2006 年 1 月 12 日 星期四 【晴】

今晚去BBF.....因為到MIL生日..........兩公婆一個13號,一個14號生日....1314........真係呀~~~

一大班人,,,,....都係唔識既....算啦, 鬼叫係亞MIL姐妹咩, 都係要到此一遊既~

聽日返8點,.....兩點幾就走人啦~~

***祝MIL可以開開心心同自己鍾意既人一齊!!!!***

---你問我點解今次我去蒲會叫埋你去!? 覺得好出奇, 其實...真係唔出奇架~~
MIL你又識, 而且我去BBF都識唔到男仔架啦, 亞MIL亦都預左你會黎, 咁叫你一齊去都無咩大問題姐~
如果我同YANNY + MICKEY去蒲就唔多會叫你啦....費是你擔心時, 我又玩得唔盡興~~-------

>>January 16, 2006 at 3:36:05 PM GMT+8

2006 年 1 月 11 日 星期三 【晴】

今日放假, 同亞mil 搵左ben剪頭髮....諗左好耐, 剪定唔剪, 之後話過同亞東一齊剪既, 但諗諗下....都係剪啦, 橫掂都黎到啦~

幫我洗頭個個人問我唔洗返學咩!!?? 個個人估我得廿歲,,....老細唔好玩啦, 廿四啦, 仲20~
剪完頭髮返左屋企睇左一陣惡魔在身邊, 到8點幾又出街lu~~

colan生日, 去左加州姐慶祝生日, 又係飲芝華士!!!~~~~玩到幾點, 真係唔記啦....因為再次飲大!!!

****mil叫我唔好諗到咁長遠........唔係我想唔想諗....而係我真係好想同佢長遠....................****

>>January 16, 2006 at 3:25:04 PM GMT+8

2006 年 1 月 10 日 星期二 【晴】

今日收工就同米奇行街, 因為心情太鬱悶啦.........但求行下就算啦, 聽日又放假喎, 悶到嘔!!!
買左兩件衫, 好Q平, 兩件外套都係$40炸~~

之後約左亞東一齊食酸菜魚, 米奇第一次食酸菜魚, 但今次d酸菜魚唔係咁好食, 因為覺得好辣~
希望唔會比左個唔好既印象佢啦, 因為我想大家之後可以一齊去食架嘛!!

>>January 16, 2006 at 3:08:45 PM GMT+8

2006 年 1 月 9 日 星期一 【晴】

終於做了這個決定
別人怎麼說我不理
只要你也一樣的肯定
我願意天涯海角都隨你去
我知道一切不容易
我的心一直溫習說服自己
最怕你忽然說要放棄

愛真的需要勇氣
來面對流言蜚語
只要你一個眼神肯定
我的愛就有意義
我們都需要勇氣
去相信會在一起
人潮擁擠我能感覺你
放在我手心裡你的真心

如果我的堅強任性
會不小心傷害了你
你能不能溫柔提醒
我雖然心太急更害怕錯過你

********好鍾意呢首歌.........!!*************

>>January 16, 2006 at 2:13:52 PM GMT+8

2006 年 1 月 8 日 星期日 【乍雨乍晴】

終於等到12點, 你收工, 大家都好似無咩事咁, 但乜都無傾又點會無咩事呀
去到麥記坐, 其實都無咩點傾到重點, 原來燒賣搵過你既表姐,表弟, 亞妹出黎傾野, 話明會等你....
最近你亞妹淨係同左你講一句,.."亞哥你好衰".....唉......擺明你就係唔開心啦~
之後講出左重點, 你覺得左右為難, 一方面想同我係朋友, 另一方面又想同我做男女朋友關係....聽到咁樣....我都唔知可以比咩反應出黎..........."朋友!!!!!!!!!!!!!!!!!!!!!!!!!!!!!!!".....

之後我就扮Q晒有性格咁,好呀, 我尊重你....咁我地做番朋友啦............(覺得自己好白痴, 扮咩呀, 明明就唔係想做朋友.....無聊!!!!!!!!!!!!!!!!!!!!)

同你一齊行個陣, 我都覺得自己好ok架, 又無發癲又無喊喎~
當你真係走個陣....個心真係好唔舒服, 好有沖動坐係地度喊, 又或者坐係巴士站度喊, 但我好在都有d理智, 如果我咁做既話, 我驚比人打劫/比人打, 所以都係打左比米奇同埋亞mil講幾句

第一個打比米奇, 我一開聲講第一句野就開始喊......唉.........我知米奇好想出黎搵我既, 但實在太凍, 所以我都唔好叫你出黎....

第二個打比mil, 都無咩重點可以講, 淨係死係度喊......mil知我仲係條街度, 叫我返到屋企先傾...

之後就一邊喊一邊行路返屋企....一邊行一邊諗, 點解想同我做朋友呢?? 我唔係好到唔想無左我呀嘛,.......驚分左手之後連我呢個朋友都無埋.......定係覺得我唔係做人女朋友既材料呢?! 不停係度諗....又係度諗.....自己扮咩野姐, 明明唔想做朋友, 點解自己要應承, 唔做retention嘗試挽留呢後我好想keep住既感情呢??

