2005 年 12 月 23 日 星期五 【晴】

一起身就唔舒服, 個喉嚨勁乾!! 唉......今日仲返一點, 仲諗住去蒲架嘛~~ 唔係唔去得呀嘛~~~
返到公司就話米奇整親隻腳, 唔係咁鬼黑呀嘛

難得捱到放工, 東東就要返夜, 其實我都好唔舒服架啦, 但我就真係唔想自己一個人返屋企等東東佢收工黎睇我, 所以我都係決定左去feel net等佢落班....好快姐...佢落一點~~~

去到feelnet.........help!!~~~ 好辛苦呀, 點解d時間過得咁慢, 又發燒......快d到一點, 東東快d接我走呀!!!!
見到你個一刻, 我先覺得有番d做人既感覺!!!!!!!!!!!!!!!!!!!!!!!!!!!!!!!!!!!!!~~~
唔好再病啦!!!

***第一次收男朋友既聖誕禮物, 雖然你陪唔到我倒數, 但我有你已經覺得好幸福***

>>January 6, 2006 at 10:01:17 AM GMT+8

2005 年 12 月 22 日 星期四 【晴】

今日大家都返夜, 慘啦, 聖誕禮物都仲未買比咖哩大王tim, 點算呀, 第一年同佢過既聖誕無理由咩都唔送架~~~

咖哩大王既手提竟然壞左tim, 我聽日仲要去蒲架, 你點搵我呀~~

>>December 26, 2005 at 10:55:02 AM GMT+8

2005 年 12 月 21 日 星期三 【晴】

今日冬至, 同左亞西+咖哩大王去左小肥羊打邊爐過冬~

平靜的一天!!!

>>December 25, 2005 at 4:40:12 PM GMT+8

2005 年 12 月 20 日 星期二 【晴】

今日係公司X'MAS既大日子!!!
一早起身有好多野要做呀, 真係好鬼死趕, 因為咩都未做~

十二點幾出門口打的去一德路買野, 點知上左架NOW佬車, 個條賤人竟然唔7識路, 嬲到我死呀!
死人咖哩大王又唔識鬧佢, 整到我又用D屎到鬼既國語鬧個的士佬, 真係火到黎DO埋呀~~~

買完野之後又去左狀元坊買襪啦, 著Lolita梗係要襯番晒成set先得既, 買完襪先後又要買埋電話繩先得, 因為之前用開個條係粉紅色既, 唔多襯, 所以就咁買左條黑色手機繩就算數啦~~
到行到出去, 見到有d賣花邊既舖頭, 即刻入去買左碼半花邊綁住個手機, 嘩!!!~~ 即刻靚晒~~~

買完野陪咖哩大王返公司綵排, 去到都唔捨得走, 因為我真係唔知去邊度化妝好, 又驚化得肉酸喎, 總之就好擔心啦, 所以坐左好耐都唔想走!!

磨左好多, 差唔多兩點幾三點先搭車返屋企換衫, 返到屋企換衫個陣, 咁岩pat + yanny + mickey + shadow黎左試衫, 我就換完套衫問下佢地意見啦, 佢地都話得!! 即刻有晒自信~

換完衫已經四點啦, 之前仲應承左咖哩大王5點幾去到花園酒店, 真係死得, 頭又未set,妝又未化, 甲又未修, 點算~~~~~

一落樓即刻打的去地王廣場執番個殼先啦, 都無乜心水舖頭, 之前都未試過出黎化妝既, 都未人去過喎, 不過因為趕時間, 死就死啦~ 是但搵左一間化妝既, 不過佢間舖頭無得修甲, 而我本人又好趕時間, 所以同化妝個個女仔講, 幫我搵人修甲, 無咩特別淨係搽黑色就得架啦~

