2005 年 1 月 15 日 星期六 【乍雨乍晴】

今日食完早餐，搵到一個網有得睇漫畫，睇呀睇.......
睇〔寶貝，我愛你〕睇到４點幾，
本來都諗住溫書嫁！但好快就取消左呢個念頭 :p
一個無心溫書既人點會溫書呢？
夜晚，冇乜特別 ~
完

>>January 17, 2005 at 7:35:21 PM GMT+8

2005 年 1 月 14 日 星期五 【乍雨乍晴】

今日考Geog，寫個陣都寫得幾暢快，但做完之後先知有好多都錯哂！D問答係度吹水！
放學之後去左唱K，本來得三個人，但後尾有兩個人加入 ~ 唱到１點！個個走哂，得番
我同紅寶，o都左八達通先醒起，不如去影雙人相呀！！！去到，個老板好好人！
會教我地點影會靚D ＞v＜影完，去搭輕鐵，依依不捨地分開後，番到屋企，係完全
冇諗過溫書，得番一科，有兩日假，慢慢都唔遲啦！玩電腦.......
完

>>January 17, 2005 at 7:31:16 PM GMT+8

2005 年 1 月 13 日 星期四 【乍雨乍晴】

今日考 I S，見到架２７６，衝上車，唔理咁多，溫左書先！番到學校，同紅寶去食早餐 ~
８點７，開考，做做做，到９點半，停筆！麻麻地識啦 ~ 放學，番屋企，本來諗住溫書，
但都係把持唔住！下午開始，先溫Geog！溫到４點幾，沖涼，去飲！到行左陣，入席！
原來個新郎係我表哥個同學，但問題係我表哥２０歲！！唉 ~ 鬼叫你搞大人個肚咩 ~
飲完，１１點幾，番到屋企，訓覺！
完

>>January 14, 2005 at 9:37:23 PM GMT+8

2005 年 1 月 12 日 星期三 【乍雨乍晴】

今日考作文，所以都唔諗住咁早番去溫書，番到學校，唉 ~ 紅寶，唔好諗啦 ~ 考試緊要D呀！
８點７，開考，要作兩篇，我作左乙部先，係一則通告，要１５０字，好快就寫哂，
甲部，有三個題目，１：提防阿婆比不法之徒被騙。２：有架雙層小巴撞車，你係其中一個
傷者，作事發經過同感受。３：在高處睇山、眺望大海有咩聯想。我......最終揀左第三！
因為第一又好似好難，第二又好似好難作到４００字！但問題出現啦....山同海中間有個符號 /
死啦！咁究竟係山同海定山或海呀？我問阿sir，佢話唔答得喎！！！頂！你唔答我點作呀？
佢話如果唔肯定，就唔好作呢個題目 ~ 我作左海，我決定博一博，因為其他實在太難啦！
而且我冇信心會作得好......１０點１，停筆，後尾我問番阿sir，佢話要山同水喎！！！！！！
勁嬲！你唔又唔清唔楚，又唔肯答我，我點作呀！！？低B！妖！原來我同紅寶都係錯埋
同一樣野！！!！!! 真係唔底！嬲.......* 放學，番到屋企，溫書，玩電腦，到夜晚先再溫過，
溫到９點３，仲有少少，聽日溫！反正我而家溫左都唔入腦.......
完

>>January 12, 2005 at 9:37:18 PM GMT+8

2005 年 1 月 11 日 星期二 【乍雨乍晴】

今朝上左車猛溫猛溫書！溫到落車....番到學校.....紅寶最早番到 ~ ８點７，開考，
考中文聆聽，都不太難，不過係First Aid的好著數！８點１０，考中文，做完閱讀理解，
得番半個鐘，但後面勁長，我猛咁寫呀寫，做完仲有１分鐘！！！好彩！肥陳監考！
１０點正停筆，收卷，D修辭手法好難呀！我勁撞嫁咋 ~ １０點４，考普通話，聆聽，
勁淺，份卷都唔係好難！１０點１０，放學，陪紅寶去匯豐入數，阿彭唔多出聲既？?
去到，排左４個字，入完，番去元朗廣場搭車！紅寶訓著左，我地三個傾計！
落左車同佢講８８，佢都聽唔到！番到屋企，１點，去接曉彤，食飯，番屋企教佢做功課，
玩電腦，同瑩傾電話！紅寶：唔駛理呢D人的！！
完

