2005 年 9 月 28 日 星期三 【晴】

今日係team garthering既大日子, 雖然今日要返工, 但都已經不停諗緊有d咩好玩, 應該著d咩衫去,~~有得去蒲就特別緊張!! 一放工即係叫yen陪我屋企執番個殼先, 絕對唔想用返工個個look去蒲~ 返到屋企都差唔多七點, 死得......仲話7點食晚飯喎,一定遲到啦~ 無辦法, 都係執殼大過天, 搞完晒所有野都8點lu, 即刻打的去啦, 雖然一早知道紅城係食四川野, 多數都係辣架啦, 去到佢地都食得7788, 見到d送頭送尾一睇個樣就知道好Q辣, 我同yen都唔係食得辣之人, 所以最終都淨係叫左一野送姐, 因為都無咩特別野想食...食完又到下個節目......下場就係Baby Face西宮~!!

食完飯就打的去啦, BBF去就去過好多次, 但BBF既西宮就真係第一次去, 感覺無乜特別啦, 去呢D地方都係飲酒玩下既姐!! 大家到齊之後, 連MIL都到左, MIL就話「妖~黎到呢D地方梗係同D唔識既人去架啦」所以佢一野就拉左我去同樂樂D FD一齊玩, 都係咩呀, 因為有幾個人之前都見過,略略都識只不過係唔熟姐!! 不過原來樂樂D FD都幾高下, 差唔多個個都有18X CM高~~ 最搞笑同埋我覺得開心既就係我既好姐妹MIL同埋YANNY好撐我!! 首先MIL一黎到就死係度話,河童好Q樣衰, 我想打7佢,又話佢D頭髮好西肉酸.....我知佢講呢D係想支持下我, 之後MIL就話要同傻強玩, 一定飲死佢!! 哈哈~~~~ 傻強又邊會係你對手呀!! 之後你同YANNY parter玩, 你唔會令我失望既!! MIL「我同Yanny已經玩死左個對姦夫淫婦啦」 哈哈!!!! 一個傻既, 一個河童黎既, 又點會係你對手呀~ 玩到十二點幾, mil就提議轉場玩, 我梗係轉啦, 因為你之前話去Fox架嘛, 呢個場我時時都好想去, 因為岩岩新開, 想去見識下, 你叫我自己去,我就唔會去架啦~

一出BBF打的去另一目的地Fox!! 去到....首先行一條樓梯,,,,...飲大左都唔知點算!!! 黎呢個場一定要好小心先得!!! 轉呢個場係同埋樂樂d fd黎既, 想叫Yanny黎埋, 不過我話睇定d先, 一陣好玩我先叫埋佢一齊過黎!! 去到...唔覺有咩特別, 淨係新少少,d歌都唔覺有咩特別, 算啦,都係繼續飲繼續玩! 玩到點幾鐘,yanny就發短訊黎話宜家過黎好唔好, 我就話你宜家過黎啦, ok既~ 點知原來有6個人一齊黎, 不過都無咩所謂啦, 大家都係至在玩下姐!! 等左好耐,,,..都唔見....終於打電話比我話到左.....咁我咪落去接佢地囉, 點知......唔好話的士, 人都唔見一個, 佢竟然話...係盤福路....HELP!!!!!!!!!!!!!!!!!!! 我幾時話過FOX係盤福路呀!!!~~ 我係話426前少少之嘛.......唉.....佢地又再次打黎過番, 我又要行過樓梯啦......又驚佢地到,所以唔敢去洗手間, 急到想死.....再次打電話比我話去到紫醉K迷, 我咪又即刻落去囉. 死等爛等.....等到MIL話比我聽, 樂樂D FD話轉場去新冶, 因為係FOX唔係咁好玩, 酒又飲晒,. 我話唔知呀, 佢地到宜家都未到, MIL到落埋黎話佢走啦.我咪叫佢幫我等左先.我真係太急要去洗手間!!! 去完佢地終於到左. ......原來佢地又行錯路, 架的士又去黎BBF,真係唔知想點..... 因為大家都落晒黎, 咪決定去426/新冶囉!! 最終決定都係去我最唔鍾意既新冶.....

去到新冶,,.....嘩!!!! 多人到癲左!!!! 又嘈喎,耳都就黎聾咁滯~ 玩玩下都玩到差唔多5點幾6點.....我同yanny行路返屋企個陣, 佢地打電話黎話不如飲早茶....又去左飲早茶.....第二次咁早飲茶,,,,..真係多亞公亞婆既姐.....突然覺得自己好後生!!!~~~~

飲完茶七點幾8點....終於返屋企lu....一返屋企即刻死訓!!!!!!!!!!!!!!!!!!!!!!!!

