2004 年 1 月 12 日 星期一 【晴】

新莊的第一個function第一天
"咁岩"地被pick為leader
但係後來我將呢個位置俾我一個更適合的人選jerry
睇到0的games真係覺得悶悶地
但係落到去玩都算係唔錯
愈玩愈有氣氛
可能0的year 2都落左莊
可以做返自己
可以放肆..
而現莊佢地自己又friend
又比較玩得
所以氣氛都算係咁
諗返起當年都係有黃生林生等人撐住
如果唔係我地都唔會做得咁好
所以覺得自己應該撐多0的佢地
一整晚的遊戲都冇乜冷場
亦冇七
任得我地玩...冇令我地心情唔靚
冇反高潮...(呢個真係超重要)
(雖然佢地都係唔係好識講野...但係都係第一次0者)
其實幾滿意佢地既表現
每個人都好似involve左落去..
佢地幾個人都幾fd咁....
見到佢地咁都覺得幾開心
而且呢排又見佢地個莊成日都係大廳
所以覺得其實佢地幾好
一定要加油
一個開心既宿生會就係一個開心既宿舍既開始了...
加油...
體育s 仲book到場打下波咁
真係叻..要讚...
總之今晚比預期開心...
多謝新莊......

今日補習
又俾佢冼多野
成日都係咁..玩野咩....

anita mui出殯
我的baby哭了...我覺得都值得
真係會覺得係好慘好可憐
40歲人
咁多錢咁多朋友
但係最想得到的東西
別人眼中看上去最簡單的東西竟是遙不可及
是有一點可惜吧
我都會為這件事感到傷感..
如果人死後真係有另一個世界的話
我希望佢做到佢自己想做既野...

仲有楊同學別擔心
我想應該很快沒事的
但要多休息
代我問候楊媽媽吧

>>January 12, 2004 at 7:06:20 PM GMT+8

2004 年 1 月 10 日 星期六 【晴】

CRE一個令人心痛的試
唔明點解三個鐘既試要用左你成個晏晝..
唔明點解個考官要成日講"i repeat" 同 "it is for ur own interest"
唔明點解真係可以有難度
真係做唔切加唔識做
可能我地真係叫冇prepare過la~~~~
考完之後唔可以話心情好好
因為成個afternoon都被困在一個地方係咁做
就算我識晒都好難有心情笑...
真係悶到顛
而且真係十個眼訓...
講緊instruction都可以訓著的

晚上終於睇左<< 金雞2 >>
同一差唔多
2003年既香港真係一個remarkable既一年
今次只係重點講呢年都可以講晒成個故事
(上次都有講左好多個年代的...年vs 年代)
雖然手法好一樣(一樣見到阿劉德華先生..呢個pt係最食屎)
但係依然覺得幾好睇
演員全部都係好戲
攪笑得黎好似又交代返晒一既missing pt..
真係一齣不錯的香港電影

TOJI聚....又一次衝入重慶大廈食curry
jerry話indian根本冇curry呢個term...
curry係英國人改出黎既
有趣
劉先生真係淵博
一行八人..呢個數目都唔錯
老闆johnny終於俾我見到佢
佢好nice好好人
幫我地點菜
但又唔會點晒0的貴野
504 八個人都幾底
而且係飽同好食
我最鍾意食nan點curry..
今日0個個cheese nan真係超good...i like it
仲有0個個indian curry 角真係good....
值得推介
不過依然係覺得重慶係一個好複雜既地方
一個人去都唔好話唔驚
走既時候大家一齊等lift
仲要係一個架lift唔可以容納咁多人
一定要分開幾group 落去
正當我同jerry諗住一齊入lift之際(此時lift內已有數人)
竟然超重
jerry一行返出去架lift就close左....
得返自己一個搭架lift真係驚驚地
雖然只得幾十秒..
而且會覺得其實0個0的阿叉都係普通人
但fear的心情真係難掩....
jerry真係好人...即刻行樓梯落黎搵我....(唔知係咪特登)
總之就係....有0的驚但又係驚黎多餘0個批la>>>

聽日又上堂.......同埋要補習...ai>>>

今日媽媽幫左我好大把
真係好感激佢...yeah!!!!

