2005 年 3 月 25 日 星期五 【颳風】

今日阿媽去左打牌，得番我同阿爸o係屋企，起左身之後練琴......因為
我要加油！我要快D考到級數！哈哈 ~ 之後紅寶send左篇英文詩比我！
GOING HOME！超勁！到１點，叫外賣，叫左個炒飯，食左幾啖，超難
食，頂唔順，好似食煙屎咁，有時食食下又一大舊鹽喎！超難食！
玩左陣電腦，就做埋補習D數........５點，翻睇〔容我說全紀錄〕，
睇到我喊！＞＜真係百看不厭！超感動！我覺得佢講得好岩，用一隻又
一隻既歌黎記住每一個時刻 ~ 我有時都係咁，聽番一隻歌既時候，就會
諗番起當時發生既野！睇完之後，成個人都好有感概！
完

>>March 25, 2005 at 8:11:50 PM GMT+8

2005 年 3 月 24 日 星期四 【颳風】

今日又要閱讀，但個家長唔得閒黎睇睇堂，就搵左個家長教師會主席黎！
勁白癡，話我地係綿羊仔！頭兩堂數學，做左勁多數！佢未講，我已經o係度做！
因為如果佢叫我做既時候，我一定未做好！所以我做定先！之後兩堂英文，
作文改正！改完，同紅寶勁傾計！作詩！超搞野！Geog，今日學新Unit，教
水霸點阻止水災 ~ 中文，終於考埋o個個口試啦 ~ 都唔知自已講緊咩 ~ 派作文，
好彩都唔太差，唔知點解我對呢篇文期望好高 ~ 向日葵好靚 ~ Lunch，去左北海道，
超甜呀個麵，開頭第一啖都唔太差，食食下越黎越甜，飲哂成杯水！唔係個
八爪魚，都唔多想黎食！番到學校，玩波子棋 ~ I S........中史，成堂睇書！
睇到我同紅寶條脛勁痛！放學，就搭車番屋企嚕 ~ o係車度，激嬲左紅寶，
勁唱三隻小熊！再加動作！又扮校長講野！笑...................番到屋企，一個人都冇，
得爸爸o係度訓覺！我執好哂D書，就沖涼啦 ~ 沖完涼，已經６點，但媽咪仲未番喎 ~
我又打唔到比佢，所以我就打左比姨媽，原來佢同緊我媽咪打牌！枉我咁擔心你，
原來去左打牌！
完

>>March 24, 2005 at 9:03:09 PM GMT+8

2005 年 3 月 22 日 星期二 【微冷】

今日要閱讀，番到學校，睇〔奪愛奇兵〕，係寧靜最後一本書啦 ~ 佢D書超好睇！
尤其〔二百磅的女神〕！超鐘意！Geog.....數學，好多數做！兩堂IS，要做
一個實驗係逐滴逐滴咁滴落去！攰到抽筋！中文，默書！History........Lunch，
去左體育館食，原來朱古力飛左梁展衡個銀包落街！底死！朱古力遲早比人
玩死！哈哈哈哈！兩堂英文，比張鞏楠搞到紅寶冇得同我坐！正八婆！！！
放學，去左練choir，因為聽日要表演！唉 ~ 練到４點３，上左 IS lab，開會！
有片睇........超白癡！保險同錶既廣告！我地諗住拍洗頭水廣告！ZERO！
飛機頭！之後搭車番屋企 ~ 夜晚做數做到隻野咁！
完

