2003 年 1 月 8 日 星期三 【晴】

今日約左肥姐同阿佘去銅鑼灣
又係呢個地方
點解呢個星期都係去埋0的咁既地方
我想死
每日花係transit既時間太多啦
撘車既時候又再一次感受到生活的美妙人生的美好
這可能和今天陽光普照的天氣有關
望見}N外的陽光
我感受到生命係幾咁有意義(當然係如果我地識得去欣賞同珍惜佢啦~)
呢一陣子都好似冇咩時間去諗下野咁
成日都係呢到去0個到去
成日都好似好多野諗
但又冇時間去思考下自己做過既野
係見到咁好陽光0個一刻我突然之間覺得自己好似醒覺左咁(咁當然又其實係冇咩可以醒到既情況.......)

呢幾日又係到諗"八卦""關心""是非"的分別
唔駛問點解諗
我都唔知
真係ok無啦啦諗
但係又想諗下佢地之間0個個關係
我既諗法係....."八卦"可以係被動的(咁當然可以係主動啦~~~)
因為當好多好多人將好多好多既"消息"話你知之後
你知道咁多野都可以係"八卦"架(除非真係一個完全乜q都唔想聽既情況啦)
但係"是非"有咩唔同呢
我覺得"是非"係知道左一0的"消息"之後再四圍咁主動地同人講
中間再會加自己既意見(of coz是渲染了啦)
所以一個人"八卦"好正常
但係一個人"是非"就好似係唔係咁應該咁(我成日都好盡力咁去令自己唔"是非",所以成日話中立就係咁啦)
um.....是非同八卦都ok易分
但係主動的"八卦"同"關心"又係點呢
去問下朋友既近況係點係出於關心or八卦
咁點先係八卦又點先係關心呢????真係好難去介定

um....我都覺得自己幾無聊
係到諗埋0的咁既野
但係我又覺得真係幾有趣
同埋對於一個樣樣野都"想"做到最好既人黎講(請看清楚,只係想)
我又真係好想分清楚呢兩樣野
咁樣我可以安心0的咁去關心朋友

um....我又一個怪人
成日都會覺得自己麻煩左人(雖然可能真係都唔定)
所以成日都唔會去主動問關於人的近況(而我可知道朋友的近況就是靠那些被動的"八卦"了..不知為何,總會有人告訴我這告訴我那~~).......um.......怪怪的就是了

其實今天整天都好像發呆
可能真係支力
好似冇咩心情講野咁~~~~

>>January 8, 2003 at 6:00:41 PM GMT+8

2003 年 1 月 7 日 星期二 【晴】

昨天在宿舍渡過
十二點便急不及待起床了(我是朝早六點幾先訓)
可能是我不想浪費在宿舍的時間吧

起床後和ruby,段及曾祈祈到眾志吃tea
這天真好
個個都好似冇堂咁(好明顯係走左~~~所以係好似~~~)
坐係到好似放假咁

吃完又和曾祈祈到沙田睇褸
呢條友仔完全唔知自己想點既情況~~
快0的諗清楚自己想買咩先啦~~~

六點鐘返左黎睇波
係何宿對新宿(係友宿呀下)
其實好耐都未睇過啦
次次都唔知有得踢and冇乜人睇既情況
所以冇去
今次好勁
好似好多人去咁
你地做得幾好呀新莊
見到佢地個個都好落力
jerry同安安你地好叻
係最初你地做既野得黎既成果
最後我地當然贏左啦~~~yeah~~~
之後又係一0的gap time~~
咁我就同佢地去左眾志食飯同吹下水咁啦~

到左夠鐘我就離開
離開既時候真係好唔開心呀下
大家都可以咁快返到自己宿舍
我竟然要去街之後仲要返home(呢下先唔開心..好q遠~~~~而家真係覺得好鬼遠)

之後約左mkt groupmates食飯
雖然唔齊人
但都幾好
可以勁食同講下是非
ivan..好多謝你既organise~~~你已經盡左力架啦~~約人真係好難架有時~~

>>January 8, 2003 at 7:17:32 AM GMT+8

2003 年 1 月 6 日 星期一 【晴】

昨日終於去做visa同訂機票
今年的我真的很懶惰
每一樣野都係唔趕都唔做
有時真係有0的驚既情況
唉~~~~~~~~~
最後都係一0的意外(係咩已經唔想再打!)
都係未做得成
但係我決意盡快k左呢兩樣野去