好累呀!!!!!!!!!!!!!!!!!!!! 好失敗~最終都係識唔到男仔!!!

>>October 1, 2005 at 11:44:55 AM GMT+8

2005 年 9 月 27 日 星期二 【晴】

約左mil食飯, 唉...一見到佢. 佢就話我爛面, 真係好過份~~雖然呢個係事實.....我都無辦法架, 我諗緊係工作壓力大啦~ 真係蒲得太少所以整到我爆瘡!!!! 聽日team garthering,希望可以玩得開心d就好啦!!!

>>October 1, 2005 at 11:47:50 AM GMT+8

2005 年 9 月 26 日 星期一 【晴】

亞西又返左黎gz, 佢返gz仲多過我返hk呀, 唔講都唔知佢真係返左hk center做野呀, 不過見到佢都好開心, 因為佢本身就係一個開心果咁, 不停講埋d搞笑野又或者賤格野咁, 好抵死呀~~

HELP!!!!!!!!!!! 竟然失眠,完全無訓過覺就返工啦~~~~~ 仲要好有精神,一d眼訓既感覺都無~~~

>>September 29, 2005 at 6:52:03 AM GMT+8

2005 年 9 月 25 日 星期日 【晴】

今晚同yen食飯,傾傾下計話不如今晚食宵夜, 好, 好耐無同過趙恩欣食宵夜啦!! 我提議食燒烤/麻辣湯, 佢都同意~~期待ing,我實在係太鍾意食啦, 又好耐無食過咁!!
到左一點終於收工, 不過搞呢樣搞個樣都差唔多兩點鐘先走, 去到太平沙都唔知去邊間食好, 次次去親都係佢地揀去邊間既,到要自己話事真係有d困難.最終都係是但去一間算啦, d野食麻麻啦,無咩特別, 都係但求大家食下野吹下水姐...今次食宵夜又食到四點幾啦...返到屋企沖埋涼到成5點幾6點先訓...好耐無試過啦~~~~

今日最開心就係做聽左0030少少press case!!!! 要繼續努力!!!!

>>September 27, 2005 at 12:51:46 PM GMT+8

2005 年 9 月 24 日 星期六 【晴】

今日又可以同文文食飯啦,真係好呀!! 不過都係因為我使橫手既關係姐, 本身編左文文食12:10架, 不過我唔想食12:10呀, 所以就私自調左佢食13:20, 呵呵~~~ 用咩手段唔緊要,重點係...我達到目的呀嘛~~

回憶緊...我同人分手個陣有無喊過呢?? 好似真係無喎, 文文話我咁即係愛得唔夠深囉, 我就答係咩?!?!唔喊唔代表唔深架嘛, 只不過我覺得愛情我係睇得重, 我亦都好想拍拖, 但除左愛情之外我仲有其他野呀嘛, 我好易喊, 但唔會為愛情而喊~ 但諗深一層究竟係我真係愛得唔夠深呀定係我真係咁堅強呢??!! 我鍾意一個人個陣時真係會鍾意到癲左, 但到唔鍾意個陣可以完全對佢一d feel到無, 有時會覺得咁樣唔錯, 但有時又覺得好似唔多好咁, 比人既感覺玩玩下咁, 鬼叫我性格係咁咩?! 算啦~

聽日又返夜啦, 好悶呀, 好想去蒲, 但又眼訓, 去唔去街好呢??!! 最終決定都係唔好去啦, 休息下啦,費時個樣會愈黎愈殘,,,,,,,,............我想個殼可以好番d呀~~

>>September 26, 2005 at 1:03:03 PM GMT+8

2005 年 9 月 23 日 星期五 【晴】

晨咁早又起身準備返工啦, 好眼訓呀~~HELP!! 返到公司,竟然係我做CIC, 我有無睇錯?!?明明係KIM做CIC喎....再睇個ROSTER....真係我做CIC....N個無奈.....算啦....做就做啦, 總有第一次做夜晚ACD repot既~ 點解人做cic我做cic,我會做得咁折墜架, 又要online又要覆客, 仲忙過平時~
食飯個陣miffy姐問我今晚去唔去宵夜, 但最終都無cfm去定唔去...因為聽日又要返早, 同埋好似有病病地咁,,,..如果miffy姐打黎我就去啦, 如果唔係都係算數啦, 比個機會自己休息下好過啦~ (最終佢都無打黎, 等我乖乖地返屋企訓下覺休息下啦~~)

