2003 年 4 月 2 日 星期三 【晴】

真係唔可以話佢唔熱
今日即刻熱到仆街......
真係好好好好熱

今日上mgt tuto
頂
真係做錯左
真係好多人去問tutor...
真係得我冇去...
好彩上天依然對我好好
今日上tuto既時候講左答案
我仲可以改得切...yeah!!!
我真係覺得自己好好彩
永遠都唔係去到絕處
總係話我知絕境都可逄生...哈....勁

今日真係冇咩做過...都係交流啦
繼續上堂發夢.....真係發得好勁
成日不知不覺冇聽.....之後開始諗一0的無聊野
跟住唔知諗緊咩
跟住發現professor講左好多張slides.....
跟住唔想聽...
跟住都係有聽
因為我而家唔係香港
唔可以靠人要靠自己.
如果唔係就仆梗街

想努力
但努力不起
已懶出了未來......
想回頭已來不及了...
每天只有呆坐...
看時間一天一天的過去....
我是開心的.........因為我快可回香港
我是害怕的.........因為做essay的時間愈黎愈少...但係我仲係原地..................企到地板都爛了....
救下我
我唔可以咁懶.....

>>April 3, 2003 at 4:16:22 PM GMT+8

2003 年 4 月 1 日 星期二 【晴】

今日終於有太陽...
一起身見到個太陽真係好開心...
但其實有太陽都真係唔暖得去邊...
算了.....夏天已經走左......

今日只係上左一堂...仲要係廢既
廢就唔好敎啦...仲要唔俾note..
真係唔知佢想點架喎....
基本上我成堂都係係到訓
我覺得自己好無聊
成日去上得一堂...仲要訓埋...我係咪返左香港呀....唔係既..係香港我實唔去上

見到rachel姐姐同pat姐的留言
嘩..咁好呀...讚我..雖然我都好贊同你地既說話...哈哈
拿
但我要澄清既係...唔係我唔同你講野..而係你成日走去訓同做你既奇怪essays咋下...
而且你一向都唔記得自己係邊個國家既人架喎...
乜你唔係係香港黎既咩?????哈
rachel都講得好岩......我地可能真係可以追得到sars!
但你唔駛理我香港0的朋友
佢地好快就會留言叫你小心0的我好過......佢地真係我既"好朋友"黎架....

今晚自己一個人去上pottery
因為satoko唔得閒......好多日都冇同佢傾計添.......
自己一個人行去既路我唔覺特別長
可能我真係唔怕一個人既人...
今晚係自由時間
鍾意整乜都得....我整多個盒...
整左好耐...用左我最喜歡的pattern....
我唔鍾意公仔..
我鍾意font同pattern......
最後仲俾tutor贊我...哈...真係開心
走既時間自己係黑夜中行返黎....
感覺好特別
諗諗下...原來黎左咁耐都冇試過自己一個夜晚既時候係街到行...
原來黎到之後我做咩都有人陪...
一個人行...感覺好好
天好清好多星星....想慢慢咁欣賞
只係................................好q凍.....行慢0的都凍死街頭...所以真係冇閒情再去欣賞...
但係自己一個人的感覺我真的好enjoy........

