2005 年 10 月 23 日 星期日 【晴】

時時係度諗如果我細過你, 你會唔會鍾意我呢? 如果我斯文d你會唔會鍾意我呢??
奈何你身邊已經有一個你好愛既佢lu~

>>October 24, 2005 at 6:56:14 AM GMT+8

2005 年 10 月 22 日 星期六 【晴】

尋日收工sharp走, 去左同同事行街, 咁大個女買呢樣野, 真係好緊張!!! 好想快d返屋企試下~好在返到屋企試左都係ok, 掂!!!! 有晒信心以後自己買啦~~~

行完街去左小肥羊打邊爐, 一邊打一邊傾計, 佢地仲教我應該點樣追佢tim, 點樣同佢表白~ 只不過呢個方法可唔可行呢?? 真係唔知喎, 佢地叫我不妨一試, 如果真係唔得既話, 我就應該死心~

我時時都好想同佢講我鍾意你, 你又真係無咩勇氣, 我唔想比人rej, 仲要當面個隻喎, 我想留番少少面比自己, 不過我都明既, 大家都想我快d死心, 因為明知無可能, 我仲要繼續落去既話, 只會side自己時間既姐

>>October 24, 2005 at 6:52:34 AM GMT+8

2005 年 10 月 21 日 星期五 【晴】

今日遲到左10mins, 唔開心, 唔知會扣幾多錢呢?? 希望唔好扣咁多啦


突然之間好想同你講,如果我仲係鍾意你得唔得呢?.............唔知你會比d咩反應我呢?? 諗諗下, 我真係好似未試過親口同你講鍾意你, 之前淨係send短訊比你話對你有feel...........不過都係無咩勇氣講, 因為唔想比個機會你又rej我,....... 我唔想有咁多挫敗感....

>>October 24, 2005 at 6:53:06 AM GMT+8

2005 年 10 月 18 日 星期二 【晴】

第一次係gz帶飯, 仲要係自己煮既tim, 好緊張!!! 點知....今日返早...文文又返早喎, 咁難得同更, 佢叫我食飯, 我梗係去啦.........盒飯...拎返屋企今晚食啦!!!

傻架, 多野做到暈低~ 個個都死問我,唉...無其他leader咩~ 唔好再問我野啦~~~

yanny返夜, d野又做唔晒, 都唔會咁早走, 所以就約埋yanny今晚一齊食飯, 佢叫外賣, 我就叮飯!!! 自己煮既....無話好唔好食既~~ 食唔痾就係啦!!!! 嘩哈哈~~~~~

>>October 19, 2005 at 12:31:48 PM GMT+8

2005 年 10 月 17 日 星期一 【晴】

今日放假......好無聊,雖然早上8點幾先訓, 但1點幾就已經起左身啦, 其實都想繼續訓, 但因為今日放假唔想咁side訓足成日, 我都好勤力咁洗衫, 執屋.....做呢d野個陣, 都有諗過出去行下街之類, 但又懶, 同埋自己一個人行街又真係好無聊, 所以最終都無行到, 淨係去左買送煮飯, 煲湯, 仲借左漫畫睇tim~~~ 呢d生活都幾寫意呀!!!

到6點幾, yanny打電話黎問今晚出唔出去飲野, 因為mars約出黎,人地約左咁多次,,,算啦, 去下啦!~ 10點幾出門口去左紅菲玩飛行棋, 前後拍咁, 真係幾益智, 但出去食宵夜就慘啦......玩累下家.......仲要唔比講你我他tim......又係輸!!!! 唉....仲要飲啤酒~~~ 好飽呀!!!! 玩到3點幾4點,閃人lu~~~~

>>October 19, 2005 at 12:28:25 PM GMT+8

2005 年 10 月 16 日 星期日 【晴】

今日係亞4生日, 唔係香港陪佢過生日tim~~ 不過算啦, 佢都有人陪架啦~~~ 係度祝你生日快樂!!! 聽日放假, 心情好古怪, 因為無節目無悶呀!!!

最終約左mil 係梯箕食酸菜魚, 食完之後shadow問我去唔去飲夜茶, 其實真係好飽, 但見無野做, 又唔想返屋企, 所以都係去左!

去到死人edison都未到, 都唔知有無搞錯, 竟然要我地兩個搵位, 真係大膽!!! 宜家d人好好景咩!? 咁多人去飲夜茶既, 幾經辛苦終於搵到位啦~ 最岩既就係大家都係咁岩著黑色衫 (除左edison), yuko岩岩係香港買左部新相機, 即刻拎左佢部機影相, 實在太搞笑啦, 係酒樓好似傻婆咁不停影相!!~
(今次飲茶仲要咩都未食, 因為實在係太飽啦!!)

