2003 年 1 月 25 日 星期六 【晴】

今日(即係25/01)
我過了一天很開心的日子

真的感謝今天為我帶來高興的每一位

今天約了黃生到旺角食lunch(雖然係一個tea time)
我們約了在body shop等....(呢個係案件既關鍵....)
跟住阿黃生叫我入去同佢買野
之後佢仲同阿姐姐係咁吹水(其實都好正常..呢條友次次都係咁..)
仲問姐姐生日有冇禮物收..........但係條姐姐又真係答有既情況
真係bear呀下....
我0個一刻係覺得個姐姐敷衍緊佢
跟住又同個姐姐講左好耐
終於去俾錢...........跟住佢又再問姐姐生日有冇禮物收咁啦
..................................最後個姐姐話有...仲真係拎左份禮物出黎...
0個一刻係bear...
覺得..玩到咁盡...連陌生人都有份參與....
但當然係好開心啦...謝謝你....(再三說明呎位人兄係唔認關佢事架下...."乜而家body shop生日有禮物收既咩?")
心裡面諗..呢幾日發生既野簡直就係好似做戲咁...
而且每一件事都比起前一件事更驚喜咁....勁
真的多謝每一位朋友
多謝你們為我花的心思......我會以後都開開心心
從而令到身邊既人都一樣係咁開心

不過..大家唔好以為呢個故事就完左...
未...係未完.........當我地食完野再買埋佢既野..大家分別的時候..
我走到火車站撘車返中大..開左我的背囊......點解又有一份禮物既呢........
究竟佢係幾時將份禮物放落黎呢..勁...佩服

跟住就返中大搵賤華...真係對你唔住......爆左你一鑊添......由於一切都不在掌握之內......
之後返去放低左0的野之後就出左大埔食"甜品"(好明顯係唔夠時間)
謝謝你的"布丁"haha

之後去左肥狗的家幫手拎野......頂佢
咁少野駛鬼我地幾條友去拎呀
係咪想打...去到又話要返屋企柯屎....無啦啦柯乜鬼呀.......吹脹
之後由於我地當時都仲係以為有好多去
所以係到少肥狗話唔夠野食..........又去買過...之後我同文希阿庭華肥狗先入去大尾督啦........
去到阿庭真係好似好pro咁喎...係全程都係佢透架個爐.....(之後又成程幫我地"添"野飲......)真係好似一個工人呀下你....不過真係感激你啦...代表大家都多謝唔該你啦

過左好再一陣阿黃rachel,monica,tampo就.入左黎啦yeah
阿黃文希好煩呀下
完全係冇野可以講呀下.........應又死唔應又繼續呀下你兩個...........
到後來howard同eugenie都入左黎啦..謝謝eugenie..你趕得切呀..thanks...
真係多謝eugenie我先有禮物收呀..係咪???hahahah......好多謝大家
好得意呀個公仔..........好似阿黃個女.......阿黃係火場勇救愛女.......成為英雄(自己諗下好)
基於黃振興話係自己揀既話...我就係到多謝佢一次啦......thanks......
之後又吹下水再狂燒下野食咁(我想講我地買左好多野食好多好多野飲..但係買左好少炭....所以爸爸就去"偷"炭...果然係poor family
時間就係咁又hea左一晚
呢排好易支力
所以都冇真係通宵....加上大家星期日都好似好早就有野做............
於是五點到就返cu....

但係返到去沖完涼之後又好似冇咁支力lu wor....所以又同the ball傾左一陣計..又同阿黃玩左一陣icq......(但都已經六點幾lu).......阿黃..有機會的可以再討論...........我想說的是我當時都好矛盾...但係而家真係開心一0的..............所以我覺得做得都算係岩..起碼係我呢個case.......哈~~~~~~~

最後都要多謝一下咁多位執委....
我想講我係0個個場面真係唔知講咩好
因為冇理由係咁係到講多謝
但心裡面真係好多謝你地.....大家都咁支力咁忙..仲一齊燒野食....謝謝...

其實這幾天發生的事都好似拍戲咁
我根本就覺得自己係一個電影的世界裡...
以為完了但原來還有..而且一次比一次精彩.....多謝你地
我今年的生日過得真係開心....好開心好感動.....原來我都能感動...
其實簡簡單單便可.....但卻用盡你們的心思...
無言感激
望大家能明白能收到我的感謝

>>January 26, 2003 at 8:31:59 AM GMT+8

2003 年 1 月 23 日 星期四 【晴】

我要說的是多謝
我不習慣說出謝
但心裡面真係很感動....
不是一個會濠哭於人前的人
但我真的想哭
開心得不能形容
一切好像是電視裡的橋段
要多謝的是各"籌委"(尤其係P啦..haha...)

