2003 年 12 月 18 日 星期四 【晴】

而家出面真係好大風
0的風大聲到係會有"vivi"聲....
好似有人係到叫咁架喎
太迫真了
間房真係同外面差成幾度....
係間房係焗的...真係十個過份

今日又係六人組合出動的時候
原定十一點到達現場
點知十一點半都仲係宿
都怪昨晚大家高談闊論得太久了
今日唔係因為連鎖關係的主角梁德醒左
都唔會令其餘五人醒
講到起身佢真係最勁
跟住六個人一齊起身去唱k
間房真係超級臭.....臭到返黎都仲係覺得自己勁臭
唱完k就一起行左一陣沙田
一齊行下都幾開心
同埋一齊玩又好開心
不過最勁既都係baby janice
繼"yes"事件之後
仲有"red wing"........bb
我真係開始懷疑你唔係真係廿一歲
好似比我地少左一個空間同時段咁
究竟我地係咪同年代架.....
點解會咁既呢

食宵時更加有"騎場"事件
真係超級懷疑我地唔係同年代
同埋各位朋友
認真的...唔該唔好再成日都朝令夕改
其實我覺得真係唔係幾好...
即係明明大家好高興咁決定左做某0的野
點解大家會係咁改變初充....
點解會係咁變....

我其實好唔明

但其實我又好鍾意同你地玩

其實只要大家決定左就做
咪乜事都冇lor..
點解成日都為左0的少事而改變0的一早決定左既野
希望你地明白我諗咩...
對不起

>>December 18, 2003 at 9:30:31 PM GMT+8

2003 年 12 月 17 日 星期三 【晴】

今日冇地方去
等補習
唉...其實真係唔鍾意去補習
可唔可以唔補習都有錢洗呢
真係十個討厭那可食屎的0靚仔.....
頂佢個肺
上到去問佢係咪教晒0個課maths
同我講話今日測埋驗
去死la..唔好似為咁玩到我
測左唔駛做呀
我影左你就好做la....食屎的
做幾題數做成個幾鐘
仲要勁錯
都夠膽話自己識做......
去死吧......

補習前係到係咁整聖誕咭
唔好話我又整
係琴晚先開始有心機咁整咋....
而家都仲有好多張未得...同埋未寫...
我要再努力0的整先得

補完習byby黎左太和
同我一齊係park n shop 買餸煮飯
有得煮真係好開心
其實我又唔係真係好想食...例如chicken wing...
其實我就真係唔like食..
(有留意的話發現我都只係食左一隻..)
但係整左出黎大家都食得開心又有大家都鍾意食又真係幾開心
最開心係大家一路食一路睇電視
雖然<<衝上雲霄>>係gap 0的
但係大家一齊睇都係一件開心的事
有梁先生係到都好開心
佢真係一個好funny的人
會叫"寶寶"的.........個樣又似公仔
同公仔都真係幾有緣

之後本來諗住重溫toy story 1
點知食完飯吹完水個個就做自己野
所以都係冇睇到
但係又竟然係byby到吹左好耐水
0個0的中學"珍貴"回憶我下次一定要拎返黎俾大家分享
冇估到大家中學冇0的咁既同學會傳"靚"相"俾"你訂......
冇估到有人會打黎提你"補訂"
真係太有趣
值得分享一下

"yes"真係大家都應該曾經經歷過的年代
我們曾經會追會買..
慢慢變成只會睇
慢慢覺得佢唔好睇
慢慢會唔睇
慢慢會淡望了它的存在
細個既時候真係好特別...
記憶真係好重要

呢幾日我都有諗起好多以前做過既野....
突然間覺得有些事好像陌生了一點
但又彷彿經歷過的
一切一切.....
點解會突然之間記起

人與人之間的相處是一種學問
有時都會好唔明白點解一個人係會變
or點先叫變呢....
or點先係變好點先係變壞
我......只係唔想有人唔開心0者...好簡單..
希望大家都開開心心
(無聊諗下既0者.....不過人同人相處真係唔易架喎)
所以...我地都要好好珍惜身邊既朋友...
慶幸今天我們可以一起笑一起玩樂...
因為以後的日子將會很艱苦

