2003 年 9 月 26 日 星期五 【晴】

是忙碌但充實的一天
全靠阿pink
再次成功咁上F123
上堂都係發下夢訓下覺有時都會聽下書既
今日見返0的groupmates
覺得太內疚...真的
唔相信自己會做錯一0的咁白痴既野
唔記得開會我真係一次都未試過
竟然要係呢0的時候唔記得
其實又內疚又唔開心
希望groupmates唔好太怪我la...

今日冇上assembly
對於今日個題目..
興趣唔係咁大
加上好多form要交
好多野要做....而且仲要上到本部
把心一橫就唔上...(後來從段的口中得知這不是一個損失)
上左今個學期第一次去的BA office
去左baso so房拎organiser
再落恒生過數交學費入cheque
再去career planning centre到sign up..
sign up 恒生既aptitude test
呢個shortlist顯示左GPA的重要.....
但係我始終都覺得GPA唔代表0的咩..
有腦既人始終都會有好工....朋友唔好放棄
更何況...shortlist到都係做aptitude test
都唔代表0的乜..好快我地都會死埋架la...唉
算la..都係把握一個學習的機會...做一次可能我一0的都唔識做既aptitude test

返到黎等佢地返黎一齊食野
但佢地都去了食tea....
食左少少野就即訓一陣..
因為真係好攰
之後去左senior sem...
其實今日呢組都ok正常...
上次0個組真係好明顯報復
太明顯太唔理智了...唉...大學生

完成後同jerry n 阿華去左眾志
見到taylor
佢係一個好得意既exchange
佢好投入每一個活動
我欣賞佢...hahaa>>>>死人jerry
又要同人一張枱坐又係到講中文....
玩野咩.....

then同段jan祈出左去沙田吃飯
唔係趕住咁行街...真係幾開心
好耐都冇四個一齊咁得閒lu...

夜深
與文希先生同黃振振先生icq
又談起人生目標
其實係咪真係由於我地缺少左一點目標而令自己變得這樣的虛無
從而令自己好像常都活在煩惱中...
為什麼呢....
不過我的確是缺少了人生的目標
或者係根本諗唔到我的人生可以點過
離開大學......世界會是怎樣
當什麼都不是自己控制時..
感覺是怎樣的呢
怕的是自己的一套思想會被損害
怕自己再沒有適當的堅持
怕一切都不在想像的範圍內
太多的害怕
怕一踏出大學便徹底地失去目標
徹底地變得虛 無

畢業...是一個很大的衝擊
暫時都接受不了








>>September 26, 2003 at 8:24:31 PM GMT+8

2003 年 9 月 24 日 星期三 【晴】

天晴
無聊
尚可


>>September 24, 2003 at 9:02:09 PM GMT+8

2003 年 9 月 23 日 星期二 【陰】



世界就是這像的美麗




但世事總會變成如此混亂

有顏色的世界真是美麗
要令自己開心一點
開心一點

再關心多一點
身邊的朋友就會快樂
要改善自己的情緒
無論外面的世界怎變
我依然要處之泰然
唔可以再俾任何外在的因素影響自己的"performance"
努力朋友

明天會見到佘
開心極
呢個世界好彩有朋友咋

>>September 23, 2003 at 8:35:37 PM GMT+8

2003 年 9 月 22 日 星期一 【陰】

天氣再一次影响著我們
陰天始終不是一個好的天氣
每個人都唔開心
為咩唔開心呀
唔駛講架啦
其實我應該明白一切能說出口的
因為你們都是我的朋友
一切不能輕易說出口的
我都會明白
因為我都有太多不能解釋及形容的不開心
太多了
坐下來望著天空時只想長長的嘆一口氣

有時是受一個氣候的影響
一次又一次的career talk
一份又一份的application form
學校要告訴我們 : "你們要面對社會了"
很害怕面對一些自己完全不喜歡的事
當你好辛苦填一份accounting firm既application form既時候
0個一刻我先真正咁明白咩叫討厭
0個一刻我真正明白barbie上年的擔憂
原來有機會去報一0的自己唔鍾意既firm係咁既心情

好失落
有時覺得自己真係好冇用
有好多野以前冇做過
以為自己一定會做到
但發覺自己諗得太簡單
好多野自己原來都係做唔惦的
有好多事根本就唔係想像中咁易
自己亦唔係自己想像中咁強

滿足感
除左預科經濟之外
真係好少可以係學業上得到滿足感
總係唔會覺得自己識晒所有野
又或者係覺得自己知既只係冰山一角
但係到左三年級都仲係冰山一角
諗起都覺得有一點過份
尤其是你知道所有人都向著上頂進發既時候
自己仲係山腳到望緊個天有幾靚
真係唔知自己想點

三年級
三年級
三年級
最後的一年
壓力就咁係無形但又咁重
無可厚非
好多煩惱都係因為三年級呢個term而起的
逃避的機會終於會結束
係時候面對呢個世界???