可能到呢一刻大家都係唔知發生咩事
但係今次我又過左一個難忘的生日.....仲有farewell...(雖然次次遭殃的都是我)

不如真係從頭講起...
昨日起來後便到了旺角和我的爸爸媽媽(barbie,龜,anthony)去唱k....
我地唱到窮盡咁滯...........
真係對唔住
我真係唔係好識唱風箏與風既和音(雖然0個一段都真係好唔似和..好似鬥緊咁...)
我一定會返屋企苦練...我下次一定要唱到............我一定要成功

係我地唱到臨走之前
我去完個厠所返黎
見到間房裡面既阿龜同ant已拎住個相機啦喎
我以為佢地會影咩啦....(我要再三澄清..我真係唔知..都冇估到....真係喎...我都覺得好唔正常咁...但我又真係冇諗過喎...唔好話我扮驚喜..)
我真係好多謝爸爸媽媽的禮物....放心..我係唔會用0的貴野黎放"巾"的.......
跟住我地去左食炸芝士波..菇..雲吞..同洋蔥圏....4個人食4樣野真係好
可以傳來傳去....玩得黎又要食得晒都幾難....但係四個人係條街都咁玩都真係好開心喎......
之後我地仲走左去玩飲野同食糖
飲野真係唔惦.....0的珍珠真係咬唔切架喎.....
但係今次飲野...係張寶寶贏
因為佢真係好核突.......我佩服......
食糖當然係我贏啦...yeah
跟本冇兩粒糖一齊係個口裡面既情況....

玩完一輪就返宿
俾梁德叫左我去佢宿....睇電視
嗱..又再澄清
我又真係乜都唔知
同估唔到呀下
我都唔知呢幾日可以咁.....乜都估唔到....
十點...
梁德話段打黎叫我地過去食糖水....
咁我地就過左去
去到只見劉家業的髮型.....而不見其他的東西
皆因佢真係好靚仔.......真係好靚仔
但不久
當我留意我的周圍..我發現到我今晚的回憶
估唔到.............你地會咁做
真係感動到不得了
多謝
我見有人在簽名....亦見到我前幾天在本部見到阿粉買的紙.........
真係被騙.......太過份
大家都實在太好戲......
之後有劉家業的一篇"悼念辭"個樣好似好感人肺腑咁.......
但我真的感動...雖然報導不盡真實..............haha~~但感謝真的在心中
我們是好朋友丫嘛
落黎又見到ruby in charge的refreshment
果然做得好好
好好味
有亶�...有炸蘋果..有縲絲粉....有薯蓉..有羅宋湯....全部都係我好鍾意食的.....謝..辛苦晒...
食食下野
又有一個唔知邊個走過黎...估唔到係黃生你呀下....勁
好多謝你返黎呀~~~我真係好開心喎!!!!
之後你地既表演...唱歌...舞獅...魔術...好開心
我0個一刻覺得自己好似拍緊戲咁
好似係百份百感覺裡面佢地話攪活動咁呀~~真係開心到唔知點俾反應好~~~~~~~~~

玩完呢0的野..我真係會覺得完架啦
但係....................當佢地抬jerry出黎既時候
我意識到一切都未完....而且受害既機會好高.....但係真係走都走唔到....又玩蛋糕...頂
仲要唔知邊個買個咁細既蛋糕....等我都冇得還擊........too bad~~~~...點解年年都要係我呀下
真係咁鍾意玩
係咪想打.......真係打鑊金既你地
走......太過份啦~~~

咁又要沖一鑊勁既涼先得啦
之後又一齊去左食宵...好開心
因為有木偶的禮物.....ruby你今次真係好聰明....不得不贊~~~~
雖然琴晚既太原係我食過咁耐最難食既
但係.......................冇所謂
我真係好開心
因為有大家咁多既朋友
我會記得呢一晚
更加會記得你地為我做既一切~~~thz so much~~~

