2003 年 7 月 3 日 星期四 【晴】

呢幾日真係忙到pk
真係係home既時間唔係訓就係用電腦
真係返黎訓
訓醒即走...
真係有少少過份
但係又要見呢個又要見0個個
都冇計架喎

琴日為補祝文希同學的生日
我地諗住整野俾佢食
點知如阿華所料
真係爆得就爆
影都唔見
到最後係自己買左好很多好很重既野返到華連
第一個人想打既係阿黃
真係可以聲都唔出咁唔到...食屎la
0個一刻真係會好燘
真係...好彩阿華打黎陪我話一話阿黃....
如果唔係真係打人
又如果唔係一心諗住整俾文希食等佢開心下..
我真係打死阿黃呢個賤人

最後自己獨自上到華連
嘈醒左louis>>>>>>>
再等賤人黃返黎就開始煲湯
仲有炒蜆蒸魚栗子鷄沙律spring roll n chicken wings
之後有糖水n cheesecake.........
真係開心..當我地一齊係到食野既時候真係似一家人..haha

之後要開集訓的會
返黎第一次開返會
有少少跟唔到
唔係好好意思第一次就插人....
唔好意思第一次就意見多多
不過整個會的氣氛都ok既
不過好似正經左少少
不過唔同style0者
唔駛一定同the ball阿輝0個0的一樣架...
不過諗返起上年都幾開心既
做一個輔導員
跟一個咁好既大組長真係開心到顛
記得每一次見到tojian真係興奮得不能形容
今個暑假有好多informal的開心
但係呢一種formal的開心好似又少左...
em...唔知點先係好喎....
但係而家真係過得好開心......hahaha

開完會同文希吹左一陣水再等louis返黎就食個cheesecake
好正...係好好食..因為真係好熱而個cake係好凍....
之後呢幾條友係到打ps2.....
我都輕輕咁睇佢地打左陣我就上去沖個涼..
頂丫....諗住佢地有排打...
點知我一上黎佢地又唔打上返晒黎....頂...
之後玩左一陣就訓左...

第二朝起身就約左ruby同粉陳去買野....
點知買唔成...唯有再揀過啦...邊個叫阿粉俾個fd fake左...hahah
之後等埋the ball同阿bun就去左阿粉個會所到玩
真係無無聊聊又hea左一個afternoon...
我同ruby講"呢種生活真係邊到搵.如果唔係冇錢駛真係正到顛"
ruby同學認同不已...hahahahahah
係會所玩到九點幾...我地決定上陳粉的"豪宅"到睇一睇
我地上到41C...唔知係咪佢媽媽俾錯左key佢所以開唔到..
呢個人係呢一刻竟然去用條key試下開D 到門...
膚淺既我心諗...你唔好攪人地度門啦(其實係有講出口的)
點知佢.........話........."唔係呀..打通架...一間邊有千幾尺"
BEAR一聲...真係想暈..呢個唔係我朋友呀
咁過份...買兩間打通佢....你當呢到係邊到...真係唔駛錢呀...
俾佢咁嚇完之後我地一心諗住去隔離panda hotel到食宵夜buffet
點知原來星期五六先有....頂...
咁我地唯有等埋阿鵬and 段就去左對面的酒樓到食打邊爐buffet
好過冇la...下次再去見識過粉陳的家的時候再去食過la>>>
其實呢間野都ok好食既
食既時候都冇乜野發生except段小姐的....
sori..我真係唔知會咁...
sori..我有笑...因為真係忍唔到
sori..我肥...但我真係估唔到..
sori..因為我而家都仲想笑..
但係好朋友..唔好怪我..我真係唔知會咁....你而家冇事就好...hhahaha

呢幾日真係忙到pk...只係可以打一0的descriptive的野
過幾日得閒再打返詳細0的....係咁



>>August 31, 2003 at 4:28:25 AM GMT+8

2003 年 7 月 1 日 星期二 【晴】

今日有兩件大事...
七一反二三遊行n七一又食又拎型人聚
由於未整好晒份禮物
故此今日特登早起身左少少去整好佢...
其實仲可以整好0的架...即係係我心目中係仲可以好0的
but時間實在唔容許我咁做...