>>March 22, 2005 at 9:05:09 PM GMT+8

2005 年 3 月 21 日 星期一 【微冷】

唉！！今日終於打到日記啦！今日番到學校，做左陣中文練習，就唔想做 ~
兩堂DT，同紅寶整波板糖相架！！我地今日填顏色 ~ 填左紅、黃、綠同藍！
一定好靚姐 ~ 之後行去洗手途中，見到叻，爹左兩句......唉呀！！好痛呀！
夾到有瘀血呀！！超痛！＞＜落堂，去左廁所翹番起D頭髮！精神哂 ~
兩堂中文，考口試！我勁諗勁諗！點知到落堂我先作完，下堂佢話要抽
題目，冇得揀呀！！點算呀？中史，做中文練習，之後話要分組做專題研習，
〔我和孫中山有個約會〕！爆笑！英文，嘰！好鐘意上miss江堂！＞v＜
Lunch，去左買小丸子，再去山比高睇漫畫！睇左４、５集東京茱麗葉，
不過......我都係比較鐘意〔天堂HEAVEN〕同〔POWER〕！！誠意推薦！
之後兩堂數學，勁計數！計到我有D麻目！放學，紅寶唔得閒，我地搭車
番屋企，途中........我地係度講蘿蔔！！哈哈！番到屋企，沖涼......未沖前，
我o係度挑番D瘀血出黎！挑左勁耐都未得！突然一痛，血湧哂出黎！
鬆一口氣！夜晚o係度溫書，聽日要默書 ~
完

>>March 21, 2005 at 8:33:37 PM GMT+8

2005 年 3 月 15 日 星期二 【乍雨乍晴】

今朝番到學校，都未開始閱讀，８點開始！睇〔二百磅的女神〕！超好睇！
第一堂，普通話，睇書.....電腦........數學.......過呀過，終於到Lunch啦！
去左寶城買包包！食左個魚柳包！番到學校，睇埋個本書，比左陳楚兒，
我又開本新書〔青蛙不是王子〕，兩堂Art，畫埋幅菜！寫字！（乙酉絮琛畫〕！
放學，阿彭約左家姐，我約左阿琪就走左嚕 ~ 去左千色，行左個圈，見到阿彭！
我地又行番去元朗廣場，點知........又見到阿彭！！！真巧！我同琪o係度睇錶....
佢話佢籃球比賽o個日原來佢都有黎！諗番起好瘀皮呀！！＞＜之後我就搭車番
屋企，我地影左張相相呢！上左車，o係度睇〔青蛙不是王子〕，好睇好睇！
夜晚......睇左陣〔魔戒千一夜〕就冇睇啦 ~ 睇埋本書......
完

>>March 15, 2005 at 8:02:54 PM GMT+8

2005 年 3 月 14 日 星期一 【乍雨乍晴】

今日好想靜靜咁番學校，搭左２７６P，番到學校，紅寶同彭鬥氣.....好似
間接因為我.........Geog，好專心好專心！全部識答哂 ~ 數學，肥陳講得好快，
唔係好聽到佢up咩 ~ 兩堂IS，做實驗玩得好開心！中文，o係度做改正！西史，
又明哂！發覺調左位之後專心左！Lunch，本來諗住去滋味，但見到個仆街o係入
面！即閃！去左百分百食......嘰 ~ 食哂少爺D朱古力！呀 ~ 東菇今日又剪番個菇頭呀！
７爆！〔東菇 = 朱古力〕兩堂英文，紅寶坐前左一個，我地勁傾計，超好玩！
shit your mother fuck then！笑到我！放學，搭車，又o係度講！仲加埋動作添！
笑死我！番到屋企，沖涼，玩泡泡！我鐘意 ~
聽日又見到琪啦 ~
完

>>March 14, 2005 at 8:42:11 PM GMT+8

2005 年 3 月 13 日 星期日 【乍雨乍晴】

今日朝早去左學琴，學左隻老餅歌，Miss話係要忍下呢D歌嫁啦 ~ 畫畫，
畫個BB素描！好可愛啊！番到屋企，阿媽o係屋企開緊台，我睇哂本
〔當愛情走到盡頭〕啦！我覺得佢講得好岩，愛情是不能用金錢來衡量！
夜晚，阿媽煲左煲仔飯！好味！睇獎門人！
完

>>March 13, 2005 at 8:45:27 PM GMT+8

2005 年 3 月 12 日 星期六 【乍雨乍晴】

不知道為甚麼，今天心情很煩躁，睇左一個朝早〔女生勿進〕，已經睇哂嚕*
好緊張呢！一路睇一路驚住會比人發現佢係女仔！之後同紅寶玩旋轉泡泡，
哈哈！好耐冇玩過啦 ~ 之後我又上左去阿彭個留言板，又留左個言！嘰！
下晏o係度練琴！夜晚去左婆婆度食飯，晞晞好搞笑，丟架車落地下之後o係
度傻笑！番到屋企，o係度睇大內密探零零發！好搞笑！
完

