2005 年 10 月 10 日 星期一 【晴】

今日晨早起身之後就去左拜山, 拜完山既節目就去左飲茶, 飲完茶又去左婆婆屋企坐~
又係度聽佢地不停講野....傾傾下又講到買樓之類, 我就話我諗住係廣州買樓, 因為我覺得生活ok呀, 係香港買樓..唉...都唔知要等幾耐先買到啦.....

亞媽話宜家廣州d樓價好似升緊.....唔係掛,宜家連廣州既樓都升價....咪玩啦~~~ 我得閒都要睇下廣州d樓幾錢先得呀!! 希望可以快d買到樓就好啦, 咁第時d fd黎搵我都有地方住呀!!

>>October 11, 2005 at 1:02:11 PM GMT+8

2005 年 10 月 9 日 星期日 【晴】

今日返hk應該好開心先係, 但今日鬼咁多野做又眼訓喎,應該收四點sharp走就返鄉下啦嘛, 點知....d野未做晒又唔走得住喎, 做完晒所有野走得個陣都已經係5點幾lu, 算好彩就係一路都暢通無弱, 8點3就返到屋企lu~

返到hk都係上下網咁, 最白痴既就係我係廣州打左一堆日記,我唔記得send番hk e-mail,整到我又update唔到啦, 真係十個蠢!!!

>>October 10, 2005 at 4:55:24 PM GMT+8

2005 年 10 月 8 日 星期六 【晴】

好多野做呀!!! 個個咁既manpower真係計到想死呀~ mickey今日返一放九, 無人陪佢食飯, 橫掂我都收左工啦, 咪陪左佢去KFC食野囉, 今日文文食19:50, 睇完飯更之後發覺無人陪佢食飯,我都已經估佢會唔會叫我同佢食飯呢~

同Mickey左完野上番黎見到文文比人out左出黎做side job, 佢都問我返咩,我咪話9-5,之後佢再問我食飯未,我話lunch食左, hehe~~之後文文叫我同佢食飯呀, 我又再次做陪食小公主lu

最估唔到就係文文竟然會信我同roy一齊,佢係咪癲左呀?!?! 除非我癲左+精神有問題+重大事故先有dd可能同roy一齊啦!! 最搞笑係文文話佢有都疑惑架啦, 我點會無啦啦同roy一齊, 以為係從化BBQ個陣比d蜜糖滴親癲左~~

yanny去左閘波返黎,特登約佢出黎交換下情報, 最後我,yanny,米奇3個又去紅菲度住,一坐又坐到12點幾1點, 第二日返8點, 但夜晚真係好有精神, 完全無d想訓既感覺......

傾計既內容當中: 我不停係度反省, 究竟我係咪對同一件事但唔同人會有唔同反應呢?? 如果A / B幫我拎野, 我對呢兩個人既感覺係咪唔一樣呢?? 又好似係喎, A幫我,我會覺得好幸福好感動,簡直會開心到暈到, 如果B幫我, 我就覺得係應該既, 我仲要係好Q老馮個隻tim...

我好期待我既另一半會係點....如果佢靜既話,我又會覺得佢悶 (我咁中意蒲), 佢中意運動咩, 我又無興趣, 佢鍾意去蒲咩!? 我又唔想同佢一齊去,佢好惡咩, 我遇強愈強一定要惡過佢, 佢好容易比人蝦咩!? 妖~係咪男人黎架........樣樣野都好似好矛盾咁..........我都唔知點既人先岩我~~

>>October 13, 2005 at 7:32:55 PM GMT+8

2005 年 10 月 6 日 星期四 【晴】

今日係Shadow生日!! 祝你生日快樂!!! 今日好忙好忙呀, 因為要趕兩場呀, 尋日米奇約我今晚出黎飲野, 多樂飛又話佢男友生日叫埋我一齊唱k喎~~ 但d節目又係一樣時間先死喎, 兩個都係9點幾10點, 都唔知趕邊場好~~~

一收工我就返屋企等佢地電話睇下去邊, 見無咩做就浸個靚浴,敷下mask咁, 呢d生活真係舒服!!

