2003 年 4 月 26 日 星期六 【晴】

最後一天的復活假期完了
我要復活了
要復活於學業了
呢到放假同唔放假真係好似有好大分別咁
一個星期好似過得好快
hea下hea下又過左
但又好似放左好耐假
有少少唔記得返學係點添
有少少唔係好想返
有多多想返香港
-------------------------------------------------------------
看了ant的日記
談起燕尾蝶
談起理想
已被世俗埋沒的理想
生活在香港這些地方的人
還可以有理想嗎
追尋理想----等如放棄家人
我能負擔得起這個追尋嗎
我覺得人生做得最對得住自己理想的決定就是揀左文科
文科我愛的
理科係我心目中一向都唔係唯一的出路
我想揀我愛的
唔想行人地幫我舖的路
但係做左呢個決定之後立即又做錯一樣野
就係放棄左art揀左econ(雖然我好鍾意econ...但係放棄左art......真係到而家都唔係咁開心)
唔知呢....好似一揀就將自己的路收窄了.........
好彩既係我愛econ
um......但係econ同business唔同...
其實我真係好怕business0個一種假
真係好怕
同埋...........我發覺自己其實冇乜理想lor
都唔知點解好
話jan同段既理想唔係理想
但係其實我仲衰
我冇埋想tim
咁點算
我係咪要諗下自己想點呢...我真係唔知自己可以點喎
個人可以咁冇方向都得既
有點亂
有點擔心
想要時間
想要思考
頂
想
想黎做咩呢
冇目標又思考0的咩呢
成日將問題放到成個世界咁大都唔係辦法
但唔放係咪代表我唔夠關心
問題
問題
要怎樣解決呢
我有時覺得自己是被自己的思想困住了
如果我個人唔諗咁多野就好
但一唔諗野又覺得好辛苦
但一諗又諗到好多問題出黎
我係咪變態架.....e.....
我要冷靜一下
唔好意思


>>April 27, 2003 at 3:10:57 PM GMT+8

2003 年 4 月 25 日 星期五 【晴】

突然懷念outward bound
突然懷念阿ken
突然問jan討論
原來我都記得ok多野架喎
一個好好的帶頭之人
一個冷冷而且下雨的夜晚
一個漏水的tent
一群不可作聲的女孩
一聲又一聲令我驚恐的呼喚
一個碼頭
一次試跳
一個又一個夜晚
一次第一
一次進步
一個安慰的微笑
一筒菲林
........對不起...還有一個到而家都未晒到相俾大家的我
jan講得岩
係對achievement的欣喜
對自己的能力的肯定
我感到開心
直至現在
我真的懷念
我會記住阿ken的那個微笑
-------------------------------------------------------------------------
冷暖那可休 回頭多少個秋
尋遍了卻偏失去 未盼卻在手
我得到沒有 沒法解釋得失錯漏
剛剛聽到望到便更改
不知那裏追究
一生何求 常判決放棄與擁有
耗盡我這一生 觸不到已跑開
一生何求 迷惘裏永遠看不透
沒料到我所失的竟已是我的所有
一生何求 曾妥協也試過苦鬥
夢內每點繽紛 一消散那可收
一生何求 誰計較讚美與詛咒
沒料到我所失的 竟已是我的所有
----------------------------------------------
好歌一首
沒話可說