>>January 24, 2003 at 11:15:48 AM GMT+8

2003 年 1 月 21 日 星期二 【晴】

琴晚終於都開埋校慶的e...
一如以往
我地都係遲左好多先開...其實我地一向都係咁
都唔怪得邊個
因為次次遲既人都唔同(當然包括我啦haha)
所以爸爸都唔駛咁怒氣....(個樣唔好就死咁..有活力0的先快0的好返架嘛)
開呢次e真係開左好耐呀....開到成三點幾...因為自己present完要再改跟住要再過幹事會
um.....當我見到大家之後我覺得我個report好似長左少少
我present0個時都唔係幾好意思..真係對唔住啦咁多位...
寫咁長唔多唔少都係因為自己而家0的中文真係好差
兩三句說話都唔足以表達到自己...真係cheap呀!!

再開會
大家再坐埋一齊其實都幾開心
可能又有一段hea time
咁大家又係到睇下雜誌睇下電視咁
所以都幾開心.......
其實有0的掛住0個時開會既感覺..雖然0個一排既壓力真係好大.......
當一個人得閒既時候總係會記起掛念忙碌日子
最初以為呢一種感覺一早就會出現
但係竟然一忙就忙左一個sem
竟然要到而家我先識得掛念忙碌既日子..........haha~~~真係奇怪

就快要走
心裡面0個種唔捨得既感覺反而越黎越少.....
想離開的感覺很強
可能時常在家
令到我想到外的地方去
又可能這樣的無聊(雖然成日都呢到0個到去...)
所以好想離開
但我又知道當我走既0個一刻.....我又會再次唔捨得.....................唉~~~~~

>>January 22, 2003 at 3:05:13 PM GMT+8

2003 年 1 月 20 日 星期一 【晴】

而家呢個係咩心情
唔可能唔寫一寫
我係做個工作報告做到而家呀下
而家係6點幾.......shit~~~~~
好支力
真係完全咁唔知自己諗咩打咩...................

>>January 20, 2003 at 10:06:34 PM GMT+8

2003 年 1 月 20 日 星期一 【晴】

頂
我想講呀
幾日以黎都係呢一日先寫到od.....有冇攪錯
之前0個幾日簡直日日都有唔同既原因所以寫唔到.....

今日返左學.....好勤力咁去sit李天命....
其實山長水遠咁返去sit....你話值唔值
我覺得值得
因為自己好似已經side左好多時間
冇去好好珍惜大學有既野...
有咁多正既科
好應該sit....唔可以成日都係major.......major其實真係太悶啦我覺得....
唉...梗係咁engi人就會覺得ba0的科好過癮...好想讀
但係ba又會覺得自己0的科好冇癮....好唔想讀...因為我覺得好多野都係背......
好多野都係practice勝過一切....係咁up都係冇用
咁我學咁多theory黎做乜......
所以sit下其他既科
了解下呢個世界好似真係會開心0的
李天命都係一個名正言順既吹水佬
真係係咁吹
但係都幾得意
個人真係ok無聊......諗埋0的野真係同我地平時"膠粒"的一樣....
但係又時不時up下一0的好似好有pt既野......
所以都幾interesting丫......
佢今日講話有個朋友好臭...臭到真係覺得0個0的唔係氣體...而係固體...
頂
真係金句
好q無聊
仲衰過我平時講0個0的
但係我又覺得幾好
冇0個種佢諗野勁但係同我地唔同世界既感覺....so....feel so gd
今日去上佢堂先真正知咩係名不虛傳...
個百幾人既elb lt3真係坐左二百人都有....坐到成個地下都係人..........密鋪平面.....勁......
好得意...lt3呢個lecture hall我有兩科gee都係呢到上
但係黎既次數一隻手數都怕有多
而且次次黎到都係訓
唔訓....咁咪就係 考緊試lor.............邊有可能唔訓...悶到死咁滯......
但係今次竟然黎左sit
仲覺得幾開心
咁我諗我下年返黎揀科都真係要好小心
除左major之外.....我要充實一0的先得...
點解次次發現自己有目標既時候都好似係太遲咁呢...........

跟住上完堂我去左本部.....去左ba office and 恒生...之後係鹿鳴廳出面的書攤到見到曾祈祈同段
哈
我又買左交換日記3,4啦...唔知可唔可以忍到nz先睇呢.................
跟住同段祈係pk梯下傾左一陣...唔知係咪企得太近pk梯..........阿祈真係企係到都可以pk既.......oh no.........