最終決定都係先去多樂飛個度, 因為shadow又去, 佢生日喎,一定要見下佢啦, 如果唔係唱足我一世,連佢生日我都唔去!! 去到加州紅,原來佢男朋友既朋友既年齡層面都幾廣下, 竟然有個係亞叔黎既, 不過算啦, 我都係諗住到此一遊姐, 等到十二點半,係時候閃人去搵米奇佢地啦, 臨走都估到要飲酒架啦....點知.....一飲飲3枝啤酒(細支)先走得, 飲完唔係醉, 淨係覺得好飽炸!!

拿拿聲去到紅菲搵佢地, 原來佢地3個有3個男既搭訕, 玩左一陣就走lu, 因為多樂飛佢地過左黎一齊食宵夜, 走個陣, 個個男仔原來好Q高, 唔知係咪186CM呢?!? 之後交換完電話,大家就食宵放, 個3個搭訕男就走左啦!!

到食完宵夜都三點lu, 第二日又返9點, 但又唔覺得無精神喎, 唔通我真係一隻夜貓!?~~~

其實我睇中左多樂飛一個fd架, 奈何......呢個男之前好似同過下多樂飛喎,...又係有得睇無得食, 好慘呀!!!!!!!!!!!!!!!!!!!!!

>>October 11, 2005 at 2:49:37 PM GMT+8

2005 年 10 月 3 日 星期一 【晴】

今朝十一點幾起身,,,...點解會起身呢??!! 係因為yen姐佢一起身就開電視, 我就比佢嘈聲左, 我以為成屋人起晒身啦, 點知.....係得yen姐一個人起身既姐....全屋人仍在睡夢中........救命呀,我真係好眼訓,,....yen姐你點解要咁對我, 點解要開電話嘈醒我.....當大家陸續起身,執晒所有野都已經兩點幾lu!! 仲話行天湖喎, 行乜Q呀, 曬到死, 行完都驚變黑人, 所以大家決定唔行山, 離開呢個渡假屋諗住番出面食野就回歸廣州~ 出到去都係是但食D野就算數,就咁食左d雲吞餃子之類炸, 因為我地諗住返廣州打邊爐食小肥羊, 點知Minnie竟然話佢唔去, 因為要返屋企食飯喎~ 之後就搭番車黎廣州lu

我,文文,亞吉,yen姐一齊去左小北附近個間小肥羊打邊爐, 原來d野都真係幾抵食呀, 今次係我第一次係小肥羊食架炸, 之前佢地時時都話好抵食!!

>>October 20, 2005 at 6:21:01 AM GMT+8

2005 年 10 月 2 日 星期日 【晴】

今日十一點幾又起左身啦, 陰公!!! n個眼訓, 當大家都起晒身就諗住今日有咩行程啦, 我地搭車去左一個類似小市集既物體度食飯,! 每人點一個送, yen姐發表意見話"嘩!!! 好抵呀, $5一個山水豆腐煲" 咁我地即刻話咁就叫呢個送囉, 之後仲叫左個a)螺, b)魚香茄子煲,c)大介菜,d)銅盤雞,e)山坑魚, d野食到左, 都幾ok呀, 每人叫一個飯, 只不過個銅盤走地雞無用銅盤裝,用普通瓷碟裝, 而我最想食既山坑魚就無得食, 因為侍應無落到單......(仲想話睇下山坑魚係咩樣tim)