>>April 25, 2003 at 4:34:15 PM GMT+8

2003 年 4 月 23 日 星期三 【雨】

先講今日去左邊先
一早起身就跟toroa去睇企鵝同去south peninsula都睇風景
一起身
大風到嘔
之後仲落起暴雨
真係暴架喎
但係一行十二人(連埋呢到 個舍監<---佢drive car 呀下..)照樣出發
去到0個到
我只可以講
唔好"好大的風"而係"極大的風"
0個一刻..我真係覺得自己好輕
係真係好輕
多次俾佢吹到差0的跌低...真係唔扶住野必死
一定碌左落山都似
之後再去左好多個ok靚既beach
但係由於今日天氣真係唔好
所以去到見唔到美麗的陽光海灘
見到的係一個冷冷的淒楚的景象
靜靜地看著海
感受疾走的海風
原來會令人清醒一點
雖然真係好大風
真係好凍
但係好enjoy那種感覺
望著它
什麼問題都好像解決得來......
煩惱一掃而空
我喜歡那清醒的感覺
最後我地去睇企鵝
因為近睇會嚇親佢地
我地只可以遠觀而不可近看
看著牠們
很可愛
我不想離開
如果可以靜靜的獨個留在那兒就好了
望著浩瀚的大海
一個又一個的大浪捲過來
心想 : 只要有人決意投向大海的懷裡
誰也救不回
誰也不察覺
人是多麼的渺少
離開了有誰會知道
就算知道也尋不回了
大自然的力量真大
望著一個又一個的浪花.....沉醉在其中
---------------------------------------------------
<<哭了>>
想不到有人會有人共鳴
那種感覺不是說出來的
是用心去感受
是用經歷去體會
真的明白真的受影響的人...我想不會很多
淡淡然
平靜中見不平靜
"畢竟算曾經過"
言簡而意賅
可引發無窮的思考
你的體會可能與我的全不一樣
在我心中
它是積極的
但在他人心中
可能是一種可惜
"童話故事結局不屬於我"
來得現實
是時候清楚一切了
------------------------------------------
冷暖那可休 回頭多少個秋
尋遍了卻偏失去 未盼卻在手
我得到沒有 沒法解釋得失錯漏
剛剛聽到望到便更改 不知那裡追究
------------------------------------------
前幾天才看過羊的功課
今天竟有機會再睇金雞
聽了一生何求
真的覺得好正
正..........

>>April 24, 2003 at 12:27:49 PM GMT+8

2003 年 4 月 22 日 星期二 【晴】

失落．莫名奇妙的失落
是好好說的絢爛過後歸於平淡的失落
還是別的

好想靜靜的坐下
好想享受安靜的生活
好想安待家中一天
好想得到思考的空間

腦近來走慢了
不想動．停下來

回來後
再一次
再一次不想笑
是有種擠不出一丁點笑容的感覺

心裡真係空白了
但我又在擔心什麼呢
不明白的擔心
不明白的失落
心．一沉
想．深呼吸

開始明白只自己執著的愚蠢
有人永遠都不明白
一份執著
一份堅持
對錯是非．真假難分
我的執著究竟是為了什麼
為了完成自己的心願嗎
為了証明我是不為而非不能嗎
唉．破壞了一切．都是我的錯
率直．堅持．執著．自私
一切都應完結了
完結似乎是個最佳的答案
其實我聽到了．是我不以為以
現在開始清晰了
是時候了
重新過我的生活

討厭自己虛假的笑容
我要笑到幾時呢
我知道我的開心可以令你們開心一點
但係有冇人可以同我講開心既方法
我想發一個呆．．．
真正的呆
直至不能再呆．．．

擔心自己
將來
在我手
但我手應向何處走
一個似乎很遠的問題
近了
我究竟想點架．．．．


>>April 23, 2003 at 12:03:38 PM GMT+8

2003 年 4 月 21 日 星期一 【晴】

今日去訂機票..但係未訂得成.....
明天再繼續努力..

做gym時突然諗起<哭了>
好想聽好想真的好想
返黎搵...但我太cheap搵唔到
最後多謝黃生幫手.....搵到了.....開心

哭了
作詞：鍾志榮　作曲：陳迪匡

夢中見　你哭了　紅的天　雲渺渺
你沒有說話　靜看風吹起了
黃葉絮飛花　滿天飄

在此際　我哭了　情不捨　仍強笑
你為我抹掉　淚染濕的嘴角
然後抱緊我　這夢凝住了

為何常在這一秒　夢裡的幻像
隨心跳　會漸變像已褪色硬照

這份情　在最初　從認識或許便知沒結果
愛得瘋了怎去管那麼多　深深的一吻迷倒我

說別時　恨我麼　童話故事結局不屬於我
尚記得你跟我啍那首歌　”畢竟算曾經過”

夢醒了　眼濕了　藍的天　雲渺渺
冷月已遙遙　寂照天邊海角
黃葉絮飛花　看著人倦了

仍難忘掉那一秒　夢裡的幻象
隨心跳　會漸變像已褪色硬照

到現時　還恨我麼　同在昨天太認真付出過
這世間有些愛依然無助　畢竟算曾經過

再一次感覺到那一個氣氛......
最鍾意係
"夢醒了　眼濕了　藍的天　雲渺渺
冷月已遙遙　寂照天邊海角
黃葉絮飛花　看著人倦了"
呢一份詩意....真係唔知點形容....但係係6年之後..再一次感受到
係一種新的感覺fresh
但原來咁又過左6年
有0的人你原來6年唔見都唔覺得有野
原來真係冇乜野係唔得既....