之後再落返去食tea with the ball and all kit.....
再之後就去睇波.......今次係對五高.....win again......
好好今次真係好勁
唔做我偶像都唔得
一個字"型".........yeah...
何宿要加油呀~~~~~
the the同緊個鬼妹講野咁我又走埋去講啦
點知我都可以用我0的唔係幾好既英文同佢講左好耐......佢好靚真係好靚.......而且仲要係哈佛到黎...真係唔明...哈佛咁好..真係唔知黎香港仲咩..............................
um......我覺得我真係好勁
竟然可以講到咁耐.......我而家唔怕去nz啦...我估我都真係應付得黎既
the the話.....慢慢黎就得啦...我會努力....yeah

睇緊波既同時................頂.......聽晚要開會.............我又冇得同鍾淑華補習
我都怕我敎唔晒佢..........好驚........希望教得晒啦...
寫住咁多先.....因為聽晚要開會
而家真係要趕埋份工作報告先得...........

>>January 20, 2003 at 5:25:48 PM GMT+8

2003 年 1 月 16 日 星期四 【晴】

頂呀
之前打左幾次都係寫唔到個od….好唔開心

呢幾日都係0係宿
係今晚先係屋企……..
返宿真係好開心
但係打聲就食屎0的
一返去把聲就即刻差左

但係返到去真係好warm
呢個先係一個充滿溫暖既家
今次返去都係係418訓
好開心
因為真係一個我的家
但係曾祈祈就可憐少少
因為要同我一齊訓…咁就得返半個床位既情況…..真係要係到特別鳴謝曾祈祈…..
星期四晚……新莊有function…打邊爐..都幾有心意呀下…..都算幾好玩
但係有0的位,…..真係好bear…如果再識睇人面口個人會更好
不過都有待改進……….
Um…我覺得有時yr 1真係有yr 1既好
因為佢地冇灰過
佢地乜都會敢試…..但係yr2就唔同
太知道乜野得乜野唔得
所以反而乜都唔會做…明知唔得丫嘛…
但基於世事無絕對既情況…..做左可能都仲有一線生機
同埋當佢地都覺得係可行
佢地就會落力去做
咁成功既機會又大左啦…….所以都好希望佢地會加油…..仲識得係經驗中學習….努力

可惜…之後個function未完我地就走左啦
因為我地要去睇戲
但係最遲0個場都已經係930
咁既情況都一定要走啦
我同jerry,ruby.粉.lu一齊去左睇<< the lord of the ring..two towers>>
好好睇喎
好好笑
但又好緊張
所以都好推薦大家去睇

返到黎又係下面同曾祈祈0個0的傾左陣咁
之後hea下又hea下咁就訓

星期五決定同大家一齊上assembly
好耐都冇上過啦
上週會之前同jerry,ruby,esther去左眾志吃早餐
開開心心咁一行四人咁坐左係近草地的那一邊
其實咁樣坐出黎真係好似舒服0的…..
食完就去assembly啦~~~~~
其實我真係幾鍾意上assembly
我覺得大家一齊就好開心架啦
今次最開心既地方係…..開頭既時候..大家唱學生會歌好似唱得特別好聽咁
好大聲…但係真係動聽架喎
我同曾祈祈都嚇左一跳…..

上完一次好鬼長既週會之後我同祈湘德就去左美心食飯
好耐都冇四個一齊
4個人真係好………段話齋…..岩晒用4人檯…
之後康同louis落左黎
係食完之前仲有一個奇遇
我懷疑louis係美心太子爺呀下…hahah…….真係好過份呀我覺得
到而家都仲係覺得好過份…….但係唔想再打……見到我就問我啦if想知的話…

之後再晏0的就叫左the the同我去睇notebook
好多謝the the同我行左咁多間又問左咁多個哥哥又聽左咁多個哥哥詳細既present…入左百老滙咁鬼多次…..
真係勞煩晒啦~~
由於我真係唔係好識電腦野…所以真係靠晒你啦
仲有返到黎之後又幫我install左咁多野…..謝謝呀~~~
仲有用你條線上左咁耐網……thank u v. much ar…
仲有鵬鵬呀
謝謝你教我用ftp…而家我真係識用架啦
可以將多0的野share出黎…..yeah~~

