2003 年 5 月 6 日 星期二 【晴】

呢個moment....nz time 1615...
呢個日記出奇咁順利...
好快咁去到個主頁又好快咁upload到od
仲連琴晚以為唔得既od都出返黎
究竟呢個係回光反照or真係痊癒呢....
有點擔心
張寶寶都好唔好太老定....
如果唔係冇晒0的日記唔好又小我..

今日早左出去寄信...
見到central lib出面0的樹原來都晒葉了
樹上的葉落了
竟然連地上的葉也被人掃走了
nz竟然都有效率咁快的一天....
唔通真係要話俾我知冬天來了...

今日只係要上一堂..仲要係三點..
仲要係上左20分鐘已經上完走得...
咁即係我今日既上堂時間係比我梳洗的時間還要短的
真係有0的驚......
上完堂去左supermkt到買野食..
因為真係冇晒野食啦...
唔買就會死係間房到
買完自己慢慢咁行返黎...
0的野好重
但係一個人行好開心
好舒服
如果唔駛做功課同交project
我諗我都願意留係到耐0的既
但係呢到俾我既感覺係做唔完的功課
好怕每一日返到黎坐低又係要開始做野既感覺
hea都hea得唔爽....心裡面0個一種擔憂真係不得了..
人地話去到外國的壓力少了
但我.....真係大了.......可能什麼都要靠自己...
連搵個同你讀埋同一樣野既人"申"下都冇...
真係唔好講求助la....求個天好過lu
打住咁多
而家唔求得個天
要靠自己...做下功課先


>>May 7, 2003 at 4:33:09 AM GMT+8

2003 年 5 月 5 日 星期一 【晴】

我想講呢到真係愈黎愈唔stable....
成日都入唔到
又寫唔到
upload唔到
up到之後又會突然間冇左...
總之就十個頂...再成日唔得真係唔知點好
最緊要我又唔想轉去其他日記
再係咁真係要學整網頁
然後自己整個日記出黎先得..

今日上左一陣堂就返左黎la..
催眠老師繼續催眠
r音繼續重到仆街
繼續攪唔惦部mac
我咪繼續訓lor
但今次醒左....冇再拎住支筆...咁咪唔會再跌lor

返到黎真係一路hea到而家
係真係可以唔想做野到呢個地部...........唉
遲早死.....真係架喎

離學期的完結
仲有一份assignment
兩個group assignment同一個present
唉...........想快0的做完晒去...
我要快0的返香港呀
你知道嗎

大頭你就好
你已經係香港
真係太開心了....

頂....要開始做功課了........又要做
頂
一定要upload到呀呢次

>>May 6, 2003 at 2:31:18 PM GMT+8

2003 年 5 月 4 日 星期日 【晴】

成日呀下...係成日都上唔到呢到
攪到個人生冇晒意義既情況
入到既時候send個msg俾老母
佢竟然都係send緊俾我話入到....
果然係兩母女

今日拎返份om assignment同之前份essay+ppt(拿...係只係有ppt而唔駛present架...)
上到去好驚咁拎返份野
睇到得六十幾分....其實都覺得ok架啦
期望都唔太高...但睇睇下part essay都寫得幾好..
都ok高分....但係個死人ppt就pk 啦
頂佢..唔俾人用arrows架喎
ppt唔用arrow用咩呀.....寫篇文打落去呀......低能
所以真係好很低分lor.....攪到成份野都低分晒...
不過算la..我又真係唔係咁介意
再加上...我揭下揭下見到上個friday先交既功課竟然都改好
仲夾埋落黎派返既時候
睇到個分係A+既時候
真係興奮得不得了......
係A+...係一個真正perfect既分(barbie話的)
其實唔係你地懷疑
我都開始懷疑佢有冇改
我呢份又真係唔係俾左好多心機去做....
竟然換黎咁好既結果
死la...我0的quota會唔會用晒架
我仲要考試...仲有一份功課要交架喎......
不過諗諗下....入左大學之後....
除左PE(仲要係田徑而唔係籃球)攞過A之外...
真係冇再試過individually攞到咁高....係最高既分......
真係surprise到嘔......
雖然係咁.....其實我又真係好冷靜
又唔係真係十個開心...因為我真係開始懷疑佢有冇改
不過是但了.....都係一個cheer up 黎既.....