之後約左阿華兩點幾係荃灣到等再去太子n旺角都會合阿黃n文希
點知...真係食屎咁多人...都唔知係咪真係個個都想遊...
真係咁多人都得既咩
先有阿黃太子上唔到車
再有旺角我地落唔到車..
不過旺角真係ok過份...想行出去0個一刻...係想咋..就已經俾人迫返入黎
仲要迫到大家痴埋晒一齊氣都抖唔到既情況...
咁既狀態都keep左幾個站until金鐘..
我想講我真係要死架la>>>>>
因為實在太多人la>>>我地多次改變相約的地點..
打到連network都busy埋..
有幾刻都真係咩台都打唔到...pk..
到左天后..我地好好彩咁搵返中大0個堆人..
見到wayne wayne好型咁帶緊頭....
其實幾多識既朋友都係到lor>>>
佢地話呢次有53萬人上街遊行..(呢個係until我走0個一刻的數字)
其實唔知係咪個個都知自己係到做緊0的咩呢..
係咪個個心裡面諗既野都一樣呢
不過身為一個香港人...既然覺得呢個政府有問題
覺得有0的野真係好唔公平既
似乎都真係輕輕都應該做返少少野
表下態咁既...雖然可能都係零影響力..
但係總算盡過"力"
其實呢個政府真係好多問題
0的死人官員又真係有時笨到仆街
公私不分的情況真係....嘩係....勁呀
唔知..我唔係真係好激進的
但我覺得問題係存在的..
始終都係要解決
政府裡面既好應該係有能者
唔好再係0的靠吹水..
野都講唔好既人黎做既.....
唉.....香港...點解會咁呢...

直到七點我就走左la>>
由於應承左爸爸陪佢去睇鞋...攪到我又要落一落尖咀..
但其實我想講brikenstock的専門店都好唔専門架其實
波鞋街都多款過佢...條白痴唔知點解死要落尖咀睇...頂...
之後睇完火速走
因為已經就黎八點
遠處見到有架2號
即刻九秒九咁勁追...
好很攰...真係好耐都冇跑過...無啦啦要追巴士..
呢一刻我會諗有車真係好......爽死...

之後八點前到左又聚現場..
又係賤人黃害我
大久保真係好很差
唔好去呀下大家
唔值125.....可以去死...0的sashim(點串呀喂)真係等到死都唔會黎...
唔係條魚養緊呀!!!!!!!食佢既屎.....
但係由於情緒太高漲了...
野食變左次要少少...所以都ok satisfied既
今日有送俾佢地既souvenirs
亦都有我地期待的lucky draw
lucky draw的反應好好...
大家都有大家的快樂
不過真係要多謝梁德
佢個"枝竹"常樂
簡直係將成晚的情緒推至高峰...
冇得頂..可以咁頹..但係都幾開心...except esther la..hahaha
見到the ball先生的飛機真係開心...
我都想做一個飛機師架..好型架...
由細到大真正覺得型的job
食完之後去左石磨坊到食糖水
上一次黎係nearly要走既時候
行完花墟既時候carmen lo帶我地黎呢到食的
後尾louis組聚完都有join我地食
食得真係要用非常開心黎形容
講到真係唔捨得走...不停咁講
不停咁笑...笑到我把靚聲輕輕都有少少沙
而家勁drink 緊water>>但係真係十個開心..
一講起旅行講起宿舍講起我地最憎n最un頂的人..
簡直係講幾日都講唔完...
好期待返宿呀..........

