2006 年 3 月 13 日 星期一 【乍雨乍晴】

今日好Q凍呀~~~~~~~~
收工悶到嘔電, 東東開始返學, 我就自己去左家樂福買下野咁, 真係救命, D野重到要死呀!!!!~~
返到屋企諗住食D野先, 但東東叫我等埋佢先食喎, 咁是但啦~
睇緊媽媽是四年級生等佢返黎, 好耐無睇過呢套卡通啦, 記得細個個陣好鍾意睇架!!!
今日食左3餐米粉, 已經食到有D想嘔既感覺~~~~

>>March 15, 2006 at 12:26:29 AM GMT+8

2006 年 3 月 6 日 星期一 【晴】

終於搬晒所有野, 但係........................................唔好講笑, 執野都有排執啦!
辛苦晒東東幫我洗廁所, 個洗衣機真係唔多識用, 點算...見到有水入到去,又有水排番出去就算啦!
呢排都好潮濕, 洗完d衫n耐都唔乾, 就算開住個冷氣機都唔見得有咩作用.
得閒都要開住個風筒吹吹佢先得, 好憎呢d潮濕既天氣!!!!

>>March 8, 2006 at 6:38:53 AM GMT+8

2006 年 3 月 5 日 星期日 【晴】

今日收工同miko返屋企搬屋, ......d野多到呀, 重到嘔呀!!
好在king 8點收工, 佢一收工就過埋黎幫手搬屋, 搬淨少少野諗住今晚等東東返黎先幫我搬

搬完屋之後我就返屋企拎番部電話, 電話留低左係公司, 原來jimmy + louis搵過我, 都知道應該係約食飯之類野架啦, 橫掂好耐無去過, 今次就去下啦~

十二點幾東東收工打比我, 我聽唔到電話, 聽到個陣已經有5個未接來電, 死啦, 實擔心死佢~
佢仲搞笑, 竟然將部電話跌左係屎坑, 好在拎番上次吹風個陣, 部機都仲可以正常運作~

>>March 8, 2006 at 6:24:21 AM GMT+8

2006 年 3 月 3 日 星期五 【晴】

尋晚食宵夜食到3點, 今日仲約左大佬佢地朝早十點打麻雀, 陰公, 難得放假, 訓多d都唔得既~
起身個陣都已經係十點幾, 好唔想起身呀, 繼續訓下先啦~
最終放左大佬飛機, 好唔好意思呀!!!!
東東今日要返夜, 我無理由又係公司陪佢咁side時間架嘛, 所以陪佢返工
之後就係公司約人食飯, 個個都唔得既, 好在最終奶奶收六點, 咁就同奶奶行陣街
去左意粉屋食飯, 搭車去到半路, yanny打比佢, 原來岩岩先訓醒, 咪叫佢一齊黎食飯囉
食完飯,我同yanny約埋mickey去飲野, 去左turbo, 叫左一打啤酒
玩到最後, 個個都無醉, 但因為太飽啦, 飲到個肚到脹晒, 真係飲唔落啦, 決定個5枝啤酒存左佢算啦

返到屋企都一點九啦, 咪send message問下東東返到屋企未囉, 點知佢又同亞kim打麻雀喎~~
真係唔知佢又會打到幾點啦~

>>March 5, 2006 at 6:20:11 AM GMT+8

2006 年 3 月 3 日 星期五 【晴】

日日搬屋都搬唔成真係想死呀, 究竟幾時先可以搬到新屋架~~

>>March 4, 2006 at 8:34:01 AM GMT+8

2006 年 2 月 27 日 星期一 【雨】

返到新屋.....一開門真係嚇親.....因為實在太似難民區, d野多到唔得你死~ 簡直要用堆積如山答形容,,,............間屋到幾舊, 好在暫時性住下既姐~
要將d行李由廳搬入房都咪話唔辛苦, 間房仲恐怖, 竟然係兩張床拍埋既, 整到間房細左好多~
到食晚飯個陣, pat話我聽日又要搬屋, 因為已經搵到地方租,~~~~ 又要搬過~~
去到pat佢地間屋, 佢地間靚好多, 又新喎, d傢私仲好新tim 高層果然係唔同d呀!!!!!!
真係同人唔同命...............................................