>>December 17, 2003 at 8:19:57 PM GMT+8

2003 年 12 月 15 日 星期一 【晴】

講返第四日的電腦展
真係太攰啦
係冇可能再對一0的嫌三嫌四的人再咁好聲氣
煩住晒的我都唔會理佢
再煩就會唔好態度
總之成日都係monotone咁滯
頂0的真係真係太煩了

講返琴日
一起身就快速地打埋cathay mt 0的野.....um..
的確我都係唔燘唔帶0個0的人...
所以1600打完都已經好好
打完即刻走上去交.....
0個一刻都見到好多人交...
仲見到4010的同組朋友仔...
真係好開心呢份form交得
雖然都係難作架la...
但係起碼有心機去作
有冇得in都好
起碼對得住自己

夜晚同左the ball byby 阿鋒 段去眾志食飯
好耐都冇係眾志食飯la其實
因為真係唔係好鍾意食來食去都係0個0的野
加上又唔駛係眾志二樓出現
所以更加唔駛去眾志食...
之後同左the ball byby去ua睇無間道三
可能我真係零個期望咁去睇
所以其實我都覺得唔錯
黎明雖然係樣衰
但係佢個樣真係又正義又奸咁
真係亦正亦邪
所以都ok..
不過有時佢地0的對話就真係過份0的la...
深左少少
但係都算係ok...咁當然冇一咁好睇la....

睇完本來諗住返home
點知已經好夜
都係返左宿
之後同byby esther 段係到吹水
吹到四點.......
開心的吹水
聽左byby 同佢媽媽可憐的大家樂經歷
真係好gap 0個個男人
真係勁gap...................太過份了
byby你真係做得好好...勁

今朝起身出去還返0的野俾阿佘
hku lib真係勁
係咁renew可以re到而家先過期...好威....

而家返到home...
一陣再返宿...
琴晚買左present俾agnes
真係幾靚架喎隻野...尤其係件衫

>>December 16, 2003 at 2:49:46 PM GMT+8

2003 年 12 月 13 日 星期六 【晴】

潘德怡同學
本人認為你都係帶埋阿猴子先生去北京好0的
猴子同北京都係一夥的...我想
我地會掛住你架la...
唔駛留低mr moneky
佢都係陪你好0的

今日唔知點解眼訓得好厲害
真係一停低就呆左...
而且又真係有一段時間係少人到嘔
都話星期六0的人冇咁早買野架la..
開咁早都唔知做咩.....
但係到左三點到
條抽獎人龍真係長不見尾
係有種never end的感覺
點可能咁多人架...
係顛的
不停係到講話"可以抽一次"
"呢個冇number"
"呢0的係coupons"
"一次過五百蚊先可以抽"
有時真係講到亂晒.......唉.....顛的
其實都係唔係好明點解0的人咁在意抽獎
可能我真係覺得自己係黑0個批
有獎都唔會抽其實
唔會覺得0的咩dc咩pda係自己中的
所以抽到乜根本唔重要
唔明點解0的人有獎抽已經係一個bonus
仲要怨人地0的野唔好
又要換呢換路....麻煩

今日明明以極速收工返到司令台等走
點知有幾個朱西破壞左我
食屎.....咩天水圍出黎0者....
都完左la...抽乜獎呀.....俾你抽都抽唔到乜la
大獎又冇晒
你又唔再出黎...咁俾0的coupon你都冇用架la..
係要人麻煩先安樂架喎
同埋你咁朱西
抽到好野我都唔俾你la...你唔好去死
真係好煩
呢0的人真係唔considerate
我都唔明點解可以睇得個抽獎咁大
對我而言
始終係一個bonus......

