2005 年 11 月 30 日 星期三 【晴】

一個人既怨氣真係可以感染到其他人架!!!
尋晚去完426蒲, 本身已經累架啦, 仲要見到miko個個樣, 真衰多幾錢重!!!

菊芬名句:
@你又唔係佢, 你點知姐
@唔!!!我會等佢架
@我想要既野都無囉, 仲要其他野做乜姐

今晚如願以嘗, 去左廣記打邊爐!!! GOOD!!!

>>December 11, 2005 at 3:38:07 AM GMT+8

2005 年 11 月 29 日 星期二 【晴】

今日收工就打jason行下北京路,又諗住睇下戲既, 不過最終都無去睇, 因為都無咩心理準備!!~

之後又行左一陣就返屋企lu, 好緊張你會唔會問我今晚去邊度, 好在你估我會返屋企訓覺姐!!!~~ 我都不知幾緊張你會知我今晚去蒲呀, 其實比你知無所謂呀, 鬼叫你第二日返早咩, 一陣你又話黎接我走點算呀, 驚你唔夠訓呀嘛!!!

今晚等埋米奇收工先一齊去, 嘩!!! 去到幾多人呀, 檯都無張呀~ 算啦, 咪又係我地3個怨婦會去玩, 唔打緊啦, 之前叫菊芬一齊去, 佢又話要訓覺唔黎, 佢鍾意啦, 如果佢黎既話, 我地咪仲擔心, 佢仲唔飲得過我呀~

我都真係好狠下, 因為驚自己飲到high high地個陣會打比咖哩大王, 所以把心一橫,我就將佢個電話號碼都delete埋, 咁我一定唔會打比佢啦!!!! good!!~~~

再一次3條女飲一枝芝華士!!~~~

>>December 10, 2005 at 3:57:55 AM GMT+8

2005 年 11 月 28 日 星期一 【晴】

今朝一返工, 首先見到傻強個頭實在係太樣衰啦, 真係想爆Q佢樽!!!!!!!!!!!!!!!!!!!!!!!
之後見到yanny, 最終都係把持唔住, 同左yanny講我尋晚見到既野.................大家都諗講定唔講好......... 大家對菊花都覺得好心痛....點解會咁樣!?!?!~ 佢可唔可以瀟洒d!??! 留番d面比自己呢~

>>December 4, 2005 at 6:26:31 AM GMT+8

2005 年 11 月 27 日 星期日 【晴】

今日一收工就去左行狀元坊, 好難得呀!!!! 可以收同mickey + miko一齊落四點行街, 去到狀元坊先四點幾, 可以有好多時間行lu~~

可惜成個行街過程都係我同米奇行, 菊花就死係度發短訊, 都唔知佢想點~!! 今日買左兩隻耳環, 都真係幾靚!!! 行街係好開心既事黎既, 但係........菊花發message又發到眼紅紅,........佢同king分左手喎.......咁咪幾好囉, 唔想拖拖拉拉唔知點咁呀~~~

行多一陣就去食飯啦, 食飯個陣菊芬比$50我, 我諗住玩下睇下係咪堅既$50, 點知唔望都還好, 一望真係好似流流地喎.....我都覺得自己信唔過, 咁我咪比咖哩大王睇下有無問題啦, 佢一望就好cfm咁話真係流架......菊花仲以為我地玩~~~ 菊芬,,......都唔好再咁黑仔啦!!!!!!!!!!!!!

食完飯就我同咖哩大王走, 行到去北京路附近, 竟然見到king同左第二個一齊啦~~~~ ooooo, 同唔同菊花講好呢!!?!? 咖哩大王叫我唔好講, 因為我地都係激進分子(右翼分子), 驚我講完比mickey佢地聽會出事,(打死亞king), 我諗左好耐....咁我試下忍一忍唔同佢地講啦.......

>>December 4, 2005 at 6:22:39 AM GMT+8

2005 年 11 月 26 日 星期六 【晴】

今日miko約我地去紅菲, 見佢呢排應該唔開心,陪下佢啦~

今晚約左六點同miffy食飯, 個野d野食都ok呀, 食完就等咖哩大王收工~
我都知咖哩大王有唔開心架啦, 首先佢想去紅菲, 但我死都唔比佢去........
所以我都係等佢落班, 希望佢可以開心番呀嘛!!!

不過我個人都比較賤格, 8點個陣已經知會接佢收工架啦, 但又我唔想咁快比佢知喎, 如果比佢咁快知, 一定開心死佢, 所以我8點9個陣先send message比佢, 同佢講等佢落班!!!!~~~~

接佢收工陪埋佢返屋企, 我又要趕下場啦~~~~

去到紅菲佢地已經叫左半打清啤啦, 嘩!!! 今晚唔通真係不醉無歸, 今晚最主要目的都係開解菊芬, 原來king想散因為已經鍾意左第二個, 但菊芬仍然都係咁死心眼, 點都要等king回心轉意~~ 咪玩啦, 估都估到佢唔會返轉頭啦~ 不過佢要咁諗我都無計

之後king竟然出現接菊芬走, 唔知係咪有d希望呢??!! 不過我問king你係咪有心同番佢一齊?!? 佢無言...........咁即係點!!??!?!~~~~ 唉........真係煩!!!

>>December 4, 2005 at 6:11:32 AM GMT+8

2005 年 11 月 25 日 星期五 【晴】

今日好樣衰呀~ 第一次見咖哩大王d fd, 佢呢個賤人一早就佢d fd講我係粗口王, 有無搞錯!!!

