2005 年 11 月 20 日 星期日 【晴】

今日返一點, 咖哩大王收4點~
都已經有d肚餓架啦, 但又要briefing喎, 到你17:30要去五月花聽thomas briefing, 其實我都好想你陪食飯架, 但得個幾個字時間, 我覺得好趕, 咁倒不如唔好去食!! 一早就話你好錫女朋友架啦, 聞名不如見面, 雖然走左去聽briefing, 你都會不忘發短訊問我食唔食野, 都好開心!!

不過雞翼仔就慘d啦, 係我到左外賣個陣問我野, 即刻發佢脾4, 因為實在太肚餓啦!!~~ 一肚餓就忍唔住要發脾氣~~~

等到9點, 你等我收工, 我地去左周記飲夜茶,第一次去,d野食真係幾ok呀!!! 坐得又舒服~~~
飲緊茶個陣....係出面竟然見到同事tebby,.....擔心比人知道tim,,,,,....(我唔想公司d人知, 就算佢地問我都好啦, 我都係唔會認架啦, 因為太麻煩啦, 唔認會好d,....所以我地都係似偷情)

****你之前同我講唔記得帶銀包, 因為太趕出門口搵我, 所以懶得返上樓拎銀包, 我講笑咁講, 你又知真係唔記得帶, 唔比係唔見左咩!?!?! ,,,,,...再一次証明我係一個幾烏鴉口既人, 你今日同我講---- 真係唔見左個銀包,...仲要拎左$500出黎,,,,,,,,,,你仲要話唔肉尺....最肉尺係唔見左張羊城通(即hk既8達通), 陰公.....$500呀!!!!!! 比我實肉尺死呀!!!******

>>November 24, 2005 at 3:26:15 PM GMT+8

2005 年 11 月 19 日 星期六 【晴】

今日係咖哩大王Jason生日, 佢今日放假,...奈何我返夜, 陪唔到佢過生日tim~

不過我都好識做, 同佢食完lunch之後, 知佢要返學校影相, 我都陪佢返學校, 之後再連人帶滾碌番公司!~

好在佢無陪我返公司炸, 返到公司樓下見到燒賣同埋pinco一齊走. 當然just to say hi啦~唔知係咪自己身有屎呢!?~ 梗係覺得燒賣好似知道d野咁.......

返到公司我就發短訊同佢講,我今晚食幾點都得, 應該食7點幾8點啦, 因為落一點唔想食咁早, 你就話宜家返黎公司陪我, 都幾sweet架!! 你6點幾就碌到返公司陪我lu, 其實都知係幾無聊架, 你又無咩做咁, 不過我又好想你陪我喎, 所以唯有鬼鬼祟祟咁陪下我啦~

因為我今日收一點, 你聽日返早上8點, 你硬係要接下收工, 如果我真係準時收到工就話無所謂姐, 我又唔係喎!! 幾經辛苦先說服到你返屋企訓下覺休息唔好接我收工~

不過我都知咖哩大王擔心d咩既, 你驚我又同路易斯佢地食宵夜呀嘛, 知我食宵夜就會飲酒呀嘛, 擔心我食宵夜飲大左嘛......你既擔心我好開心, 因為有人關心自己呀嘛!!! 所以今晚有兩個人約我唱k, 3個人約我食宵夜我都rej 左, 因為我知你一知我去左食宵夜/收工去玩既話, 你一定會碌出黎, 驚你聽日返8點無精神, 所以我都係捨棄去玩既機會啦......................

>>November 24, 2005 at 3:08:15 PM GMT+8

2005 年 11 月 18 日 星期五 【晴】

今日係KEITH生日!~ 同佢講聲生日快樂~

我落5點, 咖哩大王今日同聽日都放假, 之前已經講過19號係我既, 我會陪佢過第一個生日, 叫左等我收工, 我同佢食飯, 就到5點佢就話佢諗住同燒賣講分手.....我話下!? 咁突然呀嘛!? 好似唔係咁好喎....佢話佢忍唔住, 燒賣宜家出緊黎搵佢........我唯有係公司等佢搞掂搵我啦~