>>March 12, 2005 at 10:35:00 PM GMT+8

2005 年 3 月 11 日 星期五 【乍雨乍晴】

今日頭兩堂DT，紅寶同我整一個拼圖相架，上面合共會有四枝波板糖，
用黎擺我地四個張相啦梗係！吳sir勁教我地點做，又幫我地据埋添！
好好人呀！開心既時間過得好快，好快就落左堂，之後兩堂中文，
偷食男仔D曲奇比李sir捉到正添！嘰！之後D堂唔係好記得嚕*
LUNCH，去左麥記，勁講朱古力！！又話佢幾世未掂過男人！！！
原來講朱古力都係我地咁多個既興趣！番到學校，數學...調位！！
開心死我啦！終於調位啦！終於擺脫左八婆陣坐法！肥陳問我地邊個想
坐單邊位，我地５個即刻企出黎！岩岩好５個單邊位我地坐哂！
阿彭就坐番佢原來個位，但前前面係肥婆 ~ 我、寶同叻就坐另一排單
邊位，三個梅花間竹咁格住D男仔！但我超開心！！放學，去左山比高，
我睇左東京朱麗葉！好睇！睇睇下，有個肥婆o係度BOM BOM BOM咁行過，
我同紅寶O係度笑！！５點，搭車番屋企，大橋.....郎屏....點解唔同左路
線既？？我就話‘唔緊要，仲有個趙中未落車’但點知個趙中都落埋車！
好明顯我地.........................係搭錯車！！！我地即刻o係下個站落車！
我地就諗住沿番條路行番去郎屏，一路行........一個人都冇，好驚呀！＞＜
紅寶嗌哂救命，阿彭o係度扮喊嗌媽咪！笑死我！本來都差少少就行到郎屏嫁啦！
就o係呢個時候................落大雨！！連個天都玩我地！我地見到架的士，
即刻上車，飛的番屋企！唉！終於番到屋企啦！今日真係好難忘！

完

>>March 13, 2005 at 6:26:00 PM GMT+8

2005 年 3 月 10 日 星期四 【微冷】

今日要閱讀，所以賴得同人迫 ~ 搭左２７６P番學，番到學校，少爺出糧呀！
兩粒２寶 ~ 哈哈 ~ 英文閱讀，唉 ~ 睇住一本由上年睇到而家既英文書！好悶！
頭兩堂，又係個大鼻佬！好掛住miss yau呀！睇左兩堂向達倫！超刺激！
小息.....Cv....History，仲以為要補默添 ~ 岩岩好合格！yeah！小息....數學，教
sin....中文，教補語！嘰 ~ 郭sir ~ lunch，又去祕密機地！開大餐！又益力多、
又芝士餅、又蔬菜條、又包包！好豐富呢！我地狂o係度玩自拍！紅寶個頭比風
吹到好菇！哈哈哈哈！好開心既一日！點半落番去，紅寶發嬲！兩堂英文.......
放學！紅寶要補默，我地開哂locker等紅寶，我地係度講澄同rocky.......咦 ~
點知紅寶話要補課，我就番左屋企，拿拿臨沖埋涼，吹頭再紮頭髮！７個字！
激快！５點１，踢拖落左去，好多人，我見到阿琪啦 ~ 不過佢打緊波，麻事叫
佢，我睇呀睇 ~ 張酸昌領先緊，打打下，又到白約汗！勁！wow ~ 阿琪個隊
有個戴眼鏡射籃超準！打打下，個女仔喊！好似係比人撞到！最後，差一分
輸比張酸昌！唉！佢個Miss好似好惡！但其實我見佢都有講下笑舒緩氣氛！
我麻事阻住琪，番左屋企 ~
完

>>March 10, 2005 at 9:47:20 PM GMT+8