2005 年 11 月 10 日 星期四 【晴】

hehe~~~ 今日好期待放工, 因為諗住收工約文文去食飯. 但今日六點幾先食飯,好Q飽呀!!! 又唔知約文文去邊度食飯好, 咁就問左敏容+比比既意見, 佢地都比左好多呀~ 最終決定去仙跡林, 仲要係佢屋企附近既, 咁唔會REJ我啦~~~

一收工就搭車係佢屋企附近等, 之後就行去荔灣廣場啦~ 當時都驚同佢會無咩野傾, 點知都唔係呀, 都無咩冷場真係好唔錯!!!

之後我就再次同文文講我鍾意佢之類既野, 佢亦都講左好多有關於佢自己既野, 佢都話呢D野平時唔會同人地講, 唔知點解無啦啦會同我講既, 佢話同我係同一類人, 唔唔./.....我又唔覺喎
我記得佢講話一句: 鍾意就鍾意, 唔鍾意就唔鍾意, 唔會有藉口, 當你好鍾意一個人個陣, 你為佢做好多野都好, 唔鍾意就唔鍾意, 唔會因為你做左D咩而鍾意你, 我咪話, 你講呢D野係咪想同我講炸~

當時大家好有D沉默, 因為唔知點好,~~
我都唔知自己想點, 我完全明白就算你真係會同我一齊大家都唔會夾, 但....又唔捨得放心咁! 其實我真係想狠心d唔理你, 睇下我會唔會好d, 不過都係唔得架啦, 見到你,自己都把持唔係, 死度要見下你咁, 真係cheap到嘔電~ 你都話駛唔駛幫下我, 唔搵我食飯 ,如果你真係唔搵我食飯既話, 我覺得我會好唔開心, 因為連陪食小公主都做唔到~~~ 所以都係作罷啦~
傾左咁耐, result係咩!?!?都仍然係無結果!

我好開心你知道我對你好. 了解我, 我咩表情=開心/唔開心, 咁樣証明你有留意下我呀~
最好笑就係你叫我, 喊啦, 喊出黎會舒服d, 又或者打下你會唔會好d, 唉.....就算我真係想喊, 對住你我都一定唔會喊啦. 喊出黎為乜姐?! 又解決唔到野, 而且我亦都唔覺得會發洩到出黎囉, 無謂啦~

***唔講呢d住, 都係講下個日d行程先, 同佢飲緊野傾計個陣, 我知秦小姐個晚收12點, 所以我咪問下文文駛唔駛接佢收工囉, 佢答: 今晚要呀~~~ 唉.....即刻心情低落........咁即係11點幾就要走人啦~~ 唉.......到十一點幾jason又發短訊比我問我有咩搞緊, 我咪問黎佢想搞咩囉, 佢咪提議食宵夜囉, 我話未知幾點得,到時電聯啦, 因為唔知文文幾點鐘就去接秦小姐架嘛,.....之後十一點幾去完洗手間, 返黎執下野問文文走未, 佢就話你好趕咩, 我邊度趕呀, 只不過差唔多時間接秦小姐之嘛, 如果有開口話走, 我寧願我講, 到唔想聽到你講走呢個字, 因為聽到感覺好似又比你rej咁, 唔好lu~ 但文文竟然話唔駛接, 秦小姐約左朋友, 唉........我又feel到文文唔開心lu, 不過你話唔係咪唔係囉~~ 仲好啦, 可以陪我耐d!!! (呢個機會等左幾耐先得架!!!) 我好有印象你講：　我約佢先既, 佢宜家又約左佢d 朋友, 唔好啦~~~聽到呢d擺明就會發脾氣啦, 扮咩呀~ 咁我就繼續傾計啦
jason又打黎約左louis + roy食宵夜, 佢地收一點, 我咪話到時cont啦~~~ (梗係文文重要!!!) 飲野飲到12點幾1點, 走個陣文文接電話, 秦小姐打電話黎梗係, 為免好似偷聽咁, 都係行遠d好, 雖然我好想聽到你地既對話, 但我又好驚聽到你同佢會打情罵俏, 行開d好, 終於傾完, 差唔到1點, 因為驚佢地打黎約我食宵夜, 所以我都係決定關機避開佢地.

我好開心+安心咁同文文夜中散步~~~雖然d對話有d令我好唔開心, 但最緊要起碼有長時間二人世界呀!! 行到半路你電話又響, 係roy打黎,,....死啦...驚驚.....佢打黎搵我, 仲要有6個未接來電(文文個電話係傻傻地, 完全無響過架!!) 文文講大話既技術一流 !!! 之後jason原來又搵過我, 但我都係決定消失一下先!!~~ 大家都約我唔到, 因為今晚我決定左會陪佢, 至到佢返屋企唯止........