係去既途中係車上面撞到一個英國回來的小學同學
發現很久也沒有和她好好的玩過
um......見到面有一點陌生的感覺
真的不好受
但是都係自己唔岩
真係太懶啦
完全冇厄你地
真係懶到唔信
因為自己懶得寫更懶得寄
所以已經好耐都冇通信
而因為咁.........我地再唔可以好似以前咁多野講啦~~
又是一個令人後悔的事件
點解我成日都係咁
如果自己積極一0的可能就唔會好似而家咁....唉~
===================================================================================================
之後就返左中大
一返到黎既感覺真係好warm
我都講過....我地並唔係只係0係中大讀書
我地係"生活"係中大架
當你日日都係呢到過日子
突然之間的離開
真係唔開心
坐上校巴令我諗起今個sem真係冇乜離開過中大
真係差唔多日日都係到
咁既生活真係歎~~~~

返到宿見到louis
跟住一齊去左the ball間房到hea下咁
hea下hea下就落左去食tea啦~~
食完tea就同一班中同出左沙田食飯
返黎再同段吹左一陣水
再落左會室同阿黃,文希,阿華,stella同wayne wayne又hea多一陣.....(雖然到左而家已經係點幾)
咁樣既生活真係開心
雖然下下都係hea...但係個感覺真係充實到呢~~~~~難以形容呀~~
唔好以為一日就咁就完
事實上精華而家先開始........
===================================================================================================
killer之夜
基於ruby,粉同段係台灣之旅玩killer玩上癮既原因
我地一大班人就係個大廳到玩左一晚killer
人物包括有子龍,段,ruby,粉,祈,鵬,lu,子暘....
雖然killer已玩多年
但係呢晚應該係最好玩
可能因為有呀影后同最佳女配角啦~~~
所以玩得特別精彩
而且有0的人好明顯係有自大狂
"um...邊個最忌我呢?"
"到而家都唔殺我,留我係到做咩呢?"
"我覺得你真係智者黎架喎"
"你都係影后丫"
"u r my best fd!!!"
um.....玩完呢晚令我更加知道killer係一個咩呢遊戲
呢個本來係考人觀察力的遊戲到而家已經完完全全咁變成一個疑心遊戲
呢個遊戲好明顯係令大家更加唔信任大家
將蔵於大家心裡面既疑心推至最高峰
哈~~雖然真係一個幾好玩既遊戲
但係係我玩緊既時候我成日都係到諗呢個遊戲玩到今時今日會唔會有違反左遊戲既本義呢
又或者遊戲既本義又係咪咪呢
真係有趣
不過都好多謝ruby又再將呢個遊戲帶回我的世界裡
**仲有係到要多謝段同ruby的台灣手信同相片,我真係極鍾意0個個情況呀下**
玩左一整晚
宣佈投降時已是0530
上到4樓再同曾小祈吹了一陣水
她最後也捱不住睡了
當然大家都諗住上既第一.二堂最終都係冇一個人上到啦~~~
這個晚上我到了羊的房間睡
可能真的不太想睡
我待了很久才可睡著~~~~
真的多謝羊借出羊棚給我這個流浪的人~~~

回到何宿見到新418b
她很nice呀
也蠻好傾呀~~不錯~~

在家的時候我時常都想著快些去nz
可能我根本就鍾意hea係home
但係返到宿...真係好鬼唔想走
諗起日日可以咁樣玩
落堂又返黎同大家吹下水真係free~~~~
返到去既感覺係"這麼近,那麼遠"
不多解釋了,因為實難以去說明那種心情
我相信自有人會明白~~~

只是回去一天已令我有寫不完的感想
真的不能想像這一個月的日子是怎麼過啊~~~

>>January 7, 2003 at 8:48:33 PM GMT+8

2003 年 1 月 4 日 星期六 【晴】

今日本來同曾小祈去睇8 miles
但係呢個人竟然睇錯左......雖然唔知睇錯0的咩..
雖然係遠遠係屯門出黎同埋真係ok想睇
但係無得睇都算啦~~~
下次睇過啦~~~哈~~
又可以行下都唔錯既
四圍行又可以傾下計..哈