返到屋企咩都唔執啦, 橫掂聽日都搬, 執咩呀!!!!

>>March 1, 2006 at 3:16:46 PM GMT+8

2006 年 2 月 26 日 星期日 【晴】

好憎搬屋呀, 執屋執到pk, n咁多野, 都唔知想點啦~
返到公司經理竟然話本來我住個間屋環境太差, 所以唔租, 而我就要同另一個人(仲要係我唔識既人....係第二個dept既)住住先,到搵到第二間個陣再搬.....唔係掛......實在太麻煩啦~

連公司個位都要搬埋一份, 好在叫左同事幫我搬姐, 叫我自己執番d野又真係煩左d既, 呵呵~~~ 同事應該好好互相幫忙架嘛!!

>>February 27, 2006 at 4:19:08 PM GMT+8

2006 年 2 月 24 日 星期五 【晴】

今日去左東東亞麻屋企食飯, 成個過程都有傾有講,ok既~
食緊飯個陣亞pat同vincent都打過比我, 好驚唔知咩事tim架, 覆番電話比佢地個陣, 聽到一個好壞既消息,,,,,....
希望joanne身體快d好番!!!!!

行左一陣街就去左潮樓食飯, 最搞笑係阿郭留言比我話去潮樓3樓個度食飯........聽到都覺得怪怪地架啦, 乜潮流特區有得食野既咩!? 以為自己太耐無返香港唔知有間咁既野, 所以覆番電話比阿郭個陣都話無問題, 係潮流特區個度等囉, 之後佢打番電話比我, 原來潮流唔係指潮流特區, 係指荷里活商業中心3樓既潮流, 好在再cfm一下姐, 如果唔係去錯地方就樣衰啦~
(食飯有erica,ada,lester, 好耐無見過啦~~~)

食完野去左一點紅飲下酒, vison,迪迪, 子妮都有去到呀, 仲影左好多相, 好開心呀~~
玩到十二點幾一點, erica去蘭桂芳問我去唔去, 自己個心都十五十六咁, 最終都係去啦!!! (因為自己都未去過蘭桂芳玩呀, 見識下都要!!) 所以我先送左東東搭車先, 自己再同erica+vison去第二場,.

搭的士個陣講起唔知去到會唔會見到蘇民峰, 點知去到真係見到呀, 真係好邪門!! 之後轉左第二個場仲見到谷德超tim, 勁勁勁!!

玩完個時已經係5點lu, 我同vison等van仔返旺角之後仲去埋食早餐, 亞媽打黎話問唔駛訓架啦, 我仲答肚餓呀, 要食d野先返屋企
返到屋企訓得個陣都已經係七點幾lu

>>February 26, 2006 at 12:23:18 PM GMT+8

2006 年 2 月 23 日 星期四 【晴】

今晚同亞西+東東一齊食飯, 講番公司d 8婆野咁, 氣氛唔錯!!!
不過就行到隻腳痛到想食, 都唔知點解d人可以行街行咁耐架!!
行左咁耐街好在有收穫炸!!!!

第一日帶番個固定器, 好唔慣.........希望快d回復以前一樣就好啦~~~~

>>February 26, 2006 at 12:28:58 PM GMT+8

2006 年 2 月 22 日 星期三 【晴】

之前個個固定器爛左, 去左唐醫生個度ck牙, 因為兩隻門牙之間有個少少位既, 開左少少. 因為無帶個固定器好耐啦, 要整整先得
嘩!!!! 整番一個新既要成$2000----大出血,,,,,............無理由唔整架嘛, 容乜易愈來愈衰架, 出就出啦

>>February 25, 2006 at 3:22:54 AM GMT+8