唉...都唔知今批d新同事係邊個請番黎架, 個殼唔得都算啦, 連內在都一樣咁差, 完全唔知想點囉! 有一個新同事死問我野, 我諗唔係得我一個leader呀嘛, 唔好係又問我唔係又問我得唔得!!! 仲要衰到比張紙我叫我幫佢fax fm既, 佢係咪痴左~~ 另一個仲衰, d態度差到, 無大無細架, 一黎就叫我覆客, 完全唔識叫人架. 我都算啦,新同事你唔識叫我個名, 我都唔理, 覆既時間,佢個名又無,cont tel#又無, 又唔落CSH/followup, 想點呀?!!!? 好!!!! 我自己覆完個客,再叫佢落黎d comp,轉個身走, 竟然大膽捉住我問我點覆個客!?!?~~ 小姐,,,,你想點!??! 我有好多野要做呀, 想人教你野搵其他leader啦唔該!!!!!!!!!!!!!!!!!!!!!!!!!!!!!

***希望mil身體健康!!!

>>September 25, 2005 at 6:39:56 AM GMT+8

2005 年 9 月 22 日 星期四 【晴】

今日十點幾又起左身,....好想繼續訓呀,不過又要返香港...點都要起身架啦!! 真係唔好再飲啤酒啦, 今朝不停有胃氣. 好辛苦~ 返到香港都5點幾啦,返到屋企又再出街, 真係馬不停蹄~ 同表姐同埋cheap人去左唱K, neway d野食都幾ok既, 基本上我食仲多過唱, k平時係gz都有大把機會唱啦, 都係食野要緊!!!

死啦, 好似蘊釀病tim,個喉嚨時時都覺得好乾咁~~~千祈唔好病呀!!!!!! 我聽日又返gz捱驢仔呀~

>>September 23, 2005 at 4:04:19 PM GMT+8

2005 年 9 月 21 日 星期三 【晴】

今日約左茱迪之後又要碌番去gz啦, 因為gz有個fd生日唔返唔得,但星期五又要返hk因為約左表姐食飯, 好趕好趕呀!!!!!

好!!!! 今晚返去gz蒲, 希望好玩就好啦!!!! (update on 050922 13:49)

終於見到迪迪啦, 之後當然搵地方坐低傾下計~~見到迪迪個陣, 迪迪同傑傑傾緊電話, 我得閒都有搭幾句訕架, 都係個句「忠言逆耳」,講極都唔聽, 無所謂啦, 有好多野都要自己親身經歷先得既~

同迪迪咁耐無見,真係傾左好多野, 雖然見唔到傑傑不過我都好關心佢既近況, 作為朋友,我相信應該做同應該講既,我地都講晒, 聽定唔聽, 決定權都係傑傑個度, 我亦都相信咁大個人你識點諗, 講得衰d個句「你要去死, 唔通我叫你唔好去死你就唔去咩!?」

傾左好多野有d開心同唔開心既事, 我覺得迪迪好叻!! 因為佢就算發生左咁多事, 佢仍然可以咁樂觀, 佢真係好堅強, 我都要學下先得! 迪迪精句<<我相信愁眉苦臉會影響磁場, 無論做咩事都係差d>> 為左呢句, 我要時時都要笑!!!!

同迪迪傾計真係好開心, 反而我接左一個電話我覺得好唔開心又或者咁講啦, 我覺得好委屈, 傑傑竟然驚我係佢既日記度會打一d野影響到佢同草莓既關係既野......枉傑傑平時仲叫我做大王...宜家我呢個大王仲要比佢盤, 問長問短,死問我打左d咩內容,哼哼~~~盤我到夠膽死既,我梗係唔會話比佢聽我打左d咩啦, 要知返屋企上網睇啦!!!!~~ 驚死我係佢日記度鬧到人地pk咁, 我最記得一句「驚我會破壞佢既計劃」..........我係有係佢個日記到留言呀, 點呀!!! 你打得個日記出黎, 預左有人會留言, 咁就麻煩你有定心理準備個留言有好同唔好既野! (你控制唔到人地講d咩架!!!!!!) 最重要既係......傑傑講到好似好了解我咁, 你有幾了解我, 平時我係你既日記度打左d咩令你覺得我會好激動呀, 我淨係想你開開心心姐.......點知.........你係擔心我破壞你既愛情.....唉.....心淡兼委屈........ (就算我真係打左d好激動既言詞令草莓誤會或者令草莓唔同你一齊既話, 點解你唔撐下我, 反而覺得我係度阻Q住晒?? 點解你唔諗下, 我打呢D野出黎係為左咩呢?? .....不過宜家傑傑個腦全部都係得草莓無其他野架啦,,....講咁多都side Q晒我D氣呀!!!!)