星期六本來要幫鍾淑華補習
但係真係太早
唔知醒….真係對佢唔住…..sor…..
真係訓醒既時候就同左段祈德去左coffee con食飯…
佢地係到講CB0的野
好似好得意咁
我都好想上呀
走左再返黎就冇乜機會再同佢地一齊上堂架啦
因為好多野佢地都上晒….但都希望搵到一0的野係可以4個人一齊上一次啦

我呢幾日又諗呢
我俾左咁多錢黎讀大學
真係要sit多堂先得
我返到黎真係要sit下哲學0的堂先得…..我一定要好好珍惜
過到去我都要sit多0的堂…..要學多0的野…..學到野個心真係好開心……

>>January 20, 2003 at 4:55:56 PM GMT+8

2003 年 1 月 14 日 星期二 【晴】

今日真係吹脹
簡直係見盡我呢一生人未見過既野~~~
頂
今日出去拎visa
咁撘962啦
次次撘都係得0個幾個人
今次唔知做咩會咁鬼多人
真係頂
成架車都滿晒人
0的0靚仔又煩又多野講
打暈佢地呀~~~~~
仲有0的師奶又係到嘈鬼住晒~~
唔撘就落車自己行出銅鑼灣~~~
去到青山公路就出屯門公路0個到又係唔知做咩塞車塞到嘔
平時車都冇架
唔知做咩今日會咁多車~~~多到唔信
有撘開既人就知有幾少~~~平時
跟住架車經過航海學校...竟然見到好多學生係到上堂
平時又係鬼影都唔見多隻~~~

去到灣仔
拎到個visa個人既心情都平復返0的
之後仲去左0個到既三聯睇左好耐書
仲買左一本<<馳放的片刻>>既書by....mr.red.....
我都冇聽過又冇見過
但係見到好似好有趣咁喎~~~
所以都係忍唔住買左落黎~~~
之後本想買埋<< sophie's world >>
但係冇英文版....咁唯有走
但係0係0個到見到好多幾米的簡體字書
都幾抵...其實都值得一買

走幾時候我諗緊落銅鑼灣既page one好定係去荃灣既三聯好呢...
諗下諗下..係三聯買到野既機會大0的~~所以就去撘mtr
點知....呢個就係惡夢既開始
頂~~~~~~~~~~~~~~~~~~~~~~~~~~~~~~~~~~~~~~~~後悔...人生最後悔既一件事
去到荔景轉車
當我抬起頭就見到我一個中五的同學(我講到咁就知唔係好野...係當年係班中被人恥笑的冬nut....fuck~~~~~頂........如果大家係中學同學...又係5c既話...都知佢點同人打招呼同會係咁講晒自己呢排做過0的咩俾你知架啦~~~~見親佢既人都會認定0個日自己既運氣差到嘔~~~~~~~唉~~~~~~)
咁唔駛再講落去都知我之後有幾慘.....
我直頭係棄左0個隻...即係直頭表現埋我冇野同佢講0個個樣~~~~要我去到咁盡..都冇幾多個....佢都真係威...
我由荔景去到荃灣0個程簡直想自己就咁就死左去
咁我就唔駛同佢講野啦~~~
0個一刻我覺得自己0個一下抬頭係呢世人做得最錯既一件事......
而那一刻我真係心裡不停咁係到講粗口
我簡直覺得自己俾人打左一咁
既傷心又唔忿氣~~~~~
唔知呢個係一個上天對我的懲戒..叫我以後唔好抬起頭~~~唔係咁絕呀~~~~
我真係好驚...好驚
真係驚到死~~~~~可能大家真係唔係好明白點解我咁驚~~~~~但係我都解釋唔到..希望我的中學同學會明啦..尤其曾經都見過佢既人
跟住我都知自己唔會咁好彩架啦~~~
佢實問我拎電話~~~~~~~~~~~~~~~~~~fuck.........中..........我係<<星座小公主>>....咁都中
但係聰明的我心諗
我都就走....咪俾你lor~~~~都打唔到架啦~~~~~hahahahahahahahahahahhahhahahahahahahahahahahahahahahha
跟住我去荃灣三聯睇完書就走
走既時候真係好驚再見到佢呀~~~
好彩........................上天都算係咁~~~~冇叫我再見到佢
如果唔係我真係死架啦~~~~