>>September 23, 2003 at 8:42:51 AM GMT+8

2003 年 9 月 21 日 星期日 【颱風】

日子就是慢慢慢慢的過去
有時真的想時間過得慢一點
睡醒又是一天
擔心的事只會一天比一天多
事情雖然有很多時候都很無聊
有時可能只係會因為心情唔好
究竟開心是怎樣呢

年半在中大的生活都是忙碌地過著
忙的當然不是academic上的事
而是學生活動
由一個小小的helper
做到一個節目一個活動的"控制人"
從忙碌到很忙碌到忙得要死
從來都冇擔心過做唔晒功課
上唔到堂考試考得唔好GPA唔高
來到最後的一年
為了讓自己可以好好準備搵工的事宜
及令自己更似一個三年級的大學生
我安靜下來
再沒有任何的"公事"要辦
每天就是上堂傾pro聽talk
間中出席一些宿舍或崇基活動
多數時間都是停留在房間裡面
早上你是沒有可能在418之外見到我
因為我的早上沒有堂
曾經為呢個afternoon class而開心
但細想..這令人變得很懶惰
亦將我與一年後的工作生活拉得更遠
細想這大半個月的事
只是覺得自己沒有建設
不知是否因為太多時間的緣故
我今個學期"看見"了很多pro的存在
他們是一直都存在嗎
是我不察覺還是我不緊張呢
今年的pro好像是特別多的..
而且真的一浪接一浪
感到壓力的存在
有時會覺得透不過氣
所以擔心便由然而生
但是..今年我又奇怪地喜歡了做pro
或許我應該說成是喜歡了傾pro
傾pro做pro都可以令我發覺到別人的優點
自己的缺點
老實說..作為一個BA的學生.
我相信自己都可算係唔識做pro既人
因為我唔喜歡做埋0的咁既野
但係而家發現做每一個case都好有趣
知多0的呢個世界發生緊0的咩事原來都幾快樂
努力咁搵到一0的資料出黎
於傾pro當中有有建設性的說話都是令人快樂的
要努力咁向目標進發
要做一個全面一點的人
不可以再靠運氣...

昨日與父親看了<<戀愛寫真>>
一齣很美的電影
看到黃先生都不肯離開
最初都有少少怕佢唔鍾意睇
好似欺騙左佢黎陪我睇呢套戲咁
但係見裡面係用影相黎做主線
個人都放心晒
而且所有相都拍得美極了
最喜歡那些藍藍的天空
紅紅的葉
那個憂怨的廣未
廣未做主角也蠻不錯
因為她很有那一種特別而又開朗的感覺
總之美景配合適當的角色
電影變得很完美
故事其實有許多不明不清的地方
但是由於個景做得太好
所以頓時覺得一切既不明不清的地方都不再重要
不論主角為何會死
不論兇手為何要再殺人
不論男主角為何會收到已死的女主角寄來的信
整個故事都變得很合情合理..........





>>September 21, 2003 at 8:51:49 PM GMT+8

2003 年 9 月 19 日 星期五 【晴】

今日真係好成功咁上到F123
真係有驚無險
雖然唔take attendance
雖然professor都幾好人
但係...食屎....成班一個人都唔識
真係一個都唔識
輕輕認得個樣0個0的都係十年都唔見一次
仲要係勁七0個0的
點解咁既一班我都會讀
早知唔讀multi
咁就可以take到第二班
好彩本人出名好彩(咁又唔夠呀byby好彩既)
係一個人都唔識既情況都可以好順利咁part到groupmates
勁呀....四個人一組
四個都去過exchange
點解我會知
因為佢地個SID係00開始....
三個都係....好過份...
唔通中大真係咁多人去exchange
(特別鳴謝:上到呢堂全靠羅文希+pinkpink)