>>January 11, 2004 at 6:03:42 PM GMT+8

2004 年 1 月 9 日 星期五 【晴】

本來非常累...
本來心情真的不好
我知道問題根本唔係問題
問題係冇可能解決
但係0個0的咁既決定真係會令到我覺得心情唔好
從來冇試過有一刻坐埋一齊既聚...
真係笑唔出....唔好怪我....

後來心情轉好全靠一個紅酒聚
志不在喝酒
心情唔好都好想同大家傾計同玩
愈坐愈多人
連春花都經過真係一家團聚...
大家坐埋真係好開心
多謝文希先生表現紅酒"long"口....(雖然事實係0的紅酒係個口到long下..)
要考試...而家年紀老..真係唔可以stay到last min..
雖然我都唔係好想就咁走左去
記得year 1...永遠都係最後離開的一個....

今天的下午與esther poon jan leung bonnie tuen ho kit fung ruby yong
出左去沙田pizza hut到食lunch
jan真係一個演員黎架其實
"你當我係你老公個情婦"真係令全場嘩然
呢0的咁既對白真係唔係個個諗到
都要有返咁上下修養先可以諗到甚至講得出口...
佩服

今日雖然係上F123
但係實行左"互相警醒制度"後
有yoyo同hidy的看管下
我好相信我係一定上到F123
再加埋係ads
仲要susanna都算係ok的prof..
keep住唔悶而且係答到問題0個0的
佢今日講0個個4As ads school 0個個course真係好想上
最衰要3500...真係又係錢
食屎的.........唔知好唔好試下
但係我又真係想做creative(但account同media都係鍾意架喎)
如果如果如果我真係有得上呢個course就好
(不過有錢都仲要俾choose中先得..真係妄想咁滯)
好鍾意上呢0的堂...

>>January 9, 2004 at 7:24:54 PM GMT+8

2004 年 1 月 8 日 星期四 【晴】

to dear 王小怡..
我就試左la~~~UC幾時試就真係唔知la..
要問返你UC BBA班個班代先知啦
要記住我係3月19影相
唔好放我飛機呀!!!!!!
我都唔會放你飛機既...hahahah

講返琴晚的中同聚
如王小怡所言
都係7A既聚會多
但係有7S的王同學同郭同學的加入亦真的不錯
楊明同學係變左少少既
但係都係.......萬變不離其中.....
唉...仲係乜都怕....
讀fin都唔肯做下投資咁
真係都唔知佢第時點算
今次中同聚就真係開心
因為可以見到王子和仔
真係好鍾意王子的表情同反應...哈哈
希望第時都多0的聚
講到呢到都要多謝楊明約到聚既
第一次去思源館的我真係大開眼界....
走既時候仲見到cath chan 同阿安等人(簡單黎講即係勁個班人..hahah)
最後王小怡同學同我成功咁屈到楊明送我同嘉欣返CC....
不過就連累埋和仔王子了.....

講返琴日
補完習收到佢地既電話...
係咁話senior sem呢個膽炒左.....
我都真係驚到pk....
其實唔知點解會咁驚
可能係有一科已經C+左...
再加上今個sem都叫放左好多時間係學術方面(尤其係做proj)
對某一0的科目真係有一定的期望.......
不過事情總係奇怪的
你諗住勁0個0的又唔會勁架喎
你諗住唔勁0個0的又勁到唔信....(就好似com 咁.....)
不過睇完都真係覺得自己好好彩0個批.....
又順利過渡..
不過今個sem大家都好叻....
個個都有進步
尤其係段同louis....
所以真係值得高興....
希望下個sem都好好地la>>>>>>>>>
(另外都要一提既就係CB....真係開心0個批)