返黎收到羊的信同vcd....
係<<青春電幻物語>>
係好開心架下....多謝羊...咩~~~~
睇了...
音樂正景正
羊講得岩
岩井俊二係點可以寫得出同明白年青人的心
心裡面既空虛
那一種沒理由的空虛
對生命的迷失
對一切似乎理所當然的事的質疑
一切一切的...
心究竟是由什麼東西填滿的呢
是不是一定要填滿的呢
填不滿又如何
無邊際的思想
這就是青春
離青春愈黎愈遠..好事嗎.....
是否代表心被填滿了

我唔知呀
成日都會有一種迷失的感覺
是我想了太多嗎
但有時真係唔知自己做緊咩
為左咩
究竟為左咩呢.....
當靜落黎既時候
我發現自己做了很多多餘的事
但激動的時候..............................
咪就係做左呢0的多餘野lor....
點解到而家都控制唔到自己既情緒架....
情緒.......幾時我先可以玩返你轉頭..........
失落....真係有少少

>>April 22, 2003 at 3:01:59 PM GMT+8

2003 年 4 月 20 日 星期日 【晴】

經過三日兩夜的Queenstown之旅...
我終於都返到黎dunedin
呢幾日真係開心得不得了
因為我見到呢個世界上最靚的地方
感受了最嘆的生活
朋友們
我決意一定要同你地一齊再黎呢到
day1
0815就係dunedin出發
1315去到Queenstown
放低野即刻走去碼頭catch1330集合1400開出的船去Walter Peak Farm
去到harbour到..因為係星期六.所以有flea mkt
有好多靚野買......好開心...逛左一陣就上船
harbour旁有間好正既cafe
坐係0個到飲個tea都真係幾捨意............
哈
跟住就去左一隻叫TSS Earnslaw既streamship到出發去個farm去探羊羊了
想講既係隻streamship都已經係好好好型架啦
沿途既風景真係靚到假....所以我真係影左好多postcards....哈
0的山綠到0的水又藍到呢樹葉黃到....
總之就一個美好的配合........就係咁
我既旅遊特輯就咁開始了
去到個farm.....真係靚到dump一聲
好靚好靚好靚好靚好靚.....容許我咁打...因為真係好靚
世外桃園....尤其對於一個香港人黎講
去到farm見到羊羊...有0的好得意有0的好ugly..但係了左心願探左佢地...好開心
都影左好多佢地
羊瑾一定會好開心....咩!
跟住仲有睇鹿
佢地隻角原來年年都會被人割左去買...但又會年年生返架喎....都ok funny
又見到毛牛....yeah.....funny....好開心...係咁影相...影都傻左...
之後去左一個屋仔都食tea....sorry係嘆tea....因為真係好靚
係真係有種旅遊特輯既感覺......因為係坐係一個露天有太陽有湖景的地方都食tea..
真係一定要拎起隻茶杯扮斯文影一張相...因為0個個環境係迫你咁做
總之真係好好好靚
之後我地去睇狗狗表演趕羊
0的狗真係勁架喎...係用眼神去趕羊架
唔駛bark....勁.....我地有稱之為"梁朝偉"狗..因為佢有梁朝偉一般的眼神
佢真係可以令到一群本來懶到pk既羊係個山上跑...係跑落黎....勁呀下...真係有萬"羊"奔騰feel...
之後我就坐低睇剪羊毛
睇下睇下....覺得好似好熟咁既個感覺
原來真係旅遊特輯到睇過.......
我真係置身於夢中.....唉...太好了
但係呢...當我睇緊佢cut既時候
我又覺得隻羊好慘...係有唔想再睇既感覺.......
原來有0的野唔係自己想像之內架喎
再之後就入左souvenir shop....哈..你都唔駛擔心...我已經有充足既準備架啦!!
再之後我地就撘返個靚船返去...yeah..好滿足
好開心呀!!!唔知點形容
夜晚去左Hard Rock Cafe食野..
都ok好食...食完仲見到manabu同phil添
再之後梗係又四圍行買souvneir...如果唔係我諗我都返唔到黎.....就俾人打死...
Day 2
一早起身再次souvenir大搜索
因為琴晚行既時候有好多舖頭都close左...而家要把握少少時間再去睇下
之後我地跟左一個tour
原本跟呢個tour既目的係去睇winery....
以為佢會直接車我地去個winery到...點知唔係
呢個係一個好好好好好的tour>..