係佢話好快搞掂. 到6點幾7點個陣....打電話黎話就得既.....最抵死就係打黎同我講, 佢著住短衫短褲企係露台吹住冷風咁講數.......算!!!忍你~~~~~

等到8點幾, 開始忍唔住想走人先架啦, 因為實在太肚餓啦~~~!!! 又話就快, 愈等愈火, 幾想打比佢話我唔7等啦, 好Q肚餓呀!!! 不過見第一次過佢生日, 都係忍啦!!! 死忍....到8點9人終於到啦, 見yanny收9點, 佢又肚餓咁咪一齊去食飯~~~~~!!

一落樓諗食咩!? yanny話食酸菜魚.....我同咖哩大王都呆一呆, 又係酸菜魚!? 不過我又真係無咩所謂, 係大家都無咩所謂既情況下, 再次去食酸菜魚!!

***最重要事項: 佢同燒賣已經分左手, 我唔係人地第三者lu!! ******

>>November 24, 2005 at 2:46:17 PM GMT+8

2005 年 11 月 17 日 星期四 【晴】

今日jason返夜, 我返早, 所以今日約左文文行街~~~
唔好以為我仲鍾意文文, 我約文文只不過係諗住買禮物比jason搵個男仔比意見好d既~
宜家同文文既關係仲close過之前, 因為將d問題講晒出黎, 唔會再就住就住, 同佢既關係好似兄弟咁, 都好呀!!! 我都想要個男性朋友!!!

行北京路諗住買手鏈既. 但睇唔岩, 最終買左護腕比佢, 原來d護腕好靚架, 幾想一次過買晒佢呀, 不過比文文制止左最終買左一對+1個~ 買完之後又諗起上次行街個陣佢睇緊個陣nike膠手帶, 諗諗住都係買埋佢, 係文文既帶領下又返去流行前線買手帶, 有平有貴, 諗住唔好咁重本買d cheap cheap地就算架啦, 不過自己又買唔落手, 都係貴個條靚d, 算啦~~~豪比佢啦~~~

食完飯洗完衫, 又出去接佢收工啦~ (佢落12點).........收完工之後....又諗去邊度食宵夜. 目的地仍
然係----酸菜魚~ !! 對酸菜魚我同佢都唔悶, 真係唔知點解!!

**以為自己可以大方, 點知係唔得呀, 見到佢部手機個sceen仲係佢同燒賣副相, 個一刻真係好想打7佢, 因為實在太火啦!!~~~ 哼~~好在我都唔弱, 係佢面前同文文一齊收工~~~嘩哈哈!!!!**

>>November 24, 2005 at 9:31:07 AM GMT+8

2005 年 11 月 16 日 星期三 【晴】

當大王搭上咖哩大王.................................................

我拍拖啦!!! 係咪變得好快呢?!! 我都唔知點解會咁快架, 連對象都係估唔到, 竟然會係咖哩大王jason!!!!! 又係做人第三者. 真係估都唔估唔到~~

佢都無諗過會發生得咁急...........點解會咁快一齊....我諗梗係因為我飲大左, 講左好多野, 令佢唔揀都唔得啦~
其實有好多野我都唔多記得, 但我可以咁講我飲醉個陣會係好清醒, 完全知道自己講d咩, 做d咩!? 只係訓醒左之後唔記得左既姐~

大王提要:
@你唔揀我咪算囉, 你唔要我, 我仲有路易斯要我!!! (哈哈!!!! 我聽番都笑到我PK!!)
@我鍾意你, 咁你鍾唔鍾意我呀!! (我記得你個樣好無奈咁講, 如果唔鍾意就唔會同你由江南大道中行番屋企啦!)
@蝕呀!!岩岩一齊你就生日啦, 又要買生日禮物, 我好蝕呀!!!!!!!!!!

咖哩大王提要:
@恭喜你! 你話想聖誕之前有個男朋友,宜家你有啦!
@睇排面就知你贏緊啦, d人一腳搭兩船多數都揀新歡架嘛!! (真係鍾意你講野夠直, 夠抵死!)