食完飯之後就碌左出去河西行超級市場, 諗住再買過d野今晚再燒過野食, 先買野飲, 再買定杯麵驚肚餓都有d野可以食下呀! 呢個超市真係掂喎, 竟然連燒烤汁都無既!~~~ 不過都算數啦, 買完再去過街市買, 因為minnie仍然好想食生蠔, 咪去街市睇下有無囉, 點知,...當時時間係3點幾, 個街市d人好似訓晒覺咁, 無咩人架!! minnie點個魚檔老闆有無生蠔...事實係無既. 行左個街市一陣, 淨係買左一枝燒烤汁, 同埋幾枝粟米, 之後又番去超市度買雞翼, 陰公,.....竟然無雞中翼,得全翼炸....無計啦.,......只好飢不擇食.....之後minnie同yen姐再番街市入面買野, 睇下有咩可以燒黎食既.....我個人比較懶, 所以文文同埋吉吉陪我係街市出面等........等左都好一段時間....唔對路啦, 咁耐既, 吉吉就入番去街市搵minnie+yen姐.......再等多左一陣,,,....3個人出番黎, 佢地買左d金針菇, 蝦, 蜆.........之後又一齊返從化間屋啦~!!

返到去我好努力咁洗雞翼,淹雞翼!! 大家做晒野之後,又無咩做,電視又無咩好睇......慢慢個個人都碌左去訓覺啦.....訓醒個陣都7點幾, 又開始準備BBQ lu~

第一次燒雞全翼,,,....慘,叉又唔識叉, 又麻煩喎, 燒一隻全翼真係可以燒成大半個鐘都唔知食得未呀~ 今次燒金菇,蜆,蝦都幾好味, 下次燒下呢d都唔錯!! 係最後仲燒埋茄子tim, 燒茄子係我全權負責, good!!! 幾好味呀, minnie話早知買多一兩條啦, 簡直可以比美街邊既燒烤呀!!~~ 燒完野食就打麻雀, 我地無賭錢呀, 玩牙籤炸, 都唔錯呀, 因為我地都係志在消磨時間姐, yen姐就慘啦, 不停係度流鼻水, 又覺得凍喎....真係一個病人~~ 咁又玩完一day lu~~
沖涼仍然係凍水....凍到焦左....起晒雞皮係咁沖....訓得都已經係七點幾lu~~

**係六點幾收到mil既短訊....唉........又係陳生,我真係唔想mil再比陳生hurt啦,真係夠晒啦!!!!!! 佢講咩都好啦, 真係唔好再信佢, 我對呢個男人講既野完全無信心,希望你識諗啦!!**

>>October 20, 2005 at 6:20:41 AM GMT+8

2005 年 10 月 1 日 星期六 【晴】

今日一收工就即刻同埋minnie,文文,吉吉,yen姐一齊砰砰聲步出公司, 我地原定計劃係去廣源路既好有多超級市場買野去從化BBQ-->廣源客運站-->從化 (BBQ,浸溫泉,去天湖行山)--->去廣州小肥羊!! 宜家就等我講下呢4日2夜有咩做過啦~~~

去到好有多, 真係好Q多人呀, YEN姐想買2枝綠茶拎去從化, 因為佢話好平呀$3一枝, 不過比文文同埋亞吉阻止左佢, 因為我地要買好多野, 驚太重拎唔到, 最後YEN姐既決定都係比我地否決左, 買野都買得7788, 因為驚D野食會變壞, 所以要拎D冰黎裝住D野食.......天呀!!!! 黑仔到連冰到比人拎晒, 唔係呀嘛, 唔可以無冰喎, 容乜易拎到過去從化未食之前就已經壞晒架!! 好在個度D職員話好快會有冰到, 叫我地等等先, 因為時間緊迫, YEN姐就話不知買左炭先, 咁就留番我同埋文文係度等冰, YEN姐,亞吉,MINNIE就叫街市去炭, 係我地等緊冰既過程中, 因為實在太擔心唔知會唔會無冰到, 所以我都係好努力咁係一個無乜冰既雪櫃度挖D冰出黎, 仲要出動埋隻手tim, 真係要比個叻字自己先得, 好在唔洗一陣d冰就已經送到黎, '筆'在一袋包冰雪左d食物, 等緊佢地打電話比我地出黎匯合個陣, yen姐打電話黎話叫我地買錫紙同埋再袋多d冰, 因為佢買左生蠔喎, 仲叫我愈多愈好, 咁我梗係好聽話啦,不停係度'筆'冰, 足足'筆'左一大袋, 之後yen姐過埋黎搵我地一齊走, 就發現出事啦!!! 因為原來佢買既生蠔係已經拆晒d殼,得番d肉......晒Q咁多冰咩, 但因為趕住搭車, 無時間搞袋冰, 所以唯有拎埋袋冰.....(文文,辛苦晒你啦, 幫我拎埋袋冰!!!! >.<)