佢一路車左我地去好多地方...
有lake wakatipu(美麗的藍湖)-->lake hayes(不能致信的倒影)-->golden hill(一個好可愛的婆婆的garden同佢經營的b&b)-->arrowtown forest(紅黃綠青樹葉..勁)-->arrowtown(一個我認為係我一生人見過最靚的地方)-->bungy bridge(呢個係第一個nz bungy site..好驚...睇住人跳都驚...)-->gibbston winery
我要一再提既係arrowtown...我覺得我地真係黎岩時候.
秋天既樹葉真係好靚
攪到成個town都好靚
一個小鎮....人口2500.....真係寫意到死....我地係0個到吃左一個tea
人生一大樂事....yeah!!!!!!!
仲有golden hill的那個婆婆...好好人..想同佢傾耐0的..但係有機會..佢間b&b好古典..但又有一個好modern既kitchen...但係又好match...間屋好大呀真係...我決意第時一定要黎呢到住先得....真係型架喎
呢個trip真係好...因為人少少...只係得我..rachel...pat同一個老婆婆.....同司機小姐...
好開心.....我覺得婆婆真係好嘆好開心..一個人係一個afternoon自己去enjoy自己既時間
完了再與朋友談天(我見到佢落車之後即刻見到朋友....)
近乎完美的生活..唔知我第時可唔可以咁呢.........
之後nite就同左manabu同phil食飯...食indian food...
都ok啦.....phil依然食得好滿足.....因為佢真係好鍾意食indian food...haha
Day 3
一起身checkout....將0的野放係storeroom就去左skyline.....
坐住gondola去到山上玩luge
我想講咁早就去我真係未醒......
但係當我開始玩luge的時候
我的靈魂回來了........
我清醒了
好exciting呀
好好玩
係咁衝...真係free到呢..好耐
真係好耐都冇試過笑得咁開心了.................
我懷念我的笑容.............
那一刻我覺得我可以開心...所以我好開心...yeah!!!
anyway..好好好好玩
之後我地係skyline食左野..又影左好多"postcard"之後就走了...
真係好靚架0的風景....0的雲唔知做咩會係個山頂對落少少係咁積聚....funny...而家係勁高(我已經係山頂)睇成個Queenstown真係正到死.....唉........點解會咁
我仲見到人玩parapenti(應該係降落傘....但係你見到佢個shape又會confuse架喎<---我同阿祈一致認為)..好好玩..好free咁..但都ok 貴.........下次再回來我會玩..一定要.....我一定會再黎
走的時候係skyline見到蓋世寶玩過0個個bungy jump site就係skyline裡面.....哈
唔知點解好開心..因為我鍾意蓋世寶.....yeah!!!而且...咁樣更加覺得自己係旅遊特輯....哈
1500撘車走了....2000返到....咁耐...坐到pat到爛....但鬼叫個司機咁好人...成日呢到等人0個到等人
仲要等小朋友俾人接走先敢開車走咩...最後仲肯係我地個hall到放低我地..
maori...你好好好好好人....真架...雖然我會燘架車成日停..但係我好appreciate你.......
真的........
返到黎忍不住要打俾小祈講下我興奮的心情...
咁又兩個鐘...下次都係唔好full住咁打去...如果唔係真係食屎...
打去聽到ruby的狂言.................死到要將dream week的心願完成
佢話喎"而家又冇得英國,咁多錢留返係到發mo呀,唔用做咩呀"
好一句囂張的說話
把週遭的人都驚動了......大家經過一秒的呆之後...即發出如雷電般的還擊.....
佢真係lor黎賤的典範
頂...錢多可以俾0的我..我唔介意.....橫惦我一向唔嫌多...總唔駛咁串的....頂佢...真係唔打低對唔住自已.....
好了
而家好攰了
今日係咁多
心情的形容
明日再打了....
如果你看到這裡多謝你...仲有記得去我的album啦..你地知0的...