返到黎...又開心睇readings...但係進程甚慢....
但完全冇心情去睇....唉...
我都係懶人一個...冇藥可救
嚴重過sars




>>April 2, 2003 at 1:47:34 PM GMT+8

2003 年 3 月 31 日 星期一 【雨】

-------沉痛的號外-------
號外是要令人開心的嗎
或是令人不開心的嗎
答案或許是不定的
但消息一定令你震驚
哥哥既死的確令我心情一沉
你話我多愁善感都係咁話啦
佢既死的確會令黑暗中既香港再披一層黑紗
有0的人真係一0的精神象徵
一個咁名既名人....
你可以話佢影響唔到我地
起碼我地會shocked by 呢個news!
跳樓...一個恐怖既方法...
一個愛美既人....
係點可以鼓起呢股勇氣....
我應該話佢"勇氣可加"
定係"無膽"................點講死都係解決唔到問題
我朋友問我"佢仲有咩係未見過,點解會咁....."
我唔知呢..每個人心中都有解不開的結....
是乎你怎樣令這個解不開的結盡量不傷害自己
但方法一定不是剪斷條繩.................了結自己的生命
事情發生在此時尤其諷刺
這個也是我心情低沉的原因
心裡面有不能形容的憂傷
不是因為死了一個明星...
而是有一個人真真實實的一個人在一群人正在病房裡和sars摶鬥的同時
斷然了結了自己生命
是一種諷刺
是的-----每個人對生命的態度都不同...
有人掙扎求存一分半秒
有人不顧一切選擇離開
但為什麼這邊廂有人掙扎要存時....
會有人輕生
我不相信宗教
我不知生命是誰賦予
就簡單的當是父母吧.....
一個人的生命是由自己和父母共同擁有的....
當你們有尋死的念頭時
想想你的父母
然後再想想正在和病魔摶鬥的人的勇敢...
在戰地上的無辜的平民尤其是小孩子
他們每日都生活在生與死的邊緣.....
你可以再想多一秒嗎???可以"考慮"留在這個你認為絕望的世界耐一點嗎
就當是可憐其他想生存的人....
"代"他們生存下去

朋友們...
生命真的很渺少....尤其是在這個年頭
請好好珍惜你的生命
一個人可以過得很幸福只要你覺得滿足
只要你知道一切得來不易...
知道如何感謝待你好的每一人....
你便會感到滿足.......
好好過你們的生活.........盡力的活到生命的盡頭!!!!


>>April 1, 2003 at 2:04:23 PM GMT+8

2003 年 3 月 31 日 星期一 【陰】

琴晚勁做功課....拿
我想講又係mgt呀下.....
我想講我實在花左太多時間係0個到...
我覺得好唔開心....大佬.....荒廢晒我0的mkt........
我讀mkt架...你估我真係同你過世咩mgt
但係諗左好耐終於諗到點做....計到
而家仲寫好...真係好滿足...(雖然都係唔知岩唔岩)
我真係將係香港冇用年半既勤力同仲有一年既努力用晒係呢個sem
下個sem返到香港你踼我都唔郁架啦.........
頂....真係辛苦到死...係咁打左成晚又係到用word畫圖....
真係做到條頸都痛....又眼訓
真係做功課做到咁可憐...唔係個個都得
做唔慣係咁架啦--------頂

好心啦...大學生...唔好唔出兩日街就嗌悶啦...
我真係可以幾日都唔出街架喎....我指係香港..唔係係到呀
所以我話過我個真係已經好抵得悶.....
而過到黎都感覺到"悶"
你可想呢到真係有幾悶..
但係以我還強既適應力...
我而家已經唔再覺得有咩...唔再悶
你地都可以做到
打去同朋友傾下計...玩下icq..睇下碟咁
好快就過啦
同埋....今日睇左篇報導
都真係講得唔錯
係香港而家咁亂既時候
我地身為大學生咩都做唔到...
只係識簽名叫停課...
仲要淨係識得話政府真係仆街...
拿
我真係覺得佢地猶豫不決
有做錯...但係又唔係真係樣樣都唔岩既0者....客觀0的
佢地都好很慘...有時...而家咁既情況
真係行每一步佢地都係仆街....
唉....鬼叫佢真係慢人一步咩.....
其實呢個咁既時候唔係真係得個悶事
其實我諗好多野可以做到....
關心下你身邊既人..唔係真係要見到既
打個電話唔得咩
留意下身邊發生既事.....
唉...唔講
同"心靜自然涼"一樣...
你唔燘咪唔悶lor......
(我真係覺得係香港留係屋企幾日唔出街都唔悶架喎...唔駛問我..我試過好多次)
心境平靜0的啦
唔好咁易俾悶影響到心情先得架

呢幾日都落住雨..好凍
琴日返學既路上....帶著傘子
不停地低頭急步走....
但細心留意...
滿地的紅葉黃葉雨後伏在地上更覺美麗
雨水好像沖洗了一切的污漬.......那一個畫面美得很...但是沒有dc....
可惜...永遠都是這樣的...真的不知為何.....
不打緊...一切已在心中