因為我唔得自己尋晚係點樣返屋企, 問番咖哩大王尋晚點走, 佢話由金螞蟻行去捷泰=>北京路=>沿江路=>我屋企, 聽完之後都係鬧到佢PK: 痴線架, 明知我飲大左仲要我行咁多路, 有無搞錯!~
之後就諗住係北京路佢飲完枝啤酒, 我比左第一次出黎...................就係第一次爆樽!!!!!
當然唔係爆人樽啦, 只不過係將個樽丟落地下姐~ 而我亦都好清楚咁記得前面係無人我先爆既~

都唔知點解心情會咁差, 可能因為佢仲有個女朋友係度啦, 仲要佢女友我地個個都識....因為燒賣之前都係cti都做既, 我地係7樓返工, 宜家佢女友就係9樓返工,.....唉...玩咩?! 點一齊呀!! 我驚比人打炸, 搶人男朋友~

同佢傾左好多計, 咖哩大王都同我講, 佢都諗左好多, 佢亦都同佢朋友傾我呢個問題, 佢朋友建議等三個月, 3個月之後如果對我仲有d野既話,咪飛左燒賣囉!!!~~ 點知......我會無啦啦發癲,大家都講左心個句出黎...........我都有提議咁呀.....等三個月囉, 3個月先後睇下你揀我定揀佢囉~ (妖~~~仲要扮大方都唔知想點!!!)

今日我同佢都放假, 大家都拖晒手咁行街, 但大家都時時好白痴咁係度笑, 因為好似好唔真實咁, 無諗住大家會一齊, 無諗過我地會有可能搭上!!!
由於佢有燒賣既關係, 如果佢唔拖我...我都唔會拖佢.........因為我唔想自己係應該係地面定係地下出現先岩...........而佢都好識做, 一路拖住我...........令覺得自己都唔係好肉酸,一廂情願~ 只不過到宜家拖住手一齊行緊個一刻都好似發緊夢咁........死係度諗, 我係咪真係拍緊拖呢??!!
我係咪因為想拍拖而拍拖定係因為對佢有feel先一齊呢??!!
ans: 有feel先一齊, 如果我係一個求其既人, 我諗我一早可以求其唔駛到宜家先同佢一齊

今日大家都放假.....但你今日要接燒賣收工.........唉....陪你陪到5點幾6點, 送到返公司樓下. 差唔多時間就閃人lu. 費是比人睇到啦~~~覺得自己好白痴, 陪你等你女友, 即係我情敵, 我係咪癲架!??!!!!!算啦, 鬼叫想陪你咩!?~ 認命啦!! 之後就心情低落咁搵亞西食飯傾計~~

同亞西講我同jason拍拖, 亞西話幾好呀, 亞西覺得咖哩大王一向都唔錯, 因為講得笑, 又風趣, 一定唔會悶, 最重要係: 出名對女朋友好!! 亞西問我, 咁燒賣點!?~ 我點知點呀, 呢d野唔係我決定, 而係要佢自己決定, 我唔會叫佢揀, 無謂啦, 一開始個陣就知佢有女朋友, 我硬係要同佢一齊, 係我自己有問題姐.....唯有等下囉~

>>November 24, 2005 at 9:02:35 AM GMT+8

2005 年 11 月 15 日 星期二 【晴】

今日louis生日, 佢地一早就去左食飯, 我就7點幾8點先到, 去到竟然連位都唔比我,算啦......原來....係因為我遲到.....要飲完酒先比坐...........慘!!! (一開始就連飲兩杯白酒.......仲要係肚餓個陣飲.....命苦.....不過自己都預左要飲架啦).....
估都估到路易斯+布殊會著恤衫架啦.... 為左避免佢地覺得我對路易斯既生日睇得重要, 所以我著短褲+T恤+塊面咩都無搞(睫毛液無搽.........), 淨係紮左條辮...死人樂樂都可以話呢個look得, 真係啤一聲, 玩咩!~?
而布殊就叫我嫂子tim....咪玩啦~~~~ 同佢散左好多啦!!!!! 仲咁樣叫想死呀~ 唔好毀我清譽得唔得!!