走的時候同曾小祈一齊撘地鐵
可能係因為真係唔係好想過返馬路去撘59x

去到葵芳
姚頌珩打黎(其實係我之前打過俾佢)
諗住睇下佢走得未
走得的話可以一齊食飯
佢自己又話走得
但係最後都係一個大話下
等左佢成個鐘...頂
真係控制唔到自己架喎
好燘好燘咁
我都唔想咁架
但係....真係唔得
個感覺好差
好似好白痴咁
唉~~其實真係好白痴~~~
個感覺真係好差好差好差~~~~bear~~~~
算~~唔再講啦~~~

>>January 4, 2003 at 5:03:42 PM GMT+8

2003 年 1 月 2 日 星期四 【晴】

今日去左嘉年華啦
今年的嘉年華比上年的大
遊戲都多好多
今日我地有玩上年玩過的
亦都有玩新games
其實好唔好玩就好客觀既
我覺得只要大家玩完可以笑一大餐就叫好玩啦
所以今日真係好好玩
同埋anthony又好鍾意我地份禮物~~
好開心..哈~~
我都行左兩次去揀架
um......今日係到行既時候~~~~~阿龜勁話"呢個好抵呀,一蚊咋...."
嗱...係一個代幣...係十蚊呀下~~~
我都想係一蚊~~~

仲有後來阿龜的禮物~~~
真係bear呀下~~
但係好好笑~~
多謝你
但係張寶明可唔可以唔好笑~~
你咁樣我唔可以唔笑架頂你
咁樣笑真係好辛苦~~~~
但係又好開心喎~~~

最慘既係我要撘車返屯門
真係好鬼遠~~
好唔開心~~~
又唔可以返宿
頂~~~~~~
真係頂~~~

>>January 2, 2003 at 5:01:09 PM GMT+8

2003 年 1 月 1 日 星期三 【晴】

又過了一年了~~
又是一年的開始了
轉眼間竟是二零零三年了....
在小巴上
我和曾祈祈,mei mei&春仲有其他的乘客及司機一同踏入這新的一年
meimei話:可以冇氣氛成咁
我覺得其實都幾funny
橫惦我都唔係好enjoy0個0的好有氣氛既倒數
咁樣好似仲得意咁添...呵呵

昨日31/12兩點幾就起身返宿...
因為我真係要退宿
自己返去收拾埋0的野
感覺係......................嘆息~
落去俾張form小雲簽俾佢check房時
個感覺係....................驚........呀!!!!唔好煩我呀~~~
好彩我係一個唔鍾意"勾"的人.....(hidy請留意)
所以佢都好hea咁check下就得
佢一話得我就即刻走.....因為如果佢一煩..我驚我會鬧佢~~~~~~~

之後同左louis,佘,janet,mei mei同阿春去左食飯
路易c先生
都話我地識揀架啦~~揀親都係好野
唔係多人都死就係貴到死~~~~~點解好似厄運咁...依然係咁準~~bear~~~
都好既,証明我地有眼光~~~
那個飯因為等呢個又等0個個之原因
所以一食就食左幾個鐘
但係咁都幾好丫
可以傾耐0的計
又可以怒叫野食....記住
每人要食一百蚊架~~~努力~~~
同你地見面好開心
雖然唔係真係話講架好多野
但係一齊既時候好有以前返學咁
乜都係到講一餐
好舒服

之後小祈話入黃金海岸
我想那麼近我的家
咁就去啦
一去到...係一個好奇怪的組合
真係好奇怪
在此不多提..因為我相信我都唔會再見返呢0的人架啦..見到都唔會認得
加上...可能唔係好駛同佢地接觸..所以感覺都唔係太差
仲有時間可以同曾祈祈傾下計
都唔錯丫
昨晚姚生同毛毛都入左黎
我都知點解你地要入黎既
多謝你地
毛毛...睇下你係咪真係追先.....同你傾計真係幾開心
真係好耐都同你玩過啦~~
好耐冇見
竟然係0的咁既情況下..我地可以又再一齊傾計~~~~haha.........你講過"我好愛我女朋友既!"
姚生.....多謝你....係到露宿街頭咁.......
曾祈祈
好開心可以同你食一次咁既早餐.....一晚之內竟然要行0個條路兩次咁多
琴晚雖然真係有0的怪
但係個感覺真係唔差~~
我諗我唔會唔記得呢個31/12架啦~~~haha