同一時間3個人服侍我, 一個幫我化妝+修眉,一個幫我修甲, 一個幫我拉直髮, 好平呀!!! (整左總共:$65) 整完晒d咁多野都係用左一個鐘時間, 勁!!!!
搞完晒所有野即刻飛的去花園酒店, 好在唔塞車炸~~~
入到去見到JOJO佢地, 叫左JOJO佢地一聲, 佢地竟然唔認得我, 唔係分別咁大呀嘛!!??!?! 之後叫咖哩大王出黎接我入後台幫佢地手, 咖哩大王見到我都話呢個look得!!! 呵呵~~~ 自信心即刻返晒黎~
(個個都話我好得意, 好可愛呀~~~~~ n個開心!!!!!)
咖哩大王話之前諗住我著會怪怪地, 唔多襯架, 點知我著出黎+化埋個妝個效果出黎會好咁多, 聽到之後都覺得好安慰~

恭喜咖哩大王抽中左$200大獎!!~~
唔通我真係犯水既, 個死人侍應生竟然倒左d可樂係我度....help!!!!!!!!!!!!!!!!!!!!!~~~~~~ 我今晚仲要去蒲架, 咪玩啦~~~~~ 好左套衫深色, 睇唔到炸, 如果唔係, 我真係殺左佢都有之!!

到十一點幾, 即刻叫shadow + mickey撤退去我地期待已久既節目, 去426蒲!!!!!
因為大家都話飛左d仔, 我地幾條女去蒲!!! 實在太難得啦~~

一出花園酒店再次馬上飛的, 點知楊路打電話黎, 咁咪叫mickey打番比佢囉, 點知.....原來楊路係花園酒店正門等緊mickey喎........但我地已經上左的士lu.....最終....我地繼續去426, 楊路...點樣,...唔知啦~~~

著成套Lolita去蒲真係第一次,.....咁樣著真係好似"恆"左d, 不過唔緊要啦~~ 得閒都要恆下先得既~
去到大家坐左一陣, 玩左一陣, mickey行左出去...點知一返黎......見佢帶埋楊路入黎....成個人即刻down 晒............有仔坐係度仲邊會有男仔過搭訕呀, 今舖真係蝕到pk啦~~

不過今晚都有個男仔小朋友問左我拎電話, 咁都無咁蝕, 我唔係想轉男朋友, 只不過係比個機會自己覺得自己仲有d吸引力姐~
拎完電話我都閃左lu, 我同多樂飛就去左加州紅搵同事啦(咖哩大王), 去到個陣亞西岩岩走, 去到飲左d酒就走人lu~

>>December 25, 2005 at 4:32:11 PM GMT+8

2005 年 12 月 19 日 星期一 【晴】

今日去拎套衫(lolita), 去到我問咖哩大王件衫如何?!....佢話手工麻麻.....我真係好擔心呀........
仲要多樂飛衫都未做好, 老板娘仲係度趕緊工, 我套衫就搞掂啦, 不過聽到咖哩大王話套衫手工唔係好得, 我連睇既勇氣都無....好驚著上去好核突~
見到多樂飛個件著好靚呀, 好羨慕呀~~

咖哩大王就幫我件衫係度剪線頭, 我都話我剪架啦, 不過佢話剪呢d野對眼好累架, 所以成套衫既線頭都係佢剪.......

當多樂飛件衫做完個陣, 佢就試件衫先, 等佢試完就到我試啦~
著落去都OK既, 不過就真係大件左D啦, 如果件衫整體上細件番D會好好多~

搞完晒所有野都8點lu, 乜野舖頭都關晒門, 想買手袋又唔得喎, 諗住買過電話繩又買唔到...
聽日x'mas party點算呢?!?!~~~~

>>December 25, 2005 at 2:10:46 PM GMT+8

2005 年 12 月 18 日 星期日 【晴】

今日佢落8點, 我收5點~
之前諗住同shadow佢地行狀元坊, 但好多野未做完, 又有d想等佢收工喎, 所以都係唔行街lu

shadow打比我話今晚食飯, 唔比帶男朋友, 所以我都係自己去炸~
去左意粉屋食飯, 都係傾d 8婆野, 同埋我同多樂飛都好擔心套衫唔知會做成點~~
原來yuko唔知我已經同左咖哩大王搭上左.....佢問我點解會揀gz既男仔??
我覺得鍾意就鍾意無話佢係咪廣州人
又問點解會揀個細過自己既男朋友
我覺得佢完全照顧到我呀, 細過我都無咩問題既~