食完飯去金螞蟻唱K, 去到個陣都9點幾10點啦, 途中同jason發下短訊咁啦, 佢今日落凌晨1點, 佢話收左工黎搵我,幫我頂酒喎....聽到個陣都幾開心架!! 有人接自己喎~~~
不過佢到個陣我都已經醉醉地lu.........有好多野都唔多記得~~~

淨係記得佢黎左一陣就拖我走. 因為佢知道我再飲一定死硬~~~ 當時仲話唔走得架, 因為路易斯知道我走左既話一定斬死我!!! (真係覺得好搞笑, 我究竟真係驚路易斯定係想繼續飲酒呢? 真係唔知!!)

>>November 24, 2005 at 9:04:55 AM GMT+8

2005 年 11 月 14 日 星期一 【晴】

為左補償樂樂上次無食酸菜魚既關係,今日專登約樂樂食酸菜魚, 食酸菜魚梗係約埋jason啦, 佢咁鬼鍾意食喎. 問左佢今晚去唔去食之後, 佢話梗係去啦!! 有人陪食晚飯梗係sharp走收工啦~ 落去左樓上士多飲汽水, 心諗點解要飲汽水呢?? 原來等緊咖喱大王既女朋友燒賣收工......唉....由5點等到6點, 早知就同文文去買碟啦, 坐係士多個度食風, 真係發瘟呀!!!!

終於等到燒賣收工, 落到黎咖哩大王同我講, 燒賣又嬲啦, 我問嬲咩!? 原來係因為燒賣叫佢今日唔好返工, 咖哩大王死都要返, 點知我地約佢食酸菜魚佢就仆到去~ 死啦, 我同咖哩大王係咪真係有d野呀?? 我覺得好似真係有,....但.....好似怪怪地咁, 都唔知想點!!!

搭巴士個陣, 燒賣隔離有個位, 咖哩大王同樂樂叫我坐, 我死都唔坐, 真係唔知點解!!!!!!
有好多野咖哩大王講既係得我明, 因為係佢平時食宵夜會講既.....聽完硬係覺得好似我地大家d關係曖曖昧昧咁, 其他人又唔知喎....

去到食野個度, 燒賣話去洗手間係樂樂叫咖哩大王, 咖哩大王先陪佢去....之後同燒賣一齊揀麻辣燙......唔知係咪真係對咖哩大王有d野, 所以燒賣講/做任何野我都係覺得好唔順眼! 燒賣入番去, 又到咖哩大王出黎. 佢問我食唔食豬腦, 唉...你咁問得梗係自己想食啦, 我咪黎未試過囉, 之後就叫左兩個豬腦黎食.......(平時真係會鬼食咩~)

由於食辣野既關係, 食酸鹼菜魚我都係會飲啤酒既~~食到半路梗係猜枚啦, 同樂樂玩真係輸到死, 鬼叫佢係蒲精咩~ 驚燒賣悶, 我地玩累下家, 我就正正坐佢下家.....又好折墮地佢講親到中, 整到我成為一個巴士站,站站停...............所以我都問左咖哩大王一句, 你係咪好憎我? 所以要叫燒賣狂對我飲呢!?~ (唉.....)講講下又掉位, 但掉完位之後我就覺得有d搞笑......因為係咖哩大王坐我隔離, 燒賣仍然坐我上家......咁掉左有咩作為呢??........可能受到酒精既影響,當時好想拖住jason隻手. ....真係好想!!!!!
我去洸手間個陣, jason又去....心諗咁岩一齊去洗手間呀.......... 個心都有少少覺得佢好似專登陪我去洗水間架, 你唔好問我點解覺得, 總之我就係咁樣覺得啦~

食完飯個陣, 我同樂樂一齊走....我問樂樂, 你守唔守得秘密架?
樂樂: 呢句野我今日聽第二次
我: 下!?!?~ 咁岩..... 係咪jason(咖哩大王)同你講呀
樂樂: 係呀!!!
我就同佢講我地真係有d野, 但又唔cfm喎, 今日食飯仲要見住佢同燒賣一齊喎, 真係好鬼淹悶~
樂樂都話算吧啦, 唔好諗咁多啦~~~

唉...........我自己都係度諗, 我係咪轉得好快呢?? 之前先係文文, 宜家又到咖啡室大王....
不過我一向都係咁架啦, 而且上次同文文傾完成晚計之後, 知道大家就算真係大家對大家都有feel,我地都唔會一齊, 因為我地太了解大家性格唔夾, 而且我地都好重視既友情!!!