>>November 14, 2005 at 6:43:31 AM GMT+8

2005 年 11 月 9 日 星期三 【晴】

今日第一次同你傾電話,傾左17mins呀, 平時同你講電話都係一句起兩句止, 今次咁成功真係好感動~!! 而且仲約左你聽日non office hr 食飯tim, 不過我都要好好地咁諗下同你食咩好, 我唔想你覺得同我食飯好悶, 以後都唔同我食飯呀!!!

唔知你會唔會慢慢習慣我既存在呢? 就咁同你office hr 食飯已經食左年幾啦, 我估咩都慣啦, 你食飯既地方除左堅強都係堅強, 我估除左我之外, 無咩人會唔mind啦!!! 問心,我又真係唔覺得悶喎, 橫掂食飯都伙外乎粥粉麵飯架啦, 要我諗食咩喎, 不如同你食就一定唔駛諗架啦, 幾好呀!!
我好記得你今日同我講一句, 你呢幾日有同比比去堅強食飯, 我話幾好呀, 有人陪你食飯呀, 你就話最衰我唔係度, 如果唔係就可以同我食飯!!! 都係同我食飯慣d~~ (嘩!!! 真係n個感動!!!)

但我又諗.......我開心d乜呀, 人地當你係好朋友炸, 你唔好再妄想任何野, 我點做先可以超越到秦小姐係你心目中既地位呀......(算啦....我知架啦, 唔好發夢呀嘛.......)

>>November 10, 2005 at 5:46:23 PM GMT+8

2005 年 11 月 8 日 星期二 【晴】

曾經記得有一個同事問我: 你試過真係愛一個人未?
我可以好老實咁答你未, 因為我暫時淨係去到鍾意呢個LEVEL姐, 愛呢樣野太深啦
對任何人都係從好感=>喜歡=>鍾意=>愛
去到愛呢層一定要經過相處同埋經歷先得, 如果唔係好難無啦啦愛喎

之前我亦都問過你一個問題,我問: 我比人既感覺係咪唔認真?
你話: 唔係既, 係比唔到安全感人姐...
唔認真同比唔到安全感人.....好似都差唔多........
其實我自問我真係好認真, 每次鍾意一個人我都係真心架, 我唔係d玩玩下既人!
係咪因為我分手之痛好快復原, 所以d人覺得我唔認真, 唔夠真心呢??!!

>>November 10, 2005 at 6:35:20 PM GMT+8

2005 年 11 月 7 日 星期一 【晴】

竟然上唔到網....好狠呀!!!!! 之前應承過文文會cut左i-cable, 所以我一定會做! 但宜家連網我都上唔到.....想上網download份cxl fm落黎都唔得啦....我好憎comp野, 太麻煩啦~~

其實點解我會唔想做i-cable呢? 服務質素/上網速度不嬲都唔係我關心既野, 我平時上網用到幾多個鐘呀?! 最緊要就係唔好麻煩到我, 我唔想side d時間係搞轉台既野呀~....但因為秦小姐係i-cable到做....所以我唔想用, 我唔想成為你地兩個之間既話題!

我知你都係想幫我,而秦小姐都係想關心你既朋友姐, 但我真係好唔想佢對我好, 幫我搞呢樣搞個樣, (只要提到秦小姐, 你個樣就好sweet, 見到真係想打7你!!!!)

內心好矛盾, 好想秦小姐覆我, 但我又好驚佢覆我,,...因為我唔想佢知道我係d咩人, 上次係城運會見過我, .....無論識我唔識我既人唯一對我既感覺就係,...癲左!! 無可否認我都覺得我個日癲左, 但點解呢?唔知呀, 可能讀書個陣參加運動會不嬲都係死係度叫架啦, 唔叫下邊好玩喎..... 所以當秦小姐見到我個陣, 唔知係咪自己盈住呢?? 硬係覺得好似笑緊我咁....真係唔開心, 因為做左人地笑柄! 仲要係做左情敵既笑柄, 我Q無面!!!