>>January 11, 2005 at 8:36:42 PM GMT+8

2005 年 1 月 10 日 星期一 【乍雨乍晴】

今朝唔知發咩神經買左盒強勁薄荷既潔口片，食左一塊，好似牙膏呀！＞w＜
番到學校，溫Grammer！８點７，開考！兩篇閱讀理解 ~ 今次冇乜信心添！考完，
阿彭同叻番屋企，我今日要自己食飯，所以同紅寶佢地去食，行行下，佢地話去唱K！
我地行去Neway，開左間房，一開始，就點左好多歌 ~ 唱到１點，cut左！我都未唱哂我想
唱個D！＞＜去漫畫村還書，番屋企，搭車. . .. ... 阿瑩同阿囡話去紅寶屋企，我番到屋企，
溫書、練琴！夜晚，同瑩傾計，死啦！我唔記得o係個裙袋度拎番盒潔口片呀！！
我驚會融哂呀！點算呀！
完

>>January 10, 2005 at 8:56:27 PM GMT+8

2005 年 1 月 9 日 星期日 【乍雨乍晴】

今朝７點，個電話響，醒左 ~ 今日凍左好多！梳洗.....８點，食早餐，有粥、炒麵、珍珠雞！
好飽！食完，去康樂館坐左陣，去打網球！原來好難打嫁！睇網球王子就睇得多，
真係好難接！打到成身汗！去K房搵阿媽，其他人點左好多楊千嬅！不過個D人全部都唔識！
１２點，去營舍執好哂D行李，去飯堂食飯，有魚香茄子、排骨、西芹炒牛肉......食飽，
去影全體相.....上車！回家去！尋晚太夜訓，今朝太早起身，好眼訓！我由上車到落車都o係
度訓覺！！！番到屋企，都係得２點，開錄左既２００４年度勁歌金曲頒獎典禮！！＞＜
Joey拎左好多獎呀！！不過有幾個比楊千嬅拎左！激氣！不過講到最受歡迎女歌手，楊千嬅
行開啦！梗係Joey拎啦！！！！＞v＜愛死她！實力稱霸！夜晚，去新北江食飯.....

完

>>January 9, 2005 at 9:04:53 PM GMT+8

2005 年 1 月 8 日 星期六 【颳風】

今日朝早同琪o係度玩MSN D Game！玩左成朝，１２點幾，食完飯，去集合入camp，上左車，
聽MP３聽到落車，去到麥理浩夫人渡假村，介紹營地，去營舍擺低D野，間屋o係咁多個
廳最大的！之後去左打羽毛球，打左陣，見到有人攀石，自從 I s 旅行後有陰影，唔敢玩！
諗住玩繩網，但冇人講解，唔比入，５點，去禮堂玩私人醒，７點，好野！＞＜終於BBQ啦！
我等左好耐呢！個爐好矮，好可愛呀！燒南乳雞翼！正！燒到１０點幾，番營舍沖涼，
等家姐訓左，去左人地間房鋤D！玩COM棉胎！玩到２點，番去訓覺，教左個電話７點響，
如果唔係，聽朝冇早餐食呢！
完

>>January 9, 2005 at 8:54:58 PM GMT+8

2005 年 1 月 7 日 星期五 【颳風】

今日好似暖左好多，起身已經冇震啦 ~ 今日考作文同聆聽，都冇乜好擔心...番到學校，
仲睇緊〔如果一天你忘了我〕，好睇呢 ＞＜ 睇完，兩本比哂紅寶....開考，我作左第一篇，
〔Walk for a Million〕，因為我覺得呢篇好似易D ~ 作到９點５，作完嚕 * * * 仲有１０分鐘！
訓覺......time up！put down all the pens！落去買野食，玩小食部個機，玩到差D hand機！
上到班房，已經派緊卷啦！！我地衝入去，好彩未開始！聽聽聽，開頭都講得好慢，但
天氣報告個度講得勁快，不過我得一個聽唔到姐 ~ １０點３５，停筆！放學，去左搵阿琪！
我地一齊番榮茵，搵契媽、張主任、老鼠、關老師.....開心爆！就係唔搵邵詠詩！呵呵！
之後，去KFC買左個９２蚊大筒雞食，食完玩汽水，講左勁多野！之後去阿琪屋企，玩Game！
３點幾，阿媽打黎，去姑婆度搵完佢之後，去行街，因為今日得番我同阿媽食飯，所以行夜D
都唔緊要，我地行完元朗，行新北江.....行到５點幾，去天耀買飯盒番屋企食 ~
聽日入camp啦！＞v＜興奮中！
完

>>January 7, 2005 at 9:34:01 PM GMT+8

2005 年 1 月 6 日 星期四 【乍雨乍晴】

今日考History，好多都係撞既 ~ 好多都漏空哂 ~ 放學，番屋企，玩左陣電腦，１點，
阿爸又話唔駛我湊曉彤，唉 ~ 玩電腦玩到４點幾，沖涼，食飯.....
聽日番小學呢！＞＜ 好興奮 ~
完

>>January 7, 2005 at 9:17:55 PM GMT+8