2006 年 6 月 8 日 星期四 【乍寒還暖】

就黎大考啦~
今次考試可以話關乎左我既一生!
仲有四日咋!!到而家都未溫過書!!!
聽日測第二次PHYSICS呀!仲要測LENSES!
我唔識呢課呀!!> <"
願主保祐....!

>>June 8, 2006 at 7:19:26 PM GMT+8

2006 年 5 月 29 日 星期一 【乍寒還暖】

岩岩食完隻種!！飽到死!!！
我決定..........終止這場長期的折磨....

>>May 29, 2006 at 7:33:00 AM GMT+8

2006 年 5 月 10 日 星期三 【晴】

今日終於測哂驗啦!!!!!!!輕鬆哂!
之前真係溫書溫到喊!


心痛......好亂...都唔知自己想點....

>>May 10, 2006 at 7:12:28 PM GMT+8

2006 年 4 月 25 日 星期二 【晴】

今日第一日換夏季!!真係一身輕!唔駛再著住個條又厚又重既校裙了!
今天都過得很順利......EVERYTHING都係....*嘰~
聽日TSA 英文ORAL，全級抽４８個出黎!千祈唔好抽中我!
求神拜佛都唔好!!!

什麼時候才說好呢？??

>>April 25, 2006 at 7:06:15 PM GMT+8

2006 年 4 月 21 日 星期五 【晴】

今日係開放日......!唔知又有咩事發生呢？
wakaka~開放日很開心的說~頭六堂都唔駛上!
今年個ART CLUB攤位好正!!!愛死了!*

>>April 25, 2006 at 7:03:36 PM GMT+8

2006 年 3 月 28 日 星期二 【陰】

嘩~又回到呢個日記版呢~
好耐未係呢度打日記~大家好~
佢話我唔打日記要CLOSE我!搞錯!
不過係度打番一、兩篇日記都幾開心既~

KAKA....越黎越....你!! >V<

>>March 28, 2006 at 10:38:26 PM GMT+8

2005 年 6 月 9 日 星期四 【乍寒還暖】

哈哈~好耐冇打日記啦~今朝打比紅寶，又同紅寶番學！番到去，又係度玩波子祺，呢排個個一冇野做就係度玩玩玩玩.......頭兩堂，中文，派番哂D作文，同佢地交換睇！阿彭有篇超抵死！幫阿婆拎餸！笑死我！小息.....兩堂IS，睇TV programme！咁又兩堂~今日天時地利人和都超好！心情靚爆！ERS，同阿彭係度溫音樂~一陣測音樂~音樂堂，筆試.....好多都聽唔到呀！之後個D又唔係識做~考完，考口試，我同紅寶一組，唱〔莫再悲〕！金太話GOOD呢！＞v＜LNNCH，係學校食抄麵！唔知點解，佢地話我成日發出怪聲令佢地食慾不震！真係搞笑~１點８，番去等測驗！數學！一開始！好多唔多識做！最後個題，原來有一個面唔駛要嫁！！！！咁就冇左１０分啦！激死我！Listening.....好平靜咁過.......放學，落雨！Oh , my god！買左個甜甜圈，好味！＞＜搭車番屋企，成晚玩電腦......聽日游水考試啦！！好驚會游唔到....