本來今晚要上flax weaving...即曾小姐口中的監獄風雲
但係上完阿洪生個fd 0個堂之後.....
突然電話嚮(我想講係呢面0的人係send sms唔會打電話....所以一嚮都ok驚...仲要真係岩岩落堂)
個staff話今日阿溫柔tutor返唔到黎...要改下個星期上多一堂....
oh...期待左一個星期既野...冇左...
真係有少少唔開心...因為我真係好想玩.......
冇得上'
上完堂同rachel同pat去左我地最愛的那間fish n chip到買左我地最愛而且又最平的fish同chip
真係好好食同好平lor
一路食一路行返hall
個感覺好正lor
好有係香港既感覺0個一刻…
但其實真係好凍
因為我感覺到我外露吃薯條的那隻手真係凍到冇感覺
真係唔知點解可以咁凍架喎
係呢個時候
我諗起simon
諗起2002年12月26日farewell hidy得五度我地去咖啡灣bbq的日子
諗起simon有風度地咁凍仲幫我地拎住支水.....
隻手要外露...凍到pk既情形
當時幫佢拎左一陣既我
記得當時我有飲一口露一手(in eng: drink a mouth,show a hand)的言論....
估唔到今日食一條都要露一手呀下.........................
um...我掛住香港
好想返去一個自己熟悉的地方
好想快0的有夏天
五月...唔要入冬..........我要夏天呀......
但我又驚我走既時候會唔捨得呢到lor…
真係好鬼老土

琴晚同曾祈講起將來…
其實有時真係會諗自己將來會點呢
有時會好想知….有時真係唔想知
因為我覺得有0的野一知道左…
就會變…因為你知道你將會點
你既attitude變左…成件事都會跟住變…
唔知呢…其實我只係要知我會好or衰……一個字便ok了..
少少貪la….想知將來…但係….突然想知lor

打下打下.....竟然又咁長了...
頭先返黎呆坐左好耐
hea住唔想做野....之後睇左好多資料
睇到眼都盲
而家又可以抖下先............係咁


>>May 5, 2003 at 1:43:21 PM GMT+8

2003 年 5 月 3 日 星期六 【雨】

一事無成正好形容今日的我
諗住做的一0的都冇做過
其實唔係好多時間做架咋...努力0的啦..好唔好

晚上同佩兒pat同rachel係到吹水
呢次吹得都ok開心...又係不知不覺間就吹左好幾個鐘0個隻
今天pat同佩兒講左好多馬來西亞的事給我們聽
原來呢個世界上仲可以有咁嚴重既種族歧視架下
一個男女唔平等的地方
一個沒有公平公正的地方
一個貪污貪得咁明顯的地方
華人的地位可以係咁低
但又可以係咁有錢架喎
本地人就不停咁諗方法拎佢地0的錢用係本地人身上
咩世界呀而家
真係有人可以容忍到既咩
我問佢地"你地唔會好燘既咩"
佢地都會覺得唔岩lor...
但係習以為常既情況
我真係唔能夠想像我生長係呢0的地方會點樣
可能命都真係短到可以即刻死.....
點解會有一個咁冇道理既國家架
朋友呀...唔好再忍了....

傾談之間
和佩兒約好了一起去auckland
咁都好
有人同我一齊去...應該會好玩0的yeah!!!!

一事無成的我發現tue唔駛上lab...yeah!!!!!!興奮到極點
但係仲未搵gpmates既情況實在令人擔心
睇黎都係要搵下洪生個朋友幫下手先得la....
希望佢今次高抬貴手救下我啦.....

今日同曾祈講左satoko琴晚同我講的超級浪漫事
真係有十個浪漫既情況
呢個除左係錢既表現之外都真係值得...........讚嘆既
同埋又係0的拍戲既情節lor
估唔到今年可以見到咁多如夢似真的事
今年....我活在如詩似畫的電影世界裡.............
電影中的片段能否延續
or
上天要告訴我
呢個世界什麼也可能發生呢


>>May 7, 2003 at 4:17:22 AM GMT+8

2003 年 5 月 2 日 星期五 【晴】

今日係黎到之後唯一一日冇較鬧鐘起身的一天
想睇下自己真係會幾點醒
始終都唔會好似係香港訓得咁舒暢
因為訓多一日即係冇左一日做野
真係好危險
呢個risk真係take唔起
所以.......好想快0的返香港訓過爽的