同曾小姐傾開
是我們有太高太大的目標嗎
我不認為
是我們太過緊張嗎
是我們迫得人迫得自己太緊嗎
是我們太強硬.....
是我們太認真
um....是我們太唔衰得太要面了.....
但我真的不能夠降低對某些事的執著堅持要求....
因為我覺得我已經到了lowest limited....只是大家不覺
但劉生先的一筵話....亦令我覺得我要降低對人的要求
我希望我做得
都希望祈小姐做得到
咁樣
對我地兩個都係一件好事....
起碼唔駛下下講起0個0的野就滔滔不絕..
你有你大把的例子
我都有我無限的案例
講到下世都講唔完.....一個字....燘
但有少少自己lor黎....但冇計....
生性如此丫嘛

>>April 1, 2003 at 8:58:13 AM GMT+8

2003 年 3 月 29 日 星期六 【雨】

起身
溫書
做功課
做到
勁
開心
operation manager<---我係.....咁都計到...

做duty
煮飯給flatmates

check email
兩度click錯
emails 永別
心痛

朋友
只是一天在家便叫悶
有冇諗過我既感受
覺得悶可以諗下我....咁樣你地唔會再覺得自己慘okay???
香港人...大學生...唔好咁啦...
你地呢個話晒都係reading week...
其實係要溫書...
係你地唔溫先冇野做0者

天氣都仲係唔好
好凍
唔鍾意咁
但咁樣既天氣同心情配合一些.......可惜

繼續睇
繼續擔心
祝安好


>>March 30, 2003 at 10:46:43 AM GMT+8

2003 年 3 月 28 日 星期五 【雨】

今日本來諗住早0的起洗衫同做功課
到最後梗係冇早到啦
仲要成點幾先起身.....唉
最終咪就係乜都冇做到lor

今日好凍....因為今日落雨...
真係流年不利
成個星期都好好太陽
但係今日一有rugby睇就落雨落到仆街...
鬼咁凍
我想講睇rugby d 死人stadium係冇蓋仲要食q晒風
所以今日一路睇一路只係諗到freezing
而且場波又唔係咁好睇....所以...有食屎之感

睇完去等巴士走....低能架喎
好似走難咁
真係要追同衝上架巴士上面
0的人好似瘋狂咁架喎
上到架車又大叫大嗌....
有時真係覺得0的kiwi真係冇腦
好似冇受過教育咁架喎....好似白痴咁...

返到town
去左indian restaurant食野
一個字 : 正

再返黎hea一陣去int'l dance party
掙扎左好耐...仲俾曾祈話我煩
咁係呀嘛
我又唔鍾意shake
真係好難決定去唔去架喎.....
去到...今次呢個場幾好
可以坐係到睇人shake...自己可以吹水同笑人地....唔錯唔錯...
識到一個係香港黎的男仔....
都可以講都野既
皆因佢係咁問
但佢係一個百份百的"旺角人"
頂....我至憎
但憑住一個信念"有粗口同有廣東話就有朋友"
我好努力咁用我既吹水skill同佢吹左好耐
我覺得自己好勁....威!!!

返到黎睇到..al的email...呀...真係gd....成日有好野
佢個email話
"滿足感不是來自滿足於你想要的,
而是了解你所擁有的是那麼多"
用心領會
朋友
你們會明白的
願大家都能滿足自己所擁有的!!
謝

看見肺炎傳到屯門...有0的驚
都係0個句.......好想唔記得...
但係隔兩秒又記起
整日的心情都不是太好
好像有股力量叫你別太高興一樣
願大家身體健康
肺炎
你走啦
冇人歡迎你呀頂

>>March 29, 2003 at 3:21:19 PM GMT+8

2003 年 3 月 28 日 星期五 【晴】

說得對..............
活在這個世紀的我們
都是享樂派...
危機感極低
世界上發生的大事對我們都沒有直接的影響
起碼我們可以不理....而且仲可以正常生活.....
這一次的打撞是太大....
卻喚醒了我們靡爛了很久的心
香港人...係時候要反省一下
一切都唔係理所當然
要珍惜...珍惜自己的健康珍惜生命.....
生命是渺少的
由上年七月開始...不知由我口中說過多少篇....
人愈大.....對歲月的流逝....生命之短速.......死亡的接近
特別吻感...............................................................
莫非.....................時間真的過得那麼快.........我們真的長得那麼大.........
每天慨嘆時光飛逝.....
承諾明天找緊時間
善用光陰
但明天依然是明天....
我依然故我
日復日地虛耗光陰
我究竟在做甚麼
我究竟想做甚麼