食完個早餐即刻飛的去碼頭
好彩佢地仲未走等埋我
好彩我黎送到hidy~~~
大頭
你真係要堅強0的,仲要鎮定0的呀~~
一切都要小心~~
我地會等你

晚上去左同阿琴,洛琳,成同豬仔食飯~~~
哈
我都幾個次次走埋一齊都係咁~~
奇怪但又幾開心的一晚~~~

祝大家新年快樂

>>January 1, 2003 at 5:38:25 PM GMT+8

2002 年 12 月 30 日 星期一 【晴】

唔知點解直接黎又黎唔到架喎~~
但係以自己既account咁又入到黎
真係奇怪呀下~~

今日己經將宿既野執得七七八八
聽日一返去執埋0的手尾就可以退宿~~
我終於都要離開何宿離開四東
雖然只係半年
但係都唔捨得離開呢到


離開既時候又冇想像中咁唔開心
只係不停咁諗year3既時候...
真係要永遠離開何宿既時候就真係慘啦~~
到時好似永遠都冇左一個朋友空間咁
係呢個宿舍有過好過太多太多開心的日子啦~~~
曾經我地一齊做功課..尤其係b law~~~
一齊玩
一齊整野食
一齊睇電視
一齊吹水
一齊研究打機
一齊.........................做的事太多了

um....我都唔想每天都講到自己好似好唔開心咁
其實而家已經去到唔驚而且好期待既情況~~
我一定會好好珍惜呢個機會
我返黎既時候一定要識 fluent既english~~~
yeah~~~~

今日一整日都係執野同執野~~
真係乜都冇做過
最值得一提既係我同418a既神力加腦力表演
合我們的力量竟然可以將我地兩張檯調返轉
仲可以將佢搬返成最初的樣子
真係望到都覺得勁~~~
yeah~~~
大家有機會都要去睇下~
見證一下我地既成功

仲有一樣野好想講
我地間房真係好大麈
多到我差0的俾佢淹沒~~~
好恐怖~~~

>>December 30, 2002 at 4:43:45 PM GMT+8

2002 年 12 月 28 日 星期六 【晴】

今天一早起來又去了補習
因為今天是星期天嘛

補習完畢就到尖沙咀和大o的組仔組女吃個午飯
我地去左吃buffet呀~
杜溢康係一個痴線的人
係咁叫係咁叫
我真係想問駛唔駛叫八個意粉呀~~~
癲既咩~~~~
組仔組女
好多謝你地呀
請媽媽食飯
雖然我都仲有一個月會係到
但係見既時間應該會好少啦~~
我會記得呢個係我既第一個farewell~~~
我走左之後你地都要努力呀~~~
haha
以後都唔好咁八啦你地(少少好......唔好太過份..haha~~~)
半年之後就可以見返你地啦~~~~
唔好唔記得媽媽呀!!!
================================================================================
而家係宿執緊野
真係食屎
每一次執親野都係一個想死的感覺
真係執親都大鑊
好彩今次可以留返少少野俾418a 0者~~~哈~~~~~~~
=================================================================================
27/12-----------因為天氣太凍既關係
所以ccba冬夜觀星團終告delay
咁都好....一來大家唔駛凍到死
二來阿418a又開開心心
因為個function冇爆到之餘仲有一日突然的空閒
基於不浪費的原則
我地一定唔會好似janice leung咁因為凍就呢係屋企
於是我同曾祈祈就著到成隻"\咁出左又一城
我地揀又一城既原因好簡單
因為唔駛成日暴露於"空氣"之中..haha
去到我們四處逛逛
後來去到一間越南餐廳到吃了一個晚飯
中途說說往事...又說說是非
真是輕鬆愉快~~YEAH~~~
吃完飯我提議吃雪糕
曾祈祈一口便說好~
那我們就到了百佳揀雪糕
相信當我倆行入百佳時都冇估過自己會各自買了一盒家庭裝的雪糕
哈
回到宿之後好開心咁一路睇電視一路食雪糕........真的快樂
估唔到在嚴寒下吃雪糕也會感到溫暖和有一份幸福的感覺~~~~(好像那些拍戲的人說的~~)
==================================================================================
28/12--------灰熊的Farewell
也是014罕有的組聚
人少少都不錯
最差都係我跌左張咭落個gap到
真係不知所措
唔知灰灰0個刻見到我地勁打眼色會覺得我地做緊0的咩呢
真係吹脹
我地一行六人一起在風月堂歡度了一個tea time~
吃了很好吃的tea
也談了一個小時多的天
真係感到細o的重要~~~~haha~~~
跟住我地仲去左影貼紙相
好pro的terrance
好串的anthony
影得"好似"好靚的barbie
好相襯的灰灰同sam sam
仲有活潑可愛的我...hahahaha
真係珍貴........
最後我地仲不停咁用我地0的dc影一0的幾乎一樣的相
哈
完全利用唔到dc的好處
明明可以send來send去
點解又要你又影 我又影呢~~~~我們是個有趣的家庭呵~~~~
最後仲用左阿terrance0個個"咁高咁高"0個個腳架黎自拍.............其實都幾有用丫~~~anthony~~~
其後有0的人仲死心不息
死都要用自己的dc試下那個auto自拍的功能~~~唉~~~有唔明就睇說明書啦.........話晒部野都係你既~~~~呵呵~~~~我又點可以搶你風頭識用晒部機0的function呢~~~~~???!!!!!
玩完一輪
終於要同灰灰告別
呢半年我地就要南北分隔啦~~~~
半年後再見~~
多謝你今個sem的大大大大大大大照顧~~~~(雖然比起liza0個0的就真係細左少少.........um...係4個credits vs 12 credits...呢個回合..我輸.....liza呢個對手太強..........太頹???????)<-------------衷心的..thank you very much~
我返到黎之後希望唔會再係咁頹啦..哈~~~