>>November 24, 2005 at 7:21:29 AM GMT+8

2005 年 11 月 13 日 星期日 【晴】

見到樂樂即刻鬧得佢點解個晚唔一齊出黎食宵夜+送我返屋企, 淨係掛住去turbo唔理我! 樂樂竟然話......我有鬼去turbo咩~痴線啦, 我不知幾想食酸菜魚呀, 係jason收工個陣急急腳咁走左, 想一齊去食都唔得呀! 下!?!?!?!? 點解係呢個答案既.....jason明明係話約左樂樂, 但樂樂唔出喎.....有一個謎係度......

當見到jason個陣, 我就問佢,樂樂話佢尋晚無去turbo呀, jason: 係咩!?...唔知喎.....(個樣仲要怪怪地.......唔通真係!?!?).........

明明有女朋友.....仲要係頂頂大名既咖哩大王喎.......應該唔會對我有d咩架,,,.....但我真係想有d野既.....因為佢都真係幾唔錯!!!

今晚約左大佬同埋5隻雞食宵夜, 好耐無見lu, 大佬竟然食煙!?!? 不過我無問佢點解無啦啦食煙, 費是問完佢之後以為我好關心佢咁點算, 都係唔好啦!!!
大佬上次去澳門輸左千幾二千蚊, 我已經鬧到佢pk咁滯, 我話鬼叫買隻錶比我/手信, 我都識講句多謝呀. 宜家輸q左乜差都無, 算點~
不過大佬話錶呢d野有拖無欠喎~~~ 聽住先啦~~

>>November 24, 2005 at 7:33:51 AM GMT+8

2005 年 11 月 12 日 星期六 【晴】

對住你,我覺得好自虐...........好想對你好, 但明知你唔鍾意我, 點唔知為咩?!
食飯個陣, 你話: 死啦, 5 - 9 號唔可以hold off/ vl, 我仲hold左 5+6 vl同埋off tim
我: 去玩呀? 邊度呀?
你:去澳門呀, 仲約晒人tim
我: 邊個呀?? 記得手信~
你: king + miko呀, 我唔鍾意買手信!!!
我:無啦?! hold晒假啦, 我好想食花生糖呀!!!!!!!!
你: 同埋秦小姐囉..........
心情即刻down到極點.................................................

又要驚你擔心去唔到旅行, 仲要安慰你, 放心啦, 我會同marshall講既, followup team既roster睇下可唔可以由我編啦, 如我編既話, 我一定幫你架嘛..................痴線架, 對佢好仲乜, 佢係唔係都會去架啦, 大不了咪call sick, 佢有咩做唔出架...............

一諗起佢同人地去澳門玩(兩pair情侶,,.....好Q羨慕)............自己仲係GZ傻更更咁係度返工,......捱一個爆緊既BILLING, 我就覺得自己真係好變態~ 點解要做呢D野?!!?

>>November 14, 2005 at 6:58:17 AM GMT+8

2005 年 11 月 11 日 星期五 【晴】

文文今日call sick呀!!! 死啦....唔通陪我一晚,....就令到佢病................點算.....個心好唔安樂......(今日又見佢唔到, 唔開心!!)

**突然醒起佢尋晚話....好想嘔, 不過嘔唔出...........唔係見到我個樣就已經想嘔咁嚴重嘛**

不過我收工就即刻返屋企訓覺, 訓到十一點幾,jason又約我食宵夜, ...又碌左出去食酸菜魚, 好味呀!!!!

***點算..........好似有d野咁,,,.......但應該唔會掛.......明明有女朋友喎.............唔唔....可能都係個句: 大家心癢!!!!***

>>November 14, 2005 at 6:49:24 AM GMT+8