飲完茶個陣11點幾lu, 同多樂飛+shadow一齊行返屋企, 聽日放假....個心又想去玩啦!!! 知道樂樂今日返夜,, 哈哈!!! 即刻發短訊比佢, 問佢有無節目去蒲?? 之後就約左食宵夜............又係食!!! 無計啦, 鬼叫自己無節目咩~ 宵夜都照去啦!! 去到江南西吹水吧, 咁岩又見到五隻雞同埋大佬!?!? 佢地都會飲酒既?!?! 見到佢地真係意料之外~ 好耐無見過大佬啦, 差唔多一個人, 佢話keith resign左問我知唔知, 我又真係唔知呀, 佢都無講呀~~~

吹水吧2點幾3點人地就打烊啦, 我地咁就走啦, 點知, roy同路易斯撩再飲過, 算啦, 我都係忍唔到架啦, 所以又照去左西華路飲過!!!! 同佢地飲親, 次次都一定飲到天光既~ 返到屋企已經8點幾lu~~

>>October 19, 2005 at 12:44:54 PM GMT+8

2005 年 10 月 14 日 星期五 【晴】

返香港之前就已經約好左同yanny + mickey去蒲, 點知mickey要陪楊路, yanny同我就好Q悶, 非常之悶, 悶都悶死!!

>>October 20, 2005 at 6:19:12 AM GMT+8

2005 年 10 月 13 日 星期四 【晴】

又返左黎gz啦, 放左3日假都唔覺放左既, 今日返一點,返到公司都無咩工作情緒.....做下野咁又到9點鐘收工, 好Q眼訓, 不過都係公司上網到10點幾先走

返到屋企刷緊牙個陣, MIL打電話黎問我聽日返咩, 講完返早就話無野, 都估到佢約我架啦, 呵呵~~原來佢去BBF喎, 唉......自己又貪玩好想去, 咪就同佢講,你一陣去打比我啦!! 沖完涼, 搞掂晒D野都12點幾, 有D想訓又有D想玩之間..........都唔知去唔去好...所以就咁發短訊比佢,話如果佢去既話就打比我, 之後就即刻訓覺lu~~~~~~~~~~~

>>October 15, 2005 at 5:56:38 AM GMT+8

2005 年 10 月 12 日 星期三 【晴】

今日先去自由行左一陣, 再去埋"生資堂"個度免費化左個妝,,,...效果.....化完等於無化, 仲買左mask tim, 不過算啦, 為左自己可以靚d錢都要用既, 買完晒野就去搵ada,子妮佢地食飯啦

今次食飯地點呀,pizza hut,因為我太耐無食過啦, 係gz d pizza hut勁少野食揀既, 今次返黎一定要食!! 去到得erica到,叫埋野食等左一陣佢都黎埋lu~~

都ok啦, 都係聊下天咁, erica好勤力呀,到宜家都仲讀緊書!!! (比十個叻佢) 諗番轉頭讀左佢都3年啦, 我覺得佢變化幾大下而且識諗左好多, 唔係個個都可以諗到咁長遠, 之前由莎莎轉到做文職, 由之前既咩都唔識, 到宜家咩都識咁(雖然唔係好熟, 但略懂皮毛已經唔錯), 岩岩佢又報左名讀書lu, 聽你地個個都有讀下書咁, 我都有自問係咪應該自我增值一下, 問完----ans: 唔想!!! 因為我知自己都無心讀, 無謂side錢啦~~~呵呵~~~ 大家傾傾下, 原來子妮都想讀下書喎~~~ 雖然我唔想讀書姐, 但我都好鼓勵我既朋友讀書!!! 如果真係想讀既話, 就砰砰聲拎d資料睇下啦, 到之後冷卻左d情緒又會懶得去報名架啦~~~

聽佢地講,hold左1號off,有機會北上探親, 咁我都未諗定點安排先得~~~

食完飯,影左幾張似自由行既相, 子妮同ada就走人先, 我就同erica去左飲野, 再次傾左一計, 互相讚美一番咁啦~~嘩哈哈!!!!

見到各人安好,我都放心d~~

**迪迪,傑傑, 唔知下次見面係咪會係gz呢??**

>>October 13, 2005 at 7:22:43 PM GMT+8

2005 年 10 月 11 日 星期二 【晴】

成日都呆左係屋企......呢d休養生息既生日幾舒服, 不停咁上網發下貼咁~~

>>October 13, 2005 at 7:24:12 PM GMT+8