去到車站都咩無特別事, 我地一行5人坐岩岩好可以坐晒係最後面個一排, good!!! 因為我地個個都係第一次去從化, 所以全靠吉吉帶路啦, 佢話大約一個鐘到啦!! hehe~~ 可以坐文文隔離真係開心呀, 因為有得聽MP3, 文文聽D歌都有好多唔同品種, 最多當然係周杰倫啦!! 聽到半路, 我地不停問吉吉到站未呀到站未呀, 佢既答案都係過多一陣就到,過到一陣就到............好似比人耍既咁~~~ 好野到達目的地lu,,... 不過最嚇人既事又發生左........

吉吉:「呢度我未黎過既,平時我黎個陣條路明明唔係咁個喎.....」死得!!!!!!!!! 我唔想去到從化又要搭車返廣州呀!!!! 仲要買左咁Q多野, 好傻十喎~ 再問埋士多老闆......佢竟然話無3號車既車站......唔好玩啦, 長途跋涉咁黎到, 唔係盪失路咁肉酸呀嘛.......肥仔吉又要唔記得佢屋企地址先想死喎!!! 之後我地5個傻10就咁樣向前行, 諗住搭的士啦....點知連的士都唔多架.......隔左好一段時間終於截到車, 上車都係靠亞吉架啦, 因為我地咩都唔知, 唉......我都唔敢望出車外啦, 因為愈行愈遠, 而亞吉同司機既對話都好似無結論咁既, 大家都唔知個目的地係邊........不過呢度d的士都真係幾平呀, $5起標.....最抵死就係亞吉講完:個標好似壞左咁唔識跳個喎....講完呢句之後........事實証明個標唔係壞架, 仲要係不停跳既tim, 當跳到廿幾蚊個陣, 亞吉同司機終於知道目的地係邊啦, 咁樣我地都放心d!!! 去到吉吉屋企環境幾OK呀!! D feel就好似祈福花園個d咁, 打的士入去個保安仲問我地住第幾座tim, 只係講完之後就放我地入去lu(扮到好似守衛好深嚴咁)

一落車,傳黎惡耗......吉吉話無升降機....要行樓梯......仲要行7樓........my god~~~~聽到有d想暈, 平時叫我行7樓已經想死啦, 宜家仲要拎住d咁重既野行7樓.......唔知會唔會碌番落黎tim架....一路行....包尾個個都係我....好在有文文伸出佢既同情之手, 幫我拎埋d野炸, 如果唔係我都唔知幾時先行到上去lu, 去到門口.....又再次發生事故....吉吉竟然開唔到木門.....唔係呀嘛!?!??!~~ 玩咩~~去到目的地, 竟然係開唔到門....好在原來係吉吉太緊張姐, 最終都開到門!! 真係嚇死人呀!!~ 去到執完野之後, 見到文文玩個飛標, 咁我咪試下玩囉~ 點知一玩就比人笑到死左.....我係飛之前已經清一清場先架啦, 我都驚會整親人...一飛飛左落去無人會飛得中既地方.......飛到枝標就到地下咁滯......無心架!!! 信我啦, 第二次飛就好d啦, 我諗我係第一次飛唔熟姐!!