接住係air presto罕有的組聚上assembly
更罕有的是要日上三杆都唔起身既杜溢康去霸位
佢竟然真係霸到
0個下真係唔相信
見住一個又一個既組仔組女黎左真係好開心
我真係最鍾意就係佢地
因為佢地個個都好好
佢地自己感情又唔知點解真係會咁鬼好架喎
見到面唔知點解就係會講過唔停
你真係唔知佢地想點
週會完同左佢地去李惠珍食野
miguel仲請我地食薯條...(雖然係carol屈佢...hahahahaha)
好開心的一次午餐
sylvia真係好有趣
而carol真係好多野講俾我地知
miguel係好乖而且好好
杜生keep住被"遺棄"
細珍都笑得好開心架喎...
雖然人少少
但係真係由心裡面開心出黎
係要同人講我今日組聚好開心0個個情況...(從來都未試過)
yeah!!!!!toji...yeah!!!!air presto

講返個週會
其實我之前唔係好了解沈祖堯
只係係電視上面見過佢
新聞見到佢..
今日一見
佢一開口
唔知點解就覺得佢個人唔係廢
而且絶對感覺唔到佢係到敷衍學生
講既野都幾有趣
同埋都係一0的幾值得一個人思考既野
作為一個doctor要輔導一個patient的關心
廣義黎睇同作為一個人要對大眾好,..be considerate..去學習做一個好人其實真係大同小異
所以沈醫生其實個人都真係唔錯
算係一個好人
好我喜歡你....
而且呢個assembly既質素真係唔錯
係個勁攰既情況下都冇有想訓既念頭
因為我見到佢既誠意
我見到佢既認真
而且佢講既野係經過思考的
唔係阿院長playboy前playboy後.....
總之呢個assembly真係幾好

senior sem....
同一個大組的人都係窄0個批
真係冇point冇結論
冇支持冇立場
唔知佢想點
但又唔想第一次就做到咁aggressive
同埋唔知professor buy邊一隻既討論
出擊次數都係唔多...........
唉...早講那一條八婆是個真皂八婆
我就未必會咁快收手...........頂
senior sem後又再傾proj
又是mkk 3050...
今次做個case
做CX...一間我最愛的公司
但係唔知點解呢...一講親關於airline既proj就傾極都唔會com到野出黎
真係十個意見十個都好似得得地又唔得得地咁...
奇怪..........但我真係喜歡CX....




>>September 19, 2003 at 9:13:13 PM GMT+8

2003 年 9 月 18 日 星期四 【晴】

今日都算係幾成功既人...如果係學業上黎講既話
因為今日上既CB係完全地冇訓著過or想訓過
可能今日阿陳生真係講得唔錯
又有道具咁..好認真好生動既課堂
上完0個堂好有滿足感
因為覺得佢唔係對住notes黎教
又覺得自己知多左好多知識
因為佢都有講好多其他野俾我地知..
呢個同琴日既mkt 3050簡直係一個強烈既對比
琴日0個堂之廢真係冇可形容

上完堂真係飛到出去撘車
入shaw真係一件好慘既事
但係連續兩日入...入到冇乜feeling
今日聽恒生
其實都不如想像中多人聽
唔知係咪聽左EY先
成日覺得之後0個0的都係唔夠pro
今日簡直係頹...問非所答
激烈地逃避問題
而另一方面我地既同學亦鍥而不捨咁問一0的白痴得沒有底線的問題
兩面都角力得非常精彩
造出一種大家完全唔係溝通緊既氣氛
唉...其實問咁多做咩
好多野common sense都估到la..
兩日shortlist左0的人出黎
唔睇GPA係咩...唔好玩la...除非你份form有金既0者
現今既青少年原來真係幾冇common sense

返到黎入伙酒
明白曾小姐0個種唔想叫人出去玩遊戲既心情
我都好唔鍾意咁..好似叫佢地去死咁
好彩小瑜同ivan好好..
聶礦都好好
今日完全冇呢個好難受的心情
阿sam好好.所以我地有獎..
雖然其實點我都係有...原來..
但係我好like呢個獎
多謝阿sam.......
之後遊宿
但氣氛唔同左...
我自己係prefer片宿唔片人既
如果有得揀既話
同埋好似應林咁片先係遊宿既原意
係令到人地開心自己又開心
但係又係暗串緊你.......
真係開心0個批.......
鍾意方先生的
"冇乜設施有幾閒"
正好代表左第一年住何宿的心情...
聽到呢句竟然係有同感的........
新宿那裡發生了小風波
其實莫keith講得岩
但我又何嘗想不到呢
只是我在想我站係維護何宿and上莊既立場我要點做先係最好
其實唔做任何野總好做事反駁既
反駁都係為啖氣
而freshmen又唔係真係覺得有野
咁又好似真係唔係好值得做0的咩咁
可以做的就係努力同家業做好我們的輔導王工作
除左咁又可以點呢
其實都幾鍾意同0的freshmen咁傾計
因為其實有好多訊息都想話俾佢地知...
唔係咁就溝通唔到
再諗返
原來上年自己真係忙到做唔到呢0的工作
所以今年一定要努力
我要好好咁為何宿著想
何宿為先...yeah!!!!!