>>April 21, 2003 at 5:00:15 PM GMT+8

2003 年 4 月 17 日 星期四 【陰】

今日係4.18
係418的日子
是曾祈和我的日子...哈(絕對係有阿may!!!)
一個值得慶祝的日子!!!!黎緊一個星期都係四東姊妹的大日子
請密切留意!!!

由於今日唔係返學又冇野做
琴晚豪左一晚出黎係咁同jan同祈 icq
豪左一晚
好開心的一晚
因為我地用先進的科技勁send野.....
講下講下
天都光
係係到之後第一個天亮
見到個天好靚
即刻影相
影低左天色的變化...好開心...
真的很美
那樣的藍....
令人響往

早上730睡了
真的要睡
白天才睡....都好耐冇試過
感覺好唔同
冇咁豁出去咁
我要返去香港再尋回這個感覺先得

今日無聊得很
但悠閒的感覺返黎了
我愛這感覺
開始畫畫....
畫了兩幅
很開心真的
我最愛這樣做........
不知道怎的....真的很愛......

明天便起程去queenstown...
星期一才回來
返黎再見
保重了

>>April 18, 2003 at 3:12:28 PM GMT+8

2003 年 4 月 16 日 星期三 【陰】

愛上幾米..再次地嚴重地愛上幾米
他的內心世界是充滿情感的
那一種內外自相矛盾的情感
真實而透徹
他對大事的領悟
對小事的在意...體會
都是我在追尋的感覺
有一天我能和他一樣..
有著一個澄明的心
懂得真正的領悟
真正的關懷
看開世事
做到心如止水......
簡直係美滿的人生
要愛他....深深的愛著他...
那才華...教我羡慕不已....
他是我所追尋一切的源頭........

"終究是什麼都抓不住的,
終究是要閉上眼,隨風去的,
為什麼一定要堅持到最後呢?"-------布瓜的故事,幾米

透徹得很...道盡人的一生
人的矛盾
人的愚蠢
人的固執
.............那種淡淡然
是輕鬆但憂傷的
是一種反省
是一種領悟
你領悟到嗎?
春去秋來...日子只會前進不會後退
一切都會返回原處........
什麼都不能帶走....執著什麼
追逐什麼

另一位繪本畫家.....

"真的盡了力,我無法再為你表演
那些看起來開心的開心
聽起來當真的附和
抱起來溫暖的冰冷
在你面前,我是瀕臨失能的魔術師
免子從魔術師手中溜出
觀眾又沒發現其實是失誤
魔術師又靠臨場的反應安渡
直到表演落幕後才又放聲痛哭"quote by祈 ,馳放的片刻,紅膠囊

紅膠囊都是我喜歡的繪本家...
佢寫的野都好好架
畫好靚
係寫實地靚...
書裡面係講好多佢既內心感受...
要細心看才有味道..
心情不好時看更佳....
它真的會令你馳放
真的馳放了片刻
好........我太愛繪本了....

今日終於放假了....一連十日
開心..因為終於交晒功課....(今日又交左15頁的proposal了)
開心...因為可以去旅行..去睇羊..同羊玩..去睇葡萄園...去睇企鵝
開心....因為可以抖一抖.....
開心.....因為我可以思考....
開心......因為我冷靜了

um................睇左考試時間表...考到21/6..
十個頂...駛唔駛咁耐呀!!!我要22/6走
唔知有冇機票呢.........

很累了
為何現在那麼易會累...
是我老了麼..................