6點幾又要趕車返廣州, 嘩嘩, 真係坐車坐到呆晒~由6點幾7點,坐到10點幾到廣州終於落車, 即刻連人帶滾碌番東湖執番個殼先出得街!! 搞掂晒D野都11點幾lu, 去到Golf見到edison梗係同佢講趕生日快樂先啦, 之後再同佢講mil因為發燒唔黎得, 佢個樣幾唔開心呀!!!! >.< 無計啦, 鬼叫mil病咩~ edison由去左第二個卡玩, 咁唯有自己玩啦~Golf d歌真係唔多掂, 悶到死, 淨係得個大聲, 整到我覺得好Q嘈炸!! mickey同yanny話呢個場好悶, 因為全部都係一pair pair既, 仲要好鬼sweet個喎, 真係想死呀!!! 仲想話今次去蒲識下男仔點知....得個桔~~ 其實去到一陣已經想走架啦, 但無理由山長水遠由hk返gz就係坐個一陣呀嘛, 好傻姐, 所以都係繼續坐.... 天無絕人之路, 竟然見到亞聽同埋樂樂, 亞聽咪叫埋我一齊玩囉, 有玩得我又點會放過呀!! 玩到3點幾都係時候散場lu, 樂樂提議宵夜我放假又有咩所謂呀, 咪過左文明路食宵夜囉....呢個宵夜食到6點幾7點,真係掂!!!

最記得樂樂講, 我個朵係公司已經臭晒啦(唉....竟然要折墜到用個臭字黎形容), 但我唔會後悔, 因為我覺得我真係鍾意, 鍾意人咪追囉, 結果點樣唔重要, 最重要係我自己有爭取過, 就算其他人覺得我cheap又好點都好啦, 我都唔mind因為我就係咁架啦, 吹咩!? 不過我決定,我唔會再係公司入面搵, 我希望我個圈子可以大d, 搵男朋友都係出面搵好d~~~

>>September 23, 2005 at 4:17:38 PM GMT+8

2005 年 9 月 20 日 星期二 【晴】

今日過得好充實呀!! 十二點幾諗住起一起身去洗手間之後再訓過啦, 亞媽就話我表妹阿明今日黎飲下午茶問我去唔去, 唔...當時諗一諗真係好耐無見過阿明(對上一次見係12月), 之後就應承亞媽今日去飲茶啦! 飲茶個陣同阿明傾計,問佢係香港有咩搞呀?? 佢話好悶返工等放工,放工返屋企, 成個月得一日去下蒲咁, 我話呢d生活幾好呀, 咁有規律暗瘡都唔生tim呀! 我就話我殘左好多啦, 唉....又生暗瘡喎,簡直爛面咁! 我當然有同佢講我係gz既生活啦, 基本上我都係返工等放工, 只不過放工之後時時都想去街, 無計啦, 怕悶呀嘛, 返到屋企又無野做, 睇電視又覺得好悶, 所以時時都會搵人去街! 係gz蒲就一定多過hk架啦, 起碼係gz無人管先啦~~哈哈

夜晚約左姐姐食晚飯,d野食d ok呀!! 諗住d野會好細碟唔抵, 但原來都夠食,唔錯唔錯!!(最唔錯就梗係姐姐請食飯啦) 同姐姐傾左好多計, 最令我深刻既就係,.....佢張我既相比左分別兩個fd睇,但大家既反應都係一樣,...竟然係笑....笑完之後就同我姐姐講:「你個妹個樣好搞笑呀!!! 咁細個既, 好似13/14歲呀」請問點解會覺得我個樣搞笑呢?...點樣形容樣可以用搞笑呢??!! 真係十萬個為什麼呀!!!! 係gz公司d人覺得我似25/26歲, 但返到hk d人覺得我似13/14歲, 點解分別可以咁大??!!HELP!!!!!

同姐姐食完飯就打比迪迪, 因為太耐無見過佢啦, 又知佢好似有D事咁, 真係好擔心, 所以就約佢聽日見下面, 等我地可以慢慢詳談。 之後我就繼續係旺角自由行, 旺角果然夠旺, 竟然係hk見到Kim chan喎, 平時係gz撞到就話姐, 宜家連返hk都會撞到就係驚驚!!! 自由行緊個陣突然想約子妮出黎見下面, 我當然唔會淨係得個想字啦, 我就即刻打比子妮問佢係邊, 佢岩岩沖完涼係屋企, 我仍然好賤格咁叫左佢出黎!! 呵呵~~~~(奸計得逞)

我想買多本塔羅牌既書都好耐架啦, 我就走左去行書局, 當時都考慮左好耐, 買定唔買...最後豁出去買啦~~返到gz要好好鑽研一下, 做我既神婆茵!!