有時覺得目標清淅.......
有時覺得它很模糊
有時覺得一切在手
有時又會捉不住它

難以掌握..
應停下想清楚
還是勇往直前

時間．流逝．捉不住
只有盡力與它走著同一步伐
才能不後悔
世上沒有絕對的對與錯
既然如此....
我一定會努力

>>March 28, 2003 at 4:35:54 PM GMT+8

2003 年 3 月 26 日 星期三 【晴】

好很多野想打....真係好很多...
而家好很辛苦..............唔好問...一陣就知
----------------------------------------------------
起身(係十一點呀下..好很早)--->同rachel去student health到打flu vaccination
我都唔知點解打...但係唔係好貴咪打下.....
打完返黎上網睇新聞....
曾祈講得岩..
除左打仗同肺炎....已經再冇位放其它新聞
一日比一日恐怖
情況好似一日比一日差
傳得一日比一日快
我地好似真係一步一步走向末日...
生於這個年代的我們.....
成為將會成為歷史上特別的一群
將來聽返人講我地而家發生既事
唔知會唔會好似唐山大地震之類咁呢....
呢一種特別
相信冇人會估到
一切都係超出我們估計的....
生命的脆弱
人性的虛偽和醜惡
社會的恐慌
已經到左一個我地唔能夠控制甚至係接受既地步
香港人.......能否渡過這難關呢...
伊拉克的人民......尤其是千千萬萬的小孩.....你們有將來嗎????
一切都是叫人憂傷的
--------------------------------------------------------------------------
所有事都很突然很接近
我們的中大我們的崇基
現在已變得危險嗎??
身處在內的你們
是擔心或是已失去感覺呢??
身處在外的我
除了擔心及問候......能做些什麼
梁德問:有冇覺得miss左呢個experience,定係你覺得好好彩呢
experience??!!聽起來有點可笑...可用experience來形容嗎
我即時的反應是: 我好肯定我唔覺得我係好彩........
0個到始終都係我既家...
我點都要返去...我亦都唔想0個到既任何人有事...
outward bound時我講過...我唔會做末日的生還者...那個角色太可悲了.....
我當時答梁德....."咁又唔會話覺得miss左架....????"
現在想起....唔再覺得問題幼稚..反而覺得問題很可悲....真的有種末日生還者的感覺....
曾祈話:咁又係...我地老左講起你又真係冇左呢段記憶......
common memory!!!係呀...冇左.......真係冇左......
----------------------------------------------------------------
口罩遮蓋人們熱情的笑容
轉化為冷酷的表情..........
這種感受我永遠不會明白......
但我真係不想見到...
往日校園中的歡笑....
被一個病毒.......一個一個的口罩徹徹底底地帶走了!!!!!!!可悲....
------------------------------------------------------------------
說到停課
政府是否再一次顯示他們的絕招"猶豫不決"呢
遲遲未能做決定..
妄顧巿民著急的心
畏首畏尾
這是他們一次又一次大失民心的原因
他們有否站在人們的立場看過事件....
他們有否想過令人們安心的策略
要治好肺炎雖時什久
但要治好人們的心.......一個果段正確的決定已經足夠了........
為何他們仍是坐視不理..........
李國章呢個世紀好人...真係一個好堅決既人黎架喎
-----------------------------------------------------------------
中小學停課
但大學生依舊要上堂
我想問下而家大學生上堂係咪唔會見好多人架
係咪所以大學生都唔會受感染架
我想問呢......中小學係學校...大學唔係......?????定係大學生真係命硬0的呀
係咪白痴...
我唔想評論咁多
好燘......
係人都話廣東0個面如果早0的通知香港話個病真係咁嚴重...
而家香港可能唔駛咁
你地呀高官呀都識咩係"預防性於治療"啦
但另一方面又話咩大學裡未有於大學裡受感染既案例
所以唔停
我真係想問下係咪高官就可以咁矛盾架.....
我又想問....有時既時候停黎做咩呀...到時又check晒全校萬幾個學生呀....
真係頂佢地唔住...
再唔走得快過個病
我地真係可能會輸.......
---------------------------------------------------------------------
---------------------------------------------------------------------
今日唯一一件值得開心的事
我的om 1st assignment派返啦
b+....
喜悅之心難以形容
本想大事形容一番
但而家真係冇心情
---------------------------------------------------------------------
仲有...令我心情跌入谷底的原因是...
我今日面臨了第一次的危機
頂
份2nd assignment完全唔很識做
而家好努力咁係到睇書...如果睇完都唔很識做
我真係要跳海....唔好阻我...
而家已經好很支力...但我仲好想睇書...因為真係好唔很識...小