>>January 15, 2003 at 10:05:19 AM GMT+8

2003 年 1 月 14 日 星期二 【晴】

今日真係開心既一日...係香港一日遊
同左吳almond,同ter仔去左遊車河....
今日都可算真真正正的遊車河
出黎既時候完全唔知自己要去邊~~~
但係都要多謝阿ter做我地既好司機..大老爺....<<大老爺請飲水>>
我同吳almond只係諗到可以買野上車食~~~
之後我死都話要出沙田拎機票既情況
咁阿ter就係我同吳almond既白痴帶領下出左沙田
呢一程都尚可以
但係去到龍翔道...就係吳al既一個問題就令到ter唔記得轉線
咁又唔鬼知兜左幾耐唔知又兜左去邊先去到沙田....
之後就真係拎機票...食tea....返去攞車既時候...
我地簡直不停係到見證呢個世界係圓既定理呀~~~pk.....次次都兜都死~~白痴...(雖然好攪笑~)
之後我地就決定去"大埔林村許願樹"
拿
係決定..去唔去到又係另一件事
我地真係一路睇住地圖一路由沙田去到0個到
當然都有問人啦
呢到真係要多謝ivan的指點
如果唔係後果更不堪設想
我一路睇住個地圖
吳al睇指示
ter揸車
真係分工分得好好
我都話多一個人都唔惦架啦~~~
多一個人都唔知做咩好呀
但係我睇得都實在太慢
成日都唔知自己係邊
個地圖真係唔易睇
成日都要揭來揭去~~頂
又要快~~點知去左邊~~~所以我地最終都係去到迴旋處都去唔到林村
頂*1000000000000000000000000000000000000000000000000000000
之後....其實真係唔知之前定之後......又兜左去大埔工業邨..真係乜都有可能呀今日
我地讀左咁多年既大埔工業邨....而家就在眼前~~~今日真係一個field trip~
再之後又諗起edward...去左city接佢~~我係edward一定bear...都唔知做咩要等埋我地
明明可以即刻走...又要等我地
跟住ter又唔知做咩點解兜返去獅子山隊道
頂明明可以即刻返荃灣再入屯門
點解要咁
今日點解成日都係兜......癲架
真係......唔係要咁黎證明世界係圓架~~~~~
之後搵埋edward真係開心
四個人既時候又覺得自己好似中四五既時候咁
真係好開心
好無聊
雖然edward而家唔再講卡通..變左講財經
但係ter仔依然係咁慢......慢到.....好難去形容...自己睇下先知~~~
吳al都係懶懶行咁(雖然而家會買書黎睇...)
但係同佢地一齊既時候真係好開心
好無聊呀
edward講既野真係無聊到死
佢話:"晒太陽...究竟係個太陽晒你定係你晒個太陽丫"
"救火...救返0的火....咁即係令0的火愈黎愈大"
"所以好多野都係冇得解既"
佢叫我補習唔識點答個學生就咁話佢知喎
真係bear~~~
但係又好似好有道理咁喎
有時我地講既野真係好似冇得解咁

之後edward去左補習
我地就係市中心到四圍行等佢之後一齊食飯
不停咁行
又睇下電腦又睇下書咁...(謝ter and al和我係咁睇我0的野)

行下行下
係咁見到一個人
真係bear
以為唔會再見到佢
好耐冇見
真係耐到以為佢已經死左
但係都見到兩次
好明顯大家都見到大家既
但係去hi都冇意義~~
都唔會有野講
有都係一0的假既問候..bear~~唯有當係見唔到啦~~~

之後同左edward,ter and al去稻香打邊爐
9點之後真係好抵.....$12一碟...正~~~
我地今次叫左好多餃
係可以一人一碟既情況
都未試過叫咁多餃
今次真係特別....
但係真係叫左ok多......所以都唔係咁食得晒~~~
哈~~但係可以幾個人食下野
吹下水咁又幾好
有時覺得太大班人都係有唔好處既
起碼唔可以傾到計先~~
所以細班人有細班人的好~~~~
一起時又可以再講中五時的事
我記得架...你地知道嗎???你們的鳳梨酥,維他奶和edward聲稱係自己整既蛋糕~~~(嗱...係有包好架...都幾有心思既....................)
好懷念之往的事
但又覺得而家既生活好正~~
希望我既將來就係好似我既現在同過往一樣
咁開心...好多人同我玩啦~~~~haha~(好似哈姆太郎最後0個到個女仔係到講"我今日過得好開心丫,我知道聽日我一定會過得咁開心既..."...似到呢~~~~)
===================================================================================================
頭先本來都寫完架啦....
但係玩完一輪icq之後
知道個個訓晒之後我係到諗0個時我係宿我又一定未訓
但係人地又個個訓晒
究竟我用左0的時間黎做咩呢
我都記得好無聊
又冇做過0的咩
但又已經五點....跟住先覺得"係時候訓"去訓
而唔係覺得眼訓去訓
真係bear
點解係宿既生活會係咁呢~~~~~~~~~(再三澄清..我覺得咁樣都好正~~~)