今日又再上返堂
PTH的黃石真係好funny....
係有得上堂作句0個批黎架喎
好開心咁又過左一堂
不過我同曾小姐and 同段and jan都有奇怪的遭遇
身邊既人都彷彿當我地係透明咁
坐到正中間都可以見唔到我地
而張atttendance sheet都可傳返俾prof....
唔通我地真係唔存在係呢個世界既

今晚係所謂的"影"聚
(依louis所說係有一個手勢....但不能形容)
farewell阿chris
但係主角竟然俾liza 搶走左...
唉....仲要唔認
仲要我地的sms attack食左屎...唉..
好彩唔係睇lord of the ring...如果唔係真係要絕交都似
不過呢次宵都有好多趣事
先有louis 既"佢折墮到連我份功課都抄"
同阿roy既"佢用左5分鐘去買部printer"
hahaha..很開心呢.....
祝阿chris一路順風吧
明天F123
有野later再補充吧.....

>>January 8, 2004 at 7:01:39 PM GMT+8

2004 年 1 月 6 日 星期二 【晴】

今日dayoff
起身冇乜野做
hea下hea下就到三點
同baby janice落左眾志到試袍
終於都試了...畢業了
三月十九日崇基的photo day
三年的大學生活完結了
三年...得到的真的很多
不過有很多都是無形的
等如alevel....我覺得是每個大學生的必經階段
因為它會令人成長
大學這三年亦令我成長了不少
見到好多特別的人
發現有一些人真的很有魅力
他們總有一種力量在不知不覺間影響著你
三年宿舍的生活
令我真正的明白了什麼是朋友
原來朋友可以令你由心底的緊張起來
原來你緊張你的朋友可以比緊張自己還要多
原來朋友開心可以令到自己都很開心
明白了這個世界上有咁多好人
明白了這個世界上有咁多人都對自己咁好
明白了我有幸有這麼多的好朋友......多謝你們...真的很感動呢...

最後的一個sem
有什麼感覺
想慢一點想relax一點吧...
想真正的享受最後一個學期
可惜事情總不是如意的
你是什麼都不理去relax
我做不到
所以都是要瞎著忙...
不知往後的生活會是怎樣
不知世界有多大多艱難
就在這個什麼都不知道的non commercial world裡好好過餘下的半年吧
無論是忙是空閒都好
關心身邊的人
留意身邊的事
想做就去做la>>>.都冇乜時間lor>>>
人生的上學時間快將結束
諗起以前細個讀書
我都真係冇估到自己有今日
當我好辛苦咁係到背緊書既時候
我冇諗過自己會咁唔捨得唔返學
原來當我的學生身份快要消失時
我會是這麼那麼的不捨
我想......我是一個小學生

試完了袍同梁德坐左係眾志對未圓湖的那邊談心
都冇試過同梁德咁做
好少咁靜咁坐低咁傾下計
好開心的談話
沒有特別談到什麼
但時間的確過得很快樂
我很喜歡這位朋友
真的很可愛呢...林嘉欣

晚上是和校慶執委的飯局
主角liza照例遲到
一個非常愉快的飯局
很喜歡校慶這個組合
在這裡真正的找到朋友
儘管我的好朋友都叫我生氣有時...
但係每一次聚會都很開心
沒有冷場
是真正的將一班不熟悉的人帶在一起
然後大家熟絡起來
很有趣
人與人之間的關係....
這個執委聚笑個不停
笑聲當中包括了各人對各人的關心
其實八卦都係關心既我覺得
我地都想個個都開開心心
我知道做爸爸的都好想既.....
星期五的飯局希望攪得成la>>>>>>很期待呢....