>>April 17, 2003 at 4:25:29 PM GMT+8

2003 年 4 月 15 日 星期二 【晴】

又一日
一起身
頂
遲到
今日要返另一個mkt的tuto...今日係去問tutor點做個project....
點知一起身都1155(我明顯係上1200)
真係勁
1210去到...超勁...
但係之後好攰
1500再去上堂交一份做左14頁既essay<----係om...唉...做到人都顛...
1530上完(呢到真係有早放冇遲放..早教完實唔係chur住講無聊野唔俾你走架喎)
返黎再戰mkt research proposal.....
做左兩個鐘到.....
同rachel同pat姐去左食飯
返黎再做多一個鐘....ko.....yeah!!!
ko左既心情真係幾好....舒暢既感覺真係在所難免
但係一做晒0的功課就會想食野
我想講我好忙好多功課做我會一0的野都唔想食架喎
所以做晒又有唔好處
但唔做完我又真係會死
好快死.....真係就快架啦
估唔到係到都可以再短幾年命

唉...................
真係好想離開呢到呀....
呢幾日真係...................
日日咁俾你地問幾時返呀下
人人都問日日都問
我都想快0的
但係都仲有兩個幾月.....
但係時間其實都過得ok快....真係快喎.....
唔經唔覺
我都係到兩個幾月
咁都可以係到兩個幾月唔死真係勁
唉...其實我想享受一下生活..
我唔想再生活係功課之中
真係好辛苦呀......雖然做完0個下係真係會覺得自己好勁
但都係一刻...
做既長期性戰爭都係令我生不如死
我....唔想再做了...
唔想呀
我...想返香港呀

>>April 16, 2003 at 12:36:54 PM GMT+8

2003 年 4 月 14 日 星期一 【晴】

我的預感真係好強...
可以占卜都得啦
琴晚已經覺得堂tuto好頹...
可以唔返
加上訓得0個一陣又唔想返
仲個死人present係唔計分
十個唔想返
但係起身既時候
再一次同自己講而家我唔係係香港
於是我遲到都返
去到...................唉........
以後都要憑感覺做事...唔可以再咁婦人之仁..
頂
個tutor唔知話咩得咁少人唔上(由於我去到佢都解釋到尾聲了...所以我真係唔知點解)
下...唔係呀嘛
我真係岩岩坐低.......真係架喎...係我入去既一分鐘內...佢要我走返出黎
我頂
我好辛苦先係張床到走出黎....
唉....明玩野...真係頂....明明都有個頹頹地既present...
可以當冇事咁都得既...咩人黎架...咩事呀而家
好彩我0的直覺真係勁...用左唔駛一個鐘去寫低左自己想講咩...之後諗住就咁睇住張紙讀
只係而家連拎張紙出黎都冇機會0者...
但係都好彩...我真係唔係spend左好多time落去
我以後都會信我的直覺
可以準成咁
我冇野好講

而家好攰...真係好攰...
因為又做左好多個鐘既marketing research proposal.....做到人都顛
以前一組七個人都係交一份15頁既report...
而家一個人都交15頁既proposal(衰過report......要憑空咁諗...點做呀!)
真係命苦呀下.....岩岩先做完一份14頁既essay.....唉...

仲有呀...今日本來唔想去上service mkt...
因為真係超廢...佢講0的野呢同本書真係exactly一樣
我想問我去黎做咩呢
但係諗下諗下
好似轉左新prof(呢到一科通常都會有兩個prof)
咁唯有去試下啦
但係..
直覺又黎啦...勁
唔上咪好lor...去到勁訓
訓都死咁
個prof真係誇
教書都有deadair
我唔知佢點教架喎
又重r音...真係聽多過兩秒都覺得悶....跟住就訓埋.....
唉.......

我呀...好想返香港呀
好想唔駛再做功課
好想去旅行
好想走...
再咁做我怕我會死....
救我呀

um...心情呢...好了一點
咁太陽又真係出左黎physically la!
我知道點做既
知架喎
我都ok勇
唔知岩唔岩
但係我就係咁架啦
真丫嘛
但係都feel sorry to 那人架喎.....
唔諗了.....
曾祈講得岩既...


>>April 15, 2003 at 2:50:58 PM GMT+8