上左去天台, 陰公燈到無, 真係黑到伸手不見5指呀, 放晒d野上去個陣, 諗住返番屋企諗住拎埋少少野姐....點知吉吉再次開唔到門,.....今次真係唔係緊張啦, 我地輪住不停咁試開都係唔得.....當時真係謗惶, 因為唔知可以點樣做, 個時已經係10點幾, 大家都換晒衫著拖鞋, 又無電話又無錢....唔通真係要行路返廣州!?!?!? 好在吉吉屋企度門好輕, 最終決定由文文去撞門, 撞左兩下之後門真係開左...........不過文文好內咎呀, 覺得整爛左人地屋企既野!!! 唯有安慰佢, 如果唔撞爛既話, 我地幾個人仲折墮啦!!

發生左咁多事, 我地終於平靜落去可以BBQ啦!!!! 原來燙傷真係我Q痛架!!!Q緊搽蜜糖個陣,比D汁滴左落隻腳到,N個痛呀,仲即刻起埋水泡tim~~~想點呀, 唔好再黑落去好唔好!?!? 文文死叫我搽番D蜜糖落去就好會喎........哼哼~~~今次我死到唔信架啦!! 所以淨係用濕紙巾印下就算啦......

燒生蠔真係靠晒minnie啦, 又要包燒緊個陣又要反喎, 都真係幾麻煩! 不過又真係幾好食喎, 不枉minnie不停死係度話,最知買多一斤啦,最衰老闆娘唔肯平d賣, 如果唔係一定買晒佢.....哈哈!!! 而我就努力燒雞翼,我話如果我燒得靚既話, 我會比一隻文文食, 呵呵~~ 燒雞翼我強項啦~~~ 文文,yen,姐都讚我燒d雞翼靚呀(yen姐仲話我d雞翼似燒味舖個d tim呀), 我比左一隻佢, 而我亦都打劫左文文燒既腸仔!!!!! 我覺得好幸福呀,可以同文文相處咁耐!~~~

燒到3點幾minnie就話眼訓要黎去沖涼訓覺, 之後吉吉同埋yen姐都落埋去, 之後淨番我同埋文文係天台到, d feel幾好呀, 望住個天睇下星星(仲要係幾多個隻)...得閒同文文傾幾句計架, 感覺幾好!!

yen姐沖完涼又上返黎, 大家又傾左一陣計,突然yen姐,嘩嘩聲大叫,之後我地問佢咩事,佢就話見到流星, 我地話下次早d講呀.我地淨係聽到嘩一聲, 完全唔知佢做咩~ 不過yen姐當時淨係識係度叫, 唔記得左許願, 真係蝕左!!再黎 yen姐提議睇日出架, 文文REJ,但我就話好架, 不過最終yen姐都係look左去訓覺, 沖涼個陣....愈黎係無熱水架,救命!!!! 忍住凍咁沖啦~~~終於搞掂晒所有野,訓得!!!

*****訓覺時間已經係六點幾七點******

>>October 5, 2005 at 8:47:03 PM GMT+8

2005 年 10 月 1 日 星期六 【晴】

今日返8點, 我都仲知道起身!!! 勁勁勁~~~~ 返到公司最多都係個樣殘d姐, 不過都無咩點眼訓!!