>>March 27, 2003 at 2:58:53 PM GMT+8

2003 年 3 月 25 日 星期二 【晴】

殺到埋身
真係殺到埋身架啦
肺炎已經到左中大到左崇基
一晚裡面收到多個講華連有人中招的msg
心裡面真係有0的怕
我諗係香港我可能仲會唔怕
但係係呢到...睇住個個隨時可能有事而自己就得個睇字
真係好驚
再叫大家小心身體已經冇用
因為病痛已經係你地身邊
唔返學咩
其實都於是無補...因為宿舍仲多人過上堂
返屋企咩
都係宿咁耐
仲返....一個唔覺意真係傳返屋企就真係仆街
唉........有時真係冇得驚咁多
但係當學校同你講話建議大家帶口罩......仲要有得派既時候
係咪仲可以唔驚
仲可以當冇事發生過
我知新聞有吹大就冇隠暪架啦...
日日就講幾多人被感染
但永遠都唔講有幾好人好返冇事......
但係..........見到受感染的人愈黎愈多....
咪話唔怕
今次真係小題大做好過大小化小小事化無....
因為跟本冇得去到"無"呢個位.....
肺炎...仲要非典型0個隻的而且確存在.......

生活係呢個年頭....
真係好似世界未日咁
人為既戰事 天災 傳染病
乜都有........
呢個係咪真係上天對人類的警告
又或者現實一0的
物有盡時
而家係咁盡啦真係
過左火位...我地已經去到diseconomies of scale啦
唔同既係後果唔係price上升咁簡單
賠上的是最寶貴的性命.......

香港的朋友....
唔知仲可以講咩
總之小心...
我希望見到大家健健康康



>>March 26, 2003 at 11:37:40 AM GMT+8

2003 年 3 月 24 日 星期一 【晴】

頂
一click....咁又冇左
成日都係咁真係頂

琴晚由於係床到睇書睇睇下訓左....
而一起身又已經係五點幾既情況
所以我冇打到od.....

今日諗住早0的起身讀書
點知都係唔得
起身睇新聞...
唉...
不是肺炎便是打仗...
打仗我已經唔想再睇啦....
唔知會有幾多人死幾多人傷...
一開始已經係錯
但係在位者唔覺唔知同坐視不理的話
我們可以做的只是祈求戰爭早日停止...
bush同saddam都係時候清醒啦...................

我唔想世界未日
唔想咁天下大亂
唔想見到香港的家人朋友咁危險
唔想有肺炎
更加唔想威院咁近中大......
宿舍係一個多人既地方....大家一定要小 心一0的...

有時真係覺得自己唔知可以做0的咩
同香港相隔咁遠...
同美國伊拉克都如是
我而家真係安全到我都唔信
但係咁樣反而令我更擔心你地........
你地一定要小心身體呀朋友......冇野可以做........
只好靜靜地為你們祝福

今日rachel姐姐話上到網...於是我又過左去吹水同玩outlook
真係唔好意思 啦rachel.....又攪住你成晚...
又一晚冇得溫書.......唉...
我地咁樣真係唔得
真係要個study plan先得.....
我一定成功.....溫到書.......
希望啦....大家一齊努力

但我想話我見到個outlook真係實在太興奮
好耐冇見啦朋友
我重見光明
雖然要借助力...但都總有見光的機會
好過冇,,特別鳴謝rachel借呢個外力俾我
咁你地以後唔好再係ng到講我壞話
尤其係阿黃.........
文希...多謝你多次幫我...........你係我的好朋友
好朋友...我想飲湯......請學好煲粟子雞湯...yeah..
唔可以偏心liza...哈哈.....

講下講下又到三點...又係時候收手
呢幾日真係冇乜時間..........唔知點解..
聽日學陶瓷yeah

>>March 25, 2003 at 2:52:46 PM GMT+8