到我地把聲！！！ｋａｋａｋａｋａａ））））

12 Nov 2007 (Wed)
放左工後孖住阿KIT妹去荃灣掃X'mas party抽獎既尿壺
ｗａｗ）））簡直攞左我lee條老娘既命！好重，行到雙腳又累 ＠﹏＠"
原來就算有＄比你任揮霍，行街買野都好辛苦！！！
一路行一路諗買咩真係頭都痛埋！加上又冇啦啦胃痛～真係命仔冇！
ｈｅｅｈｅｅｈｅｅ行完拿拿林食餐慰勞宴～ｋａｋａａｋａｋａａ
去左POKA CAE ！好滿足好ｆｕｌｌ啊））））好耐未試過了～～～～
一秋二能十足十成個婆仔咁就"dun"巴士回家了
回到家附近，每次行過果條橋，我都舉目定晴望望阿ｍｏｏｎ，冇阿ｍｏｏｎ就望下滿佈星星
大水坑真係一達福地～由心感恩～
果時"瓜皮"一家有事又係由教會朋友介紹下搬入黎住
而我又係有問題而搬埋入黎，上星期我最愛既牧師竟然做埋我鄰居了
鄰居到係正正我屋後面ｊａ！！！！誇一步就係佢家門口了！！！
由此多一樣證明，係有磁場呢樣神秘既東西！！！
不過都好，有咁多主內既人係度，感覺都好像天家～哈哈哈哈哈

13 Nov 2007 (Thus)
公司既事真係不想再多說了，希望快快手手滿一年快ｄ走
公司既政治，人事令我發瘋！
主子唔比我係公司時間做公司搞既康樂活動野，米放工ｏｔ時間lee 埋係房搞lor～
OT到19:30再孖住阿KIT妹趕去ｍｋ最後衝刺買尿壺！
當然又腳"bike"又手軟下又有一餐"慰勞飯".....ｈｅｅｈｅｅｅ
去左麻布茶房食雪榚～kit kit kit kit kit kit ＊v＊
小時候成日聽人講唔開心食雪榚會開心返，我一直都唔覺有咩特別
可能人老左，近呢兩三年每次唔開心就會食得飽飽再食雪榚，真係會開心返ga wor ＊.＊"
點解咁奇怪既？究竟係有一種chamical？定係食緊果種感覺？？我都唔知啊？！！

14 Nov 2007 (Fri)
琴晚搞公司既X'mas party
我出黎做野到依家真係未試過咁樣當著百既人面前拎住支咪比人大大聲踩，係奚落！
個心真的很難受！很難堪！
義工做的事不需要讚，但公司上上下下個個都好冇品，真係好差既品德教育，喝倒采！猛烈抨擊！左彈右彈！
做埋ｄ野吃力不討好！
我既不知所謂既主子！竟然第一個帶頭擺晒我地成組人上台！
佢全晚既小家，小器，單單打打既說話完完全全表現出佢既對人應有既態度係零分！
身為一個高級管理人竟然對我地呢班小伙子講ｄ咁既野，她真的不配！
我作為佢既下屬真的感到好羞愧！！！
星期一.................我已經知道佢又會一早召我入房噴到一面屁似的！

因為主席last day .....完左function後，我地齊娃娃去左我四年前經常到既"落屎忽台"呻呻
ｗａｗ）））去左"米缸"呀！！！梗係黎返杯Baileys先啦 ＊v＊V
經過今次事件，R-club既人齊心了很多！我亦感到好多朋友好撐我！
感恩天父放咁多小天使比我！！！
今年R-club既人會唔會係公司入面最純真最齊心既一團人呢？？？
政治耍手段既公司不合我．日日食驚風散返工乎？

15 Nov 2007 (Sat)
"有ｄ野破壞左，就會真的變了
就算真的走返埋一齊，大家既信任度，大家既態度可能不是那麼純真"
我一直都不認同以上既說話
因為我覺得大家有心走返埋一齊就會自自然然變得更好，更鞏固
但我現在動搖了......................
我自己都討厭自己，何來有說服力叫別人去愛自己呢？
從前我最接受不了別人對我說謊，現在我卻做了；
從前我不能容許自己負別人，現在我都做了．
更何況我太多問題，跟我一齊的人只會感到辛苦同包伏
愛他的，就讓他選擇令他開心舒服既決定

今早有個行動，一個人搭多幾個站，想了很多方案很多行動
最後，卻冇勇氣做出來，好多低能既想法
ｘ唔去，比人救左，會比人影相，好瘀！
ｘ唔去，訓左係到，會好痛！
ｘ唔去，見到mummy 家姐我會更心痛！
結果飛的返公司！什麼都冇勇氣！
I'm a loser !!! I'm not a good girl... I'm not a good daughter.....I'm not a good gf......I'm not a worker!!!!!
午睡時，發惡夢
夢見今早既地方，不過訓係度果個人唔係我，已經用左條紅布come住左
我腳軟到坐左係差佬既腳面，佢扶一扶我～頭都痛埋醒了

當後悔過1800後，就要汲取教訓渣好隻390
唔會再親手放走去！！！！.＼~／. 口古月

>>December 15, 2007 at 2:29:19 PM GMT+8