好緊張呀, 今日約左同文文+yen+minnie+肥仔吉一齊去從化!!! GOOD!!~~~ 原先話去浸溫泉既...點知....竟然M黎......天呀!!!!!!!!!點解會咁架!!!!!!!! 不過算啦, 都係但求去下玩既姐!!!!~~ 希望可以玩得開開心心就好啦~~~

>>October 2, 2005 at 7:43:56 AM GMT+8

2005 年 9 月 30 日 星期五 【晴】

國慶!!! 雖然係中國,但都無咩特別感覺, 最多咪又係條街多d人行黎行去~ 今日仲要返一點tim,真係衰呀, 最唔鍾意返呢個更架啦~

今日好乖咁同左0030既同事做左coaching,感覺唔錯唔錯, 終於覺得自己有做到d較為有用既野!! 不過就差左收工啦... 同同事傾完到10點先走, 返到屋企打比yanny睇下有無下場, yanny原來已經去緊426當中, 我咪同佢講我沖埋涼就出去搵佢

11點幾出門口出發去426, yanny話已經有一個fd走左lu, 第一次見yanny既朋友仔,佢地就話我好細個, 好似中學生咁, 呢個樣係扮出黎既姐, 平時返工個陣邊會咁細個呀!! 玩緊個陣有兩個男人搭訕話一齊玩,咁咪是但一齊玩囉~ 之後佢地話轉第二張檯, 嘩!!! 第二張檯真係唔掂, 迫到媽媽都唔認得, 企左一陣之後即刻連人帶滾咁出左去, 咁鬼迫好有衝動返屋企, 不過出左黎無理由咁快返屋企架嘛, 咪send msm比mil睇下佢有咩搞囉~ 唔駛一陣佢就已經打電話比我, 話同龍靜去緊FOX問我黎唔黎, 我話睇下點先啦~~ 隔一陣打番比yanny問佢o唔ok?? 我話個邊太迫, 我轉場玩,所以好快咁就閃左人去fox lu

去到FOX,MIL話個個朱古力係hk人,,...對於我黎講都無咩感覺, 咪又係咁玩, 去到主要都係諗住睇住亞mil姐, 玩到3點幾4點, 亞mil轉場去加州紅唱k, 亞mil就叫我返屋企唔係再去, 因為佢知道我聽日返8點, 驚我唔知醒起身!!! 我唔驚我唔知醒, 我淨係擔心佢識唔識照顧自己姐~

離開FOX就打比yanny睇下佢走左未, 原來佢玩到點幾鐘就已經走左, 傾電話個陣佢仲話岩岩搭訕個兩個男人原來係我同鄉黎喎(又係香港人), 唔怪得之我無興趣啦!! 宜家仲乜7呀, 咁Q多hk人黎gz玩既~~~~~~~~

返到屋企send msm到亞mil講返到屋企, 仲叫佢自己小心d, 個賤人竟然話我飲大左!!! 真係啤一聲呀, 叫佢小心d姐就話我飲大, 真係想死!!!! ( 我淨係想你開開心心, 唔好再遇到d賤人啦!!! hurt一次已經夠晒!!) 你話係CTI最大得著就係識到我呢個好姐妹, 我都係咁話! 而我亦都覺得你同colan拍拖既好處就係令我同你熟, 講真, 如果你唔係同左colan一齊既話, 我諗我都唔會同你識~ 所以colan都終於做番一件好事!!!

未識mil之前覺得佢個人唔係咁好, 又爛口又爛蒲, 基本上唔係一個好人, 但之後識落左之後, 傾左好多計,亦都經歷好多野, 都令我對你改觀左! 雖然佢都仍然又爛口又爛蒲, 但我知佢同我一樣, 大家都係咁直, 有個句講句講, 唔駛估估下已經夠好啦!!!!!!

衷心祝福你快d可以搵到你既幸福!!

>>October 2, 2005 at 7:39:46 AM GMT+8

2005 年 9 月 29 日 星期四 【晴】

訓到點幾鐘....突然唔想再訓覺, 雖然個頭仲係好wing, 去左開洗衣機洗衫, ........無無聊聊等到6點幾再訓過, 訓到7點幾miffy姐打黎叫我出去食飯, .....又look左出去食飯.......食完飯好乖咁返屋企!!!

平靜既一天!!!!!!!!!!!!!!!!!

>>October 1, 2005 at 11:47:05 AM GMT+8