晚上去了int'l ball....
十個頂絕對有六個以上
去到一個遠離個city centre既castle
去到唔知做咩...冇人同你講而家會做咩...
而且最pk既地方係...可以唔夠位俾黎既人坐架喎.....
咁點食呀
仲要係冇人同你講幾時開始食架喎
咁0的野食放晒係到
唔知想點
總之你唔覺得自己去緊一個function 架喎
完全唔organise
仲有
呢個dinner只係好似普通的refreshment咁.......
得0的bread,cheese...同0的好小食既小食lor....
一0的hot既野同飽既野都冇lor.../.
俾左好多錢架
咁既return都得....真係十個頂la>....
總之呢次再次証明呢到0的人攪活動真係好cheap...
真係要黎香港學下先得la....
咩叫攪活動
仲有呀.....有0的野真係唔駛奢望係呢到0的function會見到架喎
就係games la...
其實一個function最難既就係諗0的games出黎等大家一齊玩得開心0的
有多0的feeling of a group咁啦
但係呢到可以冇架...仲要係完全有呢個concept...
真係一路睇住一路燘....一個冇進步既城市
0的人係咁無聊地dance又好似真係一0的都唔悶咁架喎
十個頂la......頂....好燘...係真係燘架喎...
但今次好彩既係有兩個demark朋友仔都有黎
佢地好funny架喎
係咁係到傾計......呢個pt幫呢個function取回不少分數
我地仲係係咁研究點解有條友(dress "likes" gal)可以咁似一個男人...
個樣真係十個似
但把聲又廿個似女仔喎
咁究竟呢個係男係女呢..
我地成日都話要check it out
諗埋0的白痴既方法....同佢地一齊都幾開心架喎

撘車去個castle既路上
腦不停地轉
轉出很多以往的記憶
太多了...
記不住了...
但那個感覺很好....
可以思考自己的過去....
我愛回憶....
回憶已失去的美好回憶
究竟是一件好事或是壞事呢
我要為這開心還是悲哀呢
回憶裡的美好是快樂的
回憶已失去的是悲哀的
一個動作兩個自相矛盾感覺
我的思想可否流暢一點
我唔想再過自相矛盾的人生

一個人0%想得通是一件不開心的事
一個人100%想得通是一件值得慶賀的事
一個人50%想得通是什麼
是悲哀是最悲哀的
50%的人....開始行了第一步
以為自己是大踏步
想到的很多
不知那個才是真的感覺真的真相
常struggle with的不是外在的事件
而是內心的自己
矛盾的事屢見不鮮
自己A對對自己B
打過不停
最後兩敗俱傷
50%呀
你幾時先會走到100%呀?!
前面的路很長
但卻不可能亦不容許自己走回頭
返回0%.......................半天吊咪就係咁lor.....

有時我會覺得自己好煩
諗得太多了....如果你把我這篇od睇完的話又要多謝你了
因為你同我share左我一個空範的思想一個idea
不知你會不會明白我的感受
但你看完...已是十個感謝了.......
多謝你
我的好朋友


>>May 3, 2003 at 3:09:12 PM GMT+8

2003 年 5 月 1 日 星期四 【晴】

當要選擇天氣時........我猶疑了
早上時寒冷天陰
下午陽光普照
晚上滂沱大雨
點揀呢...究竟係個咩天氣呀!

今日同satoko去上堂...好耐都同佢一齊上堂了
因為我實在太多功課做....跟本sit不了那堂了
今日再上...上完堂之後我地冇去食tea
因為今次到佢有好多功課做
唉....不是餘下很多個星期了.....
上完堂之後我地去左拎返我地0的pottery
原來上左色之後真係好靚
係有十個靚
我好開心...真係好開心
雖然拎返去既時候真係好重....好重....
但係沿途一路行一路傾計
好開心
好鍾意同佢傾計
不過好快沒機會了....有點可惜

返黎之後又再次出左去寄信
要多謝jerry同學幫我交form先
仲要多謝曾祈幫我交左咁多野
我都覺得有0的煩...但second yr second sem真係十個多forms交....
又concentration form又有宿form又有grant loan
我仲要交埋credit transfer...
而家如無意外都可以transfer到credit...真係要十個多謝曾小姐先得