再晚一點是與jan 段 by 傾計的時間
很久都沒有這麼的傾談
第時真係冇機會咁做架la>>
而家係時候了解大家多一點
要知道阿林嘉欣小姐的意向
要記下我們在這個日子裡面成功咁說服左佢"叫鴨"
請大家見證
其實幾個人咁坐埋真係乜都up一餐....很有趣呢...很開心
談起小時的日子....其實是懷念的
我覺得自己係真係深受家庭的影響才有今日
不過唔係佢地一言一句地咁教我
係親眼親身咁experience 到
有時你會明白人的一生就係為左開心
為左對人好為左令人為自己都開心0者...
有時人生就係得一條路當你知道另一條根本唔係路既時候
有時我會唔鍾意自己有個咁既家庭
因為一0的都唔似一個家庭
但係我又會覺得咁樣令我學到明白到好多野
可能係咁我先明白considerate的重要...
我鍾意我的媽媽..雖然我唔會講出口...(同佢講都唔信la大佬)
但係我覺得她很棒...
一個人可以承受這樣的壓力....
所以我覺得呢個世界冇野係冇可能既.........
人應該有一定程度的信心及決心吧...對嗎?

>>January 6, 2004 at 9:21:40 PM GMT+8

2004 年 1 月 5 日 星期一 【晴】

第一日返學
最後一個sem的第一堂
corporate economics
都算有心機上0個批.....
而且個course都算係咁...
即係都唔係十個廢0個批
而且有灰熊同學係到..
世界真係美好

之後上0個堂就真係窄0的la>>>
fundamental of govt..
由於都真係太早上堂
同埋一上就上六堂
好唔慣
故此一講course outline就已經sleep左
其實又唔算係好唔鍾意既course
又想自己學多0的唔同既野
而家都唔知點好

晚上同家業去睇the lord of the ring 3
終於可以睇到
我都覺得第2好似好睇0的咁
但係其實都係好睇既情況
0的特技真係good.....good....
總之呢0的戲都係要係戲院睇架la....
唔係係home睇就一0的意義都冇..

而家睇返touch 3
louis話呢期好重要
睇下睇下都真係喎
要努力睇...

>>January 5, 2004 at 7:23:26 PM GMT+8

2004 年 1 月 4 日 星期日 【晴】

星期六的下午--大O組聚
到而家都仲有組聚..
而且阿chris都有黎
真係算係咁
要好多謝杜溢康同學..

晚上同郭sir去食飯
又一城的意大利餐廳
每一件都好大...
尤係係0的pizza同dessert
下次有機會一定要同大家一齊去一次...yeah!!!
講起好多中學時既事
唔好睇少我..我睇衰人都幾叻...
尤其係那一些"世界"仔女.....
知道左呢個我最鍾意既老師如果唔做我老師會做0的咩..
俾我就真係會後悔
再加上我覺得呢位朋友既敎學熱誠又唔係真係好高
真係唔明點解佢當年會咁揀
不過...而家又唔係真係好唔開心既....(我諗...)
如果真係超唔開心都做唔到十年la>>>係咪...

星期日一整日又係0個0的食飽就訓訓飽就食既日子
媽媽煲左栗子湯...真係好好食的栗子....
yeah!!!!!!!!!!!!
食完晚飯返左宿..
整左甜品....焗西米布丁........good really good wor>>>

聽日又開學la>>>
最後一個sem
依然係唔能夠四個人一齊上堂
最愛既advertising都係唔能夠一齊上堂...
唉.....鬼叫我個time slot真係差到咁.......
不過最後一個sem....
唔知會點呢
有一點期待返學
因為真係唔想再hea落去..
雖然keep住都係有0的野做
但係0個種一起身唔知做咩好既感覺
or一起身只係prepare去玩既情況
令我覺得唔係太好受.....
所以快0的返學都係好既....

而家宿舍又多人返la..
咁先係一個正常既宿舍嘛
都係鍾意見到咁既宿舍多0的

>>January 4, 2004 at 6:51:39 PM GMT+8

2004 年 1 月 2 日 星期五 【晴】

一個903的頒獎禮就能夠引到
遠在英國的sam sam 出現
真係勁
你就開心la...個假仲有排放...