呢一晚之後仲有下場..
就係同阿水筒琴同阿低b琳去睇戲...<<金雞>>
um...其實又唔係話好好睇
但係又唔係話唔好睇
我覺得太短
如果陳可辛係想從呢個性喜劇的角度去表達香港的轉變既話
個力可以再重一點
但係無可否認
吳君如做得好好~~~背景音樂同服裝做得都幾好..........
好耐都冇同佢兩個一齊出過街
同佢地玩既時候好開心
因為佢地真係低低地咁架喎€~~~
哈
好高興
睇戲之前去左探姚生.....
去到佢間舖
um...佢好似好開心
裝修都唔錯呀
個地下....懶係亂咁都ok啦~不過真係可以再做得好少少...問下我丫嘛~~~我呢0的有藝術氣質的少女~~~~一定會令你的舖更靚~

>>December 31, 2002 at 6:36:47 AM GMT+8

2002 年 12 月 26 日 星期四 【雨】

<<歡送大頭之夜>>
二零零二年十二月二十六日
天氣如<風雪中的北平>一樣寒冷
下著大大的雨
我們一行十人坐在咖啡灣的一角燒野食
大家罕有地將身子靠近火堆
將雙手放近火邊取暖
只因天氣只得五度
是今年入冬以來最寒冷的一天
這樣的環境雖惡劣
但更使人心裡感到溫暖
燒烤途中有人拿了抽奬得來的dc攘著要跟大家拍照
嘩..........閃光燈好閃呀~~~~同埋佢個人真係好聰明架...講真架喎..我從來都唔會用粗口鬧佢低能架喎~~~
今晚的火特別猛
平日的煨番薯今晚都變成燒番薯了
好好的旋轉食物更多次失敗
今晚大家都要格外留神
一不小心你的食物便會燒焦.......
臨走時大家都被雨水弄得濕透凍得很呀~~~
我提議大家烘一烘各自的衣物才行便引出"煨屎忽"的惡行(但真的很有用,大家不妨參考一下)
離開後大家都說要到元朗吃個馳名的b仔涼粉
可惜......咖啡灣去元朗的小巴班次疏落
我們決意步行到附近的三聖輕鐵站轉乘輕鐵(當時還不知我們的"堅決"付出的是如此大....)
本來短短的路程竟然覺得漫長極了
我們真的墜入了風雪中的"屯門"
風猛地吹拂我的臉...........................................................吹~~~~~~~~~~~~~~~~~~~~~
手跟本不能伸出來要不然就變成了疆疆的雪條了~~~~
行了很久(從不覺那段路有這麼遠~)才到輕鐵站
這真的使我們雀躍不已
我們便懷著興奮的心情出發去b 仔涼粉
到達那兒大家都點了好好吃的甜品
雖然天氣很寒冷
但大家都是點了凍品~~~oh~~~嚴寒下吃凍品心內更溫暖呀~~~~~~~
吃完大家便各自回家
我們便要和hidy分別了~~~~
canada的天氣相信會更冷
大頭..你要小心呀
要著一件帶得落帽的褸呀~~~小心身體
亦要學有所成唔好辜負"油王"的心意