今日又同新既同事合作
呢幾個人真係好有趣
可以走鬼左去睇女睇到唔返的
但係返黎既時候又會好好
好似好內疚咁.....係咁幫我地做晒0的野
其實佢地都可以傾到計既....short term的話
而且心地都唔係真係話唔好....只係有少少扮勁
其中一 位扮勁的小朋友仲請左我地成個booth既人食雪糕添
唔係話乜...但係0個下唔太覺得佢扮勁
係覺得佢都對人幾好....
睇黎睇一個人都唔係咁易.....

一個人原來有好多面
原來一樣野來唔代表任何野都岩傾
可能就如姚先生所言
冇兩個人一生出黎就一樣....一定要大家就大家
開始明白呢個道理
要真正學習欣賞同發掘別人的優點
咁可能會令我要求高的性格改變
可能會令我自己開心一點.....希望
姚生有時真係好勁
下下都講得好中
佢就係一個咁既人.....唔聲唔聲
但乜都睇通睇透
呢樣野都係其中一樣我欣賞佢既野黎既...
而家0的情緒好過細個咁多
唔多唔少都因為佢.....謝謝你呢(雖然佢都係睇唔到...haha)

估唔到做一個咁七的活動都有咁多意外的東西學到
領悟到...可能見既人唔同左
對既人都唔再係中大學生
崇基學生.....面對的事多了
眼光真的會闊0的.....起碼乜都會睇開0的既
呢個世界太多唔同的人了.....
要改變自己定係改變人地
其實應該係適當的配合.....
都係0個句學習欣賞
呢個不完美的世界會完美一點

>>December 13, 2003 at 6:05:49 PM GMT+8

2003 年 12 月 12 日 星期五 【晴】

第二日
再一次感受到個function係真係大的
只係成日都有好多gap野
the ball講得岩..佢阿head真係經常諗0的gap野出黎
聽日要人去扮何寶生fans 添...
真係十個七有廿個....

今日都係抽獎姐姐
好唔鍾意見到0的人係到死"nur"
食屎..抽完要我換野俾佢仲要話"抽得唔fair"
又話"好奸喎"
我頂..你講緊自己呀....低能的
我就係可以換
但係我就係唔換俾你呀.....
你唔要咪放低lor...白痴的
最憎0的人咁冇禮貌
你對我唔好我都唔會對你好

每一日做完野
都會有一次briefing
the ball 個阿head其實都幾funny
每一次都會有好笑野講出黎
而且真係去關心每一個人
而有野做錯都唔會少到仆街
估唔到佢係咁
而且我諗
俾我對住一個有咁大uncertainties既function
每一晚都可以少人少到仆街
每一晚都會好唔開心
但係佢每一晚都咁開心(而我知道其實每一日都可能有0的勁七既野發生)
其實呢種情緒的控制都算幾勁
我就一點都做不到了

仲有....有時睇一個人都唔可以睇first impression or 只係睇某一部份既
雖然有0的人既語氣係令到你覺得怪怪地
但係其實佢地內心都係ok
而且對人又幾好...
都係表達方法唔同0者.....
可以接受的..都係好人黎既.......

今日爸爸冇理我了
自己撘車返黎
係本部行落黎
雖然真係好鬼凍
但係好開心
因為寧靜既本部真係好舒服
係高處望返CC真係好靚
而且個天好藍
0的星都好清好閃
好開心呢.....................

esther poon同學就黎帶埋mr.monkey一齊離開
真係會唔捨得
因為六個人真係好好好開心
少左個...點算呢.....
最後一個sem唔可以一齊過....唉
不過佢有得去北大又真係好開心
而且仲要係法學院學生
都唔好話唔型...
所以我都祝潘小姐一路順風

六個人在何宿四東的日子只剩下19日
學會珍惜
學會記起所有的記憶

>>December 12, 2003 at 4:54:40 PM GMT+8

2003 年 12 月 11 日 星期四 【晴】

電腦展
真係多人去既情況
一去到玩一個砌磚遊戲
幾十個機箱加幾十疊小冊子同場刊
可以點好呀...呢個真人版俄羅斯方塊真係唔易玩

玩完有得坐下都已經係十二點幾
其實時間唔係叫難過
不過都會覺得係過得耐lor...
同0的人唔係真係岩傾架喎
但係又覺得幾自然架喎..
又唔會覺得難受架喎
所以都ok既

其實呢個真係一個大function黎架...
但係事實上又係得幾個人攪
好funny
令我覺得...點解我地攪一個咁細既function要咁多人呢
校慶下年0的節目可以cut 0的人la我諗.....