>>January 14, 2003 at 8:11:52 PM GMT+8

2003 年 1 月 12 日 星期日 【晴】

今日真係我的補習日
一日之內補左7個鐘真係想死
點解個個呢個時候都會想補耐0的架
補左咁耐真係好支力
仲辛苦過自己溫書
所以頭先一返黎就訓左啦
其實總好過hea左一日既
但係咁樣真係死

補習又係發現自己弱點既時候
真係發覺自己有好多黎都唔鬼記得
咁真係好差.....點解0的野會唔記得
呢0的已經係我最能自豪的東西
唔係咁都冇埋呀~~~~~~

琴晚完成左<<交換日記5>>
開始<<這本書>>
發覺<<這本書>>真係唔錯
好似好型咁講0的野
唔知我唔可以去明下呢

有一段好正
我放了係info
[每個人只會看到自己想看的東西
每個人在看到之後只會想起自己有關的東西
每個人在以為已經看透某些事情的真諦時
其實已被看穿他的價值觀和思考的東西]
好以講出一個人0個一種自我中心一樣
但是人就是這樣
只會看到自己想看的
只會不停地尋求只自己想要的答案
而ignore 一切reject自己想法的一切
哈
我們的選擇能力真強
當我們找到我們一樣的信念便會以為這世界的人都抱著同樣的想法........再度肯定自己想的一切...更自我中心了
我們真係逃不過這個挑戰~~~~一次又一次自以為自己是對的
常常都自我反省
但係反省過後又是那個模樣
根本沒有變......真係唔知為咩~~~
但變...有時真係好難~~~~

書裡還有另外一段是:
[開始變得成熟是在最痛苦的時候才換到的
想要追求夢想是在最空虛的時候才決定的
睡過最舒服的覺是在最累的時候才發現的
得過最珍貴的東西是在失去的時候才知道的]
沒有什麼想說
但覺得很有趣
覺得人真是有趣

>>January 12, 2003 at 4:50:22 PM GMT+8

2003 年 1 月 10 日 星期五 【晴】

星期四又返左宿
行程竟與星期一的行程一模一樣
但係今次機票有起息
今次的那個哥哥真係好落力
我覺得佢幫我好多
好落力咁幫我check位~~~勁~~~真係要多謝佢~~~
我而家可以6/2走到啦~~~

跟住要講下gpa
返到之後同阿janice同段食完tea之後就落黎check gpa
真係好緊張呀
我check之已經知道左佢地既成績
真係有喜有悲
我都唔知應該講咩好
因為自己的gpa真係好到極(我覺得...係我個std真係好勁架啦.....咁我都唔知點安慰人....始終都係怪怪的)
但係你地真係要努力...大家都一定得既~~~~共勉之
再唔係問下我有咩頽科可以take..我覺得我揀呢0的科都真係有一手.....揀親到中
...um....講起呢個讀書同gpa既問題又真係有好多野講
究竟我地係咪仲應該咁緊張gpa
但唔緊張又係咪代表可以棄左佢呢
但係大家又知道我地再係呢個咁既system下生存既話根本就一0的野都學唔到
咁點解我地又繼續向一0的冇意思既野做
但係有時又不得不向現實低頭
又或者咁
一個學生既其中一個責任都係讀書0者(雖然有好多野會更重要,但無可否認呢個係其中一個責任)
咁我地如果讀都唔讀又好似係過份左
咁我地唔通真係考個會考同a-level都係為左有多三年時間hea....再去逃避呢個現實社會
究竟係點
我真係好矛盾喎
有時真係唔可以完全說服自己
雖然話自己唔係0的咩勤力人
但係都想自己言行一致一0的
唔好講一套做又另一套
同呢個講又一套同0個個講又另一套
大家又點睇
其實好老土
但係真係咩先係大學生or學生應做既呢????