最後今天以於jerry先生打ping pong結尾
好鍾意同家業打ping pong

聽日早堂
訓先...



>>September 18, 2003 at 7:26:07 PM GMT+8

2003 年 9 月 15 日 星期一 【颱風】

天依然下著雨
這半年來
下雨的時間不知為何總好像比晴天的時間多一點
天是要考驗我們嗎
外面下著雨
心總是不能愉快
這個真的很奇怪
希望天會晴.....
um....倒不如希望自己的心情不再受天氣影響好一點吧

很高興收到"心情好了"的留言
知道你開心便好了
什麼是你的決定都好
重點是你要令自己開心一點
令你不開心的事是不值得去執著的....
祝有一天天氣都不再影響你的心情

今日HR真係恐怖
真係同jerry傾足兩堂
因為本人實在覺得dora講0的野太廢太冇用la..
其實唔知呢...BA 0的professors都係廢既多
你梗係唔會覺得佢地講既野係俾到0的咩inspiration你架喎
講真丫
佢地係到教得勁即係冇係出面做過野
工作經驗咁少點同我講出面個mkt係點呀
作為一個讀BA既人點可以成世都係間學校裡面架
所以本人唯一一個覺得真係勁既peofessor就只有timon
其實佢真係好好
唔知點解喎
0個陣時last 一堂真係會好唔捨得佢...
可能佢個個星期都補堂
見到多到死..所以有一種好熟既感覺
最後一堂既時候真係好想仲有好多堂b law可以上
而且上完b law竟然可以令我覺得呢科係有趣而唔係悶既
timon..你真係勁
(所以你係parttime professor)

上完HR
約左cath阿安n一個exchange傾multi既pro
阿安真係一個幾叻幾人
一路都keep住有ideas0個批
做pro有時就係好係呢0的地方
又係一個學習既時候
不過係佢地隔離會覺得自己差0的lor...就係咁

傾pro前係出面0的書攤到買左想買好耐既<<<<莫負好春光>>>>>>
好開心...真係ok鍾意佢0的野
有時紅膠囊既野比幾米更好睇
可能幾米日漸commercial
有很多東西都商業化了
沒有了當日<<<照相本子>>>的意境
不過他們的畫都是能傳達訊息
一切的悲哀一切的憂怨一切的自由一切的迷失
都能一筆一筆地表露出來
好偉大呀...........................

六時許到達會室
搵埋文希先生去紫荊閣同professors們食飯開e
頂....今次佢地竟然講到咁長氣
由六點半講到八點...
大失預算
有時會覺得郭太好八婆
但係其實佢真係幾叻既
係個咁既環境下做到一個咁既位
仲要都有ok多人驚佢
and佢講既野其實真係有point..
雖然有時係冇乜人情味
但係絶對係實際0個批
做左咁多年野
難免會變成咁不近人情
因為有時人一人情真係會攪出好多麻煩
文希先生又真係要學下.........

食完飯返到宿
要阿華and康師父上黎幫我醫一醫我部電腦
都唔知點解會無啦啦有0的咁既問題
不過康師父真係又好人又勁
問題唔係真係完全solve到..
但係有好多我根本冇諗過同察覺唔到既問題佢都幫我攪惦左
真係十個勁有廿個
十個好人有廿個
仲有成勁咁win左雲姐...
真係何宿既重要人物

再後來給jan攪到做手工的引癮起
為她做了一個schedule的封面
更為自己做了一張timetable
真係好鍾意做手工
0個一個感覺真係好難形容
.....