>>November 10, 2005 at 6:25:55 PM GMT+8

2005 年 11 月 6 日 星期日 【晴】

我好自私! 我時時都好想你同你女友分手, 但我又知道你唔會同佢分手, 個種感覺真係好無奈! 我唔想你對佢咁專一, 我想你可以分d比我, 但我又知道如果你淨係比d一我咩?! 我又唔滿足喎~

而最重要既一點呀, 我覺得同你唔夾, 我鍾意既野同你鍾意既野都唔夾既, 我鍾意去蒲, 你鍾意運動, 而我就懶過鬼既, 完全都無並同嗜好,~ 人地就唔同你, 個殼同你又襯, 又鍾意打籃球, 有共同話題先啦 ~ (我連邊個球員打邊個球員都唔知呀, 想搭訕都搭唔到呀,玩咩~)

我好妒忌佢, 佢有一個好專一既你, 但佢之前又試過好多次唔專一. 但點解你仲要對佢咁專一呢? 我好希望你會有一次唔專一, 點解會唔專一呢?? 因為我所以你唔專一. 我真係好希望!!!!!

>>November 6, 2005 at 10:04:37 PM GMT+8

2005 年 11 月 5 日 星期六 【晴】

發覺時時既生活真係好似去蒲都係去蒲,無咩特別野做咁!?~
係咪時候有d改變會好d呢? 但我係廣州唔去蒲既話又真係覺得好悶喎, 世界上果然無兩全其美~

>>November 6, 2005 at 9:34:06 PM GMT+8

2005 年 11 月 4 日 星期五 【晴】

今日同文文有約會呀!!!!!!!!好開心!!!!!!!!!!!!!!!!!!!!!!!!!
雖然今次既約會有四哥,姐夫,marshall......不過都好開心, 起碼係non office hr都可以見到文文呀!
其實都覺得自己好無聊.佢又唔係靚仔, 對我又唔係好, 點解我會咁就佢呢?
不停反問自己, 究竟我係咪真係鍾意佢呢? 定係只不過係得唔到, 所以咁著緊呢?
問左自己好多次, 但都係無result~

>>November 6, 2005 at 9:45:08 PM GMT+8

2005 年 11 月 3 日 星期四 【晴】

知道太多野啦, 宜家連曾生都有女朋友, 真係唔抵得~ 呢個我覺得佢會等得我最耐既, 點解......唉.......男人都係信唔過架, 話就話宜家仲鍾意我, 挑~~ 宜家咪同第二個一齊~ 雖則我都無諗過會同佢一齊, 只不過條氣都係唔多順.

可能我既心態就係咁賤格, 我唔要既野,我都唔想人地要~!!! (呢d咁既心態真係好唔要得, 但無計, 我都控制唔到自己呀!!!!)

人真係唔可以驕傲, 我之前都有waiting架, 宜家就idel到暈低, .....唉....點搞架!!!
都話呢d係報應黎架, 報應我之前有就唔要, 到宜家我想要啦, 偏偏就唔比我, 點算!!!!!!!!!!!
我唔想再係得自己一個人啦, 我好想搵個人陪下我, 管下我呀!!!!

>>November 6, 2005 at 9:51:44 PM GMT+8

2005 年 10 月 31 日 星期一 【晴】

一早起身, 行去酒店搵大家啦!

午餐: 農林下路 - 老班長( 食小籠包), 真係好好味!!!! 入面真係有湯架!!! good (唔記得係咪$10/10隻)
之後去左恆寶修甲 (淨係手$8, 修手+腳$20), 都幾抵啦~
下午茶: 南順食雙皮奶 + 牛三星麵 ($29)
之後再帶佢地去楊箕按摩, 因為我要返工, 所以送完佢地去我就返工lu~~~~

>>November 6, 2005 at 10:11:17 PM GMT+8

2005 年 10 月 30 日 星期日 【晴】

今日係萬聖節, 亦都係傑傑,亞郭,子妮北上搵我既大日子!!
今晚佢地六點幾七點就黎到gz, 之後就去酒店(合群酒店), book房個陣.....當時先發現原來佢地係無唱人仔架...真係啤一聲, 雖然我會照顧你地姐, 但我都唔識變d人仔出黎比大家架, 好在我都錢係咪姐, 如果唔係就真係肉酸死啦!

之後book完酒店放低埋行李, 就黎我屋企到此一遊, 大家都覺得我住緊既係五星級的家, 唔怪得之我唔返hk啦~

食飯地方: 雍雅山房(打邊爐), 路過"乙"秀公園,見到d樹全部打晒綠色燈,真係有d嚇人既~($161)
蒲點: FOX (食完飯梗係去蒲啦, 今次去就係長提大馬路既FOX啦!), 買左一枝芝華士, 同埋我d gz同事一齊玩, 希望唔會悶親大家啦($550)
食宵夜: 文明路街邊檔, 我估大家都好耐無去大排檔啦掛, 宜家比大家感受下啦(九肚魚好好味!!! $45)

最後送到大家返屋企,我又返屋企訓覺覺lu~~

>>November 6, 2005 at 9:42:22 PM GMT+8