返到宿-----今次係有目的架
開傅盃第一次會
開氣氛好特別
可能而家第二十四屆籌委再冇任何責任
所以我地見面時都好開心
個感覺係真係好似見到一0的舊朋友咁
我記得上年我都覺得第二十三屆既人好似好fd咁
我而家都明白少少啦~
其實大家咁樣對左幾個月
而且大家都咁為自己宿舍
又要做對內又要做對外
其實大家都好體諒大家
or好明白大家既苦況(可能比莊員更了解)
所以有種親切的感覺都好正常
開左呢個會都好開心
好似真正的完了我們的傅盃

之後便是交職
其實他們比我們做得好
都好似幾多人咁呀~~多謝佢地既禮物~~~
落莊既感覺真係有0的失落
係好似失去左一0的權力咁
不過又唔駛再負某一0的責任~
都好既
起碼而家雲姐唔會再煩我~
跟住何必有我慶起一齊去食宵
出去食宵其實真係開心過係宿食
因為個環境
係0個個大排檔到食係真係開心好多好多
好耐都冇試過咁樣大家一齊食宵啦~~
其實之前擔心的事似乎會因落莊沒有責任而消失
其實有時好多野都係因為一0的利益衝突而引起爭拗
當呢0的野冇左既時候
原來大家都可以好相處得來(絕對唔係大家諗到再冇接觸更加唔可以做朋友)
我地大家都係何必有我既莊員
呢個世界得一個何必有我
我地應該好好珍惜大家
就算之前發生過咩事都好
成為莊員都真的是一種緣份..........

之後都係我的一般吹水活動
但今次的對象是賤華
你的想法我想我也明白了解
沒有目標真的很難做事
我以前都唔覺得呢個係一個大問題
但係而家諗下
冇目標....唔係唔開心既
因為開唔開心又唔關目唔目標事
但係都yr 2既情況
唔係話開開心心就算
有目標先可以有效咁做野
咁先會做得好~~你諗清楚啦
希望你都諗到你自己想點啦(我想看到的人都是別將他迫得太緊了)

之後的一天
本來真係好想同大家一齊上assembly
但係nz visa 0個到0個條友又麻鬼煩~~攪到我要朝早出去補返0的野
就上唔到啦
去完灣仔就落左旺角
真係預得太早啦~~
我去左lib到睇書
睇左"the missing piece"
真係明唔晒既情況
我諗都係要再睇~~~

跟著便黃生食飯 哈
好型呀而家
傾生意咁呀下~~~你要努力呀~~
同佢傾計真係幾開心架喎~~
希望走之前都仲可以見到你啦~~~

接著就係唱k
頂
黃振x..你都係註定俾人爆架啦
鑊鑊都係咁唔惦喎
雖然我又唔會爆你~~~哈~~~

跟住再係就真緊湊
因為要去沙田訂機票
所以遲左先入到去ccba的年尾function(因改期而由年尾變年頭)
咁就要自己撘車and行上去
一頭係小巴真係心裡暗小
頂
明明可以快好多到
點解要敎我呢個咁笨既方法~~~
之後仲要一個人行0個條漫長的黑路
行到平時唔驚黑夜獨行的我都有少少餚底既情況
不過我當然都係好鎮定咁搵到佢地
城門水塘真係好黑
燒住野食都係大家睇唔到大家咁
真係bear~~~
而且仲係愈燒愈凍
真係想快0的走
燒野食係開心
但係0個一股bbq味真係好難頂~~~~~~
食完之後撘返車出荃灣同小祈食糖水
都好
我地最終都能見面

時常回到宿
但留在418的時間真少
就好像校慶期間
常常都不在
其實我係好希望多0的時間係418
但係又怕新418 b在會煩到她
但我想多0的時間同阿418a傾多0的計
但係又真係返親去個個都話去呢到去0個到
又陪呢個又陪0個個
唉~~真是矛盾
=======================================================================
回應八卦及關心之問題
這個問題都諗左好耐啦~~
真係好矛盾架有時
但係做既決定係盡量留意自己的朋友
睇下佢地會唔會有0的咩事發生係需要自己既關心
再睇下關心佢地係咪真係令到佢地開心0的
如果唔係真係得個"八"字啦
我諗多留意都係好既
咁又唔會miss 左0的朋友好想你關心佢既野
但又唔會太過八卦~~~
哈~~~我想都是盡量找出中和點
人生很多事情都沒有明確的分界線吧~~~~

>>January 10, 2003 at 7:31:35 PM GMT+8