琴晚做完自己的功課之後真係好高興
又做完一份的感覺真好(雖然都係唔知自己做成點)
由於真係太開心
所以見到未做完CB既朋友們
我都希望我真係幫到你地
但我又真係冇讀過呢個course....
所以都唔知諗既野岩唔岩
希望唔多唔少都幫到啦
haha...其實可以咁...不如同prof講我有份做
可以下年返黎唔駛讀都唔定.....幾好喎
一人俾少少分我都夠架啦

今晚煮左pasta(好勁既曾祈話係macaroni...不過係long的...全名為我地最愛的吞拿魚火腿長通粉..yeah....我地係0的pasta上面加左cornflake再放入oven到焗...真係十個好食)
同羅宋湯(今次真係煲左三個幾鐘..0的potatoes係真係真係爛晒架下...係真係好好好好味...yeah)
食完之後同jay,matthew,pat,rachel係到玩uno
好耐都試過咁係到一路玩一路鬧既感覺
好有discussion killer既感覺....(不過梗係discussion killer好玩好多既)

咁又過一日
其實時間算唔算過得快呢.....
其實...........都仲有個幾月......
但又其實......我真係好想走...
唉..................我要真正的歡樂

下面的相係我地四條粉腸
呢個朵絕唔係我地幫自己起的
但要多謝幫我起朵的那個人
可能真係因為佢...
我地四個真係愈黎愈fd
所以我地都欣然accept呢個咁funny既名...
好想快0的返香港再一齊玩同影相
今個暑假可唔可以好似上年去macau咁呢
可以唔去咁遠
但係四個一齊去玩下咁啦....................
哈哈
今年係我地最後一個暑假
究竟我應該點用先唔side or無悔呢
唉
好煩惱的一件事
最後最後
給了一個要做得很好的壓力....
一個無形的壓力...
誰能教我怎麼做

最後.....
選擇我的心情就好像選擇天氣一樣.....
究竟我的心情是怎樣呢..........................
依張寶明的理論
我要選一個心底的感覺.......
明白了

>>May 2, 2003 at 12:03:23 PM GMT+8

2003 年 4 月 29 日 星期二 【晴】

又一天又一天
昨晚的行動非常順利
仲出乎意料之中的多人
真是開心
不過如果我都係到就好了...
好耐都冇開心咁玩過了
真的很掛念你們
我在這裡平靜夠了
多謝ruby
今次真係gd show....
雖然蛋糕永遠都會係你到
其實你咁樣都抵...次次都有正蛋糕食
總之今次gd show成功......

今日晨咁早又去左開會
一開會我就好驚
因為我真係覺得自己好cheap
勁唔識做
又搵唔到資料
真係唔知自己0個題up乜架喎
玩咩
傾左一個鐘倒...傾完...其實我都真係冇咩contribution
臨的時候...一個gpmate的說話令我有返少少少少自信
一個等緊讀master的大陸女人同我講
話其實佢都唔知自己應該點做
睇左好多野又唔知點做好
又冇idea(因為呢個pro真係要勁諗新idea)
佢令我知道左原來大家個距離都唔係真係大到唔可以想像
我諗我點都cheap過佢地..
但好彩...原來我face的問題佢都face到
都好既

返到黎又係hea....
之後俾曾祈撩左去美化這個od
去學寫0的command
好好玩
我好鍾意玩
所以我沉淪了
我真係沉淪了
功課是未做好的....我頂
聽日真係要做
星期五交了........

而家好攰
又竟然jerry同曾祈一齊話做功課唔玩icq
我就唯有去訓..
聽日起身做功課
yeah!