不過係深水埗區0的人真係冇乜品
乜都寫到明架la...
都仲可以話冇regulation
但係好明白呢個世界裡面根本唔存在道理
明白到同佢地講道理係冇用的
只係想問佢一句" 你咁得閒係到鬧...係咪冇生意呀"
同暗少佢一句正仆街

有0的人又好有趣
明明眼見大大個抽獎箱係到架la
仲問你"點"抽
我只好答佢"用手"
唔係仲可以點...用腳咩....
有0的人真係可以好緊張有冇獎抽架喎
但係買咁貴既野都會為左0的咁既野既咩
有得你抽就算la...仲係到嘈住晒
白痴架喎原來有好多人都
同埋呢個世界真係十個邪有廿個
買機箱的must抽中機箱
機會率高達九成
變態的..我都覺得佢可憐
另外0的人又會好funny咁問你...
我要抽咩色架
你都睇唔到
知道抽咩色都冇用架la
白痴架...keep住成日都會有0的咁既野架喎...0的人真係咁funny咩

今日正式收工係十點九到...
真係唔明點解brief0的廢野都要brief咁耐
變態的嗎.......
所以另外又要好多謝我爸爸等我
雖然係我叫佢又有少少係我迫佢黎等我
但係個感到就好似the ball話...好warm
係有一種爸爸等囡囡放學的感覺
..黃黃...你冇幾多個女架la...
對我好0的....咁我都會對你好0的既..
你都係我的好爸爸
之後同左爸爸食埋野先返黎
係四條柱落真係爽
因為一路都係下行而冇上行既路
好開心



本來想去碧秋探文希先生
可惜....唔聽我地電話
可能佢冇咁勤力做緊野
可能佢真係係應林訓緊
算吧.....
提起又要多謝文希先生的關心
今日冇乜事了....不過今日到左個胃痛...
但係都係少事0者...
希望聽日都冇事
如果唔係可能真係中左降頭
要小心小心先得

明天第二日幫手
繼續都係抽獎小姐
佢地真係覺得我已經好熟0個個位
所以我諗我都係唔駛走...
真係超開心
0個個位對住個最和善的staff mani
又可以話坐就坐話企就企
又可以講乜都得
又可以講個客壞話...總之就係好位
不過聽日0的同事又唔同左...
唔知會唔會好似今日咁呢

>>December 11, 2003 at 7:02:52 PM GMT+8

2003 年 12 月 10 日 星期三 【晴】

今日一早起去左the ball公司幫佢手
真係可憐呀佢地
琴晚成十二點幾先走
今朝一早九點幾又要返到公司
唉...都唔知咩公司黎架喎
點解仲有咁多人做架
究竟其他人係點pay既呢.....

返到去都係做一0的低能都識做既野
不過都係正常
因為其實佢地都係冇時間自己去做呢0的野0者
但係the the有個同事真係十個有趣
唔知點解可以係咁係到問我lucky draw 0的野
係咁叫我幫佢計ping pong 0的數....
大佬...你其實係咪熟過我呢
我今日先第一次見到0的data咋喎
好似你係full time喎
我幫你計晒....咁你做咩好呢....真係funny
最後...我都係有幫佢計既..因為其實真係唔係一0的好難計既數
只要把心一橫便可.....點解佢好似計左好耐都係咁煩惱咁既呢

食lunch的時候同佢幾個同事一齊食
其實佢0的同事都唔係太差...(即係我講人品)
但係...份工就真係頂級悶....
真係做黎做去都係print野影野cut野...玩咩....
唔怪得之係6K
雖然有時都有0的coordinate 既task...但係都係...悶

食完飯之後我同佢0個位好funny的同事落左去公司樓下既文具舖到買野
呢位同事真係好funny
買每一樣都會問我..
問我" 你估得唔得丫啦...我諗得0個呵...你話呢..."
老實說...我鬼知咩..我又唔係你老闆
我岩岩坐左係你公司一個上晝架咋....
你咁問我真係唔知點答你好....