回程時幫simon帶了一會那一瓶水
發覺一拿便不能把手收回自己的口袋裡
發現simon太偉大了~~~
便作出"飲一口,露一手"的言論..
後來更自創了"drink a mouth, show a hand"的英文版以便以nz教教我的朋友.....(失敬失敬)
火車上又有"古有孔融讓梨,今日楊惠婷叫阿媽幫佢坐暖個厠所"
"活生生著住兩條褲,著祙,再蓋一張被在看電視的肉團"
"i am a boy which means i am not a girl"
"we encounter a air...air.....air......air流.........????we meet a person call air....air 流~~~.........then our plane.......砰...."
的趣事
真的令我今晚的整個旅程過得很精彩~~~

當大家以為我會停手時
我要告訴大家精彩的事還未到
古語有云....好戲在後頭
哈
當我們行文質梯時
有人問:你去台灣會去邊呀?
又有人答:我會去台南的地震災區參觀~~~~~~~~~~~~~~~~~~~~~~~~~~~~~~~~

參觀....????!!!!!??????
我沒有聽錯嘛~~~~~~參觀喎€~~~~~
冇野呀~~~
可能每個人心裡那刻都是這樣想著
於是...在一秒間.....大家便開始小學作文...
<<遊台南地震災區>>...文體:遊記
我到達現場見到很多很多的屍體,感到很壯觀........
那裡到處都是頽垣敗瓨,我覺得很美麗,我還拾了幾塊碎片回家做紀念......
回程時,我坐在火車上,看見那夕陽在那片草地上的倒映,我懷著依依不捨的心情離開........

真係笑既力都冇呀~~~~
係連氣都透唔到0個隻.........真係好辛苦~~~
咁凍..又要行樓梯...又要笑....真係唔易

但是.................................
我的確過了一個很開心愉快的晚上~
多謝各位

>>December 27, 2002 at 8:15:29 AM GMT+8

2002 年 12 月 25 日 星期三 【晴】

真係要頂一頂....頭先打左一篇野冇左~~~~~~~
----------------------------------------------------------------------------------------------------------------------------
24/12
晚上做了一件對我來說特別的事-------------子夜彌撒
對於一個唔信教的人都叫特別
我抱著去見識一下的心情到達堅島的教堂望彌撒
敎堂好大
去到已經好多人
要搵位坐
個感覺有0的似assembly搵位咁
<<段話:平時連assembly都唔想去,而家竟然早早黎擺位,真奇怪~~>>
令我諗起其實我係幾鍾意上assembly
我喜歡0個種團聚的感覺
亦都好有大家係到一齊share緊一樣野既feeling喎
搵到位坐低
四圍望下先~~設計不錯
開始時奏的音樂令我想唱"南天海嵎,四方人士,同建此學府"
真的有assembly的感覺
令我覺得最好的可能就是一起唱歌的時間
有中學亦有assembly的感覺
當聽那些人讀經的時候
我很留心他們說的一字一句
我想知道天主敎的敎義是如何(雖然咁聽好似好膚淺....但係我都get個brief的idea0者~)
究竟佢地諗咩
或者我一向都覺得天主敎是有一點idolism啦~~~
崇拜"偶像"
聽到那晚的讀經...好像真的和我的想法很相近......(可能我看得很表面...請不要見怪...)
但我一向都很尊重各人各自的宗敎信仰
只要大家都抱著"和而不同"的想法便可
所以聽了一整晚都沒有覺得難受
走的時候反而感覺蠻好
可能是不再需要經歷那個在尖沙咀街頭令人窒息的擠擁感覺
更加不用再一大堆人在街頭你眼望我眼想著要去那裡的感覺
更更加不用到最後迫著去等成粒幾鐘先有得唱既貴k~~~
唔駛再係咁辛苦實在係太開心啦
所以昨晚我覺得好開心
都幾有意義
起碼是20年來最有意義的~

回來後見到曾祈祈的跳跳虎
真的大得厲害
to certain extent
真係大過liza的牛奶妹~~~~
我仲同佢影左張相tim~哈~~~

>>December 25, 2002 at 8:03:57 PM GMT+8