話咁快.......五月了....真的五月了

>>April 30, 2003 at 3:45:59 PM GMT+8

2003 年 4 月 28 日 星期一 【晴】

今日真係學spss
去到見到阿仆街tutor企左係到...
乜都冇講就咁企左係到望住我地笑
望左好耐
我只係可以對住佢琴日派的一份野係咁睇
但係做咩真係完全唔知
眼見人地係咁係到打野
自己係唔知自己可以打0的咩...
同唔知點解要打lor
望住阿仆街先生簡直好似望住洪家耀呢條大仆街咁
估唔到越洋都遇到洪生0的朋友....
坐左半個鐘我真係忍唔住啦
我舉手問佢............我話我真係唔知而家做緊0的咩
好彩....佢同洪生原來都唔係咁fd
佢冇答我"盡在不言中"
仲好好人咁教我點做
頂丫...咁奇怪...真係要問先講...唔係咁絕呀!
之後我終於有了方向
知知地自己做緊咩.....唉.....mkt research都係多災多難
--------------------------------------------------------------------
今日去左lib搵資料
我想講我真係唔識搵架lor....
睇住咁多野我完全唔知自己要咩...
諗到要咩又會冇左架喎...
真係有十個頂
總之就食屎...
之後再去上service mkt
頂,.....那一個prof
繼續催睡...
好似真係驚你訓唔著咁....
死人r音勁到唔信
想點先..你話想點先
攪到我訓到跌左三次筆....
你知啦
一班得0個十幾廿個人都好難訓架啦
仲要攪0的咁野
玩我咩阿prof.....下次講野唔好咁一舊舊得唔得...
---------------------------------------------------------------
返到一路將0的資料整理好
一路研究點美化呢個od...而家總算唔錯
因為我可以upload到我好喜愛的pic.....
呢幅pic真係好gd
0的色襯到絕
仲要有一種開心得黎帶點悲哀的感覺
微風輕輕的吹...
好有詩意...yeah
而家期待緊1225劉家業計劃的進行
希望呢次treasure hunt會順利
ruby..一定要gd show...今次擔正做大佬
我希望今次遙距控制成功.....
總之就係劉家開心
大家放心
今晚一定要gd show


>>April 29, 2003 at 2:32:04 PM GMT+8

2003 年 4 月 27 日 星期日 【晴】

今日係第一日返返學
又要上堂
起身0個下真係辛苦
雖然我只係上1400
0個種好似放左好耐假既感覺原來都唔係咁好

今日上mkt research
真係十個頂
條死人lecturer.....(今日唔知痴咩線著到成個街邊玩雀阿伯咁....西裝又唔著...行出街同人講佢係U到教都冇人信呀..頂)
無啦啦係到對assignment1...即係我之前話做左15頁個proposal呢...
明明又未派返....對乜呀
最緊要既係我知自己做漏左好多野
愈聽愈驚
係有種考完試對答案feel
好似上年考完acy1112
後面0個兩條友仔係咁係到對答案
我都唔明記到0的數字咁實做咩呀..
駛唔駛下下個bal係咩都記得
講還講...都理下我唔想聽
真係卷又未收完
又唔很走得
又要焗住聽
真係想打人
今日直頭係同一個situation呀
被困係個lecture hall到
焗住要聽呢條pk係到講答案
我頂
十個頂
講完都唔只呀
俾第二個lecturer講assignment2
諗住第一次講呢份assignment有排講
話晒都仲有成堂
"everyone should get these three each and then i will discuss with u in tutorial and see u"
我fook...你地唔咪咁無聊呀
係就唔好上啦....白痴
上次已經俾呢條友仔陰左一次tuto
而家又俾佢陰多次lecture
我想問呢條友仔係咪教書既呢
我好嬲呀

上完堂去左上flax weaving
即係曾祈話的監獄風雲咁
織網....哈
但好好玩
教0個個tutor係一個中年女人..
好好人好溫柔
帶埋阿囡囡一齊黎教
囡囡好聽話
而且好勁.............又幫得手
成日提媽媽有冇野講漏
真係好型
好溫馨
去左一個好溫馨的地方
今日的製成品係三朵花
都織得ok好
而且再次俾tutor讚做得好
真開心
就咁.......2個鐘就過去

返黎之後hea左成晚
而家要訓了
因為明天1000
希望唔好再俾0的條pk tutor玩我
明天就係上mkt research tuto啦
祝我好運


>>April 28, 2003 at 2:36:33 PM GMT+8

2003 年 4 月 26 日 星期六 【晴】

try

好好玩喎真係, 多謝王小怡! 但係0的相唔知做咩load唔到..點解你之前會load到架....小怡洪丸.....





>>April 30, 2003 at 10:09:02 AM GMT+8