仲有....佢有個同事真係好funny...
其實可以係上司會岩0的
係阿ruby個女個家姐黎架喎原來
佢個人真係好似好認真
而且把聲一開口就會覺得佢好煩
但係佢有時又會講下笑咁...'
好funny
都唔知真係好好人定係點....
總之就好奇怪
仲有呢個人個名係叫AK........
唔通係47....真係好funny喎
改個咁既名....woo~~~~

明天個function就會開始了
其實我真係答唔出呢個function係點...
又好似好大又好似好七
總之就係好奇怪...
可能會同上次千人砌機有異曲同功之妙

最後的忠告: the ball先生...快0的搵過份工la....
唔可以咁就一世

題外話:
個"心" 0個個位真係奇怪地痛
今日都仲係痛.......有點辛苦

>>December 10, 2003 at 5:04:12 PM GMT+8

2003 年 12 月 9 日 星期二 【晴】

一切都要由琴日講起
琴晚興起好想整apple pie
最後我同byby揀左一個反轉蘋果撻的recipt黎做我地呢次apple pie的指引
初次整呢個食物
我地自己搓個皮
註明: 我地有我ruby mandy 同阿may
阿may係我地既科學大使..冇左佢我地就乜都唔明點解la...
整呢個野既過程真係驚險
keep住都係有一0的unexpected既野出現
例如係個芯0個part...
唔知點解可以勁多水既情況....總之就係好奇怪
(雖然及後我都賽後檢討都能夠找出原因)...
又例如原來.....
肉桂粉 = 蘋果批
真係一落0的味即刻飛出黎..
真係好似magic咁..講都唔信
原來肉桂粉真係咁勁

到左今晚
六點出左去聽the ball 0個個briefing
真係....都係七七地
真係一個大學function 七攪咁
原來出到黎做野都係咁......咁得意
不過佢0的同事都幾funny
都好似唔係太差0者
不過佢話冇人叫得岩佢個english name又係真既
個個都以為係keith
但係其實係cliff

返黎之前去又一城買野今晚整mushroom chicken pie...
今次真係諗住跟住agnes 0個本食譜黎整yeah!!!
去到又一城
去KFC到買野返黎同esther poon食...
(今晚係得返我地兩個既情況...原因係baby未返
段小姐佳人有約..曾小姐返工...楊小姐開會)
返黎一路食一路睇電視
真係十個爽
不過其後等埋阿楊小姐返可以整野食仲開心
其實整呢個過程真係幾開心既...hahha
今次依然有我地既阿may小姐既幫助
佢真係解答左我地好多既難題
MBT 即係 MBT...勁0個批

yeah!!!最後兩大個pie正式地出世
好勁
其實我覺得真係幾好食喎..
不過可能個皮又唔係自己搓的
所以炒的機會細好多la...
um....點都好...都算係咁la...
而家trial成功
23/12 就可以整la....yeah!!!!
太好了.....yoyoyo

聽朝要出去幫the ball手....
0830就要起身...
做完之後又要去補習
補習改左聽日...
唉..其實真係好唔想補
但係又冇錢喎
冇計la....呢個世界根本就唔存在住選擇
唉......馬死落地行...........
唔做就冇錢....咁冇得唔做la..