行左一半路, 喊完終於舒服d, 忍唔住都係打電話比佢....問佢點解咁想我做番朋友?!~
打到比佢, 佢話佢自己個心都好唔舒服.....佢一諗起第時見到我去蒲之類野, 佢又會擔心...叫我唔好去咩!? 作為朋友.....佢用咩身份擔心. 用咩身份管我......... 佢話佢自己都好亂, 我最終都係行番佢屋企搵佢傾番清楚, 佢話聽日再傾, 基本上一日唔傾清楚, 我都唔會有好覺訓....

見到你, 我就知自己好唔捨得.....我都唔知點解會鍾意得咁快........可以既話, 我真係唔想咁鍾意一個人......
你講番你既問題出黎..... 你覺得自己好衰.....因為對燒賣唔住.....未同佢分開就同我一齊.......
其實我都覺得對佢唔住架, 但無辦法.......唔一齊都一齊左, 我真係控制唔到, 而且愛情真係無話岩唔岩.......你諗唔通我都無計......

另外......我既身份又係另一個問題........help!!! 呢個問題可以點樣解決........我唔識點幫你解決...

最終都係一齊番........但....係咪真係無問題呢??.......我真係唔知.......我唔敢諗......
我無勇氣諗同你分手會點........................

***希望你唔會再同我講分手.........!!!***

>>January 16, 2006 at 1:47:09 PM GMT+8

2006 年 1 月 7 日 星期六 【乍雨乍晴】

行路返到屋企, 訓個陣覺得無無聊聊咁, 所以決定發短訊比佢

因為我岩岩又比左面色佢睇, 佢想送我返屋企我又唔比, 死人都話我送佢返屋企, 之後自己再街路返去, 都唔知點解自己d脾氣可以衰到咁架

發短訊同佢講對唔住之類既野, 講講下唔知點解佢又講到一d野, 而佢講個d野令我覺得有d不安, 而呢種不安亦都得到cfm, 佢問我, 我地進展得係咪太快? 係咪有需要諗下我地夾唔夾呢? 我地既相處係咪有問題呢? 唉.............點解會咁樣?.....我都唔知點解........

今日返早上8點, 真係覺得好難捱, 因為心情唔知點咁....好飄忽~~ 衰在你仲要返下午4點, 未見到你, 有太多野唔cfm, 會令我諗好多野
見到你返到公司無搵過我, 就已經有d心淡....同埋好擔心係咪真係要分手呢?
終於等到你食飯, 我都好開門見山咁問你諗成點......你話無野啦, 諗通左啦~
由於有其他人既關係, 所以我都唔敢點問你野, 所以決定等你落班再傾過

>>January 9, 2006 at 1:54:34 PM GMT+8

2006 年 1 月 6 日 星期五 【乍雨乍晴】

今日第二次同jason影貼紙相, 仍然覺得好搞笑
行左一陣街就去意粉屋食飯, 係巴士站竟然見到同事jeff同佢女友, gz果然唔係好大, 咁都可以見到熟人既~

食完飯, 搭車返屋企, 我送佢返屋企, 佢都想送我架,不過我堅持想我送佢, 唔好問我點解唔比人送, 因為我都唔知點解, 真係覺得自己怪怪架, 雖然真係凍到仆街, 但我都係行路返屋企, 可以因為唔想咁早返屋企啦~

>>January 8, 2006 at 3:28:49 AM GMT+8

2006 年 1 月 5 日 星期四 【乍雨乍晴】

楊路生日去左426搞, 我同yanny都搭訕一齊去,假假地都係米奇男朋友生日去下都無咩所謂啦~
今日個DJ好似食左屎咁, d歌衰到死~
玩到點幾兩點, 佢地話食宵夜, 我同yanny都唔想去, 米奇都陪我地架,不過始終都係楊生生日, 邊有可能陪我地呀~
出到去門口, 佢地溝通上好似有d問題咁, 無啦啦又係度嘈交....
之後男有男既走, 女就坐係度.....唉.............女仲要胃痛tim.......點解會咁架.......

本身都無同jason講我去426架, 之後到走人個陣見無聊就發左短訊同佢講,我去完426宜家返屋企lu~~~

>>January 8, 2006 at 3:25:29 AM GMT+8

2005 年 12 月 30 日 星期五 【晴】

係屋企倒數幾好呀~

今日我都有打麻雀, 手神都幾好, 贏左$8x~~

一點鐘大家再出動食宵夜, 嘩~~~ 去到廣記超多人, 再去文明路都係多人到癲左, 最終去左廣記既分店打邊爐, 咁又過完一個年lu~

>>January 8, 2006 at 3:16:07 AM GMT+8

2005 年 12 月 24 日 星期六 【晴】

今日大家都係返夜..........無無聊聊咁過完x'mas~~~

>>January 6, 2006 at 10:02:48 AM GMT+8