而家...係時候睇下書la>>>>>>


>>September 15, 2003 at 7:50:30 PM GMT+8

2003 年 9 月 14 日 星期日 【颱風】

昨晚回家前
與阿黃阿華去了吃飯
為了的是我親愛的父親阿黃的生辰
可惜...這個不識趣的人
做左太多太多唔make sense既決定
整晚..我腦裡只有"生日,忍你"(until坐低食0個一刻)
佢有幾七我都唔再講啦
就如阿華話"都預左啦,佢就係咁"
(雖然我倆都曾於途中躁過呢個賤人)
算啦....一個可憐的爸爸
生日都冇人陪
有我地陪下佢...咁就俾多少少面佢啦
同埋同佢玩真係幾開心既
好喜歡我地三個一齊玩...
唔知點解...係有一種一家人一齊玩既感覺
阿黃黃...雖然你七..但你永遠都係我的poor english father
就係一個你無親無故的晚上
陪你進一個晚餐吧

回到家中有雪梨湯飲
真係好飲既情況
可惜時間真係夜
唔係一個想食野既情況

一睡便是第二日的下午
一起床看到外面下著很大很的雨
而且好像不會停的一般
這個樣子真的沒有動力去起床
最後都俾媽媽鍥而不捨地叫了起床吃午飯
明明好眼訓....仲要起身..仲要為左食飯
呢個原因真係好窄....

起了身...真係唔知做咩好...
看了方世玉
蕭芳芳真係好勁
做戲好好...
再睇了體育世界
自己果然係個較喜歡運動的人
一看體育世界
真係忽然起勁起來
然後是一些我不太喜歡的卡通片
可惜今天沒有小魔女do re me
不過今日發現原來小司機noddy都幾gd架喎
值得一看

然後是媽媽一個四點幾的晚飯
我雖然係講過我會早走
但係都唔係二點幾先食lunch
四點幾又食dinner呀
真係過份左少少
雖然0的野又係我喜歡食的粟米魚柳n菜菜
但係真係too full la
都食左一半架...盡左力架啦

之後於沙田會合阿華louis christy
到宜家逛
買了一隻又靚又型的杯俾曾小姐放佢0個0的最無聊既粒粒
(um>>>>>係靚架..係無聊0的0者)
之後係沙田等埋曾小姐一齊返宿
一班人一齊返宿真係好鬼開心
最唔開心係唔知點解個個星期日都落雨
(((唔通連個天都唔鍾意我.....haha)))))))
點解呢...點解呢排真係成日都落雨既呢.....

又一個星期了...
黎緊一個星期都係忙既情況
唔知點解呢
大學生活就係咁...........
my life......

>>September 14, 2003 at 7:19:22 PM GMT+8

2003 年 9 月 12 日 星期五 【晴】

一個星期六的下午
留在宿舍的感覺真好

昨晚與DLP一起煮飯
相約好好,by,段係大埔街巿買野
呢個地方我都係第二次去
上次係ocamp執委聚同文希同kaka去買野食
行行下突然間覺得大埔都係一個不錯的地方
一個感覺lor
真係唔知點解會咁覺得

同佢地一齊去買野
一齊準備晚餐真係開心
呢0的咁既生活可惜唔可以常常擁有..可惜
返到黎之後不斷咁準備一切
有得食既時候真係好開心
仲要食乜有乜
連雪糕香檳生果都有......下次真係可以煲埋湯
食飽飽
曾祈同jan都返左
上左天台玩蠟燭同玩遊戲
哈
個遊戲其實真係唔錯架喎
只係我地今次玩得太唔認真
我諗呢個世界既遊戲都係一定要有懲罰先好玩
見到唔同人玩真係有唔同既方式...
人既性格lor呢0的咪係
我的朋友都真係有趣

落返黎個時間又早左少少喎
再一次咁呢到吹兩句0個到吹兩句
咁又五點幾..點解時間過得咁快既呢....
真係唔想自己日日都夜訓既
但係點解hea 下hea 下又係日出呢....
唔可以再咁對自己
休息唔夠真係會死...我知架喎
但係冇計架喎

今天早上上的com
唔知點解突然間開始覺得佢廢
頂
等左咁耐先add到
竟然同我講話個course好多都係focus係mkt到
mkting..我讀咩架
讀到唔讀0個個位la>>>>
而家先同我講introduction to mkting
真係bear一聲
其實佢上堂講0個0的野
我吹都吹到出黎la.
所以第二個sem真係要試下睇下可唔可以take到關於真少少既ad course 先得




>>September 13, 2003 at 11:32:12 AM GMT+8