今日出去的時候自己聽著歌
心裡真係開心0個批
因為真係唔想再聽到週圍既人講野
唔知點解唔想聽到
其實呢排都係咁...
有時真係會想自己一個人四圍行下...
搵下一個自己既空間
但係可惜....可惜....真係攰.....
所以唔能夠咁做
同埋每一日都總係有0的野要做.........總之...
自己一個人去行街真係勁開心既事la..
(其實都唔知打黎做咩...都係抒發下既0者...)
唔好意思...就咁完了.........
明天再來吧

祝工作中的朋友都順利
聖誕女郎你要加油
有時間我會黎睇你0的bra top + mini skirt

預祝各位聖誕快樂

>>December 9, 2003 at 6:23:51 PM GMT+8

2003 年 12 月 7 日 星期日 【晴】

琴日補完習返左屋企
好唔鍾鍾條0靚仔係我諗緊0的數點計既時候煩住我
頂.....點都要諗下架
有時仲要係logic既問題
我真係頂........點解0的書真係成日都可以出錯架
攪到我都唔知點講好...食屎的

補完之後返左屋企
真係一返黎就訓
訓醒就食
食飽就訓
訓醒完睇一會書又訓
呢個咁既人生我就真係唔係咁鍾意la...點可能咁架
不過有人話我一向都唔係健康地生活
返到黎係到訓多0的....
um...一般正確la....
我都係唔係好鍾意side咁多時間去訓.......好似真係好side咁

一朝訓醒又係唔知做咩好
但其實都好多地方想去一去
可惜電話冇電
又想返宿charge一charge先...
唉....是但la

朋友
我就返黎架la...

>>December 8, 2003 at 4:59:27 AM GMT+8

2003 年 12 月 6 日 星期六 【晴】

re cath : 我唔駛唱歌呀
呢次歌唱比賽真係 ...分豬肉

講到呢到
點都要講下呢個中大40週年的banquet
十個bear都有十個
0的人好似從來冇攪個活動咁
0的人好似完全冇sense咁
完全唔logical...係多方面都
整個節目又唔coordinate
你有你做我有我做
成晚真係七悶
悶到可以一死..
加上我個人又真係唔social...
唔可以四圍咁搵0的三九唔識七既人影相
所以都係七悶到顛

三點幾去到
根本唔駛點名
而且工作分配係零
即係見野就做
一點系統也沒有
其實唔駛咁多人都可以做到既野
唔知點解要咁多人做
原因都好簡單既其實
咪就係大家都唔係認真地做緊lor...
最令我嘆為觀止的必定是那個label事件
見到我可以親口問我
因為唔知點打好
但係真係七不可耐
一個徹底地不經大腦的思考方式
或者應該話....呢個唔係一個思考方式
真係點都冇可能做出呢件事...

其實唔算好多野做...所以十個唔明做咩要咁早去
其實唔去都冇人知...去食咪就係得lor
講起食.....0的野食真係窄0的
完全唔知點樣可以每一個人值600.....
唔好食到顛左
呢0的水準真係...唉...會展架喎..點解會咁架...可以答我嗎

整晚活動毫無高潮可言
真係零
最好的是基聲雅仕的表演及michael hui的talk show..
michael hui的talk show真係正的...係真的
中大有0的咁叻人真係勁
唔知自己第時會唔會係其中一個(雖然真係好窄呢個可能性)

雖然講到呢個banquet咁七
而且都算幾side一0的真係考緊試既人既時間
但係其實都值得見一見呢0的咁既"場面"
其實可以諗
點可能有咁多中大人都咁得閒...
會黎呢0的晚宴
我會諗....俾我係佢地我都會黎
因為聚舊
因為中大
想到這點
我發現無論個活動真係有幾七都好似變得一點都不重要
因為呢個都唔係呢件事既本質
本質都係一班校友對中大的心
對中大的熱愛
再想............有一日哥哥問我...
"俾你再揀你仲唔會唔會揀中大"
唔駛諗架嘛.....其實都唔駛問
"梗係會la...點解唔揀"
無計la..可能我真係唔鍾意hku同科大
而我又真係唔係好當其他既係一個大學
(咁講好似好過份...但大家唔好見怪)

就係咁
唔知我可以見到中大幾多年呢..............

>>December 6, 2003 at 6:51:57 PM GMT+8