今晚又係去食酸菜魚, 同佢d fd一齊食飯, 開始個陣我都尚算正常+斯文既, 但玩累下家開始, 我就開始發癲啦!!! 猜枚邪到死, 玩咩輸咩~

我就好似一個巴士站咁, 站站停次次輸.....help!!!~~~~ 之後難得佢有個fd終於輸一次啦, 點知唔肯飲, 激到我死呀!!!所以我都係鬧左佢.....唉........................我實在係太差啦~~ 應該扮下野先呀嘛

>>December 3, 2005 at 7:02:56 AM GMT+8

2005 年 11 月 24 日 星期四 【晴】

今日返恆亞training( new staff training), 竟然見到舊同事.......雞頭(羅偉業)...........佢個樣都係無變

覺得好搞笑............見到舊朋友..............

好緊張呀....今日講大話....呃咖哩大王tim.........好驚呀!!!!!!

返到GZ即刻執番好d個殼去426歡, 打的士去搵埋yanny + mickey, 佢地就話會乜心情, 點解呢?? 原來菊花話佢唔去, 佢要去挽留king, 發癲啦~~~之前佢又好開心咁話去蒲, 宜家又話唔去, 真係神又係佢, 鬼又係佢, 激死我啦~~~!!! 不過算數啦, 我地都係照歡架啦!!

就到426個陣, 打埋咖哩大王, 佢好搞笑呀,問我係邊~我梗係係gz啦, 咪玩啦好唔好!!! 佢都想黎一齊歡架, 不過明知佢唔鍾意呢d地方, 我梗係叫佢唔好黎啦~~ 不過佢話要黎接我, 我話無咁快架, 佢仍然都話一定要接我走, 咁就由得佢啦~~~

今日都係得我地3個去玩, 都ok呀!!~~ 雖然比菊芬放飛機, 但都知佢緊張亞king姐, 最緊要都係自己開心

>>December 3, 2005 at 6:43:33 AM GMT+8

2005 年 11 月 23 日 星期三 【晴】

今日成日係屋企趕工寫番之前既日記, 因為我好想大家知道我發生過D咩事, 放心, 最近發生既事全部都係令我開心既事!!

而且佢對我都好好, 因為之前無諗住揀佢, 而我亦都無諗住追佢, 所以同佢無影過相, 我返GZ等我執好D我同佢個殼個陣, 我會影番張相比大家睇架啦~~

我相信今次會耐少少架啦, 因為佢就到我既壞脾氣, 就得黎又會窒下我, 都幾好玩既~

多謝各位對我既祝福!!!~~~

****坦白講,我都覺得自己變得快, 但我一向鍾意一個人唔難, 難在可唔可以KEEP得耐姐, 我希望可以KEEP得耐D, 因為我唔想再轉黎轉去!!! 我自問自己係專一既人, 我同得佢一齊, 我就唔會鍾意第二個, 呢個我係既宗旨! ******

>>November 24, 2005 at 4:56:30 PM GMT+8

2005 年 11 月 22 日 星期二 【晴】

我返8點,咖哩大王返9點, 係返工途中再次見到同事jojo, 唉........我同咖哩大王只可以忍住笑, 因為除左笑之外, 唔知有d咩反應~

尋晚已經知今日本身得5個人返8點, 有一個人仲要support o/n, 本身manpower得4個, 到8點鐘, 都係得3個人入機, 心知不妙,......另一個人似call sick多d, 又要keep 住below 1%既abardon rate, 所以一野就轉busy cut off time做 60秒, 之後再等如果爆leader都要落埋位, 包括我在內( 計埋我都係得3個leader姐). 咖哩大王幫我買左早餐返黎, 食完個早餐佢就繼續訓覺, 我又碌出去做野. 諗住8點至9點可以得閒d做野啦, 點知......由於爆既關係....我都落埋位, 好耐未試過講call啦
接呢個call講左成7xx秒(大約15mins)真係好差...個客竟然問: 點打去夏威夷,夏威夷+溫哥華時差,又問rate.....係乜差都無既情況下講call...真係n個差!!! 得閒都要練下講call既技巧~~

到去洗手間個陣,我同佢上樓梯一齊又見到JOJO,到去完洗手間落樓梯個陣又見到JOJO/BONNIE, 駛唔駛咁邪門~~~~~

搭緊火車個陣,咖哩大王打比我, 駛唔駛咁快打比我呀, 咁快就掛住我,~~哈哈~
宜家身為女朋友既我, 我都好乖咁返到HK,都打番個電話比佢報下到, 費是話我唔緊唔要啦~

今日同屋企人食晚飯, 因為姐夫要返工, 所以得我地4個食飯炸!!!!~~
返到屋企, 竟然上唔到網, 我發癲咁鬧我亞爸....因為佢搞過我部機黎,...點知......隔左一陣又上到,,,....好衰,,,,,,.....~~~~~

>>November 24, 2005 at 5:07:38 PM GMT+8

2005 年 11 月 21 日 星期一 【晴】

今日又係收9點~~ 最唔鍾意返呢個更, 今日到我好想食酸菜魚啦~~~
當我同咖哩大王等緊巴士個陣, 又見到同事....今次見到奶奶bonnie.....唔知佢見唔見到我地呢?!
再一次覺得我地好似偷情, 真係好鬼搞笑!!!!!!

我地約埋潘俊食酸菜魚, 不其然再同佢講, 到宜家呢一刻,我都唔敢相信真係同左jason一齊, 因為之前真係無諗過, 同埋覺得所有事發生得好急. 急得黎又好似好順咁喎....

有咩理由拍拖會拍到平時傾計都好似好似鬧交咁架, 但又唔係鬧交喎, 真係爆笑!!

大王節錄:
@人拍拖我拍拖, 拍到好似我地咁搞笑都係第一次見
@仆街,乞衣,賤人,衰人係你既稱呼
@對住你, 講粗口係比平時多數幾倍

>>November 24, 2005 at 3:41:10 PM GMT+8