>>June 9, 2005 at 7:48:44 PM GMT+8

2005 年 5 月 26 日 星期四 【酷熱】

我淨係講今日最精彩既部份啦 ~ 今日籃球２E對１A！一開波，跑呀跑......第一球
係我地２E班！個班F.1幾狼呀！又pai ‘差’，又扮跌低駁我地犯規，又話我地打手
，又啤住哂！！我唔可以忍啦！成日一野拍佢地個波，個個人都唔知識唔識吹雞！！
佢地抱住個波咁耐都唔吹！仲話我地拍手！我地開頭都領先緊嫁！之後知道一定輸之後
，決定死就死啦！！一野打鋤落mark住我個條友！成日阻住哂！又啤住哂！張鞏楠開頭
都好守規矩，但之後佢就西利啦！一巴打落去！笑到場邊d人肚痛！又打甩左人地副眼鏡！！
仲要冇人理佢，自己好無奈咁戴番個眼鏡！！！阿叻就慘囉！mark住梁家瑤就辛苦囉！
跑到佢隻腳起哂水泡........打完佢仲抽筋.....小心D呀！仲有３分鐘既時候，我地都好落力
咁追.....雖然輸左，但玩得好過隱.....其實我地又好多射球機會嫁！但我地就係射唔準，
最後１８比９完場！好彩佢地次次罰球都射唔中咋~如果唔係仲差得遠呀！張鞏楠又比人
撞到太陽穴....我同紅寶隻腳都超痛，中場休息之後再打，D筋痛到呀！！！！！我地打
完之後到我地班既男仔打！加油呀２E！我地輸左，你地要追番黎！！我地為左同佢地
加油，去買左幾支水比佢地！陳sir睇到眼都突埋！對２B呢班勁野！唔係輸得太難睇就
已經好西利！我地發覺男仔打得比我地更加有"擦"略！我地真係好失敗！之後，去左
first aid睇下阿叻點 ~ 好傷下喎！我地都擦左D消毒藥水，貼左塊膠布！好彩有Joseph
呢個２E既急救組！真係好！雖然最後都係輸左，但係佢地好西利呀！射籃超準！
Rocky、梁展衡個D超西利！成身臭味咁一齊去搭車 ~ 番到屋企，攰到我呀 ~ 食完飯
沖埋涼......玩電腦........聽日又Day１~ 唉 ~ 聽日又有排球賽呀！我一定去捧２E場！

>>May 31, 2005 at 9:28:39 PM GMT+8

2005 年 5 月 15 日 星期日 【清涼】

今日去左Joseph屋企練role play!!我同叻畫完畫，去搵彭，之後一齊去西鐵站，
妖 ~ 肥婆死都話行第邊會快d！我死同佢撐 !!! 哼! 咁叻你自己去囉！！我都唔係好
想同你去嫁咋！好憎佢呀！！去到西鐵站，等埋deboarh，搭去錦上路 ~
見到joseph啦 ~ 我地一路行去佢屋企，好熱好熱！去到佢屋企，大到冇野講！
我地開工啦 ~ 油埋幅野 ~ 冇野好講囉！我地做到隻野咁，肥婆係度食薯片！
油完之後，整埋隻木乃衣！好搞笑！整到佢有d不知所謂！４點幾就走嚕 ~
去左巴士站度搭巴士，落番元朗，肥婆走左之後，阿彭即刻 Be li ba la咁係度鬧肥婆！
好搞笑既場面！番到屋企，打左比紅寶，紅寶話係佢一定鬧佢呀！嘰嘰 ~ 我都唔想嫁 ~

完

>>May 15, 2005 at 8:22:16 PM GMT+8

2005 年 5 月 9 日 星期一 【驟雨】

我又會好好受咩？開頭我諗住好近，我地會番去嫁嘛 ~ 但咁遠，行去再番黎都
已經走哂啦d人 ~ 從來只有我一個人做錯野，d杯麵冇哂，得番一隻味又係我唔岩！
我語氣重左d又係我唔岩，我自問好少發你牌氣，我一直都以為你只係一時意氣，
都冇嬲過你！我本來都低聲下氣叫你唔好嬲.....但你講既野好諷剌，傷害左人你又知唔
知？你一直都覺得我唔陪你去，你就唔開心，但我又想dum低你一個去咩？我又
唔係想你一個去！我講咩，你都覺得我只係搵藉口，我只想咁多個一齊開開心心姐，
咁都有錯？我唔想有d咩會傷害到大家既友誼，令彼此都存有猜疑，我淨係想簡簡單單
咁過咋......

>>May 9, 2005 at 7:58:11 PM GMT+8