>>December 25, 2005 at 1:37:32 PM GMT+8

2005 年 12 月 17 日 星期六 【晴】

非常之有幸福既感覺!!!!!!!!!!!!! 希望之後一直都會咁樣

今日返一放九, 佢返夜, 佢返屋企先, 返到公司見佢拎左一大袋野, 個袋入面除左有佢盒飯之外, 仲有愛心飯盒比我架~~~~呵呵~~~~

係佢親手炸既雲吞一盒+愛心蘋果(呢個先係傑作-------去左蘋果皮仲要切埋粒)

多謝你對我咁好, 我唔會辜負你!!

>>December 24, 2005 at 5:52:09 AM GMT+8

2005 年 12 月 16 日 星期五 【晴】

同咖哩大王順利拍拖一個月, 值得恭喜!!!!!!~~~

再次辛苦咖哩大王, 今日佢放假, 返左公司OT由10點開始, 到一點打比我問我係邊, 我都已經唔好意思架啦, 因為當時我仲係屋企, 之前叫你黎接我車既, 知道自己3點幾都應該都返唔到GZ, 所以都係叫左佢O多一個鐘, 點知, 我最終四點幾先返到gz, 要咖哩大王係廣州東站無聊咁等左我一個鐘, 真係n個唔好意思呀~~

>>December 17, 2005 at 4:42:55 PM GMT+8

2005 年 12 月 15 日 星期四 【晴】

今日好趕呀,要返hk聽日又返gz訓工~~~!!!

第一次日頭食酸菜魚, 今次去楊箕食, 因為近d呀嘛, 都係無江南大道中個間咁好食~(當然都係咖哩大王陪我食啦, 諗住叫埋mil, 近佢屋企呀嘛, 不過佢話唔得閒就算啦~)

咖哩大王返5點, 我就送佢返工, 佢送我搭車, 因為我搭直通巴士, 個站就係公司隔離, 都幾就腳呀!
之前講過下想買個煨番薯食, 因為驚等車無聊, 有d野食下都好呀~不詔最終都無買到, 因為佢要趕住返工, 而且我就無散紙, 得$20, 費是拎$20買一個$1既番薯啦, 好似玩野咁~
佢陪我去到買飛個度, 之後又急急腳咁返公司lu....

當我好專心咁睇緊去澳門既詳情, 突然係我眼前就袋野出現, 竟然係咖哩大王拎住個番薯比我喎, 比完我之後,我一句野未講我又閃左去................好開心!!! 好有我心呀!!!~~~


返到香港已經係9點, 砰砰聲碌去同婆婆食飯, 食完已經十一點幾lu, 慘啦~~~ 仲話諗住買份聖誕禮物比咖哩大王tim, 已經乜q都未買,買條毛咩!?~ 點算!!!!!!!!!!!!!!!!!!!!!!!!!!!!!!!!!!!!!!

今晚等巴士返屋企個陣,...同左亞爸亞媽講有男朋友~~~~~

>>December 17, 2005 at 4:50:48 AM GMT+8

2005 年 12 月 14 日 星期三 【晴】

今日浸完溫泉就返gz, 返到gz同咖哩大王既朋友一齊食飯~

一早已經同左咖哩大王講我有下場, 因為roy生日, 我要去, 佢同roy又唔熟, 所以我都係叫佢差唔多時間先黎接我走, 奈何佢個fd又有下場, 咖哩大王又唔肯返屋企喎......唉.....唔通我又要佢咁賤格係條街都遊蕩咩~ 最終我都係帶埋佢去金螞蟻唱k, 咁樣我又唔駛擔心佢唔知行左去邊, 佢又唔溉擔心我飲左幾多酒啦~~~

>>December 17, 2005 at 4:56:37 AM GMT+8