今日一整天都係無無聊聊until開會
起身見到段返左黎
有返一種宿舍的感覺
唔再係好似前幾日咁
成日起身四東都係冇人..
hea下hea下
見到一大班exchange係到攻入何宿
先有mandy同房
再有ruby同房
之後就係好多不同類既人既同房都出現
又有新一批的exchange
阿by個同房係korean
好靜..個樣都係似香港人的..
非常斯文...一個人黎到香港唔知佢心情係點呢
我地個個今晚又唔係到...
好彩得yuko照顧佢....
可能因為佢係dami(唔知點串)既師妹都唔定...haha...好有趣

開完會出左去食宵..
出去的路程好開心
因為可以同baby玩
baby真係一個好funny的人...好鍾意我地幾個人一齊...
就係因為咁..我開始掛住潘德怡了..
如果佢都係到就好了.....

之後再睇左多一次男人四十
林嘉欣好靚...
整套戲我唔知點講
但係係有一種覺得好的感覺
同第一次睇一樣..就係咁....
梁德真係勁....十次十次都係訓著
究竟佢睇過幾多隻完整的vcd呢.....
最驚既係佢會話"都幾好睇"
然之後再問你"你覺得好唔好睇呀?"
真係唔出聲好過啦...
一個可人的baby就係咁
仲要加埋望住你0個個死人懶可愛加岩岩訓醒的樣........
真係痴線架喎........

明日組聚加同郭老師食飯
好期待......希望開心....yeah

>>January 2, 2004 at 7:52:31 PM GMT+8

2004 年 1 月 1 日 星期四 【晴】

叱吒樂壇頒獎禮始終都係我的至愛
點都會覺得好好睇
賽果大多如人願
又或者應該話合理一點
至少我唔會係呢個頒獎禮到見到劉德華先生
一0的根本唔係用個心去唱歌既人...
冇資格係呢0的頒獎禮出現
一個好感動的頒獎禮
有人話叱吒會令到人喊....(呢句係一個歌手今日講的)
我覺得此言非虛.....
係叱吒裡好像連twins說的話也像樣了很多
"我地呢年做左好多野...去keep住個人氣
因為我知道冇人氣....我地乜都做唔到...."
...."我地真係好辛苦...0的時間真係好迫"
其實都唔好話講得唔岩
佢地有佢地既辛苦
可能都係為左做一0的自己想做既野....
做左好多自己唔係太鍾意做既事....
辛辛苦苦.....真係為左0的乜..
雖然佢地唱得唔好...(但係今晚都唱得算係咁..可能開緊演唱會)
但係我覺得佢地有用心去做過好多野俾人睇....
至少有努力.....
比起劉德華先生既"用心唱"真係差得遠
叱吒有好多野都係感動的.....
見到梁漢文見到古巨基...見到at 17見到不同的樂隊
會覺得呢0的人其實真係幾叻
至少佢地都做到佢地想做既野....
而且又有人比到機會佢地....
呢0的機會人生有幾多次
而每一個人又有幾大既勇氣去面對同善用呢0的機會
所有事既發生都係天時地利人和
每一事的發生都係努力勇氣加幸運的組成....
但人生有幾多事係可以咁完美呢....
每一年睇完叱吒都會有一鼓動力去將自己既生命活得更美好....
如果每一個人都肯努力...
追求真善美的話...
香港會有得救
唔可以俾自己放棄一份堅持同執著
難得我有我的堅持....(再一次俾提醒....)
很喜歡阿jan...
每一次出場都係型0個批...講既每一句說話都係型....(好主觀..唔好問我點解)
呢個都係另一個喜歡叱吒的原因....
喜歡見到林夕企係個台上面聽住人數佢今年的上台及冠軍作品
0個一份驕傲.....0個一份自豪...究竟點推動佢去作咁多咁好既作品....
見到林一峰企係台上面唱遇見
一個普通既人企係幾千個觀眾既面前
每一個人都好留心咁欣賞你既演出
係咩既感覺
一個人叻一個人被人欣賞係咩感覺呢....
見到古巨基聽住必殺技大區區都大比數咁高票過其他歌
實實在在咁感受到成個場既人都支持佢
最後拎到我最喜愛的歌曲......好感動
係覺得一個歌手都有努力過
係覺得佢地付出左好多
係覺得佢地應得的...
係覺得我聽日即刻就要去買返佢隻cd...
係覺得我以後都要用行動去支持佢.....
點解可以感動成咁...我真係唔知道.....
開場既時候俞琤話...
"每個人都有佢自己既舞台
只要我地有我地既堅持同執著
去追求真善美的話
我地必定能係我地自己既舞台發熱發亮..."
我信架....人應該有希望有目標
只要我一日仲相信仲有堅持
我唔可以俾自己變得灰暗的............
___________________________________________________
講返今日...
2004年1月1日
起身都係懶懶行...
the ball先生邀請出席飯局
佢都有佢既影響力...
咁mung先約都有八人出席...
都真係威0個批...
八人一同到太子bb任食
欠缺飲食男女都每人唔駛一百就走得...
都算係valuable(雖然成鬼日都食......)
飯局後食到我想食好耐既new zealand natural..
好幾個月冇食了..
第一係香港食既時候冇hockey pockey
今次終於有機會係香港試到...
真係好開心
好耐都冇食過呢隻味...
原來香港真係冇呢隻taste買......
lemon and lime sobat(唔識串)+hockey pockey+mint chocolate chip 真係勁正....
食完真係覺得very satisfied
多謝段小姐同潘小姐同我一齊食呢杯美味得雪糕