今日又聚好成功
下個聚係the ball b-day..到時再見大家...yo~~~~



>>August 31, 2003 at 4:24:49 AM GMT+8

2003 年 6 月 30 日 星期一 【晴】

呢幾日keep住都係見下呢個見下0個個
見得最鬼多既莫過於段同louis>>>
每人有兩次咁多
不過聽日再見一見
段將會再帶頭...hahaha

今日一起身就返中大..
返到去好開心
中大真係一個好開心的地方
返到去見到elb見到王福元
見到眾志見到池旁路
開心得不得形容
坐入會室的感覺真係好好
0的野執過....大左..多0的位hea...真係開心....
之後上左華連
始終都唔係何宿...冇咁開心...
不過好有一種暑宿的感覺
住宿真係開心

之後迫左louis同我去接佢地機...hhaa
真係唔好意思又唔該晒...
去到機場...感覺好近..可能岩岩先係到返黎...
見到佢地好開心..即講過不停....
坐係架trolley上面..the ball推住咁係到玩..
好free>>>>同佢地一齊真係十個開心架唔知點解

跟住ruby返左home...其實佢都有好大進步
at least佢今次唔再叫佢阿媽黎接佢..
我appreciate你...
你長大la ruby
我地之後去左東涌到食野
坐低食下野又講下野真係幾開心
好期待聽日的聚會
話晒都係我攪出黎的
希望大家食得開心玩得都開心
今日係咁...
冇乜時間打n 56k好很慢
係一種想打人的感覺


>>August 31, 2003 at 4:24:18 AM GMT+8

2003 年 6 月 13 日 星期五 【陰】

我都是比較喜歡這裡
每一次係到打其實都有心機0的
一來0的字真係細0的靚0的又整齊的
0個面既每行隔位真係好衰

今日都nearly執好左野
執得好快...可能唔駛諗咁多
有好多野都唔帶返去la>>>
就黎要離開其實真係唔捨得
係呢到都住左成四個月....
走左一世都唔會再返
有好多人一世都唔會再見到
朋友...相遇真係一個緣份
呢個世界咁大
竟然俾我地係呢個唔屬於我地自己既國家到識到
其實都真係要好大既緣份先得
雖然有0的人一世我都唔會再見
但你地已經成為我既記憶

其實到今日我都唔係好相信自己有機會獨自離開香港四個幾月去到一個咁既地方生活
可能由細到大都冇諗過去外國讀書
更加唔會諗到自己會有exchange的機會
(一向都唔係呢0的最好0個批........雖然其實都唔係真係好......)
諗唔到自己一個人拎住晒0的野黎到一個陌生的地方
開始一個全新的生活
冇錯的...是一種體驗
唔好問我學到0的咩...因為我都唔係真係好覺學左咩
但可能呢0的就係tactit knowledge (which is diff to explain)
學到更識到唔同人相處
因為有好多人真係由根本開始同我地係唔同
要尊重別人要愛護自己
要識係一個新世界新經歷之中搵返自已
體驗之餘要保存自我......
要做到真正的和而不同
用一個平和的心境去面對千變萬化的事
其實真係唔係一件易既事
黎到呢到..我學到更consider別人.....
要令到你身邊的朋友開心
令到自己開心
突然之間有種唔係好想走的感覺
其實要返香港突然有少少驚
因為太多野太耐冇惦過...真係有0的怕
怕自己已經唔再係0個一群
怕失落怕被獨立的感覺(雖然我知唔會.....但係......好難describe)
怕面對某些事情
怕面對自己唔想要的答案(雖然我又講過答案係點我都唔介意...but我都唔知自己會點架喎)
其實好多野怕
但又好多興奮的事...

總之而家心情好矛盾
唉......

溫書了.....

>>June 14, 2003 at 12:46:24 PM GMT+8

2003 年 6 月 9 日 星期一 【晴】

今日既活動又係溫書..
但係...都唔係only溫書既
都輕輕咁出左去city centre到食個lunch 架
琴晚(即今朝)成七點先訓
但係十點又再起身出去為左食個lunch同買野
我都覺得自己真係威
不過冇所謂la..
反正都真係唔係好想讀書lor

不過可能真係我地出街就即有太陽
唔知點解呢幾日都係...
出就有大太陽..
唔出就落晒雨
唔通我唔係貴人......