見到子妮當然搵地方坐坐傾計啦, 去左間cafe, 大家叫個杯野都係唔多好飲, 不過我個杯都還好, 子妮個杯簡直係一杯藥水....所以大家都好專注傾計, 個杯野飲完全比我地忽略!! 係傾計之前,比左我係gz d相佢睇, 首先睇我係20050829去蒲既相, 子妮既反應係「嘩!!!!」呵呵~~呢個反應係我意料之內, 因為我都覺得個晚我有d激動, 竟然會著成咁, 平時既話我一定一定一定唔會咁樣著, 但個日我非常之有沖動咁樣著,所以最終都係著成咁!! 睇完去蒲既相, 再睇番我岩岩剪完頭髮既話, 子妮既反應係「笑」, 因為兩張相實在有太大對比, 簡直好難想象係同一個人!! 唔唔, 我都覺得係!! 基本就係唔同feel, 子妮話咁樣幾好呀, 形象百變呀嘛, 咁又係,我咁怕悶,時時都要有d唔同先得既~

問左佢既近況, 佢話呢排好番d,我都放心好多. 我同佢講左好多野, 我係gz公司見到太多野, 愛情真係話變就變, 之前可以一d先兆都無架. 見到咁多野之後,我既論點就係,大部分男人都係賤格既! 當一個男人未搵到佢想要既目標個陣, 而佢又知你對佢有feel, 佢就會拖住你,keep住呢段曖昧關係, 令你覺得呢個男人係鍾意自己既, 只不過大家有好多問題未解決到姐, 當解決到個陣就可以一齊架啦!!! 哈哈, 之前我都係好天真係咁樣認為, 但宜家我知道「發夢啦!!!!! 呢個男人永遠都唔會係我, 因為我只不過係一枝牙籤, 當佢搵到佢真係鍾意既人個陣, 仲邊會記得我既存在」當佢真係同另一個女人一齊個陣, 仲覺得自己真係好Q蠢.

當然我宜家覺得自己係蠢既, 不過蠢之餘我條氣係唔順多d, 點解唔順氣, 因為呢個男之前話對佢女朋友點好點好, 轉個頭宜家咪同左另一個一齊, 妖~!! 咁Q多藉口仲咩呀!! 哼~ 佢地一日係公司, 我會繼續我既復仇大計, 直至我條氣順番為止!!

宜家終於清醒番D, 唔想再係公司搵對象啦, 唔想日日見礙我眼!! 哼~ 當我可卡茵流架, 我一向都係拎得起放得低!! 呢個唔得, 搵過第二個咪得囉, 駛Q諗咁多!!! 最緊要都係自己過得開心~~

**p.s子妮諗住係佢生日黎gz玩玩, 梗係好啦!! 我實會帶大家去蒲既, 不過最好一至四啦,平D呀嘛!!! N個期待(不如玩個制服party/校服party囉~~~)

>>September 22, 2005 at 5:36:48 AM GMT+8

2005 年 9 月 19 日 星期一 【晴】

今日係我第一次寫日記,真係有少少緊張! 其實我想寫日記好耐架啦, 不過又的唔起心肝, 我最記得我上gz做野個陣最想寫日記, 因為我想香港既朋友知道我既近況, 唔駛擔心我, 但因為係gz我無電腦無得上網, 所以就將寫日記呢個概念作罷, 點解宜家無啦啦又會想寫日記呢?! 一方面見到d朋友寫既日記(令我知道最近佢地有咩事發生緊,update到我),另一方面係公司宜家有地方比同事上網, 咁我就有機會可以上網寫下日記啦~

上左gz做野咁耐, 就快兩年lu,我覺得好對唔住我既朋友, 因為我少返香港,自然少見左大家, 我好驚大家會認為我唔記得左大家又或者會唔會你地已經唔記得左我呢?? 我時時都有呢個擔心係度, 但我係香港既時間真係唔多, 所以我好珍惜係香港既每一分每一秒.

岩岩今日返黎hk, 有個朋友同我講某人發生左少少事唔開心, 真係擔心, 因為佢係我心目中時時都係無憂無慮, 宜家佢唔開心我好希望可以同佢分擔下......

>>September 20, 2005 at 5:24:10 PM GMT+8