>>January 1, 2004 at 6:50:20 PM GMT+8

2003 年 12 月 31 日 星期三 【晴】

一年過去了
2004年到來了
回看上年的日記
只能發現
自己的心境竟不著痕跡地改變了
曾經以為自己一切的事都看開了
曾經以為自己真的長大了
但一年後又發現自己原來都係返返去幾年之前既自己
原來當一件事再從新開始過
自己都仲係一樣.....
有時以為自己接受到既野
以為自己諗得開既野
到最後又唔係0個件事
原來一個人對一件事無論幾有心理準備都好
到要面對既時候都一樣係應付唔到
一度覺得自己冇得救
一度覺得自己傷心到一個地步冇可能開心返
一度有一種心痛但冇辦法去deal with既感覺
一度有一種可以用個心去感受身邊既所有事既心

2003年
離開何宿
各種各樣的farewell
各種各樣的送別
到達機場
離開機場
獨個兒離開香港
四個多月在紐西蘭的生活
適應新的生活
要忘記舊的事
要面對控制不了的事情
見過這一生人都未見過的事物
見過這一生人都未必有可能再見的人和物
回到香港
見返所有好友
重回那一種忙透的生活
重回中大
重回何宿
已經把生活回復正常的軌道
...............餘下的日子會怎過呢....

2004年
是一個新的開始
生活美好與否
只在乎你怎樣的去感受
究竟我會怎樣去面對呢
我個人就係固執
有好多事都係諗唔通
又或者唔肯接受一0的人地講既方法去想通一0的事
但我信我的確有我的執著
我信有一天我會想通所有的事

2003年的感想...........
我覺得我有一個好精彩的年頭
這一年我經歷了很多
這一年可能我一生最精彩的一年
因為有大學生活
因為有外國的生活
因為有香港的好友
因為有外國的好友
我不知我要感謝誰(或者係感謝我媽媽)
令我有咁幸運的一年
有咁精彩的一年

2004年展望
梗係搵到好工la..你話我現實都係咁話
希望個個year 3都會搵到好工la>>>>>yeah!!!
then....希望自己更懂得用心去關心身邊每一個人
我始終都係覺得自己身邊既人開心係令我開心既動力...
你們快樂所以我快樂嘛.....
朋友....希望你們都更美好的將來~~~~~~


其實....
我真係活在回憶的可憐蟲哩........

>>December 31, 2003 at 6:46:31 PM GMT+8