出到去食左魚旦粉etc.....
係係一間chinese fd shop到食...
um..唔明點解係呢到食親既中國野都係唔好食的....
不過我地真係食得...
次次都係叫到成枱都係野食..
really係零個位放野
再加上agnes 呢個devil買既6 杯雪糕for 四個人食...
仲有五支汽水for 四個人飲既情況
真係冇可能再放得落野...bear一聲
呢個lunch真係飽都唔能夠形容
再一次過份左
睇黎有人話減肥都係減唔成...
plz唔好害埋我..haah

之後去左countdown到借個清潔carpet的machine去清返rawhiti的臭味
um...其實我一入到rawhiti真係唔係好聞到0的味lor
都唔知點解佢地話仲有味
不過問題都唔係呢到
係有人係到勁推卸責任
個個都有責任
plz唔好推la..
關事的可以視而不見之餘一句多謝都冇...一下都冇諗過幫手
真係bear一聲la
算la....可能真係有誤會
but佢地而家0的態度真係差架下
攪到冇錯的人完全地怪自己
唉....可憐的

返到黎訓左一陣....咁就六點幾la...(真係好攰..唔訓都係零productive)
一起身就落左去煮飯
今日leon同agnes都黎左
就係咁la..我地個secret admirer又黎左
今次送上pafuluva(唔知係咪咁串呀...係一種用蛋白做成的蛋糕型dessert.....nz好出名的)
仲有好多冇乜可能係到買到的生果.......
真係十個過份有十一個......
係lor....搵日一定要足左0個個secret admirer先得.......
(多謝你la輕輕咁.....雖然你唔會知..)

食完返黎繼續....其實係開始溫書...
until而家..即係早上七點..
我都係要訓一陣
明日再努力......om>>>>>>>>>>

>>June 9, 2003 at 7:03:34 PM GMT+8

2003 年 6 月 4 日 星期三 【晴】

天氣好到驚
juz like summer
係會有熱的感覺
真係奇怪

0的雀仔都好係嘈
唔知點解可以成日都係到sing...
不過算la..我又唔係覺得好煩0者
佢地咁sing都ok既
但真係只聞其聽而不見其樣lor

起左身咁耐
而家都係未讀過書....頂
但係真係好攰and唔想讀
頂...........

好了...唔打la...

>>June 5, 2003 at 4:38:59 AM GMT+8

2003 年 6 月 3 日 星期二 【晴】

今日天氣好好
太陽伯伯都ok架喎.....
係晒架下
因為琴晚都太興奮
於是都係今日六點到先訓
but為左今晚的打邊爐...
十二點就要起身去買野
um....其實都掙扎左好耐....
但我一起身就見到agnes個msg
令我覺得好唔好意思...(佢係冇訓咁等我地去買野食.....)
於是即刻起身走左去叫佩兒都起身
但係兩條友係到講下講下
又到左一點.........
咁就去左兩個asian food shops...(真係一東一西)
兩個大supermkt到買野食..
0的野真係好難買呢....
但今日好奇怪
唔知係咪天氣太好...
戶外的暖過0的supermkt架喎
呢件事真係好難係到發生
真係次次都係戶外凍到pk>>>>
去左咁地方
終於返到黎
但係坐係到又唔想溫書.....真係唔想........
算la>>>>>>>>>睇下la>>>
唔可以再咁懶

>>June 4, 2003 at 3:54:32 AM GMT+8

2003 年 5 月 30 日 星期五 【晴】

今日既天氣好左
出左去一陣
去左睇下佩兒的生日禮物
出到個city centre
發現一個好好行的精品店
真係ok好行
有種柳暗花明又一村的感覺
真係ok靚同ok得意0的野
咁先係nz丫嘛....
即係個feel係好natural架下.....
最後buy左一隻好型的杯and一隻佢想買好耐既bowl>>>>
(0個隻死人bowl個形好難搵..真係麻煩架下)
跟住返左黎...
都幾開心
因為都總算係有0的野叫做做過丫...

轉眼間.....五月就過去la>>>>六月黎la>>>
即係仲有二十六日就會係香港了...
仲有二十一日就考完試
二十三日就離開dunedin可以去旅行la>>>
正....時間愈黎愈少先發現身邊的人同事都應該好好珍惜
但好似好的人都係比較遲先比我識到
好可惜只係可以同佢地一齊過個幾月.......可惜...
返黎既時候
我入屋既時候影左好多屋裡面的相
有一日我一定會掛住呢到的
所以要好好咁記住

朋友
唔好自己怪自己
你已經做得好好
你都冇錯...唔關你事的
你的確係一個angel....
一個要帶歡樂俾朋友的angel
我知道我一定做唔到....帶歡樂俾每一個人
但我會努力...我都有好似你咁既希望架
希望我做到
你都做到
你既出現話俾我知
我呢個希望一0的都唔渺茫
原來呢個世界上面都有人係好似我咁...yeah!!一齊努力
盡量la>>>希望身邊每一個人都開開心心la>>>

雖然唔可以一齊去旅行係有0的可惜...但nevermind la>>
你有一日一定要黎香港...
我都會黎馬來西亞架...yeah


>>May 31, 2003 at 11:02:37 AM GMT+8

2003 年 5 月 29 日 星期四 【雨】

本來都想出去行下
但係呢幾日都係落住雨咁
攪到都冇晒mood出去lu
同埋係到自己出去行都幾無引
因為呢個city太細la..
咁出到去見到識既人既機會率係超高
俾人見到自己係到交流
仲有既係....可能佢會join埋你一齊行
咁就粉碎左我自由行的美夢
係咁....所以真係冇乜mood出去....唉

但其實係真係要出去架....
因為我都仲未買野俾佩兒...
真係要快0的出去揀下先得...

今日一訓就三點幾
其實可以再訓落去
但係真係覺得有0的過份...
雖然唔訓又冇乜好做
但訓晒真係有0的唔好意思的感覺

見到佢地去山頂的相
又知道佢地聽日會去海灘
真係十個開心有十一個既情況
頂......又冇得去lu>>>>>
希望返黎係真係可以去返夠la...
好想同你地一齊玩呢..
好想去海灘呀!!!!
我要夏天呀
呢到真係好凍............

頂

>>May 30, 2003 at 4:29:05 AM GMT+8

2003 年 5 月 27 日 星期二 【雨】

要令每一個人都開心真的不是一件易的事
文希講得岩...明知自己一定做唔到...
但.....我都會試的....
唔可以再將自己的價值觀放係別人身上
唔係一定岩用到
um....令到有人唔覺得太好受真係覺得有0的唔好意思
難辭其咎..
我好明白你的想法
我真的覺得大家的想法都沒有問題
和而不同就是這樣...
多謝你..我又學懂了....
um....但請告訴我當你真係覺得好唔岩的時候
出發點是好的.......但唔係force每一個人都要勁accept...
係lor..用文字真係表達唔到lor...
但我真係明........我諗你都真係明我的
um.....我希望我可以做得更好
我都係想大家開心0的架咋..
有唔開心要講lei(所以好開心你講左俾我知..yeah!真的)>>>>>朋友嘛......
乜都係假....
真既只係開心..........係lor...想大家開心lor...
希望冇好心做壞事...(你知呢0的situ成日都有...)

自己都係諗得唔夠全面呢...
要再進步真係要再進步.......
有一點對不起的感覺...........

>>May 28, 